Eist Wëllt Lëtzebuerg 2017 Episod 3/7 - De Kammmolch

« De Kammmolch » ass déi drëtt Episode vun der Serie « Eist Wëllt Lëtzebuerg » déi nach bis den 28/12/2017 op RTL Télé Lëtzebuerg ausgestraalt gëtt.
Eng Initiative vum Ëmwelt Departement vum Nohaltegkeetsministère.
De Kammmolch ass eise gréisste Molch. Wéi all d’Amphibie verbréngt en een Deel vu sengem Liewen als Larve am Waasser. Spéider, als erwuessent Déier lieft ee vill u Land, muss fir d’Fortplanzung awer ëmmer nees a planzeräich Weieren an Dëmpelen zréck. Während der Fortplanzungszäit ass beim Männchen ee charakteristesch gezackte Kamp iwwert de Réck ze erkennen.
De Kammmolch ass seelen an et gëtt en virun allem am Süde vum Land, mee och deels am Éislek ass nach eng ganz kleng Populatioun iwwereg.