يعطيكم العافية على صفحة رائعة تعيد احياء الزجل وتجعله أكثر فهما للمستعمين عبر وضع الكلمات. أقترح عليكم وضع تكريم الشاعر خليل شحرور للشاعر أسعد سعيد الفيديو موجود عاليوتيوب وهذه كلماته قد دونتها : قصيدة خليل شحرور في تكريم أسعد سعيد أسعد سعيد الشاعر الشعبي الوحيد لْ حامل قضية شعب من ماضي بعيد وأول جسم شاعر من السلطة انختم بوشم الكرابيج وكلبشات الحديد الصوت المُدوي لْ ما انبح وما انكتم وبعدو عم ينادي بتحرير العبيد وجُرح الجنوب لْ ما تعافى ولا ختم يا ما نزف من جبهتو... ومن داخلو بعدو بينزف دم من أسعد سعيد وعن ضيعتو أول ما فكّر بالغياب فلسطين كانت وجهتو ب فجر الشباب وهونيك أول ما انفتح للشعر باب وأول حوار مهم وخطاب وجواب ع جرحها الدامي بْظُلّ الإنتداب كان الشهيد الحي والحي الشهيد راح الشباب وأسعد من الهم شاب وتحريرها بعدو حلم أسعد سعيد وأحمد فؤاد نجم بعرين القاهرة نفسو فرض رغم الظروف القاهرة وبغداد يلي ألف شاعر شاهرة ع مظفّر سيوف التعسف شاهرة وبو قاسم الشابي بروحو الطاهرة يغفى الشعب وتضل عينو ساهرة وكل شعب ناضل كان عندو ظاهرة ولبنان أسعد ظاهرة شعبو العنيد دوّت هتافاتو ب كل مظاهرة وأول ما كانو يسحسبو أسعد سعيد وب جنوبنا من بين كل ل أبدعوا لمّا ب جوقة عامية تجمعوا شافوا بلا أسعد ما رح يقلعوا بالرابطة حفظوا بغيابو موقعو وكل لْ على عرش المْعنّى تربعوا وغنوا معو وضدو المعنّى والقصيد بجوز في منهم حدا تعادل معو وما في حدا توفّق على أسعد سعيد ومنبر زجلنا متل باقة مشكلة كل زهرة ب غير عطر مرسملة ب شعر الفروسية وكلام المرجلة ب تدل ردة بو علي عَ بو علي وكل ما اسمعت ردت معنّى مبكّلة وكلماتها حبات بالعقد الفريد أسعد بلا ما يقول هالردة إلي بتقول هالردة شغل أسعد سعيد وبالكون تعزيز الصداقة بيرتجي خي الصموأل بالظروف المحرجة ومن كل أصحاب العقول المُنتجة أفضل صديق كتاب ليه بيلتجي لو قالو بالصين في قصة مرهجة يما كتاب الناس منو بتستفيد عالصين ما بيتورع يروح ويجي تيجيب نسخة وليعطي أسعد سعيد وكان الفراهيدي بزمان السلطنة بحور الشعر همو الوحيد بهالدني فيها اعتنى أكثر من اثنعشر سنة تيوضع بحور العروض البينة ويصفن عالمتحركة والساكنة حتى ضرب راسو بحيط الميدنة وأسعد ب أوزان الشعر عم يعتني ت يجدد أصول المعنى ومجد أحمد يعيد ومن كل عامود بطريقو منبني الله يستر خينا أسعد سعيد أسعد اللي صرلو أربع وخمسين عام عالمنبر وعالضيم ما في يوم نام قضى حياتو بالفعل مش بالكلام حكاية نضال من البداية للختام ويا مانحينو وسام لايق بالمقام ما بريد يتعلق على صدرو بريد اشكركم وتنزيد رتبة عالوسام سمو وسام الشعر أسعد سعيد
الله يرحم ترابك يا أبو ابراهيم. البساطة والسهولة والكلمة الأنيقة.
يعطيكم العافية على صفحة رائعة تعيد احياء الزجل وتجعله أكثر فهما للمستعمين عبر وضع الكلمات. أقترح عليكم وضع تكريم الشاعر خليل شحرور للشاعر أسعد سعيد الفيديو موجود عاليوتيوب وهذه كلماته قد دونتها :
قصيدة خليل شحرور في تكريم أسعد سعيد
أسعد سعيد الشاعر الشعبي الوحيد
لْ حامل قضية شعب من ماضي بعيد
وأول جسم شاعر من السلطة انختم
بوشم الكرابيج وكلبشات الحديد
الصوت المُدوي لْ ما انبح وما انكتم
وبعدو عم ينادي بتحرير العبيد
وجُرح الجنوب لْ ما تعافى ولا ختم
يا ما نزف من جبهتو... ومن داخلو
بعدو بينزف دم من أسعد سعيد
وعن ضيعتو أول ما فكّر بالغياب
فلسطين كانت وجهتو ب فجر الشباب
وهونيك أول ما انفتح للشعر باب
وأول حوار مهم وخطاب وجواب
ع جرحها الدامي بْظُلّ الإنتداب
كان الشهيد الحي والحي الشهيد
راح الشباب وأسعد من الهم شاب
وتحريرها بعدو حلم أسعد سعيد
وأحمد فؤاد نجم بعرين القاهرة
نفسو فرض رغم الظروف القاهرة
وبغداد يلي ألف شاعر شاهرة
ع مظفّر سيوف التعسف شاهرة
وبو قاسم الشابي بروحو الطاهرة
يغفى الشعب وتضل عينو ساهرة
وكل شعب ناضل كان عندو ظاهرة
ولبنان أسعد ظاهرة شعبو العنيد
دوّت هتافاتو ب كل مظاهرة
وأول ما كانو يسحسبو أسعد سعيد
وب جنوبنا من بين كل ل أبدعوا
لمّا ب جوقة عامية تجمعوا
شافوا بلا أسعد ما رح يقلعوا
بالرابطة حفظوا بغيابو موقعو
وكل لْ على عرش المْعنّى تربعوا
وغنوا معو وضدو المعنّى والقصيد
بجوز في منهم حدا تعادل معو
وما في حدا توفّق على أسعد سعيد
ومنبر زجلنا متل باقة مشكلة
كل زهرة ب غير عطر مرسملة
ب شعر الفروسية وكلام المرجلة
ب تدل ردة بو علي عَ بو علي
وكل ما اسمعت ردت معنّى مبكّلة
وكلماتها حبات بالعقد الفريد
أسعد بلا ما يقول هالردة إلي
بتقول هالردة شغل أسعد سعيد
وبالكون تعزيز الصداقة بيرتجي
خي الصموأل بالظروف المحرجة
ومن كل أصحاب العقول المُنتجة
أفضل صديق كتاب ليه بيلتجي
لو قالو بالصين في قصة مرهجة
يما كتاب الناس منو بتستفيد
عالصين ما بيتورع يروح ويجي
تيجيب نسخة وليعطي أسعد سعيد
وكان الفراهيدي بزمان السلطنة
بحور الشعر همو الوحيد بهالدني
فيها اعتنى أكثر من اثنعشر سنة
تيوضع بحور العروض البينة
ويصفن عالمتحركة والساكنة
حتى ضرب راسو بحيط الميدنة
وأسعد ب أوزان الشعر عم يعتني
ت يجدد أصول المعنى ومجد أحمد يعيد
ومن كل عامود بطريقو منبني
الله يستر خينا أسعد سعيد
أسعد اللي صرلو أربع وخمسين عام
عالمنبر وعالضيم ما في يوم نام
قضى حياتو بالفعل مش بالكلام
حكاية نضال من البداية للختام
ويا مانحينو وسام لايق بالمقام
ما بريد يتعلق على صدرو بريد
اشكركم وتنزيد رتبة عالوسام
سمو وسام الشعر أسعد سعيد