དཔལ་ལྡན་སྟོད་རྒྱུད་གྲྭ་ཚང་དུ་སློབ་དཔོན་ཟམ་གདོང་རིན་པོ་ཆེས་ཆོ་ག་ཕྱག་ལེན་སྐོར་གལ་ཆེའི་བཀའ་སློབ་བསྩལ་བ།

༄༅།། ཕྱི་ལོ་ ༢༠༡༢ ཕྱི་ཟླ་ ༧ ཚེ་ ༩ ནས་ ༡༤ བར་ཉིན་གྲངས་ ༦ རིང་གསང་ཆེན་དཔལ་ལྡན་སྟོད་རྒྱུད་གྲྭ་ཚང་གི་དགེ་སློང་ཡོངས་རྫོགས་ནས་གྲྭ་ཚང་གིས་བསླབ་པ་སློབ་གཉེར་སྤྱི་དང་ལྷག་པར་སྔར་སྲོལ་མཐོང་བརྒྱུད་ཀྱི་ཕྱག་བཞེས་ཆོ་ག་ཕྱག་ལེན་སྐོར་དང་། ཆོས་འཆད་ཉན། ཁྲིམས་སྒྲིག་ལམ་སོགས་ཀྱི་ཐད་མི་ཉམས་རྒྱུན་གནས་དང་ཉམས་པ་སླར་གསོ་གནང་ཕྱོགས་སྐོར་དམིགས་བསལ་ཚོགས་ཆེན་གྱི་དབུ་འབྱེད་དང་འབྲེལ་ཉིན་ལྔའི་བརྗོད་གཞིའི་སྙིང་དོན་དང་བགྲོ་གླེང་གནང་ཕྱོགས་ཐད་བདག་ཉིད་ཆེན་པོ་སློབ་དཔོན་ཟམ་གདོང་རིན་པོ་ཆེ་མཆོག་ནས་བཀའ་སློབ་ཟབ་རྒྱས་བསྩལ་བ།