Vágatunnilin letur upp

Hátíðardagur var í Vágum, tá Vágatunnilin læt upp fyri ferðslu í 2002.
Vágatunnilin varð seinkaður í umleið 10 ár, tí ætlanin varð steðgað, tá kreppan rakti fyrst í nítiárunum, hóast klárt var at lata fyrsta skotið av.
Men 10. desember í 2002 varð koyrandi undir Vestmannasundi.
Nýggja farleiðin var stórt framstig fyri vágafólk, og ikki minst fyri tey, sum komu og fóru um flogvøllin.
Sløk fýra ár seinni var fast samband um Leirvíksfjørð, tá Norðoyatunnilin varð tikin í nýtslu í 2006.