Устод Озарахш "Марди мусофирам"

*Марди мусофирам.
Аз манзиле ба манзиле пайғом мебарам.
Аз чашмасор омадам, аз зодгоҳи рӯд;
Аз роҳи дури дур, ки оғоз мешавад,
Аз мазраъи биҳиштии домони модарам.
Аз он маҳалла, ки падарам ҷонамоз ёфт.
Як ҷонамози сабз, чу хоби кабӯтарон,
Ҷои намози сабзтар аз боғи хотирам.
Дар кӯлбори ман
Як нони гарми офтоб, бар рағми гушнагист,
Як кӯза оби моҳтоб, бар қасди ташнагист.
То зоди роҳ медиҳадам дасти зиндагӣ
Аз гушнагию ташнагӣ ғам намехурам.
Ҳар ҷо, ки рафтаам, ба ҳама меҳр бурдаам,
Ҳар ҷо, ки будаам, зи ҳама меҳр бурдаам.
Не шоҳ будаам, на гадо, лек дар мақом
Бо шоҳу бо гадои замона баробарам.
Дар сӯҳбати қаландарон марди қаландарам
Дар давраи даравгарон марди даравгарам.
Дар чашми шахси беҳунар як шахси беҳунар,
Дар ҳалқаи ҳунарварон шояд ҳунарварам.
Дар гуфтугӯи ошиқон як марди ишқбоз,
Дар ҷустуҷӯи шоирон гӯё, ки шоирам.
Ҳатто ба чашми тоҷирон монанди тоҷирам,
Ҳарчанд дар саросари бозори ин ҷаҳон
Чизе намефурӯшаму чизе намехарам.
Солам зи чил гузашт, вале дар хаёлу хоб
Як аср, ё ду аср, ё чил ҳазор сол
Ман умр дидаам.
Дар шахси ман сулолаи Ашкониён гузашт,
Сосониён гузашт,
Сомониён гузашт.
Инак, зи асри бисту як бар асри бисту чанд
Бояд, ки чун сулолаи имрӯз бигзарам.
Марди мусофирам.
Аз чашмасор омадам, аз зодгоҳи рӯд,
Як чашма дар нигоҳаму як чашма дар дилам,
Як чашмаи муҳаббату як чашмаи савоб,
Бо пой дар заминаму бо даст дар само
Як қатра об мехурам, як зарра офтоб!
Устод Озарахш
#ozarakhsh #мусофир #озарахш #гариби

[@user-kp6hx3uo3v]

Чи қадар инсони бузург, зиндадил,, оре, адабиет одамият аст,,, Як суҳбати оличаноб, обод бошед, дусти азиз,,,,

[@ozodkoriev6585]

Рахмат устод бехтарин

[@Humoyun]

Поянда бошед, дусти гироми!

[@tj.2316]

Бехтарин каламатон бурро бод!Устоди сухан.

[@dilbarkhodjieva7407]

Садсола шавед Озарахш бо Фарзона.хело дустатон медорем мардуми гарибем.

[@user-qm5bl2xv5o]

Бехтарин калом! Хеле писандам омад.

[@user-xx9cl6iw2v]

Саломат бошед устоди Азиз!

[@user-co7gg5bg7x]

Озарахш дар панду хикмат ту,нагуй бехирадам.
Ман чавони хамдиёрат,халка бар гушу гулом,(Хаёл)✍️

[@taronatjsaidalisadullozod8880]

Беҳтарин аст устод.
ruclips.net/video/TqI_TNCvGWg/видео.html