#MM
HTML-код
- Опубликовано: 11 сен 2024
- #MM #700萬種生活 // 由16歲玩到40歲Cosplayer / 屋企變Cosplay製作工場 / 堅持親手造道具Cos衫24年 / 聽足咁多年批評已經聽化晒:未死先至做到世界冠軍!
在大眾印象中,Cosplay經常與性感掛勾,有關Cosplay的新聞圖片也離不開穿著性感、身材姣好的女coser,無他,夠吸晴嘛。走進香港動漫節會場,隨便與幾位Cosplayer聊天,你也不難發現不少Cosplayer對性感標籤大叫冤枉,強調Cosplay是「還原」動漫角色的行為而已,越似越好。
Cosplay(角色扮演)是Costume play的簡寫,是一種扮演成動漫、遊戲角色的行為。70年代,日本的同人誌活動中開始出現一些打扮成動漫畫角色的人。一位日本動畫家在1984年將這種行為定義為「Cosplay」,Cosplay這個詞語才正式出現。而在香港,Cosplay在90年代初才漸漸大眾化起來。
阿幽於1998年開始玩Cosplay,由16歲玩到今年40歲,總共扮演過300至400個角色。贏過七屆香港動漫節Cosplay比賽冠軍的她,在海外也曾獲取不少獎項,近年經常到荷蘭、馬來西亞、越南等地擔任Cosplay比賽評判和嘉賓。阿幽與同居Cosplay好友小藏將家中客廳變成Cosplay作戰場所。採訪時臨近動漫節,二人一放工便回家起勢車衫做道具,逢星期一約齊老友到排舞室準備Cosplay表演;星期六大熱天時跑到深水埗買布買材料。
也許有人會認為,Cosplay不就是穿起一套衣服罷了。從這兩位Cosplayer的日常生活中能感受到,認真地喜歡一件事物未必是輕鬆事,即使如她們所言,Cosplay是一種「做到仆街」的娛樂,二人也甘願自討苦吃、用愛發電。
█ 親手製作300多套動漫服裝道具
阿幽的Cosplay服裝和道具幾乎全由自己製作,坊間很多Cosplayer也一樣喜歡親力親為,所以深水埗便成為了他們經常去的地方。
在36度的大太陽下,阿幽和小藏來到基隆街。比起布行,排檔能散剪,價格亦較相宜,對於當年還是中學生的阿幽而言,確是「窮人恩物」。幫襯了二十多年,老闆娘一早知道阿幽用她的布料去製作Cosplay服裝,也大讚阿幽Cosplay經常「考第一」。
在淘寶還未盛行的年代,要不找代理商幫忙網購,否則,要製作一套服裝也總得親力親為 。阿幽做過最困難的是《天堂II》巴列斯的服裝,角色背後有一對翅膀,打橫張開後長3至4米,非常佔空間,花了共$5000製作。回想第一套Cosplay服裝,阿幽在香港買布,再跟媽媽到內地找裁縫製造。造了好幾件後,媽媽開始埋怨浪費金錢,她惟有自學縫衣服。如今淘寶上的Cosplay服裝、假髮、道具應有盡有,一件服裝價格大概四至五百元,阿幽感嘆跟買布的成本相差無幾,那為何還要堅持親手製作?「犯賤囉!」阿幽笑說。
█ 由返學玩到返工 租迷你倉放Cosplay道具
阿幽在醫院工作,小藏則是文員。想當年,二人放學一起造衣服,如今則是下班一起造衣服。她們的家早已被Cosplay用品侵佔每個角落, 除了一般動漫迷家中經常出現的玩具模型之外,還有假髮,大量布料、絲帶、鈕扣、珠仔等材料,而服裝和道具則儲存在家附近的迷你倉。
一打開迷你倉門,眼前盡是古靈精怪的道具:改裝過的玩具槍、 又長又笨重的刀劍、不同款式的鎧甲與頭盔,由下至上塞滿了數十呎空間。小藏嘆言,迷你倉租金貴,為了收藏漂亮的作品而每月交租其實「很戇居」,身旁的阿幽忍不住插嘴:「掉晒佢啦!」對於這些花盡心思製作的服裝和道具,阿幽顯得十分豁達,反問我們:「舊的不去,新的怎樣來? 」
█ 動漫節連續Cosplay五日、五個角色
多年來,香港大大小小的同人、動漫活動也是Cosplayer的聚腳點。疫情令這些活動近乎全部暫停,2019年後所有大學都禁止公眾內進,大專動漫活動可能要絕迹。難得一連五日動漫節,阿幽連續Cosplay五日、五個角色。
從前是Cosplay比賽參賽者的阿幽,今年擔任比賽評判。Cosplay比賽曾經叫「扮嘢王大賽」,「當時很多人不知道甚麼是『Cosplay』,所以比賽中我們要以『扮嘢王』自稱。」阿幽憶述,那個年代香港只有數百名Cosplayer,人人沒有假髮;沒有彩色隱形眼鏡,甚至沒有刻意化妝地Cosplay,十分隨意。今年動漫節則有約5000位Cosplayer登記入場,大家的打扮也比起往日更精緻。
Cosplay雖然未至於會忘記現實,但對於阿幽來說,這興趣能令她抽離現實生活,放下日常工作和苦惱。Cosplay早已成為阿幽的日常,即使以年月計算,確實為此興趣花去一大筆金錢,問到是否值得,阿幽理所當然地答:「值得,我只不過是將金錢轉化成喜歡的形狀。有一個興趣,能令自己那麼多年來都繼續喜愛的話,其實很化算 。」
策劃:黃曉楓
攝影:呂皓怡、許先煜、張志孟、潘志恆、陳港怡
剪接:呂皓怡
監製:林京賢
#動漫節 #動漫節2022 #動漫節cosplay
#動漫節2022香港 #Cosplay #cosplay2022
#深水埗 #黃曉楓 #MM_Apple #MillMILK
#ACG2022 #香港動漫電玩節 #動漫節 #cosplay #coser
立即成為 MM Member 啦,每月只需 HKD 40 咋!傳送門:
/ @mm.millmilk
*建議使用電腦或手機瀏覽器登記,因為目前無法經 RUclips APP 登記成為付費會員
____
MM Website: www.mill-milk....
MM Instagram: / mm.millmilk
MM Facebook: / mm.millmilk
____
CHUCKY|@chuckyching
/ chuckyching
PHOEBE|@phoebe.unprofessional.journey
/ phoebe.unprofessional....
ELAINE|@elaine_wow
/ elaine_wow
京|@phaedruslam
/ phaedruslam
KAREN|@karen__yukiu
/ karen__yukiu
MANYI|@manyishum
/ manyishum
SAM|@midwin_
/ midwin_
阿朗|@mm_longgg
/ mm_longgg
NATALIE |@nataliewwong
/ nataliewwong
APPLE | @apple.hiufung
/ apple.hiufung
可以堅持一個嗜好廿年以上,已經唔係一件簡單嘅事,而且喜歡到變作一種生活方式,回望亦覺得無悔,更加唔易。所以不用理會別人,繼續做自己就可以,人係為自己而活!
我作為一個本地資深嘅時裝設計師, 我夠膽講得幽幽係製衣技術(sewing, pattern making, 2d to 3d 嘅 design, fitting, Fabric 特性及應用) 都應該勁過好多製衣行內人仕
真係好高質👍🏻自己都係cosplayer,其實好佩服大家,因為做到自己既嗜好固然難得,同埋唔好以為 cosplay好容易整套衫戴假髮就得,所有你見唔到既野背後都付出左好多,時間/金錢/體力/手作/加工,仲有對角色還原果種熱誠同執著,完全代入左自己喜歡既角色,呢啲野係唔容易做到,不過可惜既係愈近代風氣愈差,去唔返以前大家咁純,真係為喜好而cos。
Balance真係由入cos到依家最憧憬既一班人,好尊敬佢地。
變是永恆....接受與否好(個人)亦即從前点点点才變遷到現在。
高質👍🏻👍🏻👍🏻
睇完忍唔住反思自己人生,愛過了什麼?堅持過什麼?又放棄了什麼?
呢集好好睇,多謝Apple & 攝影師帶我地了解。阿幽做佐好多人唔敢做嘅嘢,好成功,無因為人地批評就放棄。夠堅持,能夠每件衫都動手造,唔容易,值得尊重。Cosplay喺外國/日本好正常,香港人接受程度底之嘛。不過都好開心近年愈來愈多接受佢地
「未死先至可以做世界冠軍,你都退左圈收左皮咯,行開啦!」呢句由佢口中講出好夠資格兼霸氣十足!👍型
讀緊fashion design,呀幽佢哋熟悉對啲布料既用途,同埋噴珠仔色,車工服裝,全部都令人好佩服,由其放工咁攰仲要整衫真係好攰。
希望你哋見到可以加油,好期待會有你哋自己既設計
睇咗成段片,覺得好正。
睇住佢玩cos咁多年,堅持到咁耐,同埋仲有一班人一齊玩,真係好好。
以前自己都有玩Cosplay,畫下同人。之後一班身邊同伴已經冇玩,有啲仲結埋婚。覺得冇人陪就沒有玩,但去左日本留學後心境都唔同咗。
同意阿幽諗法一樣,其實都係做返自己自己鍾意嘅嘢就算啦😆😍(不過我冇咁好心力cosplay 啦,頂多着下Lolita 同畫下野🫣)
但係遇到自己鍾意嘅角色都係仲會想扮。
Cosplay其實真係一個心癮😆得閒就會好想做😎🥰
🫂💛
能夠由16歲堅持自己興趣到而家40歲,好佩服🫶佢講得岩,興趣喜好係自己既,真係唔需要理會咁多外人意見,又唔會影響到人,自己鍾意就得啦🫶
幽大真係我勁佩服既cosplayer,好記得有一年佢重整埋架車上台印象好似係cos FF。同埋完全睇得出佢對cosplay既熱愛同心機,佢D衫同道具有幾咁仔細真係行外人都睇得出係幾咁高質👍🏻
我都記得,係cos FF7 cloud
正常思維係:
為個嗜好洗$值唔值?
真係可以反思一下:
點解會放棄一個嗜好?
放棄一個嗜好值唔值?
啱聽
有時候生活會迫你放棄某一啲嘢
@@paruruchong1953 they say time changes things but you actuslly have to change them yourself - Andy Warhol
Cosplay 係一個唔錯既嗜好
敢出第一次cos 都好有勇氣,人與人既互動,造作過程,做research ,DIY
(最緊要小心唔好比人呃)😅
採訪後記:
大家16歲嗰陣做緊啲咩呢?有冇一樣小小嘅興趣係由當時喜愛到今日呢?
十幾年前,我因為網上嘅負面留言而認識阿幽呢位coser (當然,得我識佢,佢唔識我😛) 直到今年七月初,臨近動漫節,手痕Google一下佢個名,發現佢竟然仲cos緊!當下嘅我喺度諗,喺呢段年月裏,我由一位放學衝返屋企煲新番嘅宅女,變成投心創作嘅藝術學生,又由藝術人突然跑去做記者,非常貪心。而佢咁多年嚟都係一心一意鍾情Cosplay。
認真地喜歡一件事物多數都不能夠輕輕鬆鬆。阿幽大部份衫都係着兩、三次就掉,真係聽到都肉赤。有一個咁花時間嘅興趣,讀書時期都還好,去到出嚟做嘢就知道,時間唔知點解毫不留情地行快咗好多,一籃子嘅成長責任漸漸浮現,細個花盡心思去守護嘅事物與愛好,甚至係價值觀,好多時由唔知幾時開始被自己遺忘得乾乾淨淨。
有次想問阿幽點解要堅持Cosplay,又覺得唔太合適。因為對方都冇堅唔堅持,只係想做就做咋嘛。去到最後,佢都講唔到俾我知點解要Cosplay。諗真啲,都係嘅,有時有啲嘢用語言都未必解釋到。(多謝京)
Cosplayer們成日笑一句「用愛發電」好老土,但其實生活就係應該用愛發電,咁先有活着的感覺吧。
黃曉楓 Apple
好鐘意你COS莫生的轉身,深得其神韻
@@kamahlho 下年唔使戴口罩嘅話要cos埋佢嘅表情~
當年喺麥花臣有同人誌展,無動漫節,無記者關心,靠睇blog同口耳相傳先會知呢個活動,5蚊一本小畫冊,10蚊有個手繪袋,全部都係愛呢件事先做到落去
@@lamyan915 阿幽嘅cosplay故事就係喺麥花臣開始!☺️
同apple一樣細細個就睇阿幽出cos
雖然仲有追動漫,但已經好多年無去動漫節,原來佢仲cos緊,真心佩服
PS 最後個duo反智轉身超高汁!!!
好多年前去動漫節打工,咁啱編左去cosplay投票站。當年佢地仲係參賽者,有幸拎過下佢把好重嘅劍,手工好靚好仔細,當時就覺得佢地真係好勁,原來玩到而家,厲害厲害👍
另類的藝術家,每一次去動漫節見到他們我都好尊敬他們,辛苦努力只為自己的喜好,沒任何利益只為自己喜歡。有時見到佢地扮我識的動漫角式我會好興奮開心但我只想遠遠看著去欣賞他們。點解唔行過去影?係羅,點解呢?
下次問準佢哋去合照喇😌👍🏻
終於有一條看得懂的留言
幽幽最後講嗰幾句真係好有不失霸氣有好優雅的金句!!
:「...都退左,收左皮~行開啦~」 ゚+.・゚+。(*´∇`*)。+゚・.+゚
♡♡♡♡ 好正好鍾意!!♡♡♡♡
能夠做自己鍾意嘅事,真係好型~
阿幽真是香港coser既元祖級大師!甘多年都好認真好享受自己既愛好,仲會親手制作,真心尊敬!
真心佩服,可以全心投入自己興趣廿幾年仲keep到對細節個執著。好鍾意果句「將錢變成自己鍾意嘅形狀」係喎,賺錢都係想咁啫。希望有一日都好似你咁搵到自己嘅熱情,Respect!
感謝MM團隊,高質
加油🤍
超勁, 2x年經驗, 博士級cosplayer, 見證哂整個行業發展, 可以寫論文可以教course, 做評判夠曬資格
感謝阿幽多年在動漫的演出,我由影菲林轉到影數碼,因為cosplay而買單反,繼續支持cosplay
阿幽自己做衫,個八爪魚制作的好有料到啊,而且係業余單槍匹馬,佩服佩服,簡直玩的出神入化,她眼睛好靚,有神彩,
對於一個興趣堅持了這麼多了,真是一件值得人尊動的事。我看了,也在看到了我這把六十歲的身紀也可以cosplay一次動漫裹的帥哥角色就好了。幽幽、小藏加油。
幽媽真係好正 唔單止係著起左Cos服
係一提起呢件事個眼神都好charm
最尾個轉身真係文化傳承
一年一度
阿幽對cosplay 興趣做到匠人精神, 真係好犀利
人冇夢想同條鹹魚有咩分別?我同大部份人都只係一條鹹魚,最欣賞佢哋唔只技術,係一份對夢想嘅堅持。真係勁👍
阿幽喺會場舉手投足發出嚟嘅自信已經贏晒!respect!
今集apple彩蛋要放上IG 🤣🤣
已放lol
好提議!
深感佩服! 我覺得佢未必對個某個角色好有執著 反之佢係搵到佢擅長同開心既興趣 咁岩呢個就係 cosplay .
Apple,想同你講好欣賞你!你既片無論題材,節奏,訪問既問題都好好!!條條片整體既氣氛都好一致! 令人睇得好易投入!好感受到你想表達既野!糖水雄,友生昌等等都好高汁!加油!!做多d好片出黎!支持你!
多謝你啊Philip🙏🏼🙏🏼我會繼續努力!
好羨慕做自己鍾意做嘅嘢既人,真係好正
你都要繼續做自己鍾意做嘅嘢呀!
見到azul就撳咗入嚟 😂😂
如果有人覺得cosplay係唔正經既事情,可以拆開當中每回事出唻睇,然後發現每門技術都已經成為宜家好常見既技能
例如啲動漫角色有超能力既,需要影相後製啲火焰、雷電、光既特效,宜家拍電影定拍電視劇定所謂P圖用到既技術都可以係同一回事
好似車衫錦,你出街問人識唔識車衫,十個有九個都會話唔識,更何況要整到錦大件衫?錦大對翼、帽、甚至其他額外道具,邊度可以搵到有人花時間整比你啊,肯比錢都未必有人肯整啦
每次見到coser大熱天時著錦靚既衫,人逼人排隊入場,真心佩服,無愛要點做到哩一點呢
仲要化妝同剪髮
呢個真係骨灰級COSPLAYER~個陣出COS都係因為佢~由以前既COSPLAY EVENT見到佢出漫畫節比賽
我仲有留住佢D相~以前見到佢地成班好似出巡咁~真係勁到爆~
小藏又係~~佢COS到上電視~估唔到咁多年佢地仲咁好朋友~
仲有好似神樂呀~小琪呀~紅麗呀~都係佢地以前D FRIEND~唔知佢地而家點樣呢
今集拍得好好,好欣賞同埋羨慕阿幽佢哋對一件事咁有熱情,多謝apple搵到個咁好嘅故事拍出黎
客氣咩~~多謝🥰
我都係中學左右睇阿幽,估唔到佢仲cos緊!
多謝Apple,一貫好睇
我哋同一個年代!
@@apple9982 同埋最後反智轉身smooth呀!🤣
@@patrickkan1661 太好了!大家都知我做緊咩🤣🤣🤣
我都記得她,每件衫都整得好靚,好有心機,佩服💖
我係D2同人台第一個表演既表演者,嗰日阿幽勁nice又幫我登記又叫我加油,仲好仔細話我知同人台係邊🥹
我嗰時已經覺得佢勁Nice,同套服好精緻好靚!點知原來係阿幽黎,我冇認到出黎🥲
我十三年前開始出cos,近幾年就冇乜點出,所以真係以前就聽過佢個名欣賞過佢既作品!
覺得一個興趣維持咁耐真係好犀利,希望見到你更多作品🥹🫶🏻
加油!!做得好好!其實真係唔洗個主持好勁,但係你地既準備就可以令到受訪者一路帶住,成件事就已經好舒服!加油APPLE
多謝你呀☺️
好鍾意睇呢啲故事,好熱血同感動。上次睇巴膠果集已經睇到有少少想喊。
多謝你支持!
下次想喊時就喊出嚟啦☺️🤍
哩集好好睇,好respect cosplayer 用心製作服裝道具。
由細個就睇動漫既apple 做哩個主題,好岩啊!最後個下轉身太經典了
謝謝你!大個真係少睇咗好多動漫了😮💨
做事認真,又係自己所愛,就是幸福啦,很多人一生都唔法做到,由衷佩服。
任何行業都有害群之馬,社會不應以道德批判藝術。
好食嘅嘢就係唔一定健康,但唔通禁止賣炸豬大腸同魚生咩。
我自己都係手作派coser
睇住深水埗啲布檔越黎越少,其實有啲心酸
好多都話做唔落去⋯
片入面嘅叔叔同阿姨好好人,你唔識搵,佢哋會好熱心咁幫你搵
希望有更多手作人可以支持下深水埗啲原材料小店
阿幽真係超勁!已經 Follow左好耐,喺RUclips見到阿幽真係好開心ww
唔係cosplayer 但對於呀幽咁追求細節
覺得好佩服 d衫睇得出勁多details
一種嗜好可以堅持咁多年已經滲入血了
多謝apple呢編咁立體既影片 了解多左好多:)
超級正嘅一集! 細個嘅時候都想試cosplay, 但好怕其他人嘅怪異目光,見到阿幽佢哋為自己嘅喜好花咁多心力,時間同金錢,做出咁多超夢幻嘅服裝同飾物,真心欣賞佢哋
致香港所有COSER
加油,堅持自己所愛 💪🏻
我都係因為動漫而認識d cos,所以我每次見到佢地都好欣賞同尊敬佢地!!
一個興趣可以堅持廿年以上,是一件相當了不起的事情。 化妝、道具、衣服都好高質,衷心佩服。 真係好好睇。
身邊的圈外親友總是說如果到三十歲仲點會玩cosplay扮鬼扮馬,應該要修心養性, 明明一般的cosplay活動都唔係作奸犯科,點解要咁抗拒,倒模咁過生活咁悶。明明cosplay都牽涉好多學問,我認為全民至少cosplay一次。:)
無計啦,港澳都係叫人上樓或者上位。
好犀利可以堅持咁耐!以家出cos嘅人越黎越多 更多人支持cosplay 出嘅Azul型到爆!件衫咁難整 整到好還完
幽幽個種自信,贏哂所有負皮佢既人啦~!!
做人最緊要係爽,妳做到~
我覺得能夠搵到一個興趣亦可以堅持咁多年都仲keep到個熱誠,
真係非常之難得, 雖然我唔係動漫迷, 對cosplay文化亦唔太了解,
睇完呢集令我了解多咗cosplay文化, 好欣賞佢哋, 啲衫真係整得好靚!
阿幽😭😭😭由小學睇到而家大學嘅cosplayer💕💕💕今年acg都見到你哋,uki fuchan好firm💕
這才是令香港增加光彩的...人..事...物 , 謝謝。
入左坑一段長時間, 好多共鳴點.
希望仲有COS類題材訪談((又或者下次訪談攝攝???
每次跑場最開心見到成年先見一次嘅親友/////
第一次可以全條片直視個coser覺得完全無尷尬,幽幽真係cos得好似·好靚·好認真😍
8:18 鍾意呢句,夠霸氣
任何事做到極致就是藝術
好厲害!!!!咁樣嘅人生先至無悔,因為一直做緊自己鍾意做嘅嘢,仲要搵到一個人係同你一樣咁鍾意呢樣嘢,大家互相扶持💗
有一段嘢講得好啱。有啲人同自己鐘意嘅人衹係會講我愛你,而真正鐘意嗰個人或者嗰件事嘅會淡淡然咁默默付出,一分耕耘一分收穫。
cos 足24年好勁! 全部親手造真心佩服
ending 反智轉身笑死
維持到廿幾年嘅熱情,真係好熱血,好型!
D衫真係整得好靚,好厲害!
好熱血!好羨慕有人可以堅持咁耐自己鍾意做嘅嘢
原來阿幽已經40!!
咁多年來佢都無變,真係好好🥹
偶像級 為愛發電 化妝 整衫 神態 所有野都係skill 經驗 厲害 最緊要一樣野 唔需要理會人地既眼光
我6歲開始打機, 而家39歲, 打左33年, 我對自己喜好都好堅持架 :D
🤣🤣🤣威
我同你差唔多, 細你少少, 都係成日打機
第一次動漫節起就年年去會展,我最大興趣都係看cosplayer,男男女女真係用心製作服裝同造型,好精彩,陪伴了讀書時期到出來做野,依家一直keep住有動漫節就去看
你地真心勁到喊🥲至敬各位coser
睇條片之前仲以為自己十幾年都算耐
自認試過學打版手作
結果真的手殘到無倫
一個頭飾我整左十次都搞唔店
當年都係認命搵日本代購
而假髮係旺角帽子屋度買現成再改🤣
真心好懷念當時純粹既心態
respect !喜歡這頻道。喜歡那句淡淡然,但會繼續做。
幽醬同小藏💕
記得有次終於見到真身
仲同我笑⋯ 嗰刻真係開心到喊咗
幽~💕
佢真心勁 好有藝術天份
好正啊呢集,最後個反智轉身要俾like😆😆😆
我不是動漫宅,篇專題有深度,好好睇,開心見到香港有匠人cosplayer,
1:41 所以我成日都覺得漫畫中的世界的平均天氣温度約是17度左右,漫畫角色們先可以唔出汗,同埋小布的角色又唔會涷親,又或者有魔法可以做空氣流通😅
😂😂😂
Siu4, 但又幾有道理
超級欣賞自己車衫整道具嘅cosplayer!❤眼見好多人都是但淘寶買套衫,但係套衫好劣唔還原,仲唔岩size🙁假髮買返嚟又唔整理吓…真係會令我不禁懷疑佢係咪對嗰個角色有愛🫠俾多少少心機研究吓妝髮都好吖..
阿幽都算帶起Cosplay文化👍🏻
好鐘意嘅一句'''''錢駛咗丫嘛''''做乜要計呢''👍👍👍👍👍
呢集真係拍得好好 俾到觀眾一個忍唔住想睇更多嘅感覺
點解拍反智轉身唔叫我一齊?!💩
可惡!!
辛苦晒你哋,好鍾意依次訪問呀🫶🏻
大型轉身現場
笑死我!!下年好無!✌
@@apple9982 直頭要!
Like 爆!有少少搞到想青春多次!🔥🔥
心境青春就得🌻
非常難得!! 👍🏻👍🏻果種行動力...毅力...值得專重!! 🥇🏆 做自己!! 加油!! 💪🏻💪🏻
Omg!!!!原來個Uki cos 係佢!!!好好睇clssss
好似頭文字D的對白,每一個人最緊要找到自己的目標/舞台,你們找到了enjoy就可以,大把人支持你們的!加油!💪💪
係幽媽啊🥺❤️
細個入圈嗰陣時就聽過佢大名㗎啦🙆🏻♀️❤️
我都希望可以好似佢咁cos足20年🫶🏻
幽真係好堅👍
勁 !
最後嗰個反智轉身好出色
根本就係好厲害嘅藝術家!respect!
真係好勁,唔係講咁易,D 衫好details,學發哥話: 任何野做到極致就係藝術。加油。
好正!好鍾意睇今集,仲有少少感動!
我最尊敬cosplay男女,尤其自己整晒成套嗰啲,
你試想吓係幾咁煩,要幾有愛同堅持。
最後果招反智轉身!↩️👏
香港人的專業精神堅持~~睇得出~有心~~熱愛~~
幽,非常愛你, 細個係個台下面睇你表演。
覺得你超級利害
最後華麗的轉身,笑左🤣
由我十幾歲到我而家三十減二都仲見到呀幽
真心香港cosplay 長青樹
睇得岀你地今次拍得好開心 易玲同chunky dynamic好好啊
期得Elaine同阿sa拍食 Elaine食得太好食啦
由於傳統教育、宗教信仰影響,筆者從前不太欣賞cosplay
此外,身為教畜,過去亦不大鼓勵同學cosplay
然而!
隨着時代嘅改變,筆者寧願選擇摒除抱殘守缺,不甘再任由呢個垃撚圾十年如一日嘅社會繼續窒息下去!
更何況,曾經身為戲劇演員嘅筆者,既然可以喺台上扮鬼扮馬,有乜理由可以否定cosplay咁雙重標準?!
更重要嘅係,筆者都係動漫迷,有乜理由唔撐cosplay?!
係呀!有D cosplay因角色須要難免性感,但正如受訪者所言,唔係賣弄色情呀!仲有,道德倫理唔會因此淪亡㗎!倒不如憂慮吓歪曲嘅社會價值觀、勾心鬥角、社會不公、反智行為,遲早會令社會荒謬仲好啦!😫
看到兩位已經cosplay至少20年嘅受訪者,筆者呢個雙失中年毒L對人生總算有D希望……😓
#cosplay無傷大雅啫
#嗰社會已經太沉重兼沉悶啦
專業 精神 高質 認真 唔睇 唔知 真心 西利 佩服 敬禮🫡
他們都是藝術家!
支持有心人嘅堅持,難得👍