“Opinion”, studentja publikon mesazhet me kryeministrin

Edhe pse kryeministri Edi Rama ditët e fundit ka zhvilluar takime me studentë dhe rektorë në ambientet e disa universiteteve, ata nuk kanë nguruar të largohen nga auditorët, pasi nuk kanë rënë dakord me kreun e qeverisë.
Por, Ana, studentja nga Gramshi, ka shkuar dhe më tej. Ajo i ka nisur një mesazh privat kryeministrit mbrëmjen e së mërkurës në orën 22:00.
E ftuar këtë të enjte në studion e emisionit” Opinion” në Tv Klan, Ana lexoi një pjesë nga biseda me kryeministrin.
Ana, studentja: Kryeministri po kërkon dialog, të na plotësojë menjëherë ato 8 pika. Le të hedhë firmën, por ai do të na përçajë në.
Blendi Fevziu: Mbase do t’ju dëgjojë?
Ana, studentja: Ai nuk di të dëgjojë, do ti dalë teka e tij.
Blendi Fevziu: Të ka ardhur një sms, çfarë, sms?
Ana, studentja: Po, lexoj sms e parë më ka ardhur në orën 22:01.
Blendi Fevziu: Pse ja nise?
Ana, studentja: Gjithë kot kohë ka thënë dialog dialog?
Një pjesë nga biseda e studentes me kryeministrin:
Ana, studentja: Përshëndetje ,zoti kryeministër, kaq e vështirë është për ju që të realizoni ato 8 pika?
Edi Rama: Prezantohu kush je dhe kë përfaqëson?
Ana studentja: Jam studente në FAU, nuk besoj se është e nevojshme të nxjerr dhe pemën familjare. Nuk përfaqësoj askënd, por vetëm veten time, si studente e revoltuar në të gjithë këto vite që vetëm keni ditur të zhvasni me vetëdije.
Edi Rama: Ti dhe kushdo mendon si ti, mua më merr të keqen “për zhvatjen me vetëdije” dhe paturpësia në lëshimin e këtij lloji të neveritshmë fjalësh, jo që nuk është argument, po flet sa për njëmijë fjalë për dembelizmin mendor që në mënyrë kaq spektakolarë është shfaqur gjatë ktyre ditëve.
Ana, studentja: Dmth, ne jemi dembelë në të menduar, për ju ne jemi veç sa “marioneta” që luhemi nga ato që janë mbi ne. Për ju ne jemi ngelësa mund të ma thoni pse? Jemi ngelësa prandaj nuk kemi kushtet më minimale si studentë të arkitekturës dhe detyrohemi të punojmë në ambiente alternative. Për këtë?
Edi Rama: Jo, s’mund të them asnjë gjë nëse nuk e tërheq atë togfjalëshin më lart dhe mos i fol vetës në numrin shumës sepse është një tjetër shfaqje e dembelizmit mendor.
Kjo është vetëm një pjesë nga biseda e studentes së arkitekturës me kryeministrin, Rama.