{علمني الغزالي}(05) كيف بدأت إسرائيل؟
HTML-код
- Опубликовано: 11 сен 2024
- تبدأ قصتنا سنة ١٨٩٧ .. بأول مؤتمر صهيوني عالمي اتعمل بهدف إقامة وطن قومي لليهود..
المؤتمر اللي اتعمل و الدول العربية و الإسلامية نايمة في العسل.. المؤتمر ماكانش سري..
و بالرغم من كده. تيجي تدور تشوف هل حد في العالم الإسلامي اتكلم عنه؟.. حد علق؟.. حد كتب مقالة؟.. طب بيت شعر حتى؟!.. ولا الهوا!..
طب حد اتكلم أو فكر حتى في حراك مضاد؟.. ولا الهوا!..
ماحدش في العالم الإسلامي كان مستوعب أو متخيل ايه اللي هاينتج عن الحراك الصهيوني ده.. و ان قد ايه مستقبل الأمة الإسلامية هايتأثر بيه..
ممكن حد يقول عادي.. كانت أيامها مجرد أحلام مالهاش قيمة.. حد كان يتخيل انهم هايقدروا يعملوا حاجة يعني؟.. خليهم يتسلوا!
يا راجل يا طيب.. ازاي يعمي و الاستعمار الغربي وقتها كان راكب و مدلدل رجليه على وادي النيل.. و باسط سيطرته على دول المغرب.. و بيدير قناة السويس لحسابه و حساب مصالحه عشان يأمن طريقه لممتلكاته في الهند و جنوب آسيا و الجزيرة العربية؟.
كان صعب يعني على الاستعمار اللي بلع كل ده في كرشه.. انه يقطع فلسطين من التورتة و يديها لليهود؟
المسلمين ماكانلهمش حجة ساعتها.. و دفعوا و مازالوا بيدفعوا التمن لغاية النهاردة..
و العجيب.. ان في أثناء الحرب العالمية الأولى. صدر وعد بلفور.. و بعد ما الحرب خلصت.. بدأت حرب تانية جوة فلسطين لتنفيذ الوعد ده.. و خطف فلسطين من الفلسطينيين.. و تسليمها لليهود..
و بالرغم من كده.. الحكام العرب في الحرب العالمية الثانية حاربوا مع نفس ذات الجزارين اللي احتلوا أراضيهم و قطعوها و قسموها مابينهم!
الدول العربية حاربت لحساب الدول الغربية! و كان التمن اللي قبضوه.. هو ان إسرائيل قامت في وسطهم زي الخازوق.. عشان ماتقومش للمنطقة دي قومة بعد كده.. و تبقى إسرائيل هي المتحكمة في شئونها فعليا..
و الى الآن.. الناس مش مستوعبة ولا فاهمة حجم المؤامرة اللي حصلت.. و اللي كان طرف فيها الحكام العرب ذاتهم..
يكفي عشان تتخيل حجم المؤامرة.. اني اقولك معلومة بسيطة جدا.. عارف هزيمة يونيو ١٩٦٧.. اللي بيدلعوها و يسموها النكسة؟
عارف الجيش الإسرائيلي كان قوامه كام مقاتل؟.. ٧٥ ألف..
طب حزر فزر الجيش العربي كان كام مقاتل؟.. أكتر من ٤ أضعاف!.. ٣٦٠ الف مقاتل..
تفتكر ايه اللي يخلي جيش ينتصر على جيش أكبر منه بأكتر من ٤ أضعاف في ٦ ايام بس؟
السبب ببساطة.. ان الحكام العرب كانت أولويتهم كلهم الحفاظ على عروشهم و السيطرة كمحتل داخلي جديد بدل المحتل الأجنبي على بلادهم.. فكانوا بيصرفوا على ترسيخ سلطتهم و تظبيط رجالتهم أكتر مابيصرفوا على تجيز الجيش.. في حين إسرائيل العكس.. الدولة كانت أولويتها ترسيخ جذورها كدولة في المنطقة.. فكانت بتصرف على الجيش قبل أي شئ..
و دي ببساطة كانت خطة الاستعمار..
للدعم على Patreon :
/ ahmedbehiry
الصفحة الرسمية لاحمد بحيري علي الفيسبوك
/ ahmed.behiry.the.page
الصفحة الرسمية علي تويتر
/ ahmedbehiry
اشترك في القناة لمتابعة الحلقات الجديدة
goo.gl/2KheJZ