1972 жылғылар. 1989-2019жж. 1989 жылғы мектеп бітірушілердің 30 жылдық кездесуі. HD 720p

1989 жылғы мектеп бітірушілердің 30 жылдық кездесуі.
Отыз жыл, отыз жазың, отыз көктем,
Отыз жыл осы шақты жырлап өткем.
Отыз жыл, жатыр сонда бар тағдырым,
Қас-қағым болғандай-ақ зырлап өткен.
Күн келді түлек әні шырқалатын,
Тарихтан отыз жылдық нұр таматын.
Келді олар артта қалған балалықтың
Ән қылып көтерсем деп шырқап атын.
Тағдырын тура жазып өткеніне,
Келгендей бала кездің көктеміне.
Оралды олар, міне, ұстазына,
Оралды олар, міне, мектебіне.
Сағым жыл жанға алаулы жағар отты,
Олар да күні кеше бала бопты.
Бүгін де жігіттері әке атанып,
Қыздары сәбилерге ана бопты.
Емес пе ед кеше оларды бала көрер,
Өзгертіп уақыт та сала берер.
Есейіп, ержетсе де, ұстаздарға
Әлі сол түлек болып қала берер.
Осы ғой өмірдің де нандырмағы,
Жұлдызын жарқыратып жандырғаны.
Отыз жыл - отыз көктем, отыз жазда
Сан түрлі болды олардың тағдырлары.
Сан түрлі өтті олар өткелдерден,
Ызғарлы, өтті-дағы көктем күннен.
Отыз жыл ғұмырдан соң сағынышпен
Бас қосты сыр айтуға өткен күннен.
Тергендей бала шақтан дала гүлін,
Олардың ұқшы сырын дара бүгін.
Отыз жыл бұрын қалған осы жерде
Іздеп тұр олар қазір балалығын...
Тараз қаласы. 1989-2019ж.ж.