La cambo me fai mau - cant tradiciounau

Aqueste cant es un cant prouvençau de Nouvé bèn couneigu. Li paraulo soun estado escricho pèr Micoulau Saboly.
Aquesto versioun es cantado pèr Truthful Fields.
Ce chant est un chant provençal de Noël. Les paroles ont été écrites par Nicolas Saboly.
Vaqui li paraulo (prouvençau):
I'a proun de gènt que van en roumavage,
I'a proun de gènt que van en Betelèn.
Iéu vole ana, ai quàsi proun courage,
Iéu vole ana, se pode camina.
La cambo me fai mau,
Bouto sello, bouto sello
La cambo me fai mau,
Bouto sello à moun chivau.
Tóuti li bergié qu'èron sus la mountagno,
Tóuti li bergié an vist un messagié.
Que i'a crida : Metès-vous en campagno !
Que i'a crida : Lou Fiéu de Diéu es na !
La cambo me fai mau,
Bouto sello, bouto sello
La cambo me fai mau,
Bouto sello à moun chivau.
En aquest tèms li fèbre soun pas sano ;
En aquest tèms li fèbre valon rèn ;
Ai endura uno fèbre quartano,
Ai endura sènso me rancura.
La cambo me fai mau,
Bouto sello, bouto sello
La cambo me fai mau,
Bouto sello à moun chivau.
Quand aurai vist lou Fiéu de Diéu lou Paire,
Quand aurai vist lou Rèi de Paradis,
E quand aurai felicita sa maire,
E quand aurai fa tout ço que déurai,
N'aurai plus ges de mau,
Bouto sello, bouto sello,
N'aurai plus ges de mau,
Bouto sello à moun chivau.