Stërvitja certifikuese Biza 2014

Website: www.mbrojtja.gov.al
Facebook: / ministriambrojtjes
Twitter: / minmbrojtjes
-----------------------------------------------------
Ka përfunduar me sukses stërvitja vlerësuese "Biza 2014", e cila pati si qëllim vlerësimin kombëtar të batalionit të dytë të këmbësorisë (b2k) të Forcës Tokësore, si njësi e deklaruar në "NATO Pool of Forces". Qëllimi i kësaj stërvitje është rritja e nivelit të përgatitjes së personelit, kompaktësimi i veprimeve në nivel nënreparti e reparti në kushte fushore, si dhe certifikimi i batalionit të dytë të këmbësorisë.
Në ceremoninë me rastin e Ditës së Vizitorëve të Shquar (DVDay) të stërvitjes, merrnin pjesë shefi i Shtabit të Përgjithshëm të FA, gjeneralmajor Jeronim Bazo, komandanti Forcës Tokësore, gjeneralmajor Zyber Dushku, atashetë ushtarakë të vendeve të NATO të akredituar në Shqipëri, si dhe përfaqësues të CUBIC.
Drejtuesi i stërvitjes, komandanti i b2k, nënkolonel Edmond Sardi, prezantoi para të pranishmëve objektivat, synimet dhe arritjet e kësaj stërvitjeje, e cila testoi dhe vlerësoi në terren efektivat e FA prej më se dy javësh.
Gjeneral Bazo në fjalën e tij vlerësoi rikthimin e vëmendjes tek stërvitja, si një hap cilësor që është ndërmarrë për të përmbushur jo vetëm detyrat e rrjedhura nga misioni kushtetues, por edhe në drejtim të arritjes së detyrimeve ndaj Aleancës. "'Train as you fight'" tregon rëndësinë e stërvitjes, sepse çdo pikë djerse e derdhur në stërvitje, shpëton jetë në rast lufte apo konflikti. Procesi i të mësuarit dhe të stërviturit është ciklik dhe nuk përfundon me mbarimin e një faze apo moduli. Pra edhe në këtë rast, përfundimi me sukses i kësaj stërvitjeje, nuk do t'u verë në gjumë, përkundrazi, do të shërbejë si një shtysë më tepër për t'u përballur me sfida të reja", ka theksuar gjeneral Bazo.
Për ndjekjen dhe zhvillimin me sukses të "Biza 2014" u ngritën ekipe vlerësuese dhe monitoruese, të cilët kanë ndjekur dhe vlerësuar stërvitjen sipas një matrice të veçantë. Procesi i vlerësimit është ndjekur dhe monitoruar edhe nga një ekip i NATO, me përfaqësues të Komandës së Forcës Tokësore në Izmir (LCC).
Në këtë stërvitje morën pjesë mbi 600 trupa, nga batalioni i dytë i këmbësorisë, batalioni "Komando", batalioni i Xhenios, Policia Ushtarake, ASNI, etj.

[@FIMusictelevision]

bravo shum kena prit per nje video PROFESIONALE te re ! te lutem boni me shum

[@albania100patriot.al.7]

1000 snajpera i duhen shqiperise dhe siguron kembesorine

[@sergiovisha]

Jemi ne meshiren e fqinjeve :(