【全場精華】港超聯-理文 2:1 傑志
HTML-код
- Опубликовано: 6 сен 2024
- 【全場精華】港超聯-理文 2:1 傑志
「中銀人壽香港超級聯賽」周六(29日)壓軸重頭戲,理文於將軍澳運動場主場迎戰傑志。結果比賽後段踢少1人的理文,憑艾華頓及迪高上半場各入1球,以2比1擊敗靠艾里奧扳回一城的傑志,成為這場「理傑大戰」的贏家。
兩大勁旅今季首次碰頭,主隊理文派出基華尼頓及艾華頓負責攻堅,亞哥斯達及顏樂楓復任正選,與迪高坐鎮中場,加維蘭先列後備;傑志正選陣容僅作出1個調動,羅梓駿重返正選大軍,文尼亞斯繼續擔任箭頭,明加索夫及潘沛軒負責兩翼側擊,巴爾拿、米基爾及基爾頓於中場提供支援。
傑志開局控球稍佔優勢,但靠快速反擊發圍的理文,形勢絕不落下風,11分鐘,基華尼頓與亞哥斯達禁區頂配合後殺入禁區,但被回防的傑志守將及時解圍。主隊再接再厲,17分鐘艾華頓禁區邊「K角位」起腳,皮球彎向遠柱入網,為「黃黑軍團」先拔頭籌。
落後的傑志,嘗試用「過頭波」衝擊理文後防,但箭頭文尼亞斯多次出現在越位位置,進攻成效一般。29分鐘,明加索夫殺入禁區起腳,射門僅僅柱邊出界。44分鐘,理文再下一城,迪高接應傳中門前射入,幫助主隊完半場前取得2球領先優勢。
換邊後戰況依然緊湊,47分鐘,後備入替的羅拔圖傳中,文尼亞斯斜身凌空射門,但未能威脅理文門將袁皓俊。「藍鳥」繼續換人,派出丹恩奴域與文尼亞斯組成「雙塔」鋒線。59分鐘,傑志獲得禁區內間接罰球機會,丹恩奴域操刀射門,被理文守將解圍。62分鐘,文尼亞斯再接應傳中頭槌攻門,被袁皓俊一抱入懷。
後防一度受壓的理文,68分鐘再製造出反擊機會,艾華頓中場成功搶到球權交給基華尼頓,後者窄位起腳射中網側。積極反撲的傑志,在75分鐘收到回報,艾里奧接應罰球頂入,為球隊扳回一城。理文於77分鐘收到壞消息,徐宏傑侵犯明加索夫,被球證直接出示紅牌驅逐離場,主隊餘下時間要10人應戰。惟傑志未能把握人數優勢增添比數,最終理文將2比1勝局保持到完場。
#本地足球 #理文 #傑志 #我撐本地波 #港超聯 #中銀人壽香港超級聯賽 #睇體
------------------
支持香港運動員,快啲follow埋《睇體》個 IG: / ontv_sports
再再訂閱《睇體》個RUclips頻道:bit.ly/2lD6cD7
理文打破傑志本地賽事不敗之身!!!!😍😍
恭喜理文👍
理文好波啊!🎉
徐宏傑Well done !
下場要停賽,我哋永遠懷念你。
你嘅犧牲並冇白費!
理文打得好好
今晚理文主場氣氛超好!
今晚最開心的一晚理文 擊敗勁敵 傑志 繼續努力加油💪👍👏⚽️
用定格慢鏡睇,傑志罰球頂入係百份百越位。理文嬴波合理。
理文爭氣波
艾華頓的軌跡
终于有队伍可以与杰志競爭
燁仔最後守得住👍🏻
MOTM最佳球員:艾華頓
傑志加油!
恭喜理文擊敗新香港人球隊杰志,為香港人出一口氣💪🏼💪🏼
馬會應該cut傑志資助,入籍同外援,比中超仲差。
傑志真系冇L用...出幾晒鬼都冇用
差不多全鬼咁濟鬼佬足球 唔好叫香港足球 😂
想問理文係咪同外國球隊比賽?點解傑志可以有咁多鬼佬?到底係咪踢緊本地方?😅
而家可以出5個外援 保羅 艾利奧 費蘭度都入咗籍 就算計埋周緣德 真香港人都係得3個 笑死 仲話 for the good of Hong Kong football喎
@@asher1105 但係始終係要靠鬼提升水平嘅~無計
@@timlokli2835 有咩辦法,華人唔爭氣
@@rainforesthk2181 以前都有林嘉偉,豪豬。中場做Keyman ..前面都有個好啲嘅中鋒陳7~而家真係講唔出~而家嗰個前鋒真係靠樣搵食,做model ja ~~ haha
傑志(打得不好)好似有輕敵感覺(這樣的水準)亞冠陪跑😓
直情輕敵對手
輸咗呢場都好 唔係嘅話d hater又要玩種族歧視🤭