ايه اللي حيحصل لو النرجسي اتجوز نرجسية
HTML-код
- Опубликовано: 8 сен 2024
- ما عليك سوى الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawtharsanad.com/
رقم واتساب ٠٠٢٠١١٥٠٥٨٦٠٥٢
ايه اللي بيحصل لو النرجسي اتجوز نرجسية؟
ياترى الأطفال اللي حيجيبوهم حيتربوا ازاي وحيطلعوا ايه ؟
اذا الزوج نرجسيته اعلى بيكون مسيطر ع الوضع الى حد ما لكن الحروب بتكون سجال بينهم وهي بتعرف تستفزه فبيكون الغضب النرجسي بتاعه شديد وبتوصل للضرب واحيانا هي بتلعب دور الضحية وتعيط وتصوت وتتشنج وتمثل المرض وترعبه وترعب أولادها والحياة بتكون حرب مستمرة لكن اول مايختفي النرجسي سواء سافر او مات بتظهر نرجسيتها متضاعفة عشر مرات على أولادها وممكن جدا تتحول لنرجسي ظاهر بعد ماكانت خفي ، لانها بتحس ان خلاص مفيش حاجة تخوفها واللي كان مخوفها اختفى فخلاص بتظهر وبتبدأ تنتقم من أولادها ، وبعضهن بتفضل تستمر خفي اذا كانت لها مكانة اجتماعية او دينية لكن بتكون غالبا ظاهرة مع أولادها
اما اذا الزوج هو اللي نرجسيته ضعيفة فحيكون اللي بيحصل بينه وبينها هو
نفس اللي بيحصل بينه وبين امه لو كانت نرجسية ، شوفي النرجسي بيكون ازاي مع امه او اخته النرجسيين الاقوى منه ؟ بيسمع الكلام وبيتهزأ وبيحاول يراضيهم وهم مش بيرضوا ابدا ، نفس الكلام مع الزوجة النرجسية لو كانت اقوى منه حيتهزأ فعلا ويسكت ويمشي زي الالف وحتلعب بيه الكورة وتمشيه على كيفها وتسحبه وراها بحبل وهو مستسلم تماما لها وغالبا بتكون هي دي الحياة المناسبة له هو سعيد انه مع حد قوي وفي نفس الوقت بياخد وقود منها ومن عصبيتها وكمان بياخد وقود من اللي حواليه لما يصبروه عليها ويعيش دور الضحية وغالبا بينبسط بالتهزيء فالحياة بتستمر وبيتأقلموا مع بعض لكن المصيبة انهم اولادهم بيكونوا ضايعين تماما صحيا ونفسيا ودينيا الا من رحم ربي
الأولاد بقي اللي بيطلعوا في البيئة دي اذا كان في محيط حياتهم حد يلملم لهم نفسيتهم وارواحهم ويمنحهم الحنان اللي مش بيشوفوه من ابوهم وامهم زي مثلا الجدة والجد والخلان والاعمام فبربنا بيلطف بيهم ومش بيكونوا نرجسيين في المستقبل لكن طبعا حيكونوا اعتماديين ، اما اذا مفيش فغالبا اما بيكونوا نرجسيين او مرضى نفسيين سواد ثنائي القطب او ذهان او شخصيات حدية ، يعني مستحيل يطلعوا سلام ابدا ، لان الحياة بين اب وام نرجسيين حياة جحيم حرفيا ،
المصيبة الكبرى ان الزوجة النرجسية زيها زي الزوج النرجسي بتخون ومعندهاش ضمير سواء كانت خيانة كلامية او غيره على حسب والعياذ بالله (طبعا مش الكل لان احنا متفقين ان الساعي للكمال مش بيخون ) المصيبة بقى في الموضوع دة ان الأولاد بيكونوا شايفين خيانة امهم لابوهم سواء كان الزوج نرجسي او لا ، ولو مش بتخون فهي بتوهمه انها بتخونة وبتثلث له ودة برضه بيكون الأولاد شايفينه وعارفين انه بيحصل والنتيجة بتكون ان الطفل او الطفلة بتنشأ في بيئة مسمومة واذا طورت اضطراب الشخصية النرجسية فبتخون زي أمها ولو اعتمادية بتكون محملة باثقال خيانة أمها لدرجة انها ممكن تكون بتشعر بالذنب نتيجة عار أمها وبتحس بالخزي لمجرد ان أمها كانت بتخون ابوها في حين ان هي ملهاش ذنب الا انها بتكون باستمرار حاسة بالخزي والعار بسبب أمها ، اما الولد اللي بيعرف ان امه بتخون فبيكون غالبا كاره للمرأة وبيكون قاسي جدا مع زوجته ومش بيثق فيها مهما كانت مين وبتعمل ايه وطول الوقت يراقبها وشاكك فيها ومتخيل انها لازم تكون بتخونه زي ما امه كانت بتعمل .
أحيانا لما بيكون الاتنين النرجسيين على نفس مستوى النرجسية أقوياء او ضعفاء فبتكون الحياة هادية الى حد ما لان الأقوياء كل واحد بياخد الوقود اللي يكفيه من التاني والمعارك بتكون شغالة وبتكفي لتلبية رغباتهم في المعارك وبيكونوا فاهمين بعض وعارفين كويس عايزين ايه من بعض والتنين الضعفاء نفس الكلام بس المعارك بتكون اقل الى حد ما
#تربية #اطفال-سعداء #تربيةالابناء
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية