Könül Xasıyeva - Qayit gəl | Tənhalığın səsi

Xoşbəxtliyi səndə tapan ürəyim,
Çarəsizdir,tükənmişəm qayıt gəl.
Sənsizliyi kimsə bilməz mənim tək,
Yoxluğuna bələnmişəm qayıt gəl.
Bu gedişlə ümid yoxdur sabaha,
Bundan sonra çətin sevəm bir daha.
Gecə gündüz əl açmışam Allaha,
Yalnız səni dilənmişəm qayıt gəl.
Darıxmışam qalsa əgər düzünə
Üşüyürəm ayrılığın buzuna.
Sən ayaq basdığın yolun tozuna,
Su olmuşam çilənmişəm qayıt gəl.
Qəlbimi bürüyüb qaranlıq sükut
Ruhum tənəzzüldür,edibdir süqut
Gərək deyil mənim sevgimə sübut,
Yüz ələkdə ələnmişəm qayıt gəl.
Müəllif: Amid Fərəcov