كامله بنيه يتيمها تاخذها خالتها تسويها خدامه بس ابو البيت راح يعشقها

[@قصصعراقيةغوايش]

مرحبا شلونكم شخباركم عساكم طيبين بنات دعم القناة بلايك واشتراك 🥰🥰

[@قصصعراقيةغوايش]

قلب_مغتصب
الكاتبةورودالخالدي
البارت2
حنان::::
ومن خلص الاسبوع اضطريت اروح لشقه اثير اجيب هاي المكموعة لبيتي بس شنو روحي طالعة منها طبعا بعد ما ودعت اثير ومرته بالمطار رحنا اني والحجي بسيارته لان اثير كال تنتظركم بالشقه دخلنا لكينها مخليه هدومها بجنطة ومنتظرتنا اول مفتت كامت سلمت ع الحجي:
هلو عمو شلونك؟
هله بنيتي ..ماشاءالله شابه حلوة مثل خالتج؟؟
مردته يكبرراسها فكتله:
مثل خالتها شنو حجي ليش اكو مثل خالتها بالدنيا هذا شلون حجي...منك!
هو التفتلي وضحك:
هاا زعلتي بساع غير بت اختج والبنيه تطلع حلوة على خالتها!!
لا تطلع عليه ولا اطلع عليها على گوله امي شجاب الشيخ للراعي!!
هيه كامت سلمت عليه وباستني...اويلي شوف اللواگة:
هلو خاله شلونج !
هلا..اممم!
اخذناها وصعدنا هي كعدت بالوره وجنطتها يمها..واني كلت للحجي يوصلني ويروح للمجمع مالته بعدة الصبح باوله:
وصلنا للبيت ..طبعا سماح بعدها نايمه ..ورائد بالبصره يعني البيت سنطه اول مفتنا رادت تفوت كتلها بسرعة:
وين فايته ..متفوتين جوه مكانج هنا بالمطبخ طول النهار بس وكت التنظيف تفوتين للصاله والغرف تنظفين بس كعدتج ونومتج ومكانج هنا بالمطبخ!
هي ضلت تتلفت عشتو:
انام هنا بالمطبخ!!
اي .
بس وين انام يعني بالكاع قصدج!!
اي وشبيها الكاع طلعتي من بطن امج انتي وجربايتج قابل!!
عادي خاله انا بالكاع بكيفج..بكيفج؟؟
عود المغرب صعدي للغرفة الفوك بيها فراشات نزليلج دوشك ابو نفر..وبطانيات ومخدة ..بس يوميه تكعدين من الصبح تلمين فراشج مو تضلين متوثه ..لو فراشج مبهذل المطبخ قبل منكعد انتي..لازم كاعده ومصعده فراشج فوك بمكانه فهمتي!
اي فهمت خاله
وخلخاله...بعدني مامكمله
شوفي الطابق الفوك النا اني والحجي ممنوع تصعدين فوك لاي سبب اني انظف الفوك ..معليج بيه يعني خط احمر حتى من تردين تسالين على شي متصعدين ادكين الباب علينا تنتظرين من انزل يله تسألين افتهمتي..
هي سكتت!!

[@قصصعراقيةغوايش]

سكتت!!3
كرصتها من زندها
ولج جاوبي!
اي خاله فهمت
ومو بس الطابق الفوك خط احمر ..بعد اكو خط احمر اقوى!
شنو هوه!!
ولج خلي اكمل عوبه!
غرفة رائد...اذا رجلج عتبتها ..مو اكسرها الج لا اكصها من اصلها....وهو هم مخليلها قفل خاص ماتنفتح الا على بصمه ايده لو كارت ..
خاله اذا مقفوله بعد ليش توصيني هالكد!
حتى تعرفين انه رائد وغرفته ممنوعات عليج ...رگبتج املصها اذا شفتج فد يوم يمه وهو موجود ..لو شفتج تسولفين وياه لو تبيعين ميانه لو حركات التنعوص مال طالبات الكليه ..اثكلي وستري على روحج ..تره رائد مثل السيف ..شاب عمره بالثلاثين يعني بعمري تقريبا ...فلا تمدين ايدج بالنار لان اذا شميت ريحة عطاب منج لو منه اثنينكم احرككم بناركم فهمتي!
اي فهمت خاله
وبالنسبه لسماح ..لا تصادقيها...لان هي تكرهني هيج خلي كلامج وياها بحساب هي الليل كله كاعده تسولف ويه خطيبها لو يحترك البيت متطلع وبالنهار كاضيتها نوم....ورواء عايشه عد خالتها التحفه ..يم بيت بيبتها..مفتكة منها تجينا للبيت بالشهر مره لو مرتين ..ديري بالج تصادقيها وتخليها رايحه ماراده علينا خليني راسي بارد ومفتكة منها
اما شغلج فشوفه عينح البيت سنطه ومحد يوصخ...يعني يوميه..تنظفين مره وحده الصاله وغرف البنات والمطبخ والهدوم كولنا نكومهن بالسلات بالممر اليم الحمام بين يون ويوم غسليهن..والطبخ هاي شغلتج وادري بيج ..طبخج طيب اصلا قبلت اجيبج على اعصابي على مود سالفه الطبخ..هاي
خاله يعني شغل البيت كوله عليه مو بعد اسبوع دوامي شلون الحك!!
شنو شلون تلحكين كتلج التنظيف سهل وميتعب معدنا احد يوصخ والهدوم هم قليلات وبين يوم ويوم واذا ع الطبخ وكت الدوام طبخي بالليل وعود احنا من نرجع من شغلنا نحمي وناكل امرنا لله...والله لو ماخالج موصيني على الكليه جان بطلتج !!
لا..لا خاله بس هالسنه بقتلي ..ماشي كل الي ترديه اسويه اطبخ بالليل عادي..مابيها شي
مو تنسين شي من الكلته ..فهمتي!
اي فهمت خاله
هسه راح اروح للمول ..هاج سجلي رقم الحجي عدج حتى ادزيليه قائمةبالمسواك مال الطبخ عندج واتساب مو؟؟
اي خاله عندي بس ما اعرف رمز شبكتكم؟؟
من الصفر للواحد بالعكس يله تعطلت راح اروح
خاله شسويلكم غده غير اعرف!!
سوي مندي دجاج ..كتلج شوفي الثلاجة والمجمدة شبيهن مسواك والتحتاجية للطبخ كتبيه برساله ودزيها ع رقم الحجي هو يدز المسواك بستوته..لو بسيارة
ماشي..بس مندي دجاج اسوي!
ولج شلعتي كلبي ثوله انتي سوي غده مرتب مال عائله مندي واي شي وياه..دزي على مسواك هواي...اريد يوميه غدانا وعشانا اشكال والوان حتى اخلص من سالفه الطبخ هاي
ماشي خالتي!!
لاتسميني خالتي شنو هازة كاروكج؟؟
غير انتي خالتي!!
يبوووو شهالقهر الجبته لروحي سميني حنان..من حن عليح ملك الموت مثل ما حن على امج وابوج وگلعهم من الدنيا
سماء::::
طبعا نشف دمي من طلعت من شقه خالو الى ان عافتني بالمطبخ مالهم وطلعت ..هي تحجي وتنطي اوامرها واني بس افتهمت واي خاله ...هاي شبيها يربي شكد تكرهني وطبعا متوقعة هالمعامله منها ومقررة شتكولي اكولها اي وصار شسوي وين اروح مضطره اتحملها واتحمل اي شي يطلع منها معندي احد ومحتاجة سكف انام جواه الى ان اكمل هالسنه ويدز عليه خالو واروح لالمانيا..واخلص من حارها وباردها......اكولها اي خاله وفهمت خاله شوهاي زمخت بيه لتصيحيلي..خاله صيحيلي بأسمي..امرها غريب..بعدين

[@قصصعراقيةغوايش]

بعدين4 منو هذا الخابصتني بيه رائد وغرفه رائد وهو خط احمر ولاتحجين وياه ..الى اعرفه هو ابن رجلها شدعوة هيج تنفض وترجف من تحجي عليه..عبالك ابنها هسه اني شمدريني..يجوز حاسبته مثل ابنها ..وتخاف عليه مني لان تكرهني بس شلون مثل ابنها وهي تكول عمره مثل عمرها تقريبا...يوووه والله دخت اني هسه شعليه بيهم طبهم١٦ مرض ...
البيت سنطة محد بيه وحتى الاضويه معظمها طافيه ..من اتأكدت هي طلعت فتت للصاله اويلي هاي شكبرها الصاله عبالك قاعة مال مسرح شينظفها الي يوميه ..هسه تكسر ظهري كسر..وتمشيت شفت باب مردوه من بعيد باوعت اكو بنيه نايمة يمكن هاي سماح الي حجت عليها اي كالت هي تخلص النهار نايمه بس عجيبه شلون تضل بهذا البيت الجبير الچنه قلعة وحدها ونايمه النهار كوله...شمدريني يجوز متعودة على بيت اهلها ومتخاف ...المهم رجعت للمطبخ فتحت الثلاجة بيها مخضر ولحم وسمج بس ماكو دجاج....وهي كالت سوي مندي دجاج فكتبت رساله بيها دجاج وكل المسواك الي احتاجة ودزيتها وصدوك وره٤٠ دقيقة تقريبا اندكت الباب واجه المسواك يربي الساعة صارت بالعشره وثلث لازم استعجل واطبخ خاف يجون ب١٢
وطبخت مندي على جهة وبرياني على جهة ...وسويت مقبلات وزلاطة وطرشي سويت غدة يخبل بس مصبيت ..شو اتأخروا الساعة صارت بالوحدة لا بتهم كعدت ولا احد اجه منهم
ساعة بالوحده ونص الاخمسه كعدت البنيه وفاتت للمطبخ..ومن شافتني؛
منو انتي!!
اني سماء..
هااا سماء كرايب حنان ..اي سمعت راح تجين..
طبعا مبينه تكره خاله لان تحجي وتباوعلي من فوك ليجوة ...مردتها تحجي وتتأمر مثل خاله فكلت اني احجي:
هااا جوعانه ..اسويلج ريوك لو اصبلج غده
هااا تسويلي ريوك لو تصبيلي غده ..اي زين عفيه عليها خالتج خوش مدرستج...ومعلمتج تحترمين اهل البيت!!
العفو ..مفهمت!!
احسن...اكول انتي شطابخة شنو هاي ريحة الاكل الكعدتني من النوم؟؟
مندي..دجاج وبرياني..اصبلج؟؟
بله صبيلي خلي اشوف طبخ...بينما افوت للحمام واغسل
صار
صبيتلها اكل ورتبته جتي كعدت شو اول ما اكلت خوفتني من كالت:
ولج شنو هذا الاكل!!
هبط كلبي عبالي الاكل بيه شي فكتلها:
شبيه ..شبيه عيني شنو مطيب لو معجبج؟؟
ولج شنو مطيب هذا شنو من اكل!
شبيه عيني
يخبل ..يخبل يا الله مثل طبخ امي الله يرحمها..منو معلمج هيج اطبخين..بعدج زغيرة شلون تعلمتي هالشكل تطبخين وتضبطين الاكل!
اخذت نفس وارتاحيت كتلها
والله خوفتيني..اني من زمان جنت افوت ويه ماما للمطبخ وتعلمت منها كولشي!!
شو هاي كامت تفرفر بحلكها:
هااا انتي من ذني اليحجن بالماما والبابا..لاهاي هيه!
ليش شبيها كلمة ماما او بابا
مبيها شي سكتي..سكتي خلي اكل هسه
وعفتها تاكل مثل المفجوعة عبالك مشايفه اكل ..وبينما دتاكل جوي خالتي والحجي هم صبيت الهم اكل وطبعا الحجي حيل عجبه الاكل وكام يمدح بيه عاشت ايدج ما عاشت ايدج عاد خاله كالت:
دكافي..شثبرتنا ..لعد اني شكو جبتها غير حتى اخلص من سالفه الطبخ هي هاي شغلتها اكيد تطبخ اكل طيب عاد لتكبر راسها كل شويه وعاشت ايدج
ومرت ٣ ايام ..على نفس المنوال االتنظيف سهل لان محد يوصخ والملابس..غسلتهن البارحة وع اساس باجر هم اغسل وجبه ثانيه والطبخ اشكال والوان مثل ميحبون يعني شي على شي رهمت كعدتي ابيت خاله وماكو مشاكل لان هي الصبح بالمول والعصر هم بس الظهر تجي تتغدة وتسمعني اوامر مثل السم وبالليل هم تجي تتعشى ويصعدون هي..والحجي بالتسعة ونص لو بالعشره بعد ابد مينزلون لثاني يوم الصبح وسماح قافله غرفتها..عليها وطبعا مشفت لا رواء جتي ولا ابنهم رائد بالبيت طول ال٣ ايام الفاتن
رائد::::
هلكت هذا الاسبوع بالبصره تعبت تعب مو طبيعي لان نهاية شهر وعمال وشحنات تروح وشحنات ترجع واني ما أأ من بالعمال لازم حلال العالم اشرف على تحميله واضل واكف منا لما اقفل كل شاحنه..اي هذا شغلي تعب. فلوسه هوايه بس تعب وسهر ..وخلك للعمال ...صح اني ابو الشغل والشاحنات الي تحمل كولهن حلالي بس تعبي مضاعف لان حلال العالم يطلع بالشاحنات من سفوان ويتوزع ع المحافظات ..وارتباطي هم بشغل بالميناء من تجي شحنات مواد غذائية لو غيرها يصير مضاعف..مرات ابقى اسبوع لو اسبوعين ما اوصل لبغداد بسبب ضغط الشغل..
بعد اسبوع...من التعب رجعت البغداد المفروض اطلع ..ساعة2الظهر واوص وره المغرب لان الطريق 6 ساعات الا شويه بس تاخرت بسبب واحد من العمال تخربط

[@قصصعراقيةغوايش]

تخربط5 واضطرينا ناخذه للمستشفى بقيت يمه للعصر خطية صاحب عائلة ..ودرة من الله ..بالخمسه ونص العصر حركت لبغداد وصلت لهلي تقريبا12 الا ..شويه ميت من التعب يامن يلزمني جربايتي وانام يومين ما اكعد اول مفتت لغرفتي ..حسيت نفسي جوعان رغم اني تعشيت سفري بالطريق بس جعت واني متعود من اجوع اروح للثلاجة اكل فاكهه لو عصاير وكيك ايراني دبل طلعت من غرفتي رحت للمطبخ طبعا الاضويه طافيه كولهم نايمين فتت للمطبخ ردت اعلك الاضويه لان صايره دكمهن بالصفحة الثانيه ماكو مشيت كم خطوة ..ولان لابس حذاء محسيت من دست ع فراش مفروش بس حسيت دست ع فد شي طري..اني دست منا وسمعت صرخة بس مو قويه ..شنو هاي..!!..ركضت علكت الضوه انتبهت شفت فراش وبنيه كعدت ولزمت رجلها وسمعتها كالت:
اخ..اخ..رجلي..رجلي انكسرت..
وتذكرت اووويلي بس لا هاي كرايب حنان الحجت عنها كالت خدامة وراح تنام بالمطبخ ..هاي شبيه اني فراش شكده منتبهت من دست ..على رجلها خطيه
كعدت كبالها ع كماميزي هي حتى مشالت راسها بس سمعت صوتها مرة اللخ
اخ رجلي..رجلي
شو خلي اشوفها!..شمدريني انتي نايمة هنا اكو واحد ينام بالدرب!!
بس مشالت راسها ملتهيه برجلها
ادنيت مديت ايدي ..طبعا مشفت وجهها بس شعرها اسود على متونها منا ومنا
شافت ايدي شالت راسها:
لا..لا لاتلزمها ..انكسرت رجلي!
اويلي شهالعيون ..شهالوجه الثلج ..شهالركبة التضوي ..فهيت من سمعت صوتها بوجهي وركزت بملامحها بس بسرعة جريت رجلها؛
اخ..اخ..هدها..عوفها..اكولك انكسرت!!
لج دصبري خلي اشوفها شبيها شنو انكسرت ..قابل داست عليها تريله!!
اكولك عوفها توجعني انكسرت!!
لج سكتي شبيج انتي انطيني مجال خلي اشوفها..
سكتت شويه ..تهي..بهي..هاي شنو من رجل شكدوتها ..بعدين شو مبيها عظام ..احسها عجينه بأيدي بيضة شحم ومن جوه لونها وردي عبالك مماشيه بيها ولاخطوة بقيت اتلمس بيها بلكي احس بعظم جوه جلدها شفتها سكتت كتلها:
هسه اني هاي رجلج شفتهم منها؟؟؟؟....هم حاسبتها رجل شون تمشين عليها متكوليلي!!
شفت مو كتلك انكسرت!!
لج..هي منيلها عظام حتى تتكسر!!
انت شنو ناصب عليه اكولك توجعني
بقيت لحظات ساكت..وهي هم سكتت بس مثل الي انتبهت ..سحبت رجلها بسرعة وغطتها بالبطانية
انت..انت منو وشكو فايت للمطبخ!!
لا بله...بعد وكت ..صار ساعة مكابلج هسه تذكرتي تسأليني!!
انت رائد مو!!
اي رائد
وشكو فايت للمطبخ نص الليل ..
وانتي شنو تحاسبيني..بيتي افوت وين مجان بأي وقت يعحبني!!
اي حقك بيتك وانت حر بس شبيك شنو اعمي دست على رجلي وكسرتها!!
انجبي لج ..شنو اعمى ..المطبخ اظلم وتوني جيت ومعندي اي علم انه انتي مطمورة هنا
شو هاي دنكت وبجت!!
خرررب لج..شبيج بجيتي!!

[@قصصعراقيةغوايش]

شبيج بجيتي!!
6
انت كسرت رجلي وبعد ٤ ايام عندي..دوام شلون اروح للكليه
لج شخبصتنا ..شو كومي دوسي عليها .. منو يكول انكسرت!
ما اكدر اكوم توجعني..
اهوووو ..سوتها عظمه ..انطيني ايدج اني اكومج..
لا لا ما اكوم توجعني..
اهوووو..
مجان عندي حل ثاني ضوجتني تتوجع وتتبجبج نتلت اديها كمت وكومتها وهي كامت ع تك رجل كتلها:
دوسي عليها..
لا..توجعني
لج دوسي..
داست....عليها بس مبينه فعلا توجعها:
هديتها..
امشي كم خطوه
مشت بس تعرج ..
ها..تكدرين تمشين؟؟
اي..
ممتاز يعني مو كسر بس انرضت..تعالي كعدي هنا ع الكرسي
كعدتها رحت فتحت الصيدليه الي بممر الحمام..جبت لفاف ورجعتلها
انطيني خلي الفها بهذا اللفاف منا للصبح حتى اجيبللج باندج تلفيها كم ساعة ترجع طبيعي.
لفيت رجلها..باللفاف ع كيفي بس من اول لفه .رجلها جانت ترجف بأيدي زمخت بيها بس بصوت ناصي:
لج ثبتي رجلج خلي..الفها شبيج ترجفين مابيها شي
ردت الف مكدرت رجلها ترجف ع السريع هاي شبيها شكد جبانه:
لج ثبتيها شلعتي كلبي
هي..رجلي وحدها..ترجف..ما اكدر اثبتها..
استغربت من حجيها لان من حجت طلع صوتها هم يرجف عفت رجلها وسحبت كرسي كعدت كبالها:
شنو شكلتي مسمعت:
هي..ر..رجلي..و..وحدها ترجف ما اسيطر اثبتها!!
رجلج ترجف صوتج شبي؟؟ ..لج شبيج اطكين سن بسن لخاطر الله
جان اللفاف بيدي اخذته بسرعة كالت:
مب..مبيه شي..انت عوفها..اني..اني اش..اشدها..
كامت كلت بس لا توكع لان تعرج..لزمت ايدها بسرعة سحبتها خررب هاي شبيها...مشت كم خطوة وكعدت ع فراشها وغطت رجليها ..احسها حيل مرتبكة وحالتها حاله ..هسه شمسويلها ردت اشد رجلها لا اكثر ولا اقل ..
كلت خلي اعوفها واروح لغرفتي واعوفها.. اخذت عصير وكيك ...مكدرت اطلع من المطبخ رجعت عليها كتلها
اذا استمرت توجعج اخذج هسه اسويلج اشعه:
هااا لا..لا مبيها شي..صارت زينه؛؛
ماشي ..بس سؤال زغير!!
متأكدة هاي رجلج مستخدمتها قبل وماشيه عليها!!!
ليش شبيها!!
شو عبالك ممستخدمة توها طالعة من الباكيت
طبعا كلت هالعبارات كلت بلكي اضحكها واخلي ارتباكها يخف بس هيه ردت برد حاد ..رغم صوتها هم بعده يرجف شويه:
ليش ..جنت تعتقد الناس كولهم..م.. مخلوقين م..مثلك!
ليش الناس مو كولهم مخلوقين نفس الجسم وكولهم يمشون على رجلين؟؟
بس مو ..مو..كولهم...عدهم رجل جنها بلوكة ..مثل رجلك ..ولا جسم مثل الدنگة مثل جسمك ؟؟!!!
حيل ضوجني ردها وحسيت هي تتجاوز حدودها وياي خصوصا معدها سابق معرفة بيه
متشوفين ...كلامج..لازم ..يكون الطف واهدا..ويه اهل البيت الي..جايه حتى تخدمين بيه؟؟

[@ديسمبر9]

كملي حبيبتي مبينه بيه هواي حداث

[@AlaaAhmed-gz1jm]

خرافي القصة اتجنن حرفيا عاشت ايدج ❤😍

[@هومه-ل6خ]

فدوة كمليي اتخبل اجنن القصهه عاشت ايدج

[@فيحاءكريم]

الله عليج نزلي التكمله اليوم

[@shafakahmad8928]

اول وحده 💋♥️

[@ahmdahmd1948]

كملي حبيبتي الله عليج

[@sweet5358]

القصه حلوه ومشوقه ارجوج كمليه ولا تتاخرين

[@وطنيالجريح-ت7ر]

مشتاقين حبيبتي 😘❤

[@AnaAna-ll3xl]

القصه كلش حلوة عاشت الايادي

[@mmmrra]

فدوه لقلبج متي تنزلين التكمله ربي يسعدك ويوفقك يارب ❤️🌹نعرف جاي تتعبين كومه بس والله تشوقنا للقصه لان كلش حلوه

[@وردهالربيع-س8غ]

تجنن هل قصة

[@mmmrra]

ثاني وحده🥰😄

[@lio-ck8rg]

قصص عراقية غوايش حبي خليلي قلب اريد القصه تنفتح فدوه

[@هومه-ل6خ]

فدوة امانه والله عدنه دراسهه شؤكت تكملين أني اعوف دراستي واجيي اشوف اذا كملتيه

[@عباسعلي-و6غ9م]

القصه كلش حلوه نزلي الجزاء الثاني ربي يوفقج🤲

[@حيدرالجوده-ظ8ن]

كملي عليج الله القصه جنن

[@enasbasem4286]

حلوه عاشت ايدج

[@حبيبأبنمظاهر-م1ف]

التكمله بأسرع وقت ممكن
القصه كلش حلوه

[@ديسمبر9]

كملي بليييز

[@sa_.o]

عاشت ايدج قصه جنن فدوه كمللللي،،،

[@زهراءالعزاوية-ط6ب]

فدوة نزلي البرت 17 كمليهة

[@jujujuju9406]

واوعاشت ايدج

[@souadalshmiry4273]

حلوة القصة اتمنى متتأخرين فدوه ممكن التكملة بليززززز 🥀

[@اميرهبنتشيوخعزوجلوفخر]

كملي حبي

[@AliAli-nw1ly]

عفية كملي

[@زينالعابدين-خ6و5ي]

تاخرتي علينا بتكملت القصة منتظرين تكملتها

[@memeahmedmemeahmed8283]

التكملة وين عفية القصة روعة

[@omarakram3053]

رججججججاءن التكمله

[@قلوببيضاء-ص2ث]

كملية حبي

[@فاَطم313-ص6ح]

التكملة فدوة لتطولين

[@ابوعباس-ل9ث]

اللهم صلِ على محمد وعلى آلِ محمد

[@AnaAna-ll3xl]

صباحووو البارت البعدو وشكرا الك

[@hameedalbadre9899]

اوووف الك الله ياليتيم بعد وبعد الدنيا أدولبك وتبهذلك الله لايوفق حنان وأمثال حنان💔💔💔💔💔💔💔💔

[@AliAli-nw1ly]

فدوة كملي الا تخريرين بنات سون تفاعل علمود تنزل

[@اناقةطالبة-ن2ب]

ممكن تكملة

[@raghadali6153]

حلوه وعاشت ايدج البنان اكو البطل ينتقم من البطله لان اخوها اغتصب اخت البطل وماتت منو تعرف اسمها

[@zahraayouseif8633]

عشق جبل والجرئية

[@مجنونةادلبية-ي8ت]

@@zahraayouseif8633 لاء اسمها هوس ذياب

[@AliAli-nw1ly]

عفية نزلي هواي برات

[@ايمانحسين-ق5ق]

كملي حبيبتي

[@رياحينالجنة-ص8ف]

ياريت التكملة بسرعه فدوه 😘😘😘😘

[@توووتتووت]

القصة تجنن ممكن التكملة بليززز

[@حسينكتلوني-ف2ش]

رجاء كملي القصه

[@user-hl3df8xr8t]

استمري

[@AlaaAhmed-gz1jm]

بليييز استعجلي بالنشر منتظرة على نار 🔥

[@وردهالربيع-س8غ]

حبيت

[@اميالغالية-ه8ض8م]

نزلي الخير فدوه

[@اناقهطالبه-ه7ظ]

نزلي ارجوج والله حلوه

[@AliAli-fq4mz]

شوكت تنزلين التكمله لو اعرف ممكتمله فلا اقراها

[@user_zahraaMo]

اتكمله

[@user-dkx2fu56h]

كمليه حبابه منتضرينج

[@AliAli-nw1ly]

شوكت تنزلين بيش ساعة

[@وردهالربيع-س8غ]

كملي

[@امملاك-ر7ي1خ]

هلا بزنوبه مشتاقين عمري ❤️ التكمله

[@امحسين-ه1ل3س]

قصه حلوه بس وين تكمله مالتها

[@AhmedAhmed-rj4gf]

التكلمه فدوه

[@AnaAna-ll3xl]

مساء الخير ممكن تنزلين باقي القصه لان كلش حلوة

[@ngfgvhfgh1478]

يمتى تكملين

[@AliAli-nw1ly]

بعد عليمن شني المن تنزلين قصة إذ مكاملة

[@سحرمحمدفالح]

شوكت تكملين

[@NadaNada-me2hd]

ممكن تكملة القصة بليييز

[@AQEE__n]

اذا كملت رجعوني

[@souadalshmiry4273]

حلوه القصة بليززززز ممكن التكملة 🥀

[@بنتالعراق-ب1ظ]

ليش وگفتي عن نشر كملي قصه

[@علاويلمنصوريسجاد]

وين تكملة القصه

[@توووتتووت]

كملي بيلزززززززززززز

[@lklksjj9711]

عفيه نزليها الجزء ٣ننتظركم

[@وردهورده-ي7س4س]

ليش ما تكملين

[@عطرالورد-ح8ل8ش]

وين التكملة

[@امادم-ظ5ز]

نزلي 17

[@قلوببيضاء-ص2ث]

🤍🤍🤍💝🤍🤍💝💝💝💝💝💝🤍🤍🤍🤍🤍🤍💝💝💝💝🤍🤍🤍💝💝💝💝🤍🤍🤍

[@AliAli-nw1ly]

أنة حب قرة قص مالتج قبل الا نام

[@سميه-ه7ز]

اسمهه

[@ubdyuvdy1221]

ليش هذي.القناه.مكو.تكمله.للقصه

[@lklksjj9711]

شوكت تنزلين البارت ٣ ننتظركم حبيبتي صارلج يومين مانزلتي عفيه نزليها

[@قصصعراقيةغوايش]

نزل موجود بالقناة

[@AliAli-we4nd]

ماكو البارت ال 3 ​@@قصصعراقيةغوايش

[@توووتتووت]

فدوة اليوم نزلي التكملة بليززززززززززززززززززززززززززززززز

[@AliAli-nw1ly]

متضرين

[@نسمتهوه-د5ك]

🎉

[@AliAli-nw1ly]

بعد حتة ما نتابع

[@AliAli-nw1ly]

عفية كملي

[@user-hl3df8xr8t]

حبيت

[@user_zahraaMo]

اتكمله

[@user-hl3df8xr8t]

كملي

[@نسمتهوه-د5ك]

🎉

[@user_zahraaMo]

اتكمله

[@نسمتهوه-د5ك]

🎉

[@بنتديالئ-ش1ك]

كملي

[@user_zahraaMo]

اتكمله

[@نسمتهوه-د5ك]

🎉

[@user_zahraaMo]

اتكمله

[@نسمتهوه-د5ك]

🎉

[@user_zahraaMo]

اتكمله

[@user_zahraaMo]

اتكمله

[@user_zahraaMo]

اتكمله

[@user_zahraaMo]

اتكمله