Catholic Mass Today Live at Santo Padre Pio National Shrine - Batangas. 25 Sep 2024 7a.m.

Parish and National Shrine of St. Padre Pio Live Mass Today Begins
Miyerkules ng Ika-25 na Linggo sa KARANIWANG PANAHON. September 25, 2024
UNANG PAGBASA
Kawikaan 30, 5-9
Pagbasa mula sa aklat ng mga Kawikaan
“Ang lahat ng salita ng Diyos ay mapananaligan at siya ang kanlungan ng mga nananalig sa kanya. Huwag mong daragdagan ang kanyang salita pagkat pagsasabihan ka niya na isang sinungaling.”
“Diyos ko, may hihilingin akong dalawang bagay bago ako mamatay: Huwag akong bayaang maging sinungaling. Huwag mo akong payamanin o paghirapin. Sapat na pagkain lamang ang ibigay mo sa akin. Baka kung managana ako ay masabi kong hindi na kita kailangan. Baka naman kung maghirap ako’y matuto akong magnakaw at sa gayo’y malapastangan kita.”
Ang Salita ng Diyos.
SALMONG TUGUNAN
Salmo 118. 29. 72. 89. 101. 104. 163
Salita mo’y aking tanglaw,
patnubay ko araw-araw.
Sa landas na di matuwid, huwag mo akong babayaan,
pagkat ikaw ang mabuti, ituro ang iyong aral.
Salita mo’y aking tanglaw,
patnubay ko araw-araw.
Higit pa sa ginto’t pilak nitong buong sanlibutan,
ang mabuting idudulot ng bigay mong kautusan.
Salita mo’y aking tanglaw,
patnubay ko araw-araw.
Ang salita mo, O Poon, di kukupas, walang hanggan,
matatag at di makilos sa rurok ng kalangitan.
Salita mo’y aking tanglaw,
patnubay ko araw-araw.
Sa bigay mong mga utos, natamo ko’y karunungan,
kaya ako’y namumuhi sa ugaling mahahalay.
Salita mo’y aking tanglaw,
patnubay ko araw-araw.
Sa anumang di totoo muhi ako’t nasusuklam,
ang tunay kong iniibig ay ang iyong kautusan.
Salita mo’y aking tanglaw,
patnubay ko araw-araw.
ALELUYA
Marcos 1, 15
Aleluya! Aleluya!
Ang D’yos ay maghahari na,
talikdan ang tanang sala,
manalig sa balita n’ya.
Aleluya! Aleluya!
MABUTING BALITA
Lucas 9, 1-6
Ang Mabuting Balita ng Panginoon ayon kay San Lucas
Noong panahong iyon, tinawag ni Hesus ang Labindalawa at binigyan sila ng kakayahan at kapangyarihang magpalayas ng mga demonyo at magpagaling ng mga karamdaman. At sinugo niya sila upang ipahayag ang paghahari ng Diyos at magpagaling ng mga maysakit. Sila’y pinagbilinan niya: “Huwag kayong magbaon ng anuman para sa inyong paglalakbay kahit tungkod, supot, tinapay, salapi o bihisan. Makituloy kayo sa alinmang bahay na tumanggap sa inyo, at manatili roon hanggang sa pag-alis ninyo sa bayang iyon. At sakaling hindi kayo tanggapin, umalis kayo roon, at ipagpag ninyo ang alikabok ng inyong mga paa bilang babala sa kanila.” Kaya’t humayo ang mga alagad at naglakbay sa mga nayon, na ipinangangaral ang Mabuting Balita at nagpapagaling ng mga maysakit sa lahat ng dako.
Ang Mabuting Balita ng Panginoon.
#onlinemass #livestreammass #padrepiomass
Roman Catholic Archdiocese of Lipa (RCAL)
Parish and National Shrine of Saint Padre Pio - Batangas

[@gertrudesflores3746]

Lord I praise and thank you for hearing and answering my prayers.Please guide my grandkid who will take their first quarter exam

[@leilapena7209]

Praise God and Glory to Lord Jesus, i trust in YOU,Amen❤🙏🏽😊✋

[@leilapena7209]

I give thee thanks, this prayers i ask to Lord Jesus to give me more strenght and energy to face my everyday challenges here in the Life you gave..thru His name..Amen❤🙏🏽😊

[@eduardrivera1851]

Maraming salamat mahal naming Panginoon Hesus Cristo Nazareno pinupuri ka po namin Panginoon Diyos at sinasamba holy Mama Mary of Manaoag Mother of God, Saint Joseph, Saint Padre Pio ipanalangin nyo po kami at ilayu sa kapahamakan at mga sakit at gabayan araw araw at pagpalain nyo po kami Amen Aleluya 🙏 ❤️❤️

[@EspeciaRocafort]

Thank you Lord Amen ❤❤❤

[@Liezel4]

Amen

[@GwendolynLegaspi]

Amen🙏😇🙏

[@DeliaReyno-kg9gf]

Amen

[@Dionisio-uz6si]

Amen