АЛТАН НАМАР

Үг: Д.Цэдэв
Ая: Н.Жанцанноров
АЛТАН НАМАР
Ургацын талбайд хөгжөөн тасрахгүй
Уудам бэлчээрт шуугиан тасрахгүй
Алтан намар он жил улиравч дурсгалтай
Аяны шувуудыг дагаад нисчихгүй нь сайхан
Ай даа намар цаг
Алтан сайхан цаг
Ай даа намар цаг
Амьдрал тэтгэх цаг
Мөрөөдөл хүслийн жигүүр цуцахгүй
Борхон зүрхний хайр дундрахгүй
Алтан намар эсэн энхийн ерөөлтэй
Аясын салхийг дагаад хийсчихгүй нь сайхан
Ай даа намар цаг
Алтан сайхан цаг
Ай даа намар цаг
Амьдрал тэтгэх цаг
Ижил нөхдөө мартахын аргагүй
Эгшиг дуугаа таслах учиргүй
Алтан намар аялгуу аясын уянгатай
Алтан нарыг дагаад хулжихгүй нь сайхан
Ай даа намар цаг
Алтан сайхан цаг
Ай даа намар цаг
Амьдрал тэтгэх цаг