【哲學係咁傾】ep. 17 明星生活真係好ＸＸ｜嘉賓：Serrini（梁嘉茵）
HTML-код
- Опубликовано: 22 май 2022
- #Serrini #明星 #追星 #哲學
周圍都係，周圍都係，究竟啲 fans 同明星係乜嘢關係？
近年，明星充斥著這個城市。然而，明星到底是怎樣的一種人呢？我們的社會又需要明星嗎？追星對一個人而言又是好是壞？這些問題都值得我們認真思考。
今集就請來 Serrini 這顆星跟大家談談明星文化。
主持：
楊俊賢（柏林洪堡大學／倫敦國王學院博士生）
關灝泉（香港中文大學哲學系博士生）
鄺雋文（牛津大學博士生）
嘉賓：
梁嘉茵 Serrini（歌手／製作人／香港大學博士）
特別鳴謝眾籌的贊助者與一直支持我們的會員。
日常動態 ➤ IG：bit.ly/2IljkYo
睇片自毒 ➤ RUclips：bit.ly/3m19Foo
閱讀文章 ➤ Website：bit.ly/3GosY5d
支持荼毒室、同我哋哲學互動 ➤ Patreon：bit.ly/3m4dGIS
豬文今集個角色其實係重要架wor，有好多問題係現存又少拎出黎討論，好正。真心，唔覺得有得罪人。
pls don’t follow/like me if u r creepy/唔好笑, just walk pass thank you verli much
睇完首播嚟留言。
其實豬文唔使驚俾人屌，我自己睇就覺得豬文講嘅嘢好有啟發性，而且引人反省。
我哋唔應該將自己嘅人生寄託俾明星，但係好多人都做唔到，呢個係明星文化嘅其中一個問題，豬文有帶出呢件事，而且表達方式都冇咩問題，我本來以為會嚴重到滅室。
成集氣氛都好好，mami超正！
ps所以係邊三個字好串
get a life
X佢主要係話佢爭野講、唔俾人講，有冇啟發性無關
@@jollyso8243 問題系觀眾仲意豬文講野，所以佢點講都冇問題
好似話好串既三個字係英文尼， 我估係get a live 55:00
豬文應該係驚依度大家會誤會，以為佢屌晒所有好鍾意佢既室友都係on9
@@jollyso8243 其實我覺得上次俾人屌係因為嘉賓講嘢講得少，而且上次討論嘅話題就係需要講返劇情，可能嘉賓講兩句又要補多幾句實際例子，聽落就講好多嘢。
雖然今次豬文都一樣係咁補充/回應，但係嘉賓講嘢體感上多咗，所以大家覺得冇問題。
(記返秒數就唔清楚今次同上次嘉賓邊個講得多嘢，所以我話體感，應該關氣氛事)
啟發性係我睇完嘅第一感想，其實同佢俾人鬧就冇咩關係。尋日夜晚神智唔太清醒，睇返都覺得打嘅嘢好答非所問😂
btw thx reply
鹽叔好靚✨✨可摸耳每集都化妝～
正
唐鳳鹽
小樺姐～～～
😂
😆
好鍾意anti-role model, anti-stardom 個point!! 因為Serrini 會成日講佢嘅boundaries, 同埋積極推翻好多唔make sense/fatphobic/父權/oppressive嘅言論，成功改變人哋對佢嘅rules of engagement + expectations- 呢種公共教育對於年輕女性爭取權益嘅發展好重要✨
個段最清楚易明
有關立場既強烈程度：
一直聽豬文講既立場，都覺得偏向全稱。
係一 d 好難 defend ，而容易有反例同修正既立場。
譬如今集講 stardom 同 fandom ，都偏向以完全 negative 既角度去講。
鹽叔同白水就偏向去修正，同講返 d positive。
Serrini 就用個人經驗去講返 d 實際操作既細節。
我自己就好欣賞豬文呢種風格。
係容易有 haters 好似講到一 d 反例。
特別係，可能只係講一 d 你其實諗過，只係節目時間或文章篇幅唔夠去仔細講既點。
但你強烈立場本身係體現一種勇氣。
我自己覺得種勇氣好值得欣賞。
好欣賞好欣賞種勇氣。
喺呢個時代反省明星&造星&追星文化好重要，呢集值得睇呀
Ps白水條辮紥得好靚，全部人個妝都好靚 come on it’s 2022 stop gender stereotyping be open and embrace beauty ^^ 多謝Serrini同荼毒室帶頭打破社會常規
呢集唔算，要佢地出街 都肯貼星星先算，哈哈～ 雖然我覺得嚴叔會肯～
好開心荼毒室討論呢個話題。我自己本身有追星，而且某程度上都係為咗麻醉自己先去追。但入坑耐咗，就開始見到好多我唔理解嘅現象︰
❶fans覺得偶像鏡頭前嘅形象都係真實嘅佢，更極端嘅甚至會覺得佢只有呢一面。
❷有啲fans覺得偶像係完美嘅，唔容許任何人批評佢，甚至只係批評佢表演時嘅服裝、造型而非佢本人都有機會被人鬧。
❸有啲fans過度擔心偶像嘅發展同待遇，成日覺得佢好慘，就算見到偶像發佈好消息，都會馬上往負面角度去諗。
❹有時講一啲個人主觀嘅感受，可能同活躍群嘅想法相違背，就可能被佢哋覺得係針對偶像、係黑粉。
呢啲現象令我開始諗到底fans係咪一定要對偶像有無條件嘅愛(Unconditional Love)先算係fans呢？自問自己嘅愛未夠深，所以我好少自稱fans……
我覺得唔係做明星要考牌，係追星要考牌。時刻保持清醒理智就唔會有咁多奇怪嘅思維。
3:18 主題
4:29 Serrini 得獎感言重點
5:08 一·明星是什麽
10:00 paused
Francesco Alberoni (Powerless elite)
宗教/政治領袖：有人群注意，有權力
明星：同樣有人群注意，沒有權力（not within the institution）
不可以再看了，要去做portfolio，希望一個禮拜後記得回來！
這集這個TOPIC好有趣，作為一個追星追左差不多10年嘅人應該有點發言權：
1）追星係其中一種令自己開心的行為，就係咁簡單，做人開心最緊要啊嘛
2）追星係自我療愈嘅一種，有好多人系鍾意追星這件事而不是有幾鍾意追緊這個星。所以其實重點都係為自己，譬如為偶像整應援這點，出發點都係來自於滿足自己某種需求，並不是所謂嘅盲目付出
3）明星肯定有社會責任，做得明星SIGN 得CONTRACT開始就預左會有責任。而且資本社會，明星賺的錢系平常人幾倍，背負社會責任系應該的，就好像大家都會覺得富豪需要付社會責任一樣
荼毒室就真係用緊哲學approach去探討追星既本質，Mami個approach反而似比較psychological或individualistic咁去分析(似counseling)，所以好似有時會傾唔埋lol but anyway Mami作為明星去發言都係好support到一啲理論，以當事人身份出發，令到個討論再貼地啲，同埋Mami本身真係好好笑，氣氛好好🤣好鍾意呢個配搭~ 同埋都真係令我諗通左一啲之前solve唔到既問題!! 例如之前真係會唔明白，究竟明星有無責任去做一個role model。睇完好多反思，好感激🙏
好似聽緊董事會開如何造星大會 ❤️🔥好正
個個造型都好青春 😳係serrini 上黎，先有得睇👀可遇不可求
有關人性：
1
我自己覺得豬文係好理想主義，而對人有大 d 既希望，所以都因為咁，而無咁體諒到人性非理性一面。
相對於鹽叔，我覺得鹽叔係較體諒到人性中非理性既部分。
我自己唔係覺得鹽叔啱而豬文唔啱。
我自己覺得，佢地都係叻既人，而叻既人有唔同價值觀，去講唔同既意見，對聽者就會有唔同既營養。
只係想講，我自己覺得，豬文喺咁既前提，對大多數人嚟講，可能會覺得豬文既意見要求太高，而聽者會覺得自己被片。
而都因為咁，豬文會可能覺得成日有 haters 鬧自己。
不過我自己覺得，豬文呢種對人性，特別係理性方面有高既期望，呢點係重要、有價值，並且喺好多 haters 反對下，係更有重要理由要存在。
2
豬文話擔心自己講既野會 hurt 親有心既室友。
我自己既感覺係：
聽過你好似某段 live 講過，自己係 social energy 偏低，成日已讀不回人地，連 fd msg 都唔想覆既人？
唔係無心，而係有心無力。
只係對 TDS 太保會特別用力去回應同相處，但咁係極少數既特例。
我自己感覺，你係個尊重他人獨立同獨處，都希望他人尊重你既獨立同獨處既人。
你會想喺思想上帶俾人啟發同反思，但討厭人，就算係室友，去對你既立場依賴，盲目認同。
感覺上，你今日如果有片中室友，片中既，都只係唔了解你既室友。
咁佢地就算有心，佢地都係抵片。
抵去因為唔真正了解你而被片。
而佢地被片，都係好，甚至係必要既學習經驗。
室友你呢個cm好fandom 😂
都係，不過我自己心底又唔係完全 buy 豬文既立場同觀點，又自覺唔係 passionately 撐既個種 fans 。
豬文研究莊子，但我自己覺得豬文幾儒家。
譬如對藝術，喺我理解下，好似有啲重視以文載道，要求好既藝術要對生命或世界有啲有用既影響？
同時幾重視治國、平天下。
呢啲點或價值，唔係我自己會首要地認同，但幾欣賞有人會咁去作為立場。
譬如我自己係咪落入左一種反思不足既 fandom 而不自知，呢點我都唔確定。可能係都唔定。
但 live 聽豬文有啲傷心失意，有啲自我懷疑，呢啲位我覺得可惜，而會想表達一啲支持。
講得好好同埋好熟識豬文呀！😄 更點出咗我會對豬文感到唔舒服嘅位（利申很愛他，但有時仍感到他太harsh）原來係咁！
所以有時聽到「別分那麼細」嘅時候，可能會好銀耳，但其實究竟fan屎唔fan屎係咪真係咁重要？
其實我一開始cm你嘅句子，可以係苛刻。縱使你唔「認識」豬文，但你又幫手解畫，咁又有咩問題？ 我地用我哋得到嘅（有限）資訊理解完某樣嘢，去作出判斷，支持或反對，根本就係好平常嘅事。
講到尾係要對自己誠實，知道自己做緊咩。
例如唔好話自己追星就係拯救緊「世界」
好正好正好正呢集💗
love it, 一d 廢話都冇。好值得傾既topic
本季！勁有心！ 一路無題過咁低調 讚
今集好正! 追住首播睇, 今集view數上升快咗某程度應該係明星效應加持
有學識又咁風趣又咁串，欣賞
有學識嘅流行明星特別charm! 梁博士!
好高質, 真心正.
今集既color palette 勁靚～*
句句都好精彩!!! 👍🏻👍🏻👍🏻
有梁博士呢集即刻變咗直播feel
意念上明星一定話你知佢經過一啲嘅努力先成就而家嘅自己，某程度上你亦會被Empower到原來可以同佢一樣，多多少少都推動個人追求一定嘅目標；而實際上追星嘅過程必然會做一啲你以前未做過嘅嘢，而喺過程中會令你突破你自己過去嘅一啲生活嘅經驗同習慣，或者學習一啲新嘅事物，eventually 會做就更好嘅自己，以前追韓星有人學識韓文、搞免費翻譯資源、學美術剪片同組織活動。in general,無論和程定結果都喺better self
我都係傾向你呢個睇法，唔認為真係好似全部人都係淨係盲撐，好多時d fans都係透過追星呢個興趣去參加多左d活動，當然如果個明星識得去叫d fans唔駛亂洗錢就最好啦，例如我見宜家有d mirror fans好似會用佢偶像既名去做義工／捐錢之類？呢d做法我都覺得幾正面，同埋好似同我以前年代既追星方法唔同既野。
不過過左學生時期好耐，身邊冇左d真fans既朋友觀察唔到d真實例子，如果有現在式既fans朋友希望見到你地分享下睇法。
@@CathChan yesss, 同埋追星文化喺會互相影響，而家都有鍾意下明星，但無真喺瘋狂追，以前自己追韓星追咗好一段時間，試過唔比屋企人知自己去第二個地方睇演唱會，行程自己安排，搵路，學識草錢，學識自己解決問題，講緊15歲，又要小心唔好比人呃；同埋韓星追星文化會送米花籃，米會捐比有需要嘅人，應援方式更多樣性甚至帶埋入嚟港澳，而家應援見到有應援車，團隊應援食品，關懷身邊嘅人；我仲記得有幾個同學為咗追韓星最後真喺憑努力考咗韓國好出名嘅大學㗎。
呢集好正
又話豬文今集好串，令佢驚左好耐既，我睇完覺得無乜野炸喎，全集氣氛都好好，大家都好開心，跟本唔洗驚。
之前comments 主要話佢爭野講，一日到黑話「俾我講埋先」
問題在於「補充」啊室友，文仔自己都知
41:28講嘅野好明顯講緊香港天團所以驚？
雖然好串 但係唔洗驚嘅原因係：嗰班fans唔會睇呢啲要思考嘅channel 因為佢哋就係唔想諗嘢 投放自己人生去天團就得
@KK C 此言差爾，我意外地發現在Ig上跟我一起圍爐追天團的朋友都有看TDS😆
這一講播你們發揮特別耀眼的光芒，重要的性格象徵特質才能給予大多人肯定。現在我們的年青人可以勇敢地自我閃亮的。努力！無論任何投下你們的理想，生活順利。💖
自從睇你地嘅片先開始反覆提問嘅思考模式, 多謝
今集要俾個讚化妝師先, 反串男女角色上感覺好好, 亦都有做明星嘅感覺 (特立獨行/我行我素)
Mami個坐姿都好有霸氣, 似男生
種種表徵都好俾到觀眾投入感, 睇落都賞心悅目d
理論嘅野唔識太多, 只係觀察到呢d, TDS俾心機
Serrini is so articulate and hilarious, she's a fantastic guest.
睇live以為豬文講左咩不得了嘅引戰話題，但我覺得講得好學術好有啓發性，無咩值得擔心啵。
精彩！
會自我實現的人自然會得到啟發然後自我實現。只作麻醉的人可能亦只會無論如何都不會有什麼行動，我覺得最少他們被娛樂了開心了，也沒有比他本來差了。
好想聽多一期哩個主題啊，Serrini同荼毒室嘅碰撞好有意思
CLS end credit見到扭計骰😍😍支持試當真👍👍支持荼毒室💪💪
👍👍Serrini 個氣場真係好勁👍👍
好正呢集呀！係十幾年前，我都係一個追星族。好純粹咁為個明星做website搞活動識朋友，個個時間好開心㗎。而家我就成為一個web designer，老實講我真係因為追星做website從中拎到好大成功感，而決定做呢行。另外有一位小學同學因為追星而保持咗20年友誼，如果唔係一開始一齊追星我諗我同佢分開中學果時，就已經唔friend啦。
但我都好明豬文講果個啲唔好，因為我表姐就係不斷換偶像追星，追到就嚟40歲。都仲未拍拖又為偶像整公仔又印poster，就會覺得佢好似永遠圍住一個幻想嘅人轉。但佢又唔係唔努力工作，對屋企都好好，佢只係做佢覺得好開心嘅事。都無咩唔好呀～
其實人都係會想愛人，有時係現實搵唔到先會愛偶像填空虛，就算知係幻愛都好。但一搵到人生目標，自然就唔會追星，畢業㗎啦！我都好希望我表姐可以畢業～
有無睇過迪士尼套《靈魂奇遇記》，每個人既熱愛都唔同，自己開心和享受過就得。追星既人生都可以係畢業㗎，至少你表姐愛自己愛家人和愛偶像，又無傷害其他人，總好過錯遇渣男而亂結婚。單身有單身既快樂和苦惱。
因為追星學識左做website仲要做埋果行，真係好有成就感滿足感！
係！現實生活搵唔到愛或者空虛先會投放係個星到！
如果搵到既都唔會咁啦！😢
等於好多人鐘意打機，shopping,。。大家鐘意既野唔同姐！！
不過我都覺得唔可以長期唔理性地去追！
要充實自己生活！
未睇先俾like
之前睇明星文化同埋追星主要都係睇為一個sub-culture, 有一套獨有嘅language同behavior，甚至係同人文化入面嘅gender representation，又或者係討論明星同娛樂文化輸出嘅軟實力，好少會連到落資本主義同個人嘅empowerment。
每人都會有覺醒嘅moment, 豬仔放鬆d :)
😁😁😁有讚助
感謝一個好節目👍🏻深入討論是哲學的基礎。到了第三節傾向追星好與壞。
我自己有這樣的想法，認為四位主持缺乏了一個重點，就是moment to moment 的啟發，追星者做出如印海報嘅動作，究竟對內在有沒有幫助呢？其實情況有如不同宗教需要念經和祈禱的道理也是一樣，都是自發性去做的。別人看似沒有用的東西其實當中得到的啟發往往比第三者看見的高，這個方法也希望得到主持人的回覆😊
鹽叔真係好溫柔好gentlemen😍 要追鹽叔了
上次有幸俾哲學明星豬文點燈開心左十日，所以想再自HIGH 下：
1. 我覺得呢個時勢仲 D9 人追星有啲HARSH，人就係有啲時候需要呢啲，就好似你地食煙飲酒咁
2. 作為同樹妮妮同月同日生日既人黎講，瘋狂CLS 毫無保留咁鍾意一個人真係一件超級無比幸福既事
3. 其實如果淨係想用作品說話，咁唔應該搞簽名會，你本書咪已經係個作品，點解要上升到真人呢，咪就係你地都係人地粒星囉，唔係點解要你地啲墨寶，利申想要4 哥簽名。
4. 其實點解你會覺得會去追電車嗰啲人，佢既人生目標就係追架電車呢？我識好多真係唔係，咁當然有啲平凡人，唔追星咪追名牌，一定有呢啲人。
5. 啲FANS 應該有自己既人生目標，唔係搵個明星去代你去實現，所以你簽完名影完相就好躝啦，仲同我討論咩人生方向，你要為你人生負責任，get a life，咁你咪即係LABEL 自己係明星囉，認啦，好無 ～～
6. 其實唔覺得你地真係唔支持追星，只係唔支持追某啲你地覺得好DISGUSTING 既人啫，是咪 ？
LAST BUT NOT LEAST, I LOVE 荼毒室 。。。
正🤗
今集好inspiration 好似媽咪講有d似湊仔 作為新手媽咪好有感 可能真係要從湊仔中to be a better person
我覺得重點响D盲毛度。 好多人都好需要明星， 如果唔係日子會很難過，人需要投入一D野或揾D野俾自己沈迷，除左可以Gossip可以圍爐，亦可以逃避思考「意義」或「存在」嘅問題。
梁博士🤍祝妳在發源地飲多d書，作多d歌！要多啲post近況啊😭
兩姊妹都好靚
期待快啲上Spotify🙏🏻🙏🏻🙏🏻😅😂
太認同豬文了. 歸根究底, 人心寂寞, 需要寄託
梁博講咗好多次 “開心就得架啦” !!!
要令自己活得好係自己嘅責任
追星開心咗但之得唔到啲咩就係一件壞事？
It's so interesting 😂😂
食雪糕開心咗但會肚痛變肥係雪糕生產商嘅責任嗎？
I come to see Serrini.
有無人讚下服裝化妝髮型， 好好 👍👍👍 多謝贊助商
服裝真係唔錯，幾清新
Artiste = 明星藝人
Artist = 藝術家
好好睇 , 會唔會有一集係講天賦
執佢地形象好好玩，導演製作團隊好波
serrini 好正, 可以請多集講吓女權主義
拍多個下集就好啦
樹打手全面進場🌳💃🏻👏🏼
Thanks
有關責任：
1
咩係道德？點先構成責任？
我自己覺得，道德似乎係一 d 唔需要制度，就存在既野。
人只係基於理性同對人性既理解，就區分到咩係啱，咩係唔啱，咁就係道德。
對道德有判斷，即有道德感，就唔需要制度，已經有相對於該道德既責任。
即，責任不必要制度，而只要有道德或道德感，就有責任。
2
我對豬文同白水既理解，覺得佢地係覺得：
明星對 fans 既實際生活有大影響。
明星不必有意地同意進入某明文制度，就已經會造成呢種影響。
只基於理性，而唔需要制度去指引，明星就應該會了解自己行為對 fans 既影響。
喺咁情況下，基於人應該為自己行為對他人造成既後果負責，咁明星就應該先於制度而有相應責任。
3
我對Serrini既理解：
就似吸引既人，被人單戀。
吸引者無意圖要害人，吸引者只係自己做自己。
單戀者自己不智地做出對自己有害既行為。
吸引者有無需要為自己既吸引，同他人既不智而負責？
似乎無需要。
明星同樣。
明星只係做自己，無論真誠地做自己，定為工作而扮演某形象，只要明星無心害人，咁明星就有自由並且無需要為自己對他人既影響負責。
4
我對鹽叔既理解：
(2) 同 (3) 都有自己理據。
但 (2) 係訴諸一種界定不明既道德同理性，嗰種直覺可能係人人不同，而難以釐清同得到共識。
(3) 既立場就過份自我中心。
所以要將責任立於有共識既判斷，就需要某種有共識既制度去界定。
個人道德觀唔係責任既充份條件，責任係社群具共識下既概念，而體現於制度。
5
我自己覺得 3 種立場既分歧在於：
i 有幾信，道德係一種客觀地存在，唔依賴於具體既個人判斷，而係有一個客觀既真相存在，等待被個人所發掘？
ii 喺個人自由同公利衝突下，邊一邊應該被首先尊重？
iii Intention 喺道德問題上有幾重要？
對於 3 個立場既性質，我自己覺得：
豬文同白水-- 道德客觀 + 公利為先 + 後果比 intention 重要
Serrini-- 道德主觀 + 個人自由為先 + 唯 intention 重要
鹽叔-- 主體間道德 + 以制度平衡個人自由同公利 + 制度會進行計算同判斷
好有火花
豬文同Serrini講既其實係同一樣野，只係唔同stage
如果追星係End of story，咁絕對係冇益；如果追星只係means of self actualisation, that’s great!!
明星現象自古以存在，將來也會有，至於是好是壞則非常個人
綜觀成集，整合出幾個討論點：
1. 追星是否好現實地改善緊fans嘅生活，背後嘅假設係人嘅最高追求係自我實現
2. 作為明星，是否需要引導人自我實現？要做到以身作則嘅程度？
3. 明星嘅存在是否必要？究竟係會神化人類定作為聖人般嘅榜樣？
4. 作為有實質影響力嘅公眾人物，明星是否需要被問責？如非強制，判斷其言行好壞嘅責任則落到民眾身上？
5. 呢點扯得遠d，明星同fans嘅界線喺邊？片入面有提及耶穌嘅裹屍布嘅例子，但其實聖經入面耶穌本人都好鼓勵人去接觸自己。例如有患病嘅人會捉住耶穌衫袖，甚至用頭髮幫耶穌擦腳，耶穌都好欣賞佢地嘅信心。究竟係人有呢種追求神聖/拯救嘅天性，定其實需要touchable嘅存在？明星係咪kind of扮演緊人嘅希望同救贖？不論形式，人需要超然嘅存在？
作為公眾人物，明星嘅影響力毋庸置疑；作為受眾，有幾多人意識到明星對自己嘅影響力？多謝荼毒室製作左今集，因為每個人都有被perceived既定立場，有d議題係現實同身邊人討論唔到嘅話題，需要第三方切入呢d咁重要但難開口嘅topic。
四哥帶到無比既狂喜畀我
👋總理
梁博士好勁
藝人有責任
好似每個職業都有唔同專屬責任
但有d星 係應該做自己 唔同於藝人
因為佢地係用個人魅力令自己被追棒
(當然魅力點形造 可能係marketing)
好似mami 咁講，點樣令人唔鐘意自己？
佢追棒係因為自己個人魅力 點解要因為人地鐘意自己而改變
社會唔會無明星
因為每個人都會心內覺得某一個人所展現ge 魅力好吸引
例如工作上都會覺得某同事好出眾好charm etc
娛樂明星 政治明星 學校明星etc
社會健唔健康某程度上真係靠自己點理解
有無批判性思考
呢種思考模式都係社會影響教育影響
好似mami 所講 北歐ge人可能唔太有咁強ge 明星效應
但某d 地方 因為社會影響 人ge 思考模式就有影響
唔完全係關粒星事
鹽叔越嚟越靚仔，係咪諗住行埋偶像路線
I m the next miss hk. I got the confidence and thick skin. ✌️I’m in my psychosis ✌️👍🤪
第一眼見到鹽叔個大頭，果個紅色眼鏡，真係按捺不住。
好
我存咗佢講個位其實係喺而家嘅頒獎典禮投票制度入邊其實已經反映緊個利弊，用一種類政治投票形式提升群眾參與，冇程度較深左大家嘅關注甚至給予左勝出者一啲特權例如曝光率，但同時都加深左當中嘅矛盾放大咗唔同嘢嚟睇，雖然可能有啲人話呢度係一個平台俾我哋認識多啲唔同歌手嘅歌，我覺得因為歌而去認識個人同埋因為個人而去聽佢嘅歌係有分別，特別當你去認識個人嘅時候只不過係透過一啲輿論道聽塗說，充滿主觀同埋失實，就會失去左透過作品去表達自己嘅本意，依種正正就係話商業化如何破壞一樣嘢嘅藝術特質同埋成份，已慢慢變成淨係追求量嘅娛樂化。
呢個完全係制度問題嘅points, 講唔係關政治投射嗰啲人，一係搞緊最大嘅政治，一係就愚昧
梁博士♥️
笑死 最後個嗚謝試當真好正
「鳴」
好好呀豬首領！唔洗擔心！
呢個捧星嘅態度會唔會都可以放喺啲家長到？家長好多時都會將自己人生投射落自己仔好到，無咗自己人生。到個仔女唔想活喺佢哋嘅「期望」之下時，啲家長就崩潰了⋯
Chaotic good
邊個做化妝？可以炒得。邊會咁化男人妝㗎？serrini 個妝就好正
Seems stardom also shares similarities of the production of art (cf. film award, etc.) : the jewellery sponsors and audiences also reinforce “star” to have more confidence to becoming a star
1:13:17 旋轉式roast model
產品也要有代言人，產品多好也要靠明星推薦
依家先睇到片
媽咪好有智慧啊
好正嘅討論~
但係討論到最後，問明星應唔應該為一些事表態或有冇其責任，
我覺得同佢本身究竟靠咩嘅方式搵飯食，例如以前一D明星好鍾意喺訪問、頒獎禮台上講人生道理，
但當有真正考驗嘅時候就龜縮，所以就會覺得佢哋之前好假，已冇誠信可言，甚至不想再聽他們以前的歌或回憶起以前發生過的事，覺得乜野都係假，以前只係靠包裝去呃飯食。
嗰種欺騙造成社會嘅創傷或不信任，佢哋係唔係完全冇責任？
一個人既謊言都可以造成社會既創傷，唔係恰恰證明左對明星過份既偶像崇拜，令佢地有過大既影響力？扣連返豬文話今時今日明星應該要考牌，換言之明星有咁大影響力，但係又冇足夠嘅道德反省能力做好，咁到底係明星不思進取既問題，定係群眾唔經道德就empower明星既問題？
@@ansontse7401 我只係講緊有靠掛上道德光環去發展事業的明星。係明星自己選擇做「聖人」嚟建立自己的形象，然後從中獲利，但後來社會有重要事發生的時候，卻默不作聲，與過去形象有所違背，所以這是欺騙，會令人覺得過去(扮)做好人是為了利益，今天選擇沈默也是為了利益，跟個人信念無關。
有創傷不等於過份崇拜或依賴，創傷是來自於背叛。以往之所以會支持那些明星，不只是因為他們有過人的演藝才華，還包含了他們的為人之道，是社會的模範。每個選擇都是有風險的，最終(無論好與壞)他們都要為當初的決定負責。
豬文是理想型，我卻不認為每一個公眾人物都要有責任教化或向大眾帶出一些正面的信息，有部分人的工作好可能只是想提供娛樂而已，不一定有什麼偉大的使命。如果你不喜歡、覺得沒有營養的話，那麼就選擇追蹤其他你認為有教化、有營養、對社會有益有價值的人吧。每個選擇都有得有失，而我相信的是一個有自由選擇的社會，所以豬文提出明星要考牌這個論點我是有保留的。
說少少題外話,如當一個人擁有某種權力及地位的時候,他反而放下或放棄其權力,去接近或服務群眾,而令其魅力及受愛戴程度升高,繼而令其更具影嚮力,而其影嚮力已超越其本身原先擁有的權力.如佛祖釋迦牟尼,又如周潤發,他放下明星這光環接近群眾,反而令他的光環更大更光亮.
我話豬文會比人賜毒酒是說笑加想增添氣氛、希望不要誤會 lol
Serrini 好正, 又勁 但其實我無聽過佢啲歌
豬文支持你♡
🤩
👍🏻
梁嘉茵 Serrini（歌手／製作人）差左個牌頭。
莫名其妙地被很多人喜歡，其實是很尷尬的
豬文做箭把好正 XD
要識得分「莊閒」🫶🏻🫶🏻
臨尾先精彩，但就收檔
今集個flow 好似有少少亂 冇平時咁清晰
支持。今次收音比較差
mamiiii