SERGIO BRUNI - RUSELLA ' E MAGGIO

Bella canzone napoletana di Trusiano - Cannio magnificamente interpretata dalla Voce di Napoli, il grande Sergio Bruni. Incisione del 1951. Etichetta "La Voce del Padrone". Orchestra diretta dal M° Guarino.
RUSELLA 'E MAGGIO
Trusiano - Cannio
Quanno staje fore a 'sta loggia,
sott'a stu bellu grillaggio,
fresca, accussí, leggia leggia,
si' na rusélla 'e maggio.
Si è triste, 'o cielo, se schiara,
cchiù prufumate só' 'e sciure,
l'aucielle cantano a coro
mentr'io suspiro.
Rusélla 'e maggio mia,
rusélla 'e maggio...
Tu si' caduta 'a cielo 'ncopp'a 'sta loggia...
Te vasa 'nfronte 'o sole cu 'o meglio raggio...
Rusélla 'e maggio mia,
rusélla 'e maggio!
E si cantá po' te fanno,
'o viento passa e, sentenno,
comm'a na radio, p''o munno,
'sta bella voce spanne...
Corre p''e monte e p''o mare
e, doce, va p'ògne core,
purtanno gioje e suspire
d''a primmavera...
Rusélla 'e maggio mia,
rusélla 'e maggio...
Tu si' caduta 'a cielo 'ncopp'a 'sta loggia...
Te vasa 'nfronte 'o sole cu 'o meglio raggio...
Rusélla 'e maggio mia,
rusélla 'e maggio!
Te vasa 'nfronte 'o sole cu 'o meglio raggio...
Rusélla 'e maggio mia,
rusélla 'e maggio!