Ma’rifatparvar jadidlar

Qo‘shko‘pir tumani axborot - kutubxona markazida jadidchilar xotirasiga bag‘ishlab Respublika ma’naviyat va ma’rifat markazi tuman bo‘limi, tuman madaniyat bo‘limi, maktabgacha va maktab ta’lim bo‘limi, tuman favqulodda vaziyatlar bo‘limi bilan hamkorlikda “Ma’rifatparvar jadidlar” mavzusida adabiy - badiiy kecha o‘tkazildi.
Kechaga Qo‘shko‘pir tumani Favqulodda vaziyatlar bo‘limi boshlig‘i o‘rinbosari Sh.Maxmudov, 25 - son umumiy o‘rta ta’lim maktabi ona tili va adabiyot fani o‘qituvchisi Sh.O‘razmetova, UrPI talabalari hamda 25 - son umumiy o‘rta ta’lim maktabining bir guruh iqtidorli yoshlari taklif qilindi. Kechada o‘quvchilar jadidchilarning hayoti va ijodi haqida gapirib, ularning ijtimoiy - siyosiy, ma’rifiy harakatlari va o‘zbek xalqining eng zabardast, jadid vakillari haqida ma’lumotlar berdilar.
Tadbirda madaniyat uyi hodimlari, o‘quvchilar tomonidan ijro qilingan ona vatanni tarannum etuvchi kuy va qo‘shiqlar barchada vatanga muhabbat, ona vatanni asrab avaylash kabi tuyg‘ularni aks ettirdi.
Tadbirda taraqqiyot uchun kurashgan, turkiy tillarni rivojlantirishga, shu tildagi adabiyotlarni boyitishga, dunyoviy ilmlarni o‘rganishga chaqirgan buyuk siymalarni unutmasligimiz kerakligi, ularning xotirasi mangu barhayotligi yana bir bor takidlab o‘tildi.