|| GUJARATI CHRISTIAN SONG|| દસ કુમારિકાઓ નીકળી ||ભજન સંગ્રહ ગીત . નં -૧૪૨||

#gujratisong
#jesussongs
૧૪૨ - દશ કુમારિકાઓનું દષ્ટાંત
ગરબી
કર્તા: કા. મા. રત્નગ્રાહી
૧ દશ કુમારિકાઓ નીકળી, ગઈ વરને મળવા બા'ર;
મળવા ચાલી સુંદર વરરાજાને.
૨ સહુ મશાલે લઈને નીકળી, થઈ વરને આવતાં વાર;
મળવા ચાલી સુંદર વરરાજાને.
૩ સહુ ઊંઘી ગઈ ઝોકાં ખાઈ, મધરાતે પડયો પોકાર;
મળવા ચાલી સુંદર વરરાજાને.
૪ હતી પાંચ ડાહી મહીં સુંદરી, તેઓ થઈ ગઈ તૈયાર;
મળવા ચાલી સુંદર વરરાજાને
૫ હતી પાંચ તેમાંની મૂરખી, ન'તું તેલ પાસે લગાર;
મળવા ચાલી સુંદર વરરાજાને.
૬ તેમની મશાલે હોલવાઈ જાય છે, મંડી વિમાસવા તે વાર;
મળવા ચાલી સુંદર વરરાજાને.
૭ ગઈ ચૌટામાં દીવેલ ખોળવા, વીત્યો વખત રહી ગઈ બા'ર;
મળવા ચાલી સુંદર વરરાજાને.
૮ આવી પાછી, જુઓ, સહુ બાળાઓ, દીઠાં બંધ કરેલાં દ્વાર;
મળવા ચાલી સુંદર વરરાજાને.
૯ રુએ, પોકારે સર્વ સુંદરીઓ, અરે પ્રભુ, તું દ્વાર ઉઘાડ;
મળવા ચાલી સુંદર વરરાજાને.
૧૦ પ્રભુ કહે, સુણો, સહુ સુંદરીઓ, તમે રહ્યાં ન કેમ તૈયાર?
મળવા ચાલી સુંદર વરરાજાને.
૧૧ હું તો પિછાણું નહિ, બાળા, તમને, તમે સદાય રહેશો બા'ર;
મળવા ચાલી સુંદર વરરાજાને.
#ભજનસંગ્રહ
#GujaratiChristianSong