5 Ankesa pa përgjigje/ Elona Hoxhaj, i bën ‘block’ Tv Ora News, refuzon të kryej detyrën

#rtvora #orainvestigim #aksh #elonahoxhaj #MirlindaKarçanaj #akshi
Zhdukja e miliona eurove fonde publike duket se ka edhe ‘bekimin’ e institucioneve të cilat janë ngritur dhe paguhen nga taksapaguesit shqiptarë për të bërë transparencë me Autoritetet Publike.
Drejtoresha e Pergjithshme per te Drejtën e Informimit Elona Hoxhaj është bërë palë me institucine dhe ministri dhe refuzon në mënyrë të përsëritur të kryej detyrën.
Tv Ora News denoncoi ‘zhdukjen’ e 1.7 miliardë lekëve , që Agjencia Kombëtare e Shoqërisë së Informacionit i ofroi subjektit “Spot Communicatiuons” për të reklamuar portalin e- Albania. Drejtuesja e AKSHI-t Mirlinda Karçanaj ka refuzuar të japë informacion se si u shpenzuan këto fonde. Në këto kushte ne ju drejtuam Komisionerit për të Drejtën e Informimit. Eshtë tronditës fakti që drejtuesja Elona Hoxhaj behet ‘avokate’ e AKSHI-t duke ligjëruar paligjshmerine dhe duke mos marre asnjë masë për të na venë në dispozicion një kopje të dokumentacionit publik . Nje tjetër ankesë në lidhje me AKSHI-n Tv Ora News e ka depozituar ne 27.2.2022. Informacioni i munguar nga AKSHI ishte se ku përfunduan 2.3 milionë euro që ky institucion i ka kaluar kompanise ‘Spot Communication’ nga viti 2019 deri ne 2023.
Ne këtë rast situatën e mori në dorë Komisioneri Besnik Dervishi i cili thirri ne seance degjimore palët. Edhe pas kësaj seance komisioneri ‘dorëzohet’ dhe nuk i kthen asnjë pergjigje ankesës së Tv Ora News, madje refuzon të na vërë në dispozicion edhe audion e seances dëgjimore.
Ne bazë të ligjit çdo institucion publik dhe privat është i detyruar të bashkpunojë me Komisionerin për të Drejtën e Informimit duke i siguruar të gjithë informacionin që kërkon.
Nuk mund ta themi me siguri nëse AKSHI ka frikë nga transparenca , ose Elona Hoxhaj refuzon të kryej detyren, por fakt është se medias i refuzohet dhënia e informacionit.
Por duket se me pas kjo u kthye ne nje praktike pune nga institucioni i cili ka si qëllim bërjen e transparencës.
Këto janë edhe tre ankesa të tjera drejtuar Komisionerit per te Drejtën e Informimit të cilat nuk morën asnjëhere përgjigje.
Ashtu sikurse ligji e përcakton nëse Autoriteti Publik refuzon të japë informacin zyra e Komisionerit merr mase administrative ndaj institucionit me gjoba që varjojne nga 150.000 deri ne 300.000mijë lekë, por znj. Hoxhaj refuzon të ushtrojë kompetencat që i jep ligji, dhe jo vetem që nuk merr asnjë mase ndaj institucineve, por behet pale me to në paligjshmerrin e tyre.
Nje pyetje publike kemi për Drejtoren e Përgjithshme për të Drejtën e Informimit, sa vlen heshtja juaj Znj. Hoxhaj?
Për më shumë lexoni në: www.oranews.tv...
Follow RTV Ora
Website: www.oranews.tv
RUclips bit.ly/2sPcqj3
Facebook: / rtvora
Instagram: / rtvora