{!علمني الغزالي}(09) بفلوسي يا كلاب

و نستكمل رحلتنا مع الشيخ الغزالي و كتاب الاسلام المفترى عليه.. و خلونا نتكلم النهاردة.. عن العدل.. و المساواة.. و الأخوة.. و ليه فيه ناس فقرا قوي.. و ناس أغنيا قوي.. و زثر ده ايه على الدين.. و الدنيا..
رسالات السماء كلها أكدت على ان البشر كلهم سواسية.. كلهم اتخلقوا من نفس الأصل.. و كلهم أبناء لنفس الأب.. و كلهم عليهم نفس الواجبات و لهم نفس الحقوق..
{يَا أَيُّهَا الرُّسُلُ كُلُوا مِنَ الطَّيِّبَاتِ وَاعْمَلُوا صَالِحًا إِنِّي بِمَا تَعْمَلُونَ عَلِيمٌ (51) وَإِنَّ هَذِهِ أُمَّتُكُمْ أُمَّةً وَاحِدَةً وَأَنَا رَبُّكُمْ فَاتَّقُونِ (52)}(المؤمنون)
و لكن.. التساوي بيقف عند دايرة معينة.. ماهواش مطلق..
لأن الناس مش نسخ طبق الأصل من بعض.. و لكنهم مختلفين تماما في ملكاتهم و مواهبهم..
و بالتالي.. بتختلف أجورهم المادية و كمان مكانتهم المعنوية بناءا على ده.. ده الطبيعي و العادي و دي سنة الله في الكون.
بس مع الاختلاف ده.. الكل متساوي من حيث الحقوق و الواجبات العامة.. و من حيث فرائض الدين.. و التزامات القانون..
الذكي مش من حقه انه يقتل الغبي مثلا.. ولا من حق القوي انه ياكل مال الضعيف..
الكل في المستوى ده.. اخوة.. الكل بشر.. الكل سواسية..
بالعكس.. الأصل ان القوي ياخد بايد الضعيف.. لأن لولا توفيق ربنا و أنعامه.. لا كان القوي هايكون قوي.. ولا الغني هايكون غني..
للدعم على Patreon :
/ ahmedbehiry
الصفحة الرسمية لاحمد بحيري علي الفيسبوك
/ ahmed.behiry.the.page
الصفحة الرسمية علي تويتر
/ ahmedbehiry
اشترك في القناة لمتابعة الحلقات الجديدة
goo.gl/2KheJZ