صباح الفل والياسمين يا العزاز على راني لبيتلكم طلبكم بزاف لي طلبو مني وصفة توفيا كاراميل مع اني درتها العام لي فات ناجحة ومضمونة مئة بل مئة متبخلونيش برك بجام خواتاتي الله يفرحكم ويسعدكم يارب 🤲
كاس سكر نكرملو نخلط كاس غير ربع حليب مع مغرفة كبيرة نشاء (مايزينة ) نطفي النار ونخلط السكر المكرمل وكاس الحليب مع المغرف تاع النشاء نبقى نخلط حتى نحصل على الكراميل والقوام واللون المطلوب نزيد نحط فوقها 25 غرام تاع الشوكولا البيضاء ونضيف مغرفة صغيرة من لاروم تاع الكراميل ومغرف زبدة نحطو في الثلاجة لمدة ساعة او اكثر وهنا نقدرو نخدمو بيه اروع صوص كراميل شكرا لك ام اياد على الوصفة الناجحة والرائعة
سلام عليكم اختي الله يحفظك شفتك في الفيسبوك جيت نجري اول مرة نديرو جاني روووووووعة نخبيه للحلويات العيد إن شاء الله انا في بلاصة شيكولا درت باطة ايورت فلون تاع كراميل جانس يهببل يعطيك الصحة
جربته في العيد خرج روعة لصقت به صابلي ماشاء الله وبقاتلي كمية اليوم بعد شهر رجعت لها لقيته هو هو مزال كما خدمته اليوم الأول شكرا لك اول مرة نكتشف قناتك
سلام كل وصفاتك مضمونة مشاء الله حبيت نقول ملاحظة مرحبا النقد البناء ولا داعي للتعليقات السلبية والمحبطة اذا لم يعجبك المحتوى فقدمو البديل ،اختي قناتك مجمع خير وافادة ربي يجازيك على كل وصفة و نصيحة تقدميها وهذا راي الشخصي في محتواكي وشكراوبدون مجاملة
صباح الفل والياسمين يا العزاز على راني لبيتلكم طلبكم بزاف لي طلبو مني وصفة توفيا كاراميل مع اني درتها العام لي فات ناجحة ومضمونة مئة بل مئة متبخلونيش برك بجام خواتاتي الله يفرحكم ويسعدكم يارب 🤲
Merci om iyad
شكرا يا ام اياد وصفاتك رائعة
الله مخسارة فيك الجام
داك لي دارته تالي واش
كون منديرش الحلوا تاعو فالثلاجة زعما ميفسدش
السلام عليكم يعطيك الصحة جربتها وجات تشبه في طوفيا👍 اللي يشوف تعليقي يدعيلي يرزقني ربي بالذريه الصالحه❤
الله يرزقك ويرزقني
ربي يرزقك ذرية طيبه يارب من فضلك اختي واش نوعية شكولا لي استعملتي
@@HocinHocin-sb9ttامييين يارب ويرزق كل محروم
@@salimasali4423درت شكولا دادا
@@salimasali4423درت شكولا دادا
هذي الوصفة راح نعتمدها في الحلويات ...يالبنات مضمونة مائة بالمئة ماتندموش عن تجربة ...شكرا حبيبتي 💕
الله يعطيك الصحة..
الوصفة كاس سكر كاس غير ربع حليب مغرف نشاء مغرف زبدة 50 غ شوكولا بيضة
25غ شوكولا بيضاء
الله يسلمك حبوبتي 😘
يا ام اياد حطيتي 50غ شوكولا ولا 25غ
والنشا مغرفة صغيرة ولا كبيرة و صح سحورك حبيبتي. @@cuisineoumiyad1
@@ayasalsabil2142 مغرف كبيرة نشا /25 غ شكولا
المورصو نورمالمو فيه 100غ صافي درتي 50غ شكولا@@cuisineoumiyad1
ديرولها جام علاه عليكم البخل والله وصفاتها هايلة رمضان كل وانا نطيب عليها حمرتلي وجهي
ربي يحفظك اختي
ختي ميفسدش؟؟؟؟
ربي يرزقك ويرزقني معاك
❤❤
والله ناجح العام لي فات خدمتو عليك مرتين فل العي وفي فاتحة تع اختي الله يرضى عليك وفي ميزان حسناتك شكرا شكرا ..
الله يحفظك اختي
اختي ما يخسرش يعني ما يفسدش في نص القاطو كي تفوت سمانة
عيشك اختي ندير لحليب نتاع شكارة يصلح
سلام اختي تعيشي متفسدش كي بالحليب
انقذتيني 🌹🌹 بعد رميت توفيا خاسرة لمرتين على التوالي 🥺🥺 شكرا 🤗
جربتها ربي يعطيك ماتتمني نشاله جاني كيما تاع المحلات ربي يخليك نشاله حبيبتي😊❤❤
راني سييتو بصح لازم يتميكسا بلميكسور باه تروحلو هذيك لخثورية الصامطة تع النشاء وسكر لمحجر لي مذابش لمهم سلكت بيه راسي شكرا على الوصفة
جرّبتها خرجة هايلة يعطيك الصحة من توحشتها في الغربة ما لقيتهاش ربي بارك فيك و يرحم والديك متابعة من New York ❤🎉
وصفة ناجحة مليااار خدمتها بالماء عوض الحليب باش تبقالي لأطول مدة وجوزتها فالميكسور مع الأخير تبدل لونها وجاات خيير من تاع برا يعطيك الصحة ❤
درتي شيكولا؟
@@jeonismk5665 درت ايييه جات هايلا
من فضلك جات بنينة بالما ؟
@@MiraMira-nm8vx جات تهبل
نقدر نضربو بالباتور ؟ وآسكو ضربتيه وهو سخون ولا خليتيه حتان برد ؟
.كاس سكرحتى يتكرمل
نضيفلو م/ك زبدة ونذوبها مليح مع الزبدة
.(كاس الاربع حليب +م /ك نشاء ).
وفي الاخير نضيف 50g شكولا بيضاء اي نص مورسو ونكهة الكراميل
دعوة الخير برك 🤍
شكرا اختي
انا نقرا تعليقات 😂 باش روح نشوف الفديو ماشاء الله عليك وصفة باين بنين نشاله يصلحلي مشكل مش فيك مشكل فيا كي ندير حلوة متصلحليش مملحات طياب يجوني بنان لكن الحلوة الله غالب نحس روحي داخلة مخبر تجارب هههههه😂
والله صرفت مصروف القاطو مكفاونيش دراهم باش نشري طوفيا كرمال نروح نجربها باينا روعة وتجي بنينة يعطيك صحه
واش نتيجة تعيشي
@@Mama9aLBi والله روعة جاتني تهبل وخدمت بيها جات بنينة 🥰
جربتها ما شاء الله خرجتلي روعة ف ميزان حسناتك حبيبتي
اعطيك الصحه هدا وين درتها ماشاءالله خرجتلي كيما تاع برا وجات خير وكمية هايلة شكرااااااا❤
يعطيك الصحة اختي والله راني جاربتها خرجتلي هايلة ❤ و راني شاركتها مع صحابتي
ختي قداه مدة صلاحية تاعو؟ كون نديرو فالقاطو ؟
صلوا على الرسول عليه افضل الصلاة والسلام
تحيا فلسطين تحيا فلسطين وعاصمتها القدس الشريف وستبقى عاصمتها القدس الشريف🇵🇸🇵🇸🇵🇸🇵🇸🇵🇸✌🏻✌🏻✌🏻✌🏻
الله غالب نقدر ندير. جام وحدة كون كاين كتر نديرلك.كتر ..ولكن لك مني الف تحية حبيبتي شكرا لك
الله الله على علام بلادي 🇩🇿👌 شحال نفرح كي نشوف عامنا ربي يحفظ بلادنا 🤲🤲🤲🤲
كاس سكر نكرملو
نخلط كاس غير ربع حليب مع مغرفة كبيرة نشاء (مايزينة )
نطفي النار ونخلط السكر المكرمل وكاس الحليب مع المغرف تاع النشاء نبقى نخلط حتى نحصل على الكراميل والقوام واللون المطلوب نزيد نحط فوقها 25 غرام تاع الشوكولا البيضاء ونضيف مغرفة صغيرة من لاروم تاع الكراميل ومغرف زبدة نحطو في الثلاجة لمدة ساعة او اكثر وهنا نقدرو نخدمو بيه اروع صوص كراميل شكرا لك ام اياد على الوصفة الناجحة والرائعة
شكرا اختي درتها وجاتني كيما نتاعك الله يحفظك على الوصفه ونجاحها
احسن قناة استفدنا منك بزاف ديما ندعيلك راني هزيت الحلويات تاعك كل ههههه بربي نجربهم عجبوني
ربي يفرحك ويسعدك
درتها مشاء الله يعطيك الصحة وبارك الله فيك اول مرة يصلحلي جربت شحال من وصفة
يعطيك الصحة اختي ويكملك واش متمنيا جربتها جات كيما نتاع المحلات الف شكر حبيبتي وصحا فطورك
الحمد لله على مصداقية الوصفة بصحتكم يا لعزيزة ربي يفرحك
والله ماشاء الله ولا اروع حتى انا درتوا اليوم يابنتي راهو غالي واحد ينقص على روحوا وخلاص بوركتي ودمتي متألقة خيتي❤❤❤
شفتي والله غالي يقتل هك العبد ينقص على روحو
يعطيك ❤الصحة جربتها وجاتني هايلة
وصفة حلوا جربتها وصفاتك حلوة كتير الله يخليك لينا، ❤😊😊❤❤❤
سلام عليكم اختي الله يحفظك شفتك في الفيسبوك جيت نجري اول مرة نديرو جاني روووووووعة نخبيه للحلويات العيد إن شاء الله انا في بلاصة شيكولا درت باطة ايورت فلون تاع كراميل جانس يهببل يعطيك الصحة
ختي ياوورت كرمال مفيش مدة صلاحية طويلا ميخليش كرمال مدة صلاحيته طول مش كيما شكولا مدتها طويلا ومتفسدش
@@mayatopo6591الحليب فاني معندوش مدة صلاحية طويلة
ممممم جرتو درك وحد لبنة جاني توقعت يخرجلي هكك عطيك صحة حبيبتي ❤❤
يعطيك الصحة جربت لبارح اصابع الأرز كلاو طباسة 😅 جا بنين بزاف
بصحتكم حبوبتي ربي يحفظك
😭😭😭😭😭💔🇵🇸🇵🇸🇵🇸 الله اكبر الله اكبر نموت ونموت وتحيا بلادي الجزائر وتحيا فلسطين وراني واجد للموت🇩🇿🇩🇿🇩🇿💚🇵🇸🇵🇸🇵🇸✌🏻✌🏻✌🏻
يعطيك صحة ختي جاتني تهبل كيما توفيق بذات ❤❤❤❤❤❤❤❤❤ جربوها لبنات متندموش
شكرا حبيبتي درتها دوكا توفيا خرجتلي روعة ربي يحفضك
تقعد بهداك القوام
جربته في العيد خرج روعة لصقت به صابلي ماشاء الله وبقاتلي كمية اليوم بعد شهر رجعت لها لقيته هو هو مزال كما خدمته اليوم الأول شكرا لك اول مرة نكتشف قناتك
جا في وقتو لاوم نخدمو هاد الايام عجبتني الطريقة
شكرا اختي
تستاهلي مليون جام يعطيك الف عافية وصفاتك كلها ناجح ماشاء الله تبارك الرحمن🎉🎉🎉🎉
ربي يفرحك ويسعدك اختي الغالية
السلام عليكم ، جربتها درك و جات تهبل صحيتي ❤
سلام حباباتي يعطيكم لهناولغنابلحلال نحبكم في الله ادعولي يرجع زوجي من الغرب سالم لوليداتوتحرقوعليه
تستاهلي مليون جام .وصفاتك رائعة.من فضلك ام اياد كثريلنا من الحلويات الاقتصادية.
ربي يحفظك اختي
ربي يحفضك كل وصفاتك ناجح انا لنجربه تنجحلي وانا عمري16 تعلمة عليك كل شيء ❤
مام انا جربتها جاتني كيما طوفيا كراميل لي نشروها و جيت نعاود نشوف فيديو باش نعاود نديرها ❤
تحيا فلسطين وتحيا ابو عبيده فلسطين الشهداء فلسطين الشهداء النصر قريب فلسطين حره فلسطين حره🇵🇸🇵🇸🇵🇸✌🏻✌🏻✌🏻
سلام كل وصفاتك مضمونة مشاء الله حبيت نقول ملاحظة مرحبا النقد البناء ولا داعي للتعليقات السلبية والمحبطة اذا لم يعجبك المحتوى فقدمو البديل ،اختي قناتك مجمع خير وافادة ربي يجازيك على كل وصفة و نصيحة تقدميها وهذا راي الشخصي في محتواكي وشكراوبدون مجاملة
الله يسلم هاداك الفم خيتي العزيزة 👌👌👌
رآني جربتو ونجح❤ مشاءالله ألله روعة
بصحتك ختي
سلام عليكم اختي نسقسيك كي درتي لحليب نديروه بارد وسخون انا شفت يديروه سخون في توفيا كراميل وشكرا جزيلا على وصفاتك الرائعة والممتازة اريد الإجابة من فضلك
يعطيك الصحة👍🌹 6:40 ❤اللهم اهل علينا شهر رمضان باليمن والإيمان والسلامة والاسلام🤲 اللهم افتح لنا ابواب رحمتك آمين يارب العالمين 🤲
يعطيك الصحة ربي ينصر أهلنا في فلسطين 🇵🇸🇩🇿🇵🇸
الله يسلمك أمين يارب 🤲
ام اياد وش نقلك الله يحفضلك وليداتك كنت نحوس ذرك على وصفة تاعك تع العام لي فات لاني خدمت بيها وصدقتلي حتا شفت عنوان تاعك يعطيك الصحة
ربي يحفظك اختي
Mayfsedch khti?
حبينا وصفة لي داين الأخت
بلحليب السائل باينة ماطولش و تفسد..جاوبيني من فظلك
يعطيك الصحة حبيبتي جات هايلة
قناتك اكتشاف فعلا ❤ صحيتي بنت بلادي وصفاتك كل ناجحين ❤️
ربي يحفظك اختي
يعطيك صحة نقدرو نديروه قبل عيد هذا نخبوه في فريحبدار متفسدش
والله معلبالي ختي لا نخبواه ولالا
جربتها حبيبتي الله يعطيك صحا ولهناااااا❤❤❤❤❤ جات طوب
الله يسلمك حبوبتي بصحتكم ☺️😍
يعطيك الصحة كنت نحوس عليها رايحة نجربها هي والحلوة لي خدمتيها بيها
درتي50g وليس 25g لأنو مورصو فيه100g ويعطيك الصحة وصفة ناجحة الله يبارك
يعطيك الصحة حبيبتي تعرفي راجلي وخضته في السلعة تاع الڨاطو و نسيت توفيا كن نقوله يعرشلي جيت نشوف كيفاه نخدمها العشية نخدمها و نجي نخبركم ❤❤❤😅😅😅
نتي وخضتيه 😂
وانا عريته😂
يادرا ختي جربتيه ؟؟!
@@hadjeraddou8995 جربته حبيبتي و خرجلي روعة 🥰🥰
@@benalimanel-np9in 😁😁😁😁😁😁
خدمتو البارح على الوصفة تاعك تع العام لي فات يعطيك الصحة
نورمال كي خدمتيه دوك ماحفتيش ميفسدش انا خفت وهل خدمتي بعذي وصفة وكيفاه جاك
الله يسلمك حبوبتي
ميفسدش اختي
كنت نحوس على الوصفة صحيتي ربي يحفظك 👍👍👍👍👍👍
بلا مزية خيتي
صباح الخير اول مرة نشوفك وعجبتيني بلبزاف قبل ما نجرب جام وابني نديرها اليوم انشاء الله
صحا فطورك وسحورك حبيبة صح أنا هذي الوصفة معتمدة عليها والله تجي بنينة تهبل وثقيلة خير من لي تشريه 😉😉😉
نقدر ندير شكولا سوداء ختي
من. فضللك. يمكن استبدال الشكلاطة البيضاء بالشكلاطة سوداء
وصفة ناجحة يعطيك الصحة درتها وجاتني روعة
يعطيك الصحة ربي يحفظك حبيت نديرها في قاطو سنيكرز جي بهاد الكراميل ولا لالا
كن سخنتي شوية لحليب باه يسعدك في دوبان ماتجبيش بيه الوقت في تحريك لي شاف تعلقي يدعلي دعوة خير 😢
مالفا نسخنو يساعدني صح
ربي يفرحك ويرزقك ويعطيك ويمنيك
@@NassimaBoukhellou آمين يارب شكرا وربي يفرحك انت تاني
عيشك ختي كي تسخني الحليب بعد ما درتيلو نشا تسخنيه ولا تديري حليب سخون باه تضيفي نشا فهميني
سخني لحليب امبعد زيديلو النشا
جربت خرجتلي ما شاء الله في ميزان حسناتك
الحمد لله على مصداقية الوصفة 😍😍
كأس سكر في كسرونة حتى يتكرم نزيدلو م.ك زبدة كي تذوب نزيد كأس حليب غير ربع نذوب فيه م.ك ميزينة كي يتجانس نزيدلو 50غ شكولطة بيضاء
جربتها روعة روعة يعطيك الصحة ❤️
روعه صحيح روعه تسلم ايديك حبيبتي نتمنى لك التوفيق والنجاح
ربي يحفظك اختي
جزيت خيرا
عليه افضل الصلاة والسلام
السلام عليكم تبقى مدة طويلة ولا لا
ماشاء الله الله يبارك يعطيك الصحة يااختي
من فظلك مدة الصلاحية تاعها تعيشي جاوبيني نسحقها في ڨاطو يطول يشويا مدة الإستهلاك تاعو
ختي نقدر نديرها في علبة ونخبيها في ثلاجة عادي ماخسرش تعيشي ردو عليا شكرا❤
جربوها و عينيكم مغمضين 😌😌😌😌😌😌الوصفة راهي نااااااجحة ❤❤❤❤خدمت بيها العام اللي فات و بعثتها لها 👍👍👍👍👍👍👍👍👍👍👍👍👍👍👍 الله يعطيك الصحة
شحال من وقت فوق النار من فضلك
الله يعطيك الصحة على كل وصفاتك التي تعطيها لنا ماشاء الله عليك
يعطيك الصحة نجربها بإذن الله
جربت الروز جا توب صح قو مرقاز بصح خلطت دجاج مع لحم كفتة
شكرا شكرا لك على الوصفة. ❤❤❤❤❤❤ سلكتينا ❤❤❤
خرجتلي مشاء الله ولي رام يقولو ماشي ناجحة المشكل في يديك ماشي في وصفة
ايه شفتي والله مكانش لي مجربتهاش ومنجحتش معاها شكرا اختي العزيزة ربي يفرحك
يعطيك الصحة روعة موالفة نجربها ولا مرة نجحتلي بمجرد نضيفلها الحليب تخسرلي 😢 واشنوه السبب من فضلك
جربي طريقتي وادعيلي
@@cuisineoumiyad1 إن شاء الله حبيبتي بارك الله فيك
شوكولا بيضة كيما فيجيكاو تذوب نورمال ؟ ممكن تجاوبوني
واه حبيبتي
وآلله ولله طلعت صححة
وصفة ناجحة ورائعة شكرا ❤❤
السلام عليكم من فضلك نقدر نعوض الحليب بالماء
ادعولي بالذرية الصالحة دعوة ٤٠ شخص مستجابة
الله يحل حزامك حبيبتي و يرزقك الذرية الصالحة يارب يارب يارب
ادعي ربي من قبل الفجر الى بعد المغرب نهار الجمعة ،يارب تتصادف دعواتك بالساعة المستجابة❤😊
سلام اختي خصني تحلية بنينة فيها الكاراميل وساهلة بلا شونتيي وبلا كاكاو وبلا فلون كاراميل **تاع اي مراة زروالية ** حمبوكي ولادي راهم باغيين تحلية وداري راهي خاوية راكي عارفة صحاب الشهرية ربي الى بغيتي طلعيها اليوم😘😘😘😘🥲🥲🥲💞
راني مدايرة بزاف تحليات في قناتي بل مكونات لي قلتي عليهم وناجحين يهبلو اكتبي برك تحلية ام اياد الڨالمية ويخرجولك
شكرا حبوبتي متتبعة من مستغانم🥰😃@@cuisineoumiyad1
تستاهلي الف جام❤
ربي يحفظك
شكرا في ميزان حسناتك
تسناهلي مليون جام يعطيك الصحة
ربي يفرحك
شعال مدة صلاحية تاعو ختي
اللهم صل وسلم وبارك على سيدنا ونبينا محمد وعلى آله وصحبه وسلم تسليما كثيرا
الله يعطيك الصحة مشكورة ❤
الله يسلمك حبوبتي 😘
❤ يهبل ربي يبارك ❤ يعطيك الصحة
غدوا نجربو
جربتيه ختي ونجحلك ولالا
شكرا.. درك نوض نصنعه... ربي يجازيييك كل خير
جاتني هايلة
اسكو كي نديروها فالڨاطو تجمد؟
السلام عليكم الله يبارك فيك وفي خدمتك يا الفحلة ❤
الله يحفظك اختي
سلام حبيت نسقسيكم انا شريت باطة توفيا كراميل اسكو كي نجي نستعملها نسخنها ولا هككك جامدة نديرها ف ترتولات؟؟
خليها تدفى برة اذا قوامها ما ساعدكش. دفيها على حمام مائي وابقاي خلطي حتى تلحقي للقوام لي حابة