МАКЕДОНСКИ ВИЗУЕЛНИ УМЕТНИЦИ: Елпида Хаџи-Василева

Со цел да се оствари континуитет во претставувањето на македонската визуелна сцена, КСП Центар-Јадро продолжува со нова серија разговори со македонски визуелни уметници и нивните дела изложувани на значајни изложби. Намерата е да се постигне поголема промоција како и генерациско поврзување што ќе помогне во воспоставувањето на континуитет и интензивирање на дијалогот на локалната уметничка сцена.
Првиот разговор од оваа сезона се одржа на 25 јуни 2024 година. Со уметничката Елпида Хаџи-Василева разговараше Ана Франговска, кураторка и историчарка на уметност.
Елпида Хаџи-Василева е македонска современа уметничка со исклучителна меѓународна препознатливост, која живее и работа во Лондон, Велика Британија. Дипломирала на Факултетот за уметност во Глазгов, скулпторски отсек, во 1996 година и магистрирала во истата дисциплина на Кралскиот колеџ за уметност во Лондон во 1998 година. Таа работи во различни медиуми како скулптура, инсталација, видео, звук, фотографија и архитектонски интервенции. Главниот фокус на работата на Хаџи-Василева е поврзаноста помеѓу истражувањето на спецификите на локацијата за секоја инсталација и науката, историјата, технологијата, заедницата, наследството, природата, пејзажот, екологијата и космологијата. Многу често работи со нетрадиционални материјали, користејќи специфични технологии на припрема на материјали, испитувани во лаборатории со научници и биолози. Препознатлива во стручната и нестручна јавност по специфичното користење на органски отпаден материјал во своите инсталации, со што го поставува транспарентно прашањето за одржливоста генерално, како и за споната естетика - етика во уметностa.
Елпида Хаџи-Василева беше поканета од Ватикан како дел од павилјонот на Светата столица, на 56-та меѓународна ликовна изложба, а ја претставуваше Македонија на 55-та меѓународна ликовна изложба, La Biennale di Venezia, во 2013 година.
Серијата разговори со македонски визуелни уметници е дел од Годишната програма на КСП Центар-Јадро за 2024 година, поддржана од Министерството за култура на Северна Македонија.
***
Elpida Hadzi-Vasileva is a Macedonian contemporary artist with exceptional international reputation, living and working in London, UK. She graduated from the Glasgow School of Art, Sculpture department, in 1996 and received an MA in sculpture from the Royal College of Art, London in 1998. She works in various media such as sculpture, installation, video, sound, photography and architectural interventions. The main focus of Hadzi-Vasileva's work is the connection between the investigation of the specifics of the location for each installation and science, history, technology, community, heritage, nature, landscape, ecology and cosmology. Very often she works with non-traditional materials, using specific material preparation technologies, pre-researched in laboratories with scientists and biologists. Recognizable in the professional and non-expert audience by the specific use of organic waste material in her installations, transparently raising the questions of sustainability in general, as well as the relation aesthetics - ethics in arts.
Elpida Hadzi-Vasileva was commissioned by the Vatican as part of the Pavilion of the Holy See, at the 56th International Art Exhibition, and represented Macedonia at the 55th International Art Exhibition, La Biennale di Venezia in 2013.

[@Spasoski]

Многу уживав во презентацијата. Браво за иницијативата.

[@nikolahn]

Se shiri na visoko nivo tvoreshtvoto 😳 odugovlachi 😳😳 so srpsko ch zboruva 😳😳😳