شاهد زلته ( قلته ) صيادة و ربيع الصيف في فياض الحجايز
HTML-код
- Опубликовано: 26 май 2024
- لته او مثل مايسميها البعض قلته هي عبارة عن تجاويف في الصخور تكون في بداية الأودية اعلى الجبال تتجمع فيها مياة الأمطار وقد تستمر طوال فصل الصيف وهذه من لطف الله للكائنات البرية بان تكون مار للماء في فصل الصيف
ومن ضمن هذا الزلات زلته صيادة في شعيب صيادة احد روافد وادي الاوسط وهي كانت زيارتنا لهذا اليوم
ومنها اكمال طريقنا الى فياض الحجايز والتي كانت ماتزال متمسكه بربيعها الجميلو بموقعها الجغرافي المميز
مشاهدة ممتعة للجميع
بلادي اغلا بلد ماجمل برك والنجوم في الليل جعل شمسك ما تغيب الله يحفظك من كل شر
اللهم آمين واياك تسلم اخوي واحسنت قي كلّ كلمه قلتها
💐💐💐
ما أجمل بلادي ، رغم طقسها الحار وصحاريها القاحلة إلا أنها لا يعادلها ولا يساويها في قلوبنا بلاد ، ما أجمل خرير الماء وقت السيل في هالوادي الجميل
احسنت يابو زايد مابعد كلامك كلام
ابداع يابو خالد ما شاء الله تبارك الله , جولة ممتعه كالعاده استمر وننتظر جديدك دائما
الله يوسع صدرك بالعافيه
تسلم ياصديقي
حفظكم الله واسعدكم وجزاكم ربي خير ومتعكم في الدنبا والاخره
وشكرا لكما على اظهار الاذان والتذكير بالصلاه والحرص عليها
هلا وغلا بدكتورنا الغالي الله يسعدك ويبارك فيه
تسلم على دعمك المستمر 💐💐💐
جولة ممتعة ...بارك الله فيك ومتعك بالصحة والعافية
الله يعافيك اخوي محمد تسلم
ماشاء الله تبارك الرحمن
قلتة صيادة 👍 موقع مميز وفياض الحجايز لك فلوقااات من قبل بس صراحة موقع جميل جدا
صيادة ممتازه اما الحجايز استغربت ربيعها حتى الان فأحببت الجميع يشوفها
💐💐
زين سويت على التصوير الرائع رحله موفقه
تسلّم والاروع هو وجودك الدائم معنا ودعمك المستمر
بيض الله وجهك
السلام عليكم ورجمة الله وبركاته فلوق جميل وممتع ، شكرا لك يابو خالد ..
وعليكم السلام ورحمة وبركاته
تسلم يابو فيصل بيض الله وجهك
بتوفيق ان شاءالله 🌹🌹
اللهم آمين جميعاً
مناطق رائعة ... ياريت درينا عنها ايام الشتاء، عليك بالعافية
الله يعافيك يابو احمد
شد حيلك الشتاء القادم الله يحييك
زادك الله بركة في العمر والصحة
وزادك قبولا في الأرض والسماء
أحببناك في الله قبل أن نراك
اللهم آمين واياك واحبك الله الذي احببتنا فيه واسال الله أن يجعلنا عند حسن ظنك وبيض الله وجهك على كلماتك الطيبة يابو محمد 💐💐💐
عزالله هالمكان ودك تجيه بالشتاء وبعد مطر متعه بصريه ياصديقي
صدقت اخوي سعود بتشوف شلالات توسع الصدر
طلعة موفقة يابوخالد مثل عوايدك ماقصرت .. وبالنسبه للصيفي عند الاولين هو موسم الربيع وويقفاه موسم القيظ ..
بيض الله وجهك اخوي صالح ولك من اسمك نصيب
وما نستغني عن معلوماتك استفيد منك ومن شرواك
هلا ابو خالد
ابو ابراهيم رفيق درب صامل مايتهزهز حطه ع يمينك وتوكل
ونعم برفقه الطيبه
هلا بالغالي ابو ناصر
صدقت ابو ابراهيم مثلك وشرواك ونعم الخوي
الله يوسع صدرك بالعافيه ياصديقي
ابو خالد كنز معلومات وانسان بسيط جدا غير متكلف إلى الأمام واحنى معاك بإذن الله
تسلم اخوي صالح بيض الله وجهك على كلماتك الطيبة
اما كنز معلومات فهذا اعتبرها رفع منعويات من شخصكم الكريم واما البساطه فاسال الله ان يجعلني كذلك
أرحب يابو خالد أرحب تراحيب المطر
البقى يامرحب مرحبا بك يابو سعود
@@waleedalhammad3650
بك البقاء الله يعطيك العافيه على الطلعه الجميله والتصوير الجميل أنت والخوي السنافي اللي معك .صراحه شوّقتني للطلعات البرّيه و(القلته ) سبحان الخالق روعه والمكان كله روعه وجمال الطبيعه المتنوع من قلات ونفود وفياض وأصوات الطيور والهدؤ شي جميل .يعجز اللسان عن التعبير .على العموم ماقصرت أسعدتنا بالمشاهده كأنني معك في هذه الرحله الخفيفه واللطيفه بنفس الشي .لك مني كل التقدير والإحترام أنت وخويك ومتابعيك ..ودمتم سالمين
@@user-xl6mb4jx3f بيض الله وجهك على هالإطراء الطيب وهذا من طيبك يابو سعود واسال الله يسعدك في الدارين ويبارك لك في عمرك وما رزقك وحقيقية اسعد سعادة كبيرة حينما احد يذكر ان استفاد واستمتع بمقاطع المتواضعه وهو ما نسعى له جميعاً في هذه الدنيا الذكر الطيب
💐💐💐
زين على شدت الحراره مازال فيه رياض خضرا
اللهم لك الحمد
الله يطرح البركه
الشاص الي جالس في الفيصة هذا حبيبنا هاوي البر / أبو سليمان العنزي صاحب تغطيات مميزة شرواك يا مبدعنا. 😍
شرواك الطيب الله الله ونعم الرجل شرواك صاحب سناب هاوي بر معه خوينا صاحب الابتسامه الطيبه وخبير الامطار والمصور المبدع سعود بن خالد
بأي منطقة المكان جميل والتصوير حديث
غرب الرياض والتصوير حديث التاريخ يظهر اول الفديو
سبحان الله من يصلح هذي الردميات في البراري !! ألاحظ وجودها دائما
بعضها طريق قديمه ودروب لاهل الإبل والقوافل والبعض دروب لأهل الصيد قديمة حتى دخلت السيارات والتطور منها ما رصف بالاسفلت ومنها لتنقل بين الفياض والاودية والمتنزهات البرية والله اعلم
استاذ وليد صحيح يمدحون الجح مع الشاهي 😂 وبعدين ملاحظة المكان نظيف مافيه اكياس ونفايات مرميه
هههه على حسب قبل او بعد الشاهي
والنظافة ابشرك الناس صار عندها وعي بالمحافظة على البيئة
التين البري يسمى الحماط
معلومه تسلم
للمعلوميه هاذه عموما تسمي جبال العارض
والاوسط يصب في نساح
نساح يحد.عليه من الشمال
على حد علمي العارض كانت تطلق قديما لان القادم لليمامه وهي نجد الان تعترض في طريقه وسميت بذلك اذا العارض وطويق اسم واحد للجبال الممتده من وادي الدواسر حتى الزلفي والله اعلم هذا يابو عبدالله اللي اعرفه
@@waleedalhammad3650 اشكرك علي المداخله
الاسم القديم من الزلفي الي نجران وليس للوادي يسمي عارض اليمامه او جبل اليمامه
ثم ظهر اسم طويق في المئيتين سنه الاخيره علي الجبال من سدوس شمال الرياض الي الزلفي
اما من سدوس الي نجران فلا زال يحتفظ بأسمه الي اليوم
لكن بعد التعليم النظامي بدأ اسم طويق ينتشر
والا كبار السن لازالو يطلقونه الي اليوم
ولاحظ هناك فرق بين جبال العارض ومنطقه العارض
المنطقه هي من شمال الرياض من سدوس الي الحاير. يحدها شمالا منطقه الشعيب والمحمل وحريملا
وجنوبا الخرج
ارفع جبال العارض جبل عليه وهي قمه فريده شنه غرب الخرج بسبعين كم بارتفاع١١٢٧ م عن مستوي سطح البحر
لذلك لاتجد اسم طويق في الاشعار العربيه القديمه
@@user-eb9db1vy2g بارك الله فيك يابو عبدالله ماقصرت على هالمعلومات واعتبره إثراء قيّم للموضوع ومفيد للجميع احسنت واستكمالاً لما ذكرته لذلك يطلق اسم اهل العارض اللي هي الدرعية والعيينه وماحولها
لاتبخل بمداخلاتك يابو عبدالله
سلمن
@@waleedalhammad3650 العفو العفو جعل تسلم
ماسوينا شي
@@waleedalhammad3650 نعم صحيح اهل الرياض والدرعيه والعيينه وجبيله وسدوس يطلق عليهم اهل العارض
بارك الله فيكم ولكن ينقص تحضير للموضوع حتى تعطي معلومه مفيده. مثلا كيف تكونت وين بنتي الشعيب الخ
صدقت لاشك ان اضافة المعلومات تفيد المشاهد ولكن احيانا لاتتوفر المعلومه بسهوله فتجدني اذكر ما اعرفه فقط
تحياتي