القلب || مسار الدم داخل القلب

القلب هو عباره عن عضو عضلي اجوف وظيفته هو انو بيضخ الدم لجميع اجزاء الجسم
متوسط حجم القلب بيكون في حجم قبضه اليد
وبيكون اكبر قليلا في الرجل البالغ عن المرأة البالغه . ووزنه حوالي 300 جرام
القلب بيكون مخروطي الشكل وبيتكون من اربع حجرات . وبينقسم الي جانب ايمن وجانب ايسر
كل جانب بيتحوي علي حجرتين .
الحجرتين اللي في الاعلي اسمهم الاذينين
والحجرتين اللي ف الاسفل اسمهم البطينين
الجانب الايمن والجانب الايسر بينسقو مع بعض
علشان يضخو الدم المؤكسج يعني اللي بيحتوي علي اكسجين الي جميع خلايا الجسم
ويضخو الدم غير المؤكسج يعني اللي بيحتوي علي ثاني أكسيد الكربون الي الرئتين .
بيدق القلب في الانسان الطبيعي بمعوسط من 60 الي 70 دقه في الدقيقه .
قلنا ان القلب بيتكون من 4 حجرات
بطين ايمن وايسر واذين ايمن وايسر
كل حجره منهم ليها دور مختلف
الاذين الايمن بيستقبل الدم غير المؤكسج من الجسم خلال الوريد الاجوف العلوي والوريد الاجوف السفلي
وبعده كدا يصبهم داخل البطين الأيمن
بعد كدا يضخهم البطين الأيمن الي الرئتين علشان يحصل تبادل غازات ويتحول لدم مؤكسج
ويدخلو القلب تاني من خلال الاورده الرؤيه الي الاذين الايسر .
الاذين الايسر يضخهم الي البطين الأيسر ومن هنا بيخرجو من القلب الي جميع خلايا الجسم خلال الشريان الاورطي .
القلب بيحتوي علي 4 صمامات بيتحكمو في مسار الدم داخل القلب من خلال غلق وفتح حجرات القلب.
صمامين موجودين بين الاذينين والبطينين بيمنعو رجوع الدم تاني الي البطينين
الصمام ثلاثي الشرفات موجود بين الاذين الايمن والبطين الايمن بيمنع رجوع الدم تاني الي الاذين الايمن بعد مت يتم ضخه الي البطين الأيمن
والصمام ثنائي الشرفات او ما يسمي الصمام الميترالي موجود بين الاذين الايسر والبطين الايسر بيمنع رجوع الدم تاني الي الاذين الايسر بعد ما يتم ضخه الي البطين الأيسر.
بعد كدا فيه صمامين اسمهم الصمامات الهلاليه
الصمام الرؤي موجود في الشريان الرؤي بيمنع رجوع الدم من الشريان الرؤي تاني الي البطين الأيمن
والصمام الاورطي موجود في الشريان الاورطي بيمنع رجوع الدم تاني الي البطين الأيسر.
بتنشأ ضربات القلب بشكل منتظم بسبب وجود ضفيرة متخصصه من الالياف العضلية مدفونه في جدار الاذين الايمن اسمها
العقدة الجيب أذينيه
Sinoatrial node
العقده دي بتطلق اثارة انقباض عضلات الاذينين .
بعد كدا بتوصل اشارة لعقده تانيه بين الاذين والبطين اسمها العقده الاذينيه البطينية
Atrioventricular node
فبتنتقل الاثارة بسرعه من العقدة الاذينيه البطينية الي الياف بين البطينين اسمهم الياف هس
الياف هس بتاخد الاشاره وتنقلها الي جدران البطينين خلال حزمه باركنجي
فبتنقبض عضلات البطينين وتضخ الدم
القلب
software
www.visiblebod...

[@avaband3478]

حبييت قناتك جدا مفيدة و تستحق كل الدعم ❤

[@عديلةروحي]

محتوى جميع جدا بارك الله فيك

[@ayaomar5460]

رهيب ،بارك الله فيك

[@youssefmounaim2089]

لا إله إلا أنت ❤سبحانك إني كنت من الظالمين ❤

[@youssefmounaim2089]

سبحان الله وبحمده ❤اللهم يا مقلب القلوب ثبت قلبي 🫀على دينك يا أرحم الراحمين ❤يا أحسن الخالقين ❤

[@ZahraaAdnan-v9j]

شكراااا

[@Rose-j1x6t]

بارك.الله فيك شرح متقن🏅🏆

[@FxHg-x6r]

سبحان الله

[@Sabataghleb]

wow thank u so much. You are amazing!

[@hayat4976]

في معلومة غلط حضرتك قلتها و هي عدد نبضات القلب
حضرتك قلت الطبيعي من 60 ل 70 او 73 و دا غلط
الطبيعي من 60 ل 100 نبضة

[@skystars921]

❤❤❤

[@ziyadmubarak2882]

شكرا

[@doaa12534]

👍👍👍👍

[@wiamachouri-r6k]

مافهمت والو