AKTUALITET - REFLEKTIMI I MUAJIT QERSHOR 2024

Në këtë takim, do të shikojmë së bashku ngjarjet kryesore që e kanë karakterizuar këtë muaj të bekuar. Qershori ka qenë i mbushur me aktivitete shpirtërore, devocione të veçanta dhe momente të paharrueshme që na kanë afruar edhe më shumë me Zotin dhe njëri-tjetrin.
Kemi kaluar një muaj të pasur me lutje, kremtime dhe përkujtime, të cilat kanë ndriçuar zemrat tona dhe kanë forcuar besimin tonë. Në këtë takim, do të rikujtojmë të gjitha këto momente të veçanta dhe do të reflektojmë mbi mesazhin dhe domethënien e tyre për jetën tonë të përditshme. Nga nëntëditëshi kushtuar Zemrës së Krishtit, deri tek festimet dhe ngjarjet që kanë bashkuar komunitetet, famullitë, misionet tona, çdo moment ka qenë një bekim i veçantë.
Në vazhdim, do t'ju sjellim një përmbledhje të ngjarjeve kryesore të muajit qershor, duke filluar nga nëntëditëshi kushtuar Zemrës së Krishtit, vizitën e stafit në Zvicër, festën e Shna Ndout dhe kremtimet e shenjta që kanë pasuar. Qëndroni me ne, ndërsa së bashku, rikujtojmë dhe reflektojmë mbi këto momente të bekuara që kanë ndriçuar muajin tonë të qershorit.