秘景理魚門

拍攝位置鯉魚門
我一向認識嘅鯉魚門，去到天后宮就完結，因為細細個嘅時候嚟到呢個位置已經距離酒樓好遠，而細細個對天后宮更加毫無興趣，所以每次去到門口就冇再入去。然而，之前行杏花邨嘅海旁，望過對岸就發現天后宮之後尚有一啲村屋，去到尾仲有一個類似石礦埸嘅地方。是次影片就帶你去望一望。
從天后宮出發，柳暗花明又一村，喺天后宮側邊就有個出口可以去我未去過嘅鯉魚門。石礦場嘅指示非常清晰，其實相信唔少人都曾經到過。
入到去石礦場，其實除咗石礦場，嗰個位置上有一啲碉堡，當年用於鎮守鯉魚門呢個海灣。石礦場遺址環境清幽，海風連綿。正值芒草盛開嘅季節，唔少人搵攝影師入嚟影相。時間亦都接近日落西山，藍天、夕陽、芒草、巨牆、海、浪，夾啱時間仲可以睇埋日落先走。當日我就睇埋日落先走。
行完山、好攰，今日就講到呢度🙏🏻🙏🏻
2024Jan
#鯉魚門 #石礦場遣址 #藍天白雲 #夕陽海風 #新角度 #芒草 #日落 #幪面超人 #龍友
*如果有邊度想去，留言話我知啦，未敢應承一定去，但會盡量安排。