أجراءات نقل ملكية سيارة وفقاً لآخر تحديثات لقانون المرور الجديد
HTML-код
- Опубликовано: 12 сен 2024
- خطوات نقل ملكية السيارة
لو معاك عقد مسجل والعربية مرور محافظة اخرى ؟
لو شارى بتوكيل والعربية مرور محافظة اخرى ؟
لو شارى بتوكيل والرخصة منتهية الخطوات المتبعة ؟
بارك الله فيه وجعله في ميزان حسناتك
شكرا يافندم على الدعوة الحلوة ويسعدنا استفسارك فى اى وقت
لو شاري توكيل والتوكيل ضاع الرخصه مسحوبه ومنتهيه ايه الحل
السلام عليكم ورحمة الله وبركاته. انا بعت تروسيكل وعملت نقل ملكيه الرخصه ساريه. وجت فلوس التأمين ايه المطلوب مني.
لو هستخدمه حبوب مع المينوكسديل هيجيب نتيجه وايه هى الجرعه شكرا لحضرتك مقدما
طب انا الرخصه بتاعت سريع بس موتوسيكل وانا من محافظه غير المحافظه للمكنه منها كده مش هاحاول لما ارجع للمحافظه القديمه
الرخصة لما بتتسحب بتروح على المرور الرئيسى للمحافظة مثلا
اتسحبت فى اسكندرية بتروح الاول على مرور محرم به بتفضل هناك ايام محدش راح جابها ودفع المخالفة ، بتتبعت للمرور التابع للسيارة( ملف العربية ) .
السن القانوني لعمل توكيل بيع توكتوك كام وان عندي ٢٠سنه هل ينفع
لو شارى عربيه ملاكي نمر زرقاء مرور بورسعيد ينفع تتنقل عادي القاهرة ولا بورسعيد بتبقى مقفولة على نفسها
جزاك الله خيراً
ازاي اعرف إن العربية عليها مخالفات ولو فى محافظه تانيه المتبع ايييه
وإياك الخير يارب ، ده لينك بتاع أستعلامات المرور تقدر تدخل بيانات الرخصة يطلعلك المخالفات
ppo.gov.eg/webcenter/portal/PPOPortal/pages_publicservices/trafficservices
وممكن تدفعهم عن طريق ماكينة فورى او عن طريق البريد .
هشتري عربيه فيها عقد بيع مسجل مصاحبه ما رضاش على عقد مسجل ينفع ينقل لي اسم العقد المسجل باسم الدين رسوم
السلام وعليكم انا لدي عربية بي مصر وانا خارج مصر ومقيم بشارقة كيف بي امكاني انقل ملكية للمشتري
حتروح السفارة تعمل توكيل بالبيع والشراء (صك وكالة) لحد من اقاربك من الدرجة الأولى ده أفضل حل ليك ، وبعدين الشخص اللى حضرتك عاملة توكيل يبيع بالتوكيل اللى انتا عاملة بس ضرورى يعمل عقد مسجل للمشترى وتخلى المشترى يوقع على العقد عشان تشيل مسئوليتك عن العربية تماما.
لو سمحت هو المفروض بيبقي علي البائع ولا المشتري العقد المسجل ؟
على حسب الاتفاق
لو سمحت من فضلك جوزى شارى العربيه من القاهرة واحنا من الفيوم بتوكيل وفات على الترخيص 8شهور والمرور اخدها بالله عليك تفدنى وطمنى
بآرك الله فيك
تسلم الله يحفظك
بالله عليك بالله عليك ترد عليا وتقولى
انا اشتريت تاكس بتوكيل ودفعت التأمين فى التأمينات هل لو نقلت ملكية اقدر انقل معاها التأمين ولا يبقى راح عليا ولازم ادفع تانى
حضرتك هي اسعار قطع غيار سياره شيفروليه افيو بكام بالتفصيل يعني التيل المساعدين علبه البيئه الشكمان
مش متابع حاليا أسعار قطع غيار الافيو حسأل باذن الله ورد عليك فى اقرب وقت حاضر .
الموضوع ليه علاقه بومديل العربيه وسنه التصنيع
بعتذر على التاخير فى الرد ، رسوم نقل الملكية فى المرور مش بتفرق ، فى الشهر العقارى وانتا بتعمل العقد المسجل بتفرق فى cc و وسنة التصنيع .
لو سمحت لو شخص اشتري سيارة نقل من شركه وتم سحب الرخصة وجواب التأمينات انتهي كيف يتم نقل الملكية
لو سمحت لو شاري بعقد مسجل او توكيل والرخصه كانت ساريه ومكنتش نقلت ملكيه اعمل اي بعد انتهاء الرخصه ف الحالتين لو تكرمت
حضرتك شارى بتوكيل ولا عقد ؟
طيب لو الرخصة لسه فيها سنتين وعايز اعمل عقد مسجل لنقل الملكية بس امشي بيها سنتين بنفس النمر ينفع ؟
لو رخصة العربية نفس المحافظة بتحتفظ بنفس النمر لو محافظة تانية لازم النمر تتغير .
طب حضرتك انا رايح اشتري عربيه و فيها رخصة سنتين ونص و توكيل واحد لما اشتري ايه احسن حاجة اشتري بيها توكيل ولا عقد مسجل و ازاي انقل ملكيه واستفيد بمده رخصة العربيه وفيه توكيل قبلي و ياريت حضرتك تنصحني وتفهمني عشان أنا تايهه
نصيحة مهمة قبل ماتاخد اى إجراء( لعدم ضياع حقك )
تاخد صورة الرخصة وتعمل إستعلام امنى ضرورى
مفيش عليها حاجة ( وقف ترخيص او مشكلة على المالك القديم).... يبقا تمام تتوكل على الله تروح الشهر العقارى مع البائع يعملك عقد مسجل ...وبعدين تروح المرور تنقل ملكية باسمك وحتستفاد بالمدة بأنك مش حتدفع التأمين والضريبة عشان حضرتك مدفوعين مسبقا حتدفع رسوم فحص وتشتري شوية مستلزمات وبس ، اى استفسار اخر ؟
لو تكرمت لو السياره لسه فاحصه ومجدده رخصه من شهرين هل بتنضاف المدة الباقية فى الرخصه للمشترى الجديد ؟ وهل لازم يعمل فحص جديد مع انها لسه فاحصه ؟ والبائع والمشترى اب وابنه يعنى نفس المرور
بتضاف يافندم المدة ، مادام فى نقل ملكية من مالك لمالك تانى لازم فحص يافندم .
طب انا معايا عقد مسجل و الترخيص هيخلص الشهر اللى جاى و تاريخ الفحص 2026 ، ايه اللى مفروض اعمله
حنروح المرور التابع لحضرتك لو العربية مرور محافظة تانية بالعقد المسجل ونخلص الإجراءات نقل الملكية ، لو العربية من نفس المحافظة بتاعت حضرتك حنروح المرور المرور التابع للسيارة المكتوب فى الرخصة ونخلص الإجراءات هناك بس .
بعد اذنك عايزه اعرف لو اشترينا سياره اجره ومعانا شريك هل لو كتبنا السياره باسمين وطلعت الرخصه بأسمين بندفع ١٣ الف ج مؤسسه
أنا معايا توكيل وعاوز اروح الشهر العقاري عشان انقل ملكية. هل لازم صورة بطاقة المالك القديم ؟ طيب لو أنا مش قادر أوصله الشهر العقاري مش هيرضي كدة ينقلي ملكية وأخلص عقد البيع؟
البيانات بتكون عندهم فى الشهر العقارى اللى معمولك فية التوكيل ، وانتا وحظك اوقات بيطلب واوقات لا .
انا اشتريت عربيه بتوكيل وفاضل شهر فى الرخصه ومرور مدينة تانيه بس فى نفس المحافظة هل عشان اسجل العربيه بااسمي العربيه لازم تتفحص تاني ولازم انقل على مرور المدينه بتاعتى وشكرا
حضرتك لازم ترجع الشهر العقارى تانى تعمل عقد مسجل وبعدين تتحرك على المرور التابع للعربية بما انك نفس المحافظة تكمل إجراءات نقل ملكية ولازم حتفحص عشان حضرتك بتنقل ملكية .
لو الرخصه من مركز ينفع اجدد من المدينه في نفس المحافظه
قناة متميزه تستاهل الاشتراك
يشرفني استفسارك فى اى وقت ويسعدني انضمامك للقناة.
شكراً لك اقسم بالله في سؤال بعد اذنك بعد لما ارفع بصمه واروح اطابق البصمه من المرور إلي انا شاري منو العربيه لما ارجع لمرور افحص تاني ولا اعمل ايه رد عليا بعد ازنك يعني اخش على الفحص ولا اعمل ايه
الشكر لله ويسعدنا استفسارك فى اى وقت ، الرخصة سارية ؟ حضرتك شارى بتوكيل ولا عقد مسجل؟
انا كده فهمت الله ينور عليك بس ممكن سؤال انا كده اعمل الإجراءات دى تمام بس ينفع اخلى صاحب العربية يعمل. مطابقة بصمة للعربية قبل ما اخدها ولا لازم اعملها انا
هى الرخصة انتهت يافندم ؟ ، لو مش منتهية مش حتحتاج صاحب العربية ، معاك العقد المسجل اتحرك على طول على المرور التابع ليك وكل الإجراءات حتخلص من المرور التابع ليك .
@@aboutexperience الرخصة منتهية من ست شهور والغربية مرور المنوفية وانا القاهرة
ضرورى يافندم تروح تجدد الرخصة عشان تاخيرك فى الترخيص ممكن ينزل قضية على المالك القديم بتبديد النمر ....
الخطوات :
لو معاك عقد مسجل حتتوجه للمرور التابع ليك عشان ترفع بصمة السيارة وبعدين تعمل مطابقة بصمة فى المرور التابع للعربية وترجع على المرور التابع ليك تخلص باقى الإجراءات.
ده بخصوص لو معاك عقد مسجل.
@@aboutexperience طيب ممكن سؤال ممكن اخلى صاحب العربية يعمل مطابقة بصمة للعربية على طول بصورة البطاقة بتاعتى انا ويبعتهالى بدل ما اروح انا علشان اختصر الوقت وشكرا لزوق حضرتك
يفضل ان حضرتك تروح بنفسك تعمل مطابقة البصمة ويسعدنا استفسارك فى اى وقت.
لو سياره مسلمه نمر قديمه و رخصه بايصال ١٠٥ هل ممكن المالك عمل عقد بيع في الشهر لشخص اخر ؟
السلام عليكم
انا بيعت سيارتى بموجب عقد بيع و لاكن المالك الجديد لم يتم نقل ملكيه السياره لة حتى الأن , ما هيا الأجراءات عشان اسقط اسمى من السياره بالنسبه للمرور؟
وعليكم السلام المشترى وقع على العقد المسجل فى الشهر العقارى ؟
@@aboutexperience لا انا بس اللى روحت الشهر العقارى يومها و خدت بطاقه المشترى فقط
متقلقش اكيد هو مستنى المدة اللى فى الرخصة تنتهى ويروح ينقل ، وطول ما معاك صورة العقد وصورة البطاقة بتاعت المشتري يبقا انتا فى امان لقدر الله حصل حاجة بتقدم الصور اللى معاك وانتهى ، وبعد كدة تبيع تخلى المشترى يوقع على العقد بحيث تخلى مسوليتك تماما ويكون مجبر انه خلال شهر يروح ينقل .
بعت السيارة وبعد انتهاء الرخصه مع البائع لم ينقل الملكيه ولا اللوحه المعدنيه ولا زالت ملكيه السيارة باسم البايع
حضرتك بعت بتوكيل ولا عقد مسجل ؟
بالنسه للسياره النقل الفان نقل من محافظه لمحافظه..مع العلم فيه عقد مسجل والرخص منتهيه من ٤ شهور..من تفاصيل وشكرا مقدما
لازم تطابق بصمة مادام الرخصة منتهية يافندم فى المرور التابع للعربية .
معي عربية معاقيين فكت حظر 5 سنين من أيام
وباقي في الرخصة أيام بسيطة
وجواب الرفع في طريقه للمرور بعد تحريكه من بورسعيد
عايز ابيعها لواحد
هل المعاق يعمل له عقد مسجل بصورة جواب فك الحظر وينقل المشتري من المرور اذا وصل جواب الفك ويرخص باسمه
ولا لازم اجدد انا ترخيصها اولا بعد وصول الجواب عشان يحذف من الرخصة كلمة حظر جمارك وأعرف أبيع ؟
الصح صاحب العربية ( ذوي الهمم )
عشان الدنيا متتعقدش ويلف فى دايرة مقفولة .
الجواب يوصل المرور يجدد سنة ويفك الحظر وبعدين يروح الشهر العقارى ينقل ملكية ويخلى المشترى يوقع على العقد المسجل عشان المشترى يكون مجبر خلال أيام ينقل الرخصة باسمة .
قصة مطابقة البصمة من المرور القديم لو الرخصة سارية اتلغي ؟ ده سؤال وتاني سؤال انا بسلم النمر في المرور القديم ولا الجديد
الرخصة سارية كل الإجراءات بتخلص فى المرور التابع ليك .
حضرتك سالت على اسعار قطع غيار سياره شيفروليه افيو
يعني عشان انقل ملكيه العربيه من البايع للشاري اي اكتر حاجه ابصلها وهل لازم الشاري يكون معاه رخصه شخصيه ولا عادي انقل ملكيه علي البطاقه
عشان تكون فى الامان قانونيا ، عقد مسجل ويوقع على العقد المسجل مشترى فى الشهر العقارى وكامل فلوسك تستلمها أثناء عمل العقد المسجل ، ومش ضرورى يكون معاه رخصة قيادة المهم البطاقة الشخصية او جواز سفر سارى .
قدامي عربية مستعملة بسعر كويس، ينفع اشتري العربية وأنا لسة مش معايا رخصة ولسة هتعلم سواقة؟
ينفع طبعا
جزاك الله خيرا..من فضلك انا بيعت عربيتي لشخص بعقد مسجل وممضاش عشان الرخصة لسه قدامها سنة هل انا كده علاقتي بالعربية انتهت رغم ان العقد اللي معايا المشتري مش ماضي عليه
شكرا على الدعوة الحلوة وإياكم الخير ، متقلقش مش معاك صورة ضوئية من العقد المسجل فى اى مشكلة بطلع صورة العقد المسجل عادى وبتقدمها ( فى نص فى القانون بيقول ان المنقول بيتم نقل ملكيتة بالتسليم يعنى بمجرد ماعملت العقد علاقتك انتهت بالعربية) ولو قلقان روح المرور واستأذن مدير الوحدة الخاصة بالعربية بأنك ترفق صورة العقد بملف السيارة .
ترد علي ياخي هل اقدر انقل ملكية السياره ومعا العلم أن مالك السياره بر للمملكه
اهلا بيك اخى الفاضل الفديو ده خاص بالقانون المصرى ، ولو استفسارك بخصوص إجراءات نقل الملكية وفقاً للإجراءات المملكة العربية السعودية فيفضل تكتب استفسارك كامل وانا حسائل صديق لية محامى يمكن يقدر يساعد حضرتك فى استفسارك.
من فضلك انا اشتريت عربيه بعقد مسجل من غير ما امضي مشتري ايه المفروض اعمله قبل انتهاء الرخصه مع العلم تنتهي ٢٤/١٠ يعني فاضل اربع ايام
يوم السبت بالعقد المسجل اللى معاك تطلع على المرور التابع ليك و تغيير الرخصة باسمك بس .
لو سمحت أنا اشتريت العربية بعقد مسجل بس ممضيتش مشتري و الرخصة هتنتهي في أخر شهر مايو ٢٠٢٤ ، ايه اللي المفروض اعمله و هيبقى مصاريف في حدود كام عشان اعمل حسابي
ممضيتش يبقا على نص شهر ٥ روح انقل ملكية عادى والمصاريف بتحدد على حسب cc بتاع العربية .
@@aboutexperience
تمام .. لو حضرتك عندك خلفية تكاليف نقل الملكية في حدود كام ممكن تعرفي و كمان الترخيص ، هي العربية ١٣٠٠ cc موديل ٢٠٠٩ ، ٤ سلندر
طيب لو سمحت استاذ الرخصة باقي فيها شهر وانا كمشتري مسافر برا مصر معي زي سنة لما ارجع وعربية كانت معاقين وخلصت 5 سنين ومفروض تنقل علي انا هل ينفع صاحب الهمة يعمل لي عقد مسجل بدون توقيع مني كمشتري في حضور أهلي وتفضل العربية سنة لما ارجع أرخصها ورخصتها هتنتهي كمان شهر ؟ ومفيش غرمات
بص يافندم
اسهلك خلى صاحب العربية يجددلك سنة وبعدين يعملك عقد مسجل مش لازم حضورك بس يفضل ان البطاقة بتعتك تكون مع أهلك لو سفرت .
اذا تكرمت شاري فيسبا وكانت رخصتها ساريه وانتهت عندي من ٢٠١٩شريها بتوكيل وعاوز أبيعها من غيرما اجدد ينفع الشاري بشتريها وهي منتهيه وباسم المالك الاول
خلى بالك عدم تجديدك للرخصة اكيد المالك القديم نازل علية قضية تبديد لوحات والله اعلم بحاله ، ضرورى تجددها وبعد التجديد بيع بعقد مسجل وخلى اللى شارى منك يمضى مشترى على العقد المسجل.
لو سمحت ينفع اعمل توكيل خاص باداره سياره لشخص وهو يقوم بالإجراءات نقل السياره من مرور لمرور اخر
بص يافندم توكيل ادارة ده بتعملة لشخص معين لقيادة السيارة ، اما بخصوص الترخيص بتزود بند تجديد وترخيص السيارة ونقلها باسمك للمرور المحدد وبتقفل التوكيل على كده .
عندي سؤال من فضلك
لو مالك العربيه القديم عليه مخالفات بس ظهرت اونلاين بعد ماسجلت اعمل فيها ايه ؟
كلها بتاريخ قديم وصاحب العربيه القديم هوا اللي متصور فيها
فى حل ودي وحل قانونى .
الحل الودي وده اسهلك بكتير تتواصل مع المالك القديم وتخليه يدفع المخالفات على فورى لو موفقش اتواصل معاية تانى و بلغك بالشق القانونى .
لو ممعيش صورة بطاقة المالك القديم ينفع اسجل في الشهر العقاري ب التوكيل ؟
هو يفضل انها تكون معاك عشان اوقات بيسالوا على صورة البطاقة وأوقات لا .
اشترى بعقد مسجل وبعدين انقل ملكيه فى المرور نقل الملكية كدا فى فحص من جديد ولا مجرد ورق
الفحص اجباري مع نقل الملكية.
يعني دلوقتي مش لازم اروح المحافظه اللي تابع ليها العربيه اعمل مطابقه بصمه ؟؟
طول مالرخصة سارية والملصق الالكتروني موجود ومعاك عقد مسجل كل الإجراءات حتخلص فى المرور التابع ليك .
جزاك الله خيرا ممكن استفسار اشتريت ملاكي بتوكيل باقي فيها رخصة سنتين مرور خارج المحافظة لوعملت عقد مسجل لنفسي ورخصت ونقلت ملكية تضيع السنتين
وإياك الخير يا رب ، أمان ليك تنقل الملكية فى أقرب وقت ومتقلقش المدة بتضاف على الرخصة ( بمعنى مش حتدفع ضريبة المدة اللى الرخصة سارية فيهم )
@@aboutexperience طيب انا موظف ينفع اسجل العقد باصغر طفل عندي ولا مش هتفرق
عادى حتبيع لابنك لو هو تحت السن القانوني حيتكتب اسمة على الرخصة بولاية والده ، ويفضل انها تكون باسمك مادام حضرتك المستخدم الاول للسيارة .
لو سمحت انا هشتري موتوسيكل فيه رخصه سنتين بعقد مسجل من فضلك ايه الإجراءات المتبعة وتكون مفيده ليا .
استعلام امنى عشان تتأكد ان مفيش مشاكل على الموتسيكل او صاحب الموتسيكل واكشف على المخالفات بالمرة فى المرور ، وبعدين خليه يعملك عقد مسجل واعمل عقد صورى بينك وبينه فى شرط جزائى و إن الموتسيكل مفيش اى عيب جوهرى او حادث يمنع ترخيصة وفى حالة وجود عيب يكون ليك الحق فاسترجاع الموتسيكل
لو هشتري متوسكل منتهي الرخصه من سنه
ينفع يسجلي في الشهر العقاري والرخصة منتهيه
ينفع بس لازم الأول يجيب من المرور ( شهادة بيانات موجهة للشهر العقارى ) وبعدين يسجلك .
انا شاري بتوكيل والرخصة قدامها 10 ايام وتنتهي ينفع اجدد علي اسم البايع من غير نقل ملكية ولا لازم اعمل عقد مسجل الاول
لازم يكون فى التوكيل بند تجديد والترخيص عشان تقدر تجدد باسم المالك القديم ، غير كدة لازم تعمل عقد مسجل وتنقل باسمك .
لو سمحت
انا شارى العربية بتوكيل من الشهر العقارى و الرخصه ساريه
و العربية مرور القاهره و انا مرور الجيزه
ممكن اعرف هعمل ايه بالتدريج
و شكرا جدا مقدما
حتروح الشهر العقارى تبيع لنفسك بالتوكيل (عقد مسجل)
وبعدين تروح المرور التابع ليك بالعقد المسجل تنقل ملكية وتاخد رخصة باسمك .
لو سمحت انا شاري العربية بتوكيل من معرض كان معاه توكيل هل لازم وانا بنقل صورة بطاقة مالك العربية ولا ايه لانها مش معايا
مش شرط لا يافندم بس حاول تخلص اجراءتك بدرى قبل انتهاء الرخصة.
من فضلك رد عليا ضروري ..
أنا لو معايا عقد مسجل ومأخدتش التوكيلات السابقة لحد مالك الرخصة ينفع أنقل ملكية من غير ما أحتاجهم ؟
الشهر العقارى عشان يعمل لحضرتك عقد مسجل بيشوف تسلسل الملكية من التوكيلات الى معاك وعلى أساسه بيديك العقد المسجل وياخد التوكيلات السابقة ، بتروح بيه ( العقد المسجل) على طول على المرور التابع ليك تنقل الملكية ، بس خلص نفسك قبل مالرخصة تنتهى عشان للاسف لو الرخصة انتهت بتلف كتير عشان تقدر تنقل الملكية العربية باسمك ، اى استفسار اخر ؟
دلوقتي عاوز اشتري مكنه و الرخصه ساريه
لو أنا نقلت ملكيه هلغي الرخصه السريه كده ؟
لو وقعت مشترى على العقد المسجل حيكون معاك مدة شهر تنقل فيها ملكية المكنة لو اتاخرت عن الشهر بتدفع ضريبة تاخير ، اما فى حالة لو عملت عقد مسجل من غير ما توقع مشترى بتستفاد طبعا من مدة الرخصة ...
معايا توكتوك ووهعمل عقد مسجل وعاوز اجدد باسمي بقي لازم اروح المرور القديم الاول ولا اروح بعقد مسجل ع المرور بتاعي انا
جزاك الله خيرا
وإياك الخير يارب ، بعتذرلك أنى معرفش إجراءات التوكتوك .
ربع نقل نفس الاجراءات
لو سمحت انا اشتريت سياره بعقد ومضيت مشترى والرخصة سارية حتى 2025/5 خطوات نقل الملكية فى هذه الحاله ومصير المدة المتبقيه فى الرخصة
لازم تروح تنقل ملكية خلال شهر من تاريخ امضاءك على العقد المسجل ، حتروح المرور التابع ليك تفحص وتنقل ملكية .
@@aboutexperienceطيب الرخصة لسه سارية القديم هيروح كده ؟
ولو مرحتش خلال شهر اية الي هيحصل
حضرتك مضيت مشترى ؟
انا شاري ب عقد مسجل والرخصة منتهي وانا عاوز انقل لازم العربية تروح المرور التابع ليه معا العلم مرور العربيه الخارجه وانا في جنوب سيناء
مادام الرخصة منتهية حيكون لازم تعمل مطابقة بصمة للاسف .
لو سمحت انا باشتري عربيه سوزوكي فان النمر بتاعتها نقل ينفع تتنقل ملاكي والرخصه منتهيه بقى لها سنتين
ربنا يبارك فيك وفي ميزان حساناتك
اشترت عربية بعقد مسجل بدون حضوري والرخصة سارية لمدة سنتين فهل يمكنني تاخير نقل الملكية في المرور حتي قبل نهاية الرخصة بشهر مثلا
سؤال التاني
هل يمكنني عمل توكيل لابني
بالقيادة والبيع لنفسه والغير وتجديد ونقل الملكية في المرور خالص التحية والتقدير
مادام موقعتش مشترى تقدر تنتظر إلى انتهاء الرخصة بشهر مع انى بنصح حضرتك تروح تنقل بأسمك افضل وكدة كدة انتا مش حتدفع الضريبة سنتين كل اللى حتدفعوا رسوم بسيطة ، ينفع يافندم تعمل توكيل لابنك بالإدارة و بالبيع لنفسة او للغير بالعقد المسجل اللى معاك .
ينفع اسجل العربيّة بتسرح سير
ممكن توضح اكتر استفسارك معلش عشان اقدر اساعدك .
لو سمحت دلوقتى لو انا معايا عقد مسجل والرخصة منتهية ، بس الرخصة المنتهية والترخيص الجديد اللى هيكون باسمى الاتنين فى نفس نقطة المرور ، هل كدا هيكون فيه مطابقة بصمة؟ ؟
لا متقلقش مادام العربية فى نفس المرور التابع ليك كل أجراءاتك حتخلص فى نفس المرور بس حاول الرخصة تخلصها قبل ما شهر السماح ميخلص عشان متدفعش غرامة تاخير .
انا معايا عقد مسجل ورخصه ساريه و هنقل في مرور ف تاني ف نفس المحافظة.. لازم اجيب شهاده بيانات من المرور التابع ليه العربيه ولا مش لازم و هل بتتطلع من اي مرور ،، ارجو الرد
شهادة البيانات بتتعمل فى حالة الرخصة منتهية وعاوز تنقل ملكية من توكيل الى ⬅️ عقد مسجل ، وحضرتك خلاص ناقل الملكية
وتمام التمام ، طلع شهادة المخالفات من اى مكتب بريد عشان الزحمة وروح على المرور التابع ليك على طول .
طيب لو معيش دلوقتي ٣٠٠٠ جنيه و الرخصه منتهية و مش ب أسمي، و عايز اخلص منها اعمل ايه ؟
خلى بالك دلوقتى لو مجددتش الرخصة خلال مدة معينة بينزل على المالك القديم قضية تبديد لوحات ده فى حالة لو انتا شارى بتوكيل ، فحاول تتصرف ففلوس وتخلص اجراءاتك على الاقل ادفع الضريبة سنة عن طريق فورى واجراءتك خلصها واحدة واحدة ، لو حتبيع على الحالة كدة لازم تجيب شهادة بيانات موجهة للشهر العقارى من المرور وتروح الشهر العقارى تنقل ملكية للمشترى ، ومعلش تعالا على نفسك وادفع على الاقل سنة ضريبة عشان المالك القديم مينزلش علية قضية .
ممكن زوجي يشتري لي سيارة وتسجيلها باسمي بدون حضوري
ينفع اة يافندم يخلى البائع يعملك عقد مسجل فى الشهر العقارى بدون حضورك بس لازم البطاقة الشخصية الخاصة بيكى تكون موجود وسارية .
اجراءات نقل ملكية لطفله عمرها اقل من اسبوع
ازاي وهل لازم شهادة ميلاد كمبيوتر
علشان شهادة الميلاد الكمبيوتر بتطلع بعد 40 يوم ولاده
بعتذر على التاخير فى الرد ، ممكن توضح الاستفسار اكتر عشان اقدر اساعدك ؟
العربية المراد نقل ملكيتها ورثة و لا لا؟ الرخصة سارية ؟
بعتذر على التاخير فى الرد ، ممكن توضح الاستفسار اكتر عشان اقدر اساعدك ؟
العربية المراد نقل ملكيتها ورثة و لا لا؟ الرخصة سارية ؟
ايه الاجراء لو صاحب السيارة، والدى اتوفى و بنحاول كورثة ننقل ملكية لاحد الورثة بموافقة الجميع، ما هو العمل
البقاء لله ، الموضوع بسيط
اول خطوة اعلام وراثة وبعدين الورثة بيروحوا الشهر العقارى و بيتم عمل عقد مسجل لاحد الورثة ، وخلى بالك من خطوة معينة قبل الذهاب للشهر العقارى الرخصة سارية ولا منتهية ؟
لو منتهية لازم تعملوا من المرور شهادة بيانات وبعدين تروحوا الشهر العقارى تعملوا العقد المسجل .
لو سارية تتحركوا على الشهر العقارى على طول تعملوا العقد المسجل وبعدين تروحوا المرور التابع ليكم تخلصوا الإجراءات.
@@aboutexperience valid license,, thank you so much
العفو يافندم و يسعدنا استفسارك فى اى وقت ، وحاولى تخلصى اجراءتك قبل انتهاء الرخصة عشان لو انتهت حتلفى كتير .
ينفع امشي بالسياره بشهاده بيانات ومحدش يكلمني
مينفعش لازم تمشى برخصة السيارة والرخصة الخاصة بيكى وتكون سارية .
السلام عليكم. حضرتك انا بعت تروسيكل من ٣ سنين اول مارخصت ع طول. بس من غيرعقود والا اي حاجه. الرخصه فيها ١٠ ايام. قال عايز أرخص. رحت معاه الشهر العقاري وعملتله نقل ملكيه. رحت سألت في المرور ع الترخيص قال المكنه عليها تأمينات وضرايب في حدود ٨٠٠٠ ج. ايه الحل بالله عليك.
وعليكم السلام ورحمه الله وبركاته
للاسف يافندم مفيش قدامك غير الحل الودي هو الاتفاق هو يدفع جزء وحضرتك تشيل جزء وتخلص من التامينات اللى على الماكينة وبعدين تعمل عقد مسجل فى الشهر العقارى الله يكرمك بلاش توكيل وتحتفظ بصورة العقد المسجل معاك .
@@aboutexperience لو عملت نقل ملكيه في السهر العقاري. لازم اعمل نقل ملكيه في المرور والا مش لازم
وينفع أوقف نشاط واسلم لوح ورخصه من غير ما اروح التأمينات والا لازم اخلص التأمينات الأول. وشكر لحضرتك
نصيحة لما تيجى تعمل عقد مسجل خلى المشترى يوقع فى الشهر العقارى كمشترى ، لما بيوقع كمشترى الشهر العقارى بيبعت ديركت على المرور وبيكون المشترى قدامه ١٥ الى ٣٠ يوم ينقل بنفسة فى المرور لو مرحش بينزلوا علية غرامة تاخير .
متنساش عقد مسجل ويوقع مشترى وشيل دماغك خالص من الماكينة احتفظ بس بصورة العقد المسجل وصورة بطاقته .
@@aboutexperience عملتله من اسبوع نقل ملكيه وخليته مضى مشتري. لو مرحتش انا التأمينات والرخصه انتهت العقوبه تيجي ع مين
@@aboutexperience لو سمحت رقم حضرتك ثواني بالله عليك
بالله عليك المشتري مش عاوز لتقل الملكية
خير ان شاءالله القصة اى فهمنى ...
لو سمحت العربيه مركونه بقالها سنتين ومركبتش الملصق الإلكتروني والرخصة انتهت شهر خمسه اللي فات وعاوزه انقلها للمرور التابع ليا عشان العربيه كانت ورثه وانا اشتريتها عاوزه اعرف ايه الإجراءات والغرامات اللي ممكن ادفعها واعمل ايه عشان انقل الرخصه.؟
بصى يافندم ياريت تتحركى بسرعة فى أجرءات نقل الرخصة لان للاسف دلوقتى اى تاخير فى تجديد الرخصة بيتم رفع قضية تبديد لوحات على المالك القديم ، وبخصوص الغرامة بسيطة حتدفع تلت ضريبة كغرامة تاخير حاجة بسيطة .
اول حاجة حضرتك شارى بتوكيل من الورثة ولا عقد مسجل ؟
السلام عليكم ممكن بعد ازنك ان شاري بتوكيل والرخصه هتنتهي في ١٢/١ ممكن اعرف ايه المطلوب علما بان مرور المالك للسياره غير مرور الشارى وهل اجبارى وجود صورة بطاقه للمالك عند التسجيل في الشهر العقارى عشان مش موجود معي صورة بطاقه وشكرا
وعليكم السلام
حتروح الشهر العقارى قبل مالرخصة ما تنتهى عشان لو الرخصة انتهت حتلف كتير فحاول تعمل العقد مسجل وتخلص اجراءاتك بدرى
1 حتروح الشهر العقارى تعمل العقد المسجل وحاول تجيب صورة البطاقة اوقات بيطلبوها فحاول تخلى البائع يبعتلك صورة البطاقة .
تعمل عقد مسجل وبعدين
2 حتاخد العقد المسجل وتطلع على المرور لو العربية عليها ملصق الكترونى كل اجراءاتك حتخلص فى المرور التابع ليك.
لو الرخصه ساريه وفى محافظه تانيه لازم شهادة بينات
لو الرخصة سارية ومعاك عقد مسجل على المرور التابع ليك على طول.
@@aboutexperience
اشكرك جدا يافندم
يشرفني استفسارك فى اى وقت.
بعد اذن حضرتك، انا نقلت ملكية بس مش عارف اعمل شهادة مخالفات لانه عنده مشكلة قضائية ، فمش عارف اخد شعادة المخالفات لانها موقفة ايه الحل علما باني انا اشتريت من سنة وفعلت التوكيل وبعت للنفس اليومين دول
للأسف للازم القضية يبت فيها ياما ترجع العربية وتسترد فلوسك .
بالله عليك عشان نفستي زفت
دلوقتي هشتري عربيه من المنصوره لاخويا في اسيوط واخويا بطاقته اسيوط الرخصه فاضلها شهر وتنتهي
انا عايز بقا الطريقه الصحيحه اشتري بتوكيل لاخويا يبع لنفسه وينقل ملكيه ويعمل كل حاجه بدون ما يروح المنصوره هل دا ينفع؟ في طريقه يعني اشتري بيها لاخويا واخويا يعمل كل حاجه في محافظهكته بدون الرجوع للمنصوره؟
الامور بسيطة خالص والموضوع مش مستاهل قلق بصى يافندم ، خلى مالك العربية يعمل عقد مسجل ل اخوكى بلاش توكيل إنجازاً للوقت ، النظام فى المرور بقا مميكن بمعنى طول مالرخصة سارية وفى ملصق الكترونى كل الإجراءات حتخلص فى المرور التابع ليه ... لو انتظر لحين الرخصة ما تنتهى حيلف كتير ومطابقة بصمة ....
لو انا في فترة السماح يعني الرخصة خلصت من كام يوم، امشي في الإجراءات كأنها سارية ولا منتهية ؟
بص يافندم الرخصة لما تنتهى المرور بيديلك سماح شهر تنهى الإجراءات بتاعت الرخصة فيها بعد الشهر بيوم بيدفعك غرامة تاخير ضريبة وتلت ، ويفضل متتحركش بالعربية عشان فى حاليا رادارات ممكن تنزل عليك مخالفة السير برخصة منتهية .
@@aboutexperienceلو سمحت ممكن رقم تليفون حضرتك ضروري
لو تكرمت انا بشتري من حد من ذوى الهمم عربيه فكه حظر ورخصتها ساريه المفروض أروح أسجل في الشهر العقاري وأنقل ملكيه والا لازم شهادة بيانات من المرور الأول علشان انقل الملكيه والغي لايقودها الإ مالكها مع العلم إنى عايز أنقل الرخصه من محافظه لمحافظه تانيه
بص يافندم أسلم طريق يروح المرور يشيل بند فك الحظر بمعرفته وبعدين يروح الشهر العقارى يعملك عقد مسجل ، ونصيحة بلاش سكة انه يعملك توكيل رسمى عام فى السيارات بدون تخصيص
واربط معاه كلام بعقد صورى ٥٠٠٠ مثلاً لحين انهاء الإجراءات فك الحظر وان شاءالله ربنا يقدملك الخير .
طب لو الرخصة سارية بس مرور محافظة تانية ازاي انقل الرخصة للمرور اللي انا تابع ليه
كل الإجراءات اللازمة حتخلص فى المرور التابع ليك طول مالرخصة سارية لو انتهت حتلف كتير... ولازم يكون معاك عقد مسجل وشهادة مخالفات من البريد .
انا السياره عندي كانت الرخصه معايا ساريه وكان معايا عقد مسجل روحت الشهر العقارى بعت لنفسي وجيت اروح المرور اعمل ذي ما حضرتك بتقول قالي لا لازم تعمل مطابقه بصمه والاجراءات القديمه دي مع ان الرخصه كانت ساريه وكل حاجه تمام
ما اعرفش الصراحه المشكله من المرور ولا ايه
يعني لازم بردوا
لو سمحت عوزة انقل ملكية عربيتي لبنتي وانا بجدد رخصة العربيه الخطوات ايه المرور جنبي وانا شاريه من المعرض زيرو
حضرتك العربية زيرو علقت نمر ولا لسة ؟
@@aboutexperience العربيه بقالها ٣ سنين معايا وشهر ٥ هجدد الرخصه
عوزة انقلها باسمها مع التجديد ايه اللازم؟
عقد مسجل من الشهر العقارى وبعدين تروحى المرور تنقلى ملكية العربية وياريت تكون الرخصة سارية بلاش حضرتك تنتظرى لحين انتهاء الرخصة.
@@aboutexperience الف شكر لحضرتك
العفو يا فندم ويسعدنا استفسارك فى اى وقت.
طيب الرخصه لسه فيها سنه ومعايا توكيل لوعملت عقدمسجل السنه دي هتروح ولا اعمل العقد قبل انتها الرخصه ب 2شهر. لو عملت العقد المرور هيحتاج شهاده بيانات فالترخيص الجديد او هيحتاج اي حاجه ليها علاقه بالمالك اللي القديم .
وشكرا
لو عملت عقد مسجل دلوقتى عادى وتنقل ملكية قبل ميعاد التجديد بأيام مفيش مشكلة ، بس الأفضل ليك روح انقل ملكية باسمك عشان دلوقتى لو فى اى مشكلة على مالك السيارة القديم ( جنحة- او ضرائب ) بيتوقف التعامل على العربية فأمان ليك روح انقل ملكية واعمل رخصة بأسمك .
طب أنا لو عملت عقد مسجل بس الرخصة بإسم صاحب العربية ماعملتش نقل ملكية و هأجلها شوية علشان تكاليفها ممكن امشي عادي بالعربية و الرخصة مش بإسمي ولا ماينفعش و يبقى لازم توكيل؟ و كمان لما اجي اجدد الرخصة لأن فاضل فيها شهر اروح أجددها بإيه؟ بصورة من العقد المسجل و رخصة العربية و رخصتي ولا صاحب العربية لازم يعملي توكيل ولا هتمشي ازاي؟ و شكرا جدا
رقم واحد بلاش توكيل البيع يتم بعمل عقد مسجل حيكون قدامك ايام قبل مالرخصة تنتهى تقدرى تنقلى الرخصة فيها باسمك بأصل العقد المسجل وأصل الرخصة ، وياريت تعملى إستعلام امنى على العربية فى المرور قبل الشراء .
@@aboutexperience متشكرة جداااا لحضرتك جزاك الله كل خير
@@mennagamal3762 وإياك الخير ويسعدنا استفسارك فى اى وقت
يعني ينفع اسجل العربيه بي اسمي ونا عندي 16 سنه ؟؟
ينفع باسمك ويتكتب بولاية والدك .
لو سمحت لو الرخصة منتهية من اسبوع فقط ممكن اسجل في الشهر العقاري بمعنى يوجد سماح لفتره مابعد انتهاء رخصة السيارة
فترة السماح خاصة بالمرور وليس الشهر العقارى ، ان لو الرخصة انتهت معاك مدة شهر سماح ترخص فية بس مينفعش تتحرك بيها لحين الترخيص لو اتاخرت عن الشهر بيوم بتدفع غرامة تاخير ضريبة وتلت ، انتا شارى بتوكيل ولا عقد مسجل ؟
أنا شاري بتوكيل شكرا جزيلا على الرد
العفو يا فندم ويسعدنا استفسارك فى اى وقت ، توكيل حتجيب شهادة بيانات من المرور وتطلع على الشهر العقارى تبيع لنفسك بالتوكيل وترجع تستكمل الإجراءات فى المرور .
سلام عليكم..لو سمحت انا معايا عقد بيع مسجل فى الشهر العقارى والرخصه منتهي من سنه وعايز انقل ملكية لازم اطلع شهادة بيانات للمرور بتاعت العربيه موجه للمرور بتاعتى ولا اروح اغير من غير شهادة بينات اروح بالعقد المسجل
وعليكم السلام
الخطوات بما ان الرخصة منتهية حضرتك حتتوجه للمرور التابع ليك ترفع بصمة وبعدين ترجع للمرور التابع للعربية تعمل مطابقة بصمة
وبعدين تستكمل بقية الإجراءات فى المرور التابع ليك.
لو سمحت هي شهاده البيانات بتطلع من اي مكتب بريد ولا لازم المرور؟
البيانات بتطلع من المرور ، المخالفات هى الى بتطلع من المرور او البريد .
@@aboutexperience شكرا لاهتمام حضرتك
العفو يا فندم ويسعدنا استفسارك فى اى وقت .
@@aboutexperience المخالفات بتطلع من البريد او المرور من المالك الاول ولا عادي لو انا اشتريت منه بعقد مسجل اطلعها
تقدر تطلعها من اى مكتب بريد فى الجمهورية او وهو بيسلمك العربية يعملك شهادة مخالفات بالمرة ... وخلى بالك مدة سريان شهادة المخالفات 14 يوم فقط ، وتقدر برضوه بالعقد المسجل تطلع شهادة المخالفات عادى ...
هاشترى موتسيكل رخصه ساريه هو مشترى من قريبه هو اول توكيل بس مش توكيل لا عقد مسجل يعنى هو معاة رخصه الموتسيكل باسم صاحبها وهو معموله عقد مسحل هل يبيع ليه بعقد مسجل ولا توكيل
خليه يبعلك بعقد مسجل وريح دماغك بدل ما يعملك توكيل وتكون مضطر ترجع للشهر العقارى تعمل عقد مسجل تانى خليه مشوار واحد .
@@aboutexperience معلش اسف رخصه منتهيه من شهر حضرتك معلش نسيت رجاء عرفنى
@@aboutexperience طب اخليه حضرتك يعمل ليه عقد مسجل شهر عقارى ونروح المرور وتخلي العقد واخليه هو يجيب ورقه بيانات ومخالفات ويجدد لي السنه وادفع له حقها والتوكل على الله وبعد كدا أبقه انا اجدد وتغير الرخصه مع العلم هو اسكندريه انا الجيزة
عشان يعمل لحضرتك عقد مسجل لازم يروح المرور يجيب شهادة بيانات وبعدين يعمل لحضرتك عقد مسجل ، او ممكن يجدد سنة وبعدين يعملك عقد مسجل .
لو مش معي فيزا ايه الحل
المخالفات حاليا بتدفع فيزا ، ياما عندى ليك طريق أسهل لو مش معاك فيزا تدفع المخالفات والضريبة والرسوم على ماكينة فورى وحتلاقى الرخصة جتلك على البيت ، بس لو عليك فحص ادفع رسوم ومخالفات وروح المرور بالايصالات و دور على مندوب فورى وحيكمل هو الدنيا معاك هناك .
لو اشتريت عربيه بعقد مسجل ومضيت مشتري والرخصه لسه ساريه
وال 30 يوم عدو ومروحتش نقلت في المرور كدا ايه ال هيحصل ؟
وسؤال تاني بعد اذنك
لو سبت الرخصة تنتهي ومسلمتش اللوحات للمرور
كدا قضية تبديد اللوحات هتكون عليا ولا على صاحب العربيه ال اسمه في الرخصه
بص يافندم بمجرد ما مضيت مشترى ، الشهر العقارى بيبعت للمرور بانك المالك الحالى للعربية ، واى تاخير بعد العقد المسجل اللى حضرتك مضيت علية بيوم بعد الشهر حتدفع غرامة ضريبة وتلت عند تجديد الرخصة حتى لو الرخصة سارية .
@@aboutexperience طيب لو روحت سلمت الرخص للمرور وقفلت ملف العربيه دي
لأنها عربيه قديمه وهتتباع خرده
هل هدفع غرامه برده ؟
الصح تسلم النمر ده افضل حل والمصاريف بسيطة بالمقارنة انك لو مرحتش حتلاقى نازل عليك قضية تبديد لوحات ومصاريف محامي وشغلانة .
موضوع بيع السيارات بتوكيل ومن توكيل لنوكيا خلق حالة من الفوضى المرورية في الشارع واحرام أصحاب السيارات وكثرة الحوادث وذلك لأن معظم سائقي السيارات يستندون إلى أن الرخصة ليست باسم سائق السيارة ورقم الهاتف ليس له واسم صاحب السيارة هو شخص آخر
اتفق معك الفترة اللى فاتت ناس كتير اتبهدلت من موضوع التوكيلات ، بس حاليا الوضع اختلف شوية الناس بقا عندها شوية وعى ، بمعنى قليل اللى بقوا يعملوا توكيل الاغلبية دلوقتى بيعملوا عقد مسجل .
الرخصة فاضلها شهرين وتنتهي وهنقلها بعقد مسجل للمرور التابع ليا هل لو عملتها الان الشهرين اللي في الرخصة هيروحوا عليا ولا بيتضافوا ع التلات سنين ترخيص المدة الجديدة ؟
لا يافندم مش حتستفاد بالشهرين بس يفضل انك تخلص اجراءتك قبل انتهاء الرخصة عشان لو الرخصة انتهت حتلف كتير فيفضل تبتدى تتحرك من دلوقتى.
@@aboutexperience جزاك الله خيرا
وإياك الخير اخي الفاضل
لوسمحت لو هشتري من معرض عربية مستعملة و المعرض معاه توكيل من صاحب العربية
اية الإجراءات الخاصة بنقل الملكية علشان اضمن حقي
خلى المعرض يعمل لحضرتك عقد مسجل فى الشهر العقارى وكمان يعمل لحضرتك عقد اتفاق ورقتين من اى مكتبة ويتكتب في العقد الصورى شرط جزائي ان ليكى حق الرجوع فى البيع فى حالة وجود عيب جوهرى يمنع ترخيص السيارة ... وقبل الشراء خلى حد متخصص يكشف على العربية كويس او خلى التوكيل يبص عليها او اى مركز متخصص ، وفى خطوة مهمة تانية للاطمئنان يعمل استعلام امنى للمالك القديم بصورة الرخصة فى المرور عشان دلوقتى لو المالك الاصلى علية اى قضية او مشكلة مع الضرائب بيتوقف ترخيص السيارة .
@@aboutexperience
جزاك الله كل الخير يارب
طيب ازاي اتاكد ان المعرض عمل استعلام أمني للمالك القديم و شهادة المخالفات ازاي بطلعها
وإياك الخير يارب ،ادفعى عربون بسيط للعربية و حد من المعرض يروح مع حضرتك المرور بأصل الرخصة وصورة التوكيل اللى معاه يعمل الاستعلام وبالمرة يعمل لحضرتك شهادة المخالفات.
معظم اللى بيشترى بيكون عنده حسن النية فمش كله بيعمل الاستعلام الامنى انا بعمله للاطمئنان مش اكتر .
@@aboutexperience
شكرا جدااا لحضرتك
العفو يا فندم ويسعدنا استفسارك فى اى وقت.
لو هشتري موتوسيكل في رخصه سنه وشويه ومرور غير المرور اللي انا تابع ليه وهشتري بعقد مسجل من توكيل هل هنحتاج المالك الاصلي اللي اسمه في الرخصه؟؟
وكمان بعد ما اعمل العقد المسجل كده هخلص كل حاجه من المرور اللي انا تابع ليه بس ولا هحتاج المرور التاني في حاجه؟
والمدة اللي في الرخصه دي هتتضافلي ولا كده هجدد ال 3 سنين كاملين؟؟
ياريت بس حضرتك قبل الشراء تعمل استعلام امنى فى المرور (ضرورى) ، لو التوكيل مكتوب فيه بيع لنفسه وللغير يقدر يعملك عقد مسجل على طول لو بند بيع لنفسه فقط حيبيع لنفسه (عقد مسجل) وبعدين يبيع لك.
طول مالرخصة سارية مش حتحتاج تروح المرور لو فى محافظة تانية وكل الإجراءات حتخلص فى المرور التابع ليك . لو الرخصة فيها سنة وروحت نقلت الرخصة باسمك مش بتدفع الضريبة متقلقش .
الاستعلام الامني ده ملوش علاقه بشهادة المخالفات؟
المخالفات تقدر تجيبها من موقع الوزارة من البريد من فورى، الاستعلام الامنى من المرور لمصلحتك بتضمن ان المالك القديم مفيش اى علية جنحة او مشكلة مع الضرائب بتمنع من ترخيص الموتسيكل عشان اى مشكلة جنائية او مدنية على مالك الرخصة الاصلى بيوقف التعامل على اى املاك ليه وحسباته فى البنك.
معلش هو واحد واخدها بتوكيل يعني الرخصه مش بأسمه
ف كده الاستعلام الامني ده المفروض المالك اللي في الرخصه هو اللي يعمله
ولا اللي هشتري منو بالتوكيل اللي معاه؟؟
ومعلش تعبتك معايا❤
مفيش تعب ولا حاجة ربنا يقدرني على إفادة الجميع ، سيبك من اللى شارى بتوكيل المرور ملهوش دعوة غير بالمالك الاصلى اللى الرخصة باسمة و بالأخص انه كمان شارى بتوكيل ، أضمن حقك واعمل استعلامك ضمان لحقك .
نفس الكلام ده اللي موتوسيكلات
نفس الإجراءات يافندم
لو عربية جديدة مترخصتش و عايز اعمل نقل ملكية من زوجتي لملكيتي عشان ارخص بأسمي ايه الاجرائات و الرسوم؟
لو العربية جديدة ولسة مستلمتش ورق العربية خلى المعرض يغير ورق العربية باسمك اسهل .
@@aboutexperience بيقولي اعمل نقل مللكية في الشهر العقاري مينفعش يغيره من عنده
بص يافندم المعرض ما بيصدق يبيع عربية فطبيعى يقولك ماينفعش عشان تغير الورق بياخد من اسبوع الى ١٠ ايام ، معظم المعارض بتحط بند انك لو غيرت الورق بتدفع غرامة ، ادفع الغرامة وخليه يغير الورق ، ولو حسيت ان الموضوع قفل خالص رخص العربية ٣ سنين واعمل عقد مسجل فى الشهر العقارى ومتوقعش مشترى وحتستفاد بمدة الرخصة وقبل ٣ سنين باسبوع روح انقل باسمك ، والف مبروك وربنا يجعلها مباركة يارب .
@@aboutexperience متشكر جدا لذوقك حضرتك و اهتمامك بالرد
الله يبارك فيك 💐
العفو يا فندم ويسعدنا استفسارك فى اى وقت.
لو سمحت أنا شارية بعقد و الرخصة لسه سارية و عرفت إني طالما محضرتش البيع مش لازم أروح المرور و أغير الرخصة هل الكلام ده صحيح ؟
و كمان لو لازم أروح المرور و أغير الرخصة و هي رخصة سنة لسه جديدة هل كدة هفقد المدة اللي فاضلة فيها و هدفع ترخيص سنة من أول ؟
شكراً لحضرتك
بخصوص سوال حضرتك :
فعلا مادام حضرتك محضرتيش العقد المسجل بان حضرتك موقعتيش مشترى فمش مطالب انك تروحى المرور الا قبل انتهاء سريان الرخصة بس لتسهيل الإجراءات على حضرتك لازم تنقلى الملكية قبل مالرخصة تنتهى .
وبخصوص المدة لو حضرتك نقلتى الملكية المدة بتضاف على الرخصة بمعنى مش بتدفعى ضريبة السنة الى الرخصة سارية فيها .
أنا شاري العربيه با توكيل وإلي أنا شاري منو مع توكيل من صاحب العربيه يعني الرخصه مش باسم الي أنا شاري منوا العربيه والعربيه مغيره ماتور والماتور مش مثبوت في الرخصه وانا اخت من الي أنا شاري منوا العربيه صورة الفراج الجمركي والفاتوره بتعت المحل قطع غيار والفراج الجمركي والفاتوره باسم آلي أنا شاري منوا العربيه. وشكرا لحضرتك
الرخصة سارية يافندم ؟ لو سارية ياريت تخلص أجراءاتك بدرى قبل مالرخصة تنتهى حتاخد التوكيل وتروح الشهر العقارى تعمل عقد مسجل ويفضل ان حضرتك يكون معاك بطاقة المالك القديم عشان أوقات بيطلبوها وانتا وحظك ، تخلص العقد المسجل وترجع تسال فى مرور العربية اذا كان ورق الافراج وصل ولا لا وتكمل الإجراءات الخاصة بنقل الملكية بعديها ...
@@aboutexperience ن
انا شاري بعقد مسجل والرخصة سارية وعلى مرور المعادي وعايز انقل الملكية واخليها على المرور بتاعي"مدينة نصر"
هل هحتاج اروح مرور المعادي لمطابقة البصمة؟
النظام الجديد المميكن طول مالرخصة سارية و الملصق الالكتروني سليم مفيش مطابقة بصمة وكل الإجراءات بتخلص فى المرور التابع ليك .
يعني مش محتاج مطابقة من المرور القدبم لكن اذا مسؤل البصمة اكتشف ان رقم الساسيه او الموتور مختلف عن المكتوب بالرخصة ايه الحل ؟
@azeemzahran2711 الرخصة سارية مش حتحتاج مطابقة بصمة وكل الإجراءات حتخلص فى المرور التابع ليك ، هو ديما الغلط نادرا بيجى ياما فى رقم الشاسية ياما الموتور بس يغلط فى الاتنين الموضوع غريب شوية ، لو تقدر تروح المرور القديم وتعمل تصحيح للرخصة
بعد الاطلاع على اصل الملف حيكون افضل ليك.
@@aboutexperience انا اكتشفت بعد الترخيص ان المالك القديم غير الموتور من غير ما بثبته في الرخصة وكمان ضيع الورق بتاعه ! هل في حل غير انك تشتري موتور جديد بورق جديد ؟
المفروض المالك القديم اللى غير الموتور بيكون معاه نسخة والمكان اللى شارى منه الموتور بيبعت ورق الموتور للمرور ، فالنسخة اللى معاه (المالك القديم) مش مهمة المهم رقم الصادر لو معاه رقم الصادر ، حضرتك تروح المرور تسأل على الورق وصل ولا لا وبس ، الورق وصل بيتحط فى ملف العربية وبيتثبت الموتور الجديد على الرخصة .
انا شاري عربية من محافظة تانية بعقد مسجل والرخصة سارية أروح المرور بتاعى علطول اخلص إجراءات نقل الملكية وتجديد الترخيص مش هيطلبوا منى مطابقة بصمة من المرور التابع له السيارة
وما هى الاجراءات لنقل الملكية والتجديد في المرور بتاعى وشكراً؟؟؟
مادام معاك العقد المسجل والرخصة سارية ، حتروح على طول على المرور التابع ليك مش حتحتاج مطابقة نهائي ، لو لقدر الله انتهت حتلف كتير . اى استفسار اخر ؟
هيخصل ايه لو سحلت باسمي في الشهر العقاري ومضيت وما رحتش سحلت في شهر ..هل لما اروح لقدام حيدعوني وهل الرخصة هتتلغي ولا ايه النظام ..ولو ما ممضتش علي العقد السمحل في الشهر العقاري عشان في رخصة وعايز استفاد بيها وهروح انقل قبل ما الرخصة تنتهي ..الغرامة ايه ؟
مضيت مشترى لازم تروح المرور خلال شهر وقبل ماينتهى تروح تنقل باسمك والا حتدفع غرامة ضريبة وتلت حتى لو الرخصة سارية ، لو ممضيتش مشترى حتستفاد بمدة الرخصة وقبل ماتنتهى بايام روح انقل باسمك.
ولو بنقلها وهي مسلمة نمر