ОҚ ҚУШ--ӮҒЛИНГ ЙЕБ УРГА КЕТАР ҚИЗИНГ ЙЕБ ҚИРГА 2024

Tug'ilgan kun tabriklari uchun
t.me/AEZoza12
Yaraqlagan uylaring chang bo'lsa xam siqilma,
Ro'zg'oringda bir nima kam bo'lsa xam siqilma.
Tashvishlardan kunda bir jang bo'lsa xam siqilma,
O'g'ling yeb o'rga ketar Qizing yeb qirga.
Chaynayotgan noningni bolamga deb o'lasan,
Katta bo'lgach gap bilan bir siltasa so'lasan.
Bino qo'yma siylama ko'p o'ylama ko'rasan,
O'g'ling yeb o'rga ketar Qizing yeb qirga.
Qariganda g'alvani ko'tarolmas yuraging,
Qani Ota-Onalar suyanchiqing tirgaking.
Yotib qolsang og'risang kimga bo'lar keraging,
O'g'ling yeb o'rga ketar Qizing yeb qirga.
G'amni olsang ko'nglinga to'lib ketaverasan,
Oftob urgan maysadek so'lib ketaverasan.
Yuragingni changalab o'lib ketaverasan,
O'g'ling yeb o'rga ketar Qizing yeb qirga.
O'zini boqganing qolib bolasini xam boqasan,
Kuch quvvating borida xammaga sen yoqasan.
O'zing uchun bir bora chiqqanmisan boqqa san,
O'g'ling yeb o'rga ketar Qizing yeb qirga.
Uylantiru bolangni bo'lak qilgin uyini,
O'zi torsin ro'zg'orin, tashvishin, o'yini.
Ko'rib tursang bo'lgani sog' salomat bo'yini,
O'g'ling yeb o'rga ketar Qizing yeb qirga.
Tama qilsang bir nonni chimirlarkan qoshlari,
Sensiz pishib yiyilarkan yog'liqqina oshlari.
Yugurar oldinga og'rib qolsa boshlari,
O'g'ling yeb o'rga ketar Qizing yeb qirga.
Erini topganini o'ylab yer ekan bir ayol,
O'g'lini topganini o'ylab yer ekan bir ayol.
Bekorga aytilmagan xalq ichida bu maqol,
O'g'ling yeb o'rga ketar Qizing yeb qirga.
Mayli tushgan uyga yashnab yursin kelinlar,
Maqtab alqab duo qil yayrab yursin kelinlar.
Qaynonamas onam deb sayrab yursin kelinlar,
O'g'ling yeb o'rga ketar Qizing yeb qirga.
Yalab yulqagan uying kelinlarga qoladir,
Sendan keyin kim bilar ne kuylarga soladir.
Uyim bolam chaqam deb olaverma xavotir,
O'g'ling yeb o'rga ketar Qizing yeb qirga.
Mexnat qilding tolmading yetganicha imkoning,
O'zing uchun xam yasha g'animatdir xar oning.
Tog'larga chiq xavo yut jon jon o'zingni joning,
O'g'ling yeb o'rga ketar Qizing yeb qirga.
O'g'lilarda qo'sh ulov sen yurasan piyoda,
O'zlaridan ortmaydi moli bo'lsa ziyoda.
Bolam bolam deb nima ko'rding dunyoda,
O'g'ling yeb o'rga ketar Qizing yeb qirga.
O'lsang bolalaring xam qabirgacha boradi,
Aytchi unda sen bilan qay birisi qoladi.
Qiyomatda qay biri gunoxingni oladi,
O'g'ling yeb o'rga ketar Qizing yeb qirga.
Ko'ngling kimni hushlasa o'sha bilan suxbat qil,
Tikanlarga qarama gulga qarab roxat qil.
Asabingni qiynama yuraginga shavqat qil,
O'g'ling yeb o'rga ketar Qizing yeb qirga.
To'rt pul topsang yarmini keksalikka olib qo'y,
Yig'ib eski nimchani cho'ntakka solib qo'y.
O'n bola bir otani boqolmaydi bilib qo'y,
O'g'ling yeb o'rga ketar Qizing yeb qirga.
Qo'ling ishda va lekin RABBONADA bo'lsin dil,
G'iybat, xasrat gapni qo'y SUBXANOLLOH aytsin til.
Bu dunyoni nonin yeb u dunyoni ishin qil,
O'g'ling yeb o'rga ketar Qizing yeb qirga.

[@SuxrobMurodov-ly9tn]

Ота Оналарга бошим йерга теккунча таъзимдаман😢😢❤