الشاعر علي شاهين 🎴 الشاعر مرتضى الاسدي

#علي_شاهين #اشترك_بالقناة_وفعل_الجرس #دوس_لايك
القصيده كامله
الشاعر علي شاهين
ماينطلع بيك اعذرني دم مكتول
عليمن شايلك هم ذنب هم تكتل
وراسك ماحلف مو كلهه هيبه الرووس
براس الرمح لمن نحلف يفشل
ولا تتبعني اتيهك بيه مادليك
الرمل يدفن اثر خطوة المستعجل
وذا عاتبتك شيتغير بملكاك
تسحك ع الجثث وتفوت ماتجفل
كلتلي نريد نتواجه كحل ودموع
وكتلك وي سوادك بعد ماانزل
لا ينكسر قيده ولا تخف لحكام
من انواجه المسجون ش يحصل
اشك بيهه حرگ طبتك للبستان
جاي و مختنگ لازم جنت تشعل
المخليني ماافتح العذرك باب
ترجع من فواتح ناسنه تهلهل
بعدك تلتزم وي موعد الحطاب
ماخليت شجره بموسم تكمل
عود تريد تنصف من لزمت الفاس
ياهو مفهمك بكسر الغصن تعدل
يحز بگلبي اشوفك راية استسلام
المن مفتخر بالحرب متبهذل
و ذا كحلة عيونك بيهه تحجي الناس
بحياتك ماشفتلك موقف يكحل
احمل ماتبقى وارحل وابعد
راضي اهواي والخسرانه الك طايح
اخسر والله ليسهل
وعرفتك موزرع من اشتريت القوس
ذيج الكاع مو ضهري
بس حبيت فكرة بالسهم تشتل
لتحسبه فضل من عندي مازعلان
بهاي ايامنه البيهه الوداع اهواي
صار الموت ميزعل
جنت اداري رزقك هيبتك وياي
اي من جانبك تهتملي اعرف بيك
حتى اشوفلي شراي
واني تعلمتهن منك وحبيت
بس هالمره احسب اهواي
اضل مجتف ايدي
وعيني يم الناس
اشبه وكفت الجناي
ولادز الرسايل
بالطريق اضيع
خل الحجي يضل مضموم
مادام اليحبني
بگلبي يسمع جاي