Қысқы серуен керуені

Биылғы қыста Астана тұрғындары мен қонақтарын ойын-сауықтың түр-түрі күтіп тұр. Орталық көшелер ғана емес, Көктал секілді қаланың шеткі аудандары да қысқы серуенге арналған орындармен толықты. Таңғажайып ертегілерді еске салатын қалашықтар, мұз айдындары мен фото-аймақтар барлығы азаматтарға керемет көңіл-күй сыйлау үшін тұрғызылған. Қаланың 6 ауданында ашылған 60-қа жуық нысан қыс бойы үздіксіз жұмыс істейді. Солардың бірімен тілшілеріміз танысып қайтты.