راكي جاوبتي روحك بروحك شوفي معايا كي قلتلكم ركزو على الحرب الباردة ماشي معناتها كل الاسئلة على الحرب الباردة+ نفرضوها نتيا حفضتي الحرب الباردة وحفضتي المصطلحات تاعها والشخصيات تاعها هكذا كي رحتي تفوتي لباك خيرتي الموضوع اللي فيه الحرب الباردة ياخي ولقيتي معاه اسئلة خاصة بالثورة اسكو راح تدي علامة ولا نو؟؟؟ نقولك تدي بسك اغلبية الاسئلة اللي عليها تنقيط بزاف خاصة بالحرب الباردة تقولي المصطلحات في ميزك شحال عليهم التنقيط؟؟؟؟10 او 8 ؟؟؟؟؟؟ نونونو عليهم 1 حتى ل 1.5 دونك ماعندهمش تأثير كي تكون حافظ في دروس ومصطلحات وشخصيات الحرب الباردة ونفس اشي مع الثورة هذا الفيديو خاص اللي ماحافظ واااالو وريتلو واش يحفظ بسك مابقاش لوقت بالتوفيق 🙏❤️
احفضوا وافهموا الحرب الباردة باها بالمصطلحات والشخصيات والتواريخ + شخصيات الوحدة الثانية والمصطلحات راهم كاين بزاف شخصيات عندهم تعريف مشترك على الاقل تخدوا 0.5 عليه خرمن مكانش الموضوع دائما يجبلك حرب باردة ومصطلحات تاع الوحدة الثانية مع شخصيات من الوحدة الاولى والعكس
@@مريم-ث3ب الصطلحات مايخلطوهمش؟ انا مزال ماحفطت اذا مايخلطوهمش نخير موضوع الحرب الباردة و نحفظ معاه مصطالحات الثورة برك و بالتأكيد تواريخ و شخصيات الوحدتين
نصيحتي هي احفظوا دروس كلا الوحدتيين تقدروا مراحش الحال على الحفيظة و حفظوا تواريخ و شخصيات و مصطلحات تاع كل وحدة لكن مشي كامل بسكو بزااف حفظوا غير المهم و بالتوفيق
خاوتي خواتاتي لا تكونو إمعة لي يجي زعما ينصحكم يهردكم مع كل احتراماتي للأستاذة لكل هذا ظلم لينا حنا كل شي هدرتيه ماكانش منو اتخيلي نتي واحد ولا وحدة تبعك و هدا برايك بلا ما يتأكد و يحل الباكات ماشي ضيعيلو مستقبلو متعرفيش متهدريش و منتصحيش بكل بساطة اتولهو خاوتي في الموضوعين يكونو مخلطين بين الوحدتين متصدو ني كلامي ني كلامها روحو شوفو وحدكم فل باكات تاع العام لي فات صراحة استاذة غلطة كبيرة شوفو أساتذة خرين احسن
يا استاذة غالطة سي غالطة يعني بكل فهمو كيما انا تيما مني في خطا ممكن تحدفي الفيديو لانو الاغلبية ممكن يكون مزروب و ميشوفش تعليقك و يروح فرحان يحفظ وحدة برك يا اما نتي نسرعتي واش هدرولك مفهمتيش و جيتي فرحانة تهدرينا ولا حريتي روحك برك الصراحة تتقال خاصة لشعب الاداب و اللغات في معامل المادة الغلطة غلطة يلا نتي مستقبلك في يدك كاين ناس. راي تجري وراوها احلام الناس رجاءا لا تلبعو بهم
كاينين اللي مافهموش عليا واش قلت فلفيديو تبعو معايا مليح : أولا : قلتلكم ركزو على الوحدتين الاولى و الثانية (الثورة +الحرب الباردة) لانها تكون متناولة في كلا الموضوعين تانيا : اذا كان جابولكم الوضعية على الثورة راح يجيبولكم الشخصيات والمصطلحات عالثورة اغلبية الاسئلة راح تكون على الثورة بالنسبة للتواريخ رايحين يكونو مخلطين بين الثورة والحرب الباردة ثالثا : اذا جابولكم الوضعية على الحرب الباردة اغلبية الاسئلة صوا فالشخصيات والمصطلحات راح تكون على الحرب الباردة هكدا والتواريخ راح يكونو مخلطين رابعا : خلاصة القول : اذا كان الموضوع الأول مثلا الوضعية الادماجية تاعو عالثورة اغلبية الاسئلة اللي راح تكون فالموضوع الاول تحكي عالثورة راح تديو علامة مليحة يالوكان جابولكم سؤال ولا سؤالين على الحرب الباردة فالموضوع الاول كي شغل مايأثرش عليكم فهمتو عليا؟؟؟ ونفس شي بالنسبة الحرب الباردة. بالتوفيق 🙏❤️
والله يا خياتي تقدرو تحفظو شويا تضمنو 20نووورمال انا جوزتو العام لي فات والله محفظت حاجة الا حوايج باقيين في راسي من عند لبروف وديت فيها 12خاااصة الجغرافيا فهامة والتاريخ فيها الحفظ مي تقدرو تسلكو عاااادي
أكي غالطة ،،،انا مثلا ندير الحرب الباردة ،،مصطلحات يكونوا على الثورة ... الشخصيات تاع الوحدتين :الشخصيات الامريكية +السوفياتية +الفرنسية وايضا الشخصيات الجزائرية هي لي تطيح في الحرب الباردة .. اما التواريخ يحطوا على الوحدتين ،،هذي هي استاذة ،
في الحرب الباردة المصطلحات يكونوا على الثورة وليست على الحرب الباردة انتي قلتي على الحرب الباردة مستحيل بأستثناء التواريخ+الشخصيات هوما لي مخلطين فقط . اط🙂
راكي غلطة اختي لتكون الوضعية على الثورة المصطلحات اجو على الحرب الباردة والشخصيات والتواريخ اجوا مخلطين الأولى والثانية والعكس كتكون الوضعية على الحرب الباردة المصطلحات اجوا تع الثورة والمصطلحات والشخصيات نفس الشيء اجوا مخلطين الوحدة الأولى والثانية
يعطيك الصحة على جهدك استاذة ...ولكن كل البكالوريات من 2008 الى يومنا هذا وبحكم عندي اربع بكالوريات كمترشحة حرة عمره لا طاحت نفس الوحدة في المصطلحات والوضعية ..دايما اذا كانت المصطلحات من الحرب الباردة تكون الوضعية من الثورة والعكس صحيح ...انا دايما كنت نحفظ مصطلحات وشخصيات الحرب الباردة تجيني ساهلة ونحفظ دروس الثورة ودائما مانخير الموضوع لي في شخصيات ومصطلحات الحرب الباردة والوضعية على الثورة كيما حفظت ودايما والحمد لله نتحصل على 19 فالمادة 💜🤍🌸🌺
راكي قولتيها نحفظ مصطلحات وشخصيات الحرب الباردة مع الدروس تاع الثورة راكي تقولي بلي تركزي على الحرب الباردة مع الدروس تاع الثورة باش تجاوبي هكذا وانايا هكذا هدرت فلفيديو قلتلهم ركزو على الحرب الباردة مع الدروس تاع الثورة بسك راح يركزو على وحدة مع بعض الاسئلة الخاصة بالوحدة اللي بقات
شخصيات تان مخلطين ماشي غير تواريخ والوضعية الإدماجية دايمن جي عكس المصطلحات نصيحة من عندي حفضو دروس وِحدة وحدة ومصطلحات الوحدة الثانية وتواريخ وشخصيات يجو مخلطين حفظوهم في زوج وكان مصدقتوش روحو شوفو البكالوريات السابقة تفهمو
مكانش منها 🤦🤦🤦 راكي غالطة ختي ..حرام عليك تلعبي بالغاشي ..قولي حاجة متأكدة منها ولا اسكتي . زعما من نيتك الموضوع كامل يكون على وحدة فقط ؟؟🤪🤪 أبسط مثال العام ليفات ..كانت وضعية على الحرب الباردة والمصطلحات ڨااع على الثورة يعني لي محفضش المصطلحات هاذوك راحت عليه ، وأصلا عليهم 3 نقاط والوضعية عليها 4 نقاط يعني تجي تعدلها من جيهة تعميها من الاخرى ....حرام تستغلو التلاميذ مساكن 👎
ايه صح انا جوزت باك عام لي فات و يجي موضوع فيه وحدة اولى و وحدة ثانية و جغرافيا ثان جزء وحدة لولة و جزء وحدة ثانية روحو شوفو البكالوريلت سابقة و تشوفو كيفاه كانو المواضيع. لوكان هكاك يجي موضوع وحدة اولى وموضوع وحدة ثانية نحفظو وحدة و صاي و نروحو بيها هههه
أستاذة المعذرة لكن بإطلاعي على مواضيع البكالوريات لاحظت أن المصطلحت كي يكونو مثلا على الثورة الوضعية تجي على الحرب الباردة والعكس صحيح والشخصيات والتواريخ والخرائط مختلطة من الثورة ومن الحرب الباردة وهذا بالدليل إطلعي على البكالوريات السابقة ،خلاصة القول موضوع البكالوريا نادرا ما يأتي مثلا حرب باردة وحدها كاملة بالمصطلحات بالوضعية الادماجية راح يكون دمج.
راكي قولتيها دمج بسؤال ولا سؤالين لا أكثر ولا أقل نتوما ركزو على الوحدتين بسك مايخرجوش منهم والوحدة اللي تساعدكم صوا ثورة صوا حرب باردة ركزو عليا بالتوفيق 🙏❤️
@@Bacmath2024 قصدي المصطلحات بالضبط.. اذا كانت الوضعية على الحرب البادرة المصطلحات لي الفوق راح يجو على الثورة فهمتيني؟ شوفي البكالوريات السابقة تفهمي وش قصدي .
ارواه راكي غالطة في هادي كي تكون الوضعية عالثورة المصطلحات راح تكون عالحرب و كي تكون الوضعية الحرب الباردة راح تكون العكس المصطلحات يمدوها عالثورة وااشخصيات و التواريخ مخطلين كيف كيف
هذا الفيديو درتو اللي ماحفضين والو نصحتهم واش حفظو باش يقدرو يجاوبو .. ومن ناحية واش يجيبولهم راني وضحت في فيديو العتبة وفهمو عليا ومانيش مسؤولة على مفهومك الخاطىء اذا مافهمتيش نتي
دايمن فالموضوع و كيما عودونا يكون الجزء اللول تاع الشخصيات و ... ماعدا المصطلحات مخالف للوضعية بينما يجيبولنا مصطلحات نفس وحدة الوضعية . في كلى الموضوعين . معنتها لا خيرة مقال الحرب الباردجة راح تلقى شخصيا ت و تواريخ مخلطة ... و مصطلخات الثورة . لي حاب يحفض يحفض مصطلحات الثورة و دروس الحرب الباردة ولا العكس و يحفض التواريخ و الشخصيات المتكررة . - مفهمتش واش راكي تقولي استاذة .
@@Bacmath2024 ختي واش من وقت مابقاش الله يهديك 18 يوم ليوم واحد فيه 24h ناس حفظت في يومين جات في هادي واحد ينقص سوايع رقاد مايخمرش ويتكل على ربي ماشي حاجة كبيرة باش مايقدروش يحفظو
بارك الله فيك مغسي مي سمحيلنا راكي غالطا استاذا ... سي امبوسي يجي موضوع كامل على وحدة وحدا .. ومكانش منها تحفظي وحدا وحدا وتدي عليها .. تدي غير نص العلامة ..
أستاذة الشخصيات يجو مخلطين بين الحرب الباردة و الثورة كإختصار قوليلهم يحفظول كل مصطلحات و تواريخ و شخصيات الوحدتين و ينحو لي طاحوا العام الماضي اما الدروس يخيرو يا الوحدة الأولى أو الثانية
او رويتها نتي لعكس ماشي عكذا المصطلحات تاع وحدة 2 مع وضعية تاع وحدة 1 وشي لاخر مخلطين ولعكس صحيح هذا في التاربخ برك اما جغرافيا حفظو كلش او ساهلين تاع فهامة فهامة برك
@@Bacmath2024 المصطلحات مع التواريخ عليهم 6 نقاط والمقال عليه 4 نقاط بيان سور نركز على المصطلحات والتواريخ واصلا نتي باين بلي معندكش خبرة سينون متغلطيش غلطة كيما هادي
@@ablaaya8565 شوفي ولا خيرتي موضوع الحرب الباردة المصطلحات يجو على الثورة و التواريخ و الشخصيات يجو مخلطين بين الوحدتين مع الخريطة و مقال على الحرب الباردة يعني يعكسوهم
قصدك بنية الاسئلة تغيرت .. استاذة شوفي الموضوع الي فات نتاع الإجتماعات باك 2020 مستحيل تجي نفس الوحدة في المصطلحات و الوضعية الادماجية ... وحدة واحدة تعني نصف العلامة
@@Bacmath2024صحيح استاذتنا المحترمة أكيد الوضعيات الادماجية يكونو مختلفين بين الموضوعين المقترحين و لكن الفرق الوحدات يكون بين المصطلحات و الوضعية الادماجية في الموضوع الواحد .. نقصد على سبيل المثال مصطلحات الوحدة الثانية تكون مع الوضعية الادماجية في الوحدة الاولى هذا في الموضوع الاول و الموضوع الثاني تكون مصطلحات الوحدة الوحدة الاولى مع الوضعية الادماجية من الوحدة الاولى .. اسمحيلي اذا كثرت الهدرة لكن هذا بحكم مواضيع السنوات القليلة الماضية
@@Bacmath2024 استاذة نسقسيك استاذة دائما موضوع يتحدث الموضوع الاول على الثورة والثاني على حرب الباردة استاذة يقدر مايجيش على حرب الباردة ويجي الموضوعين في 2على الثورة استاذة تعيشي جاوبيني 🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻
راكي غالطة اختي لانو المصطلحات يكونو تاع الثورة والشخصيات غالبا يكونو زوج حرب باردة وواحد من الثورة ..والتواريخ مخلطين ... والوضعية بما انو دارلك المصطلحات على الثورة يديرلك الوضعية على الحرب الباردة يعني المصطلحات يكونو العكس تاع الوضعية الادماجية هادي المنهجية من 2008 ويعني كي تحفضي دروس الحرب الباردة احفظي مصطلحات وشخصيات وتواريخ الثورة
استاذة نقدر نريسكي ونروح غير بلحرب الباردة بسكو ثورة اقسم بالله مقدرتلها وراني روطار وراهي تلفتلي كامل حتى حرب باردة لي كنت حفظتها حسيتها نمسحت كامل من مخي،استاذة من فضلك نصحني وجزاك الله خيرا
شوف ركز وحفظ دروس وشخصيات ومصطلحات الحرب الباردة ياخي وحفظ دروس الثورة + مع تواريخ خلط احفظ بتاع الثورة بتاع الحرب الباردة بسك يجيبو منهم في زوج بالتوفيق 🙏❤️
استاذ ني فهمتك مي مشكلة ني حاسة روحي معنديش الوقت منعرف كامل واش صرلي غير قرب الباك تلفتلي لمادة لي نشدها نخليها نص مع العلم اني تلميذة مجتهدة ومانيش مانوع لي ميحبش يقرا مي صارحة انا كنت نقرا غير كي يقربوا اختبارات وانا تاريخ وجغرافيا نحس روحي نفهمها كثرمن نحفظها على ذيك جتني كي لوحدة اولى تاع لجغرافيا وتاريخ هما سهلين والواحدت اخرى جوني صعاب وضرك راهي تلفتلي كامل وانا مانيش حابة نريسكي بلمواد الثانوية كيما تاريخ وجغرافيا واسلامية مع علم انا شعبة لغات اجنبية ،بصراحة فصل الاول كنت حفظة غير وحدة اولى من تاريخ ومن جغرافيا قلت نخلي وحدات الاخرى لباك لكن صدمة اني نسيت لوحدات الاولى لااني لم اراجعهم استاذة شوفي نقدر نقولك بسكو صراحة محتاجة منك نصيحة قبل كايفوتني لباك وتطفر فيا نحفظ اسلامية هذا اسبوع نكملها ثم نقرت رياضيات مع الاسبانية ف الاسبوع تاع بكالوريا بيضاء غير هما باش نكملهم بعدها نقرا لغة عربية بسكو هيا ورقتي رابحة ونريفزي شويا فرنسيةونحفظ وحدة تاريخ اولى لي كنت حفظتها وتمسحت تماما من مخي ثم الاسبوع الاخر لجغرافيا ومادة الفلسفة مع العلم اني فلسفة لااسف شديد منعرف كامل روحي وراني سدة فيها استاذة علبالي عيتك بهدرتي مشكلتي انو مواد لي كنت نعرف نقراهم نسيتهم كامل ومواد لي مامسيتخمش كامل راهم في غار حراء والله ماني عارفة فصول على قليل كنت نقرا كي لحقوا اختبارات ونزير روحي ونجيب علامان ملاح وكاين حتى ممتازة لكن مين لحقت بكالوريا مصديت لا لمادة لي كنت نعرف نقرها لا الىمادة التي في حياتي ممسيتهاش ومشكلة انو عيباد مكنوش كامل يقروا راهم ضرك يقروا وانا كي لحقت لصاح فشلت وكامل تلفتلي استاذة رجاء اريد نصيحة منك وربي يعطيك ماتتمني قبل متيفوتني الوقت
@@Bacmath2024 يسما فالموضوع الاول يجيو شخصيات ومصطلحات الثورة الجزائرية مع وضعية تع الحرب الباردة والسوجي التاني يكون العكس يعني الي حب يحفظ يحفظ مصطلحات الوحدة الاولى مع دروس الوحدة الثانية ول مصطلحات الوحدة الثانية مع دروس الوحدة الاولى ماشي يركز على وحدة برك يحفظ فيها كلش
أستاذة أنا ني شايفة كامل الامتحانات لي فاتو ونقلك راكي غالطة كي يمدولك موضوع الاول تلقاي فيه شخصيات والتواريخ والمصطلحات كيما قلتي بصح الوضعية الادماجية غلطتي يمدو العكس يعني الحرب الباردة ماشي الثورة
راكي غالطة جزء اول الا كان يحكي على ثورة جزائرية يعني وضعية ادماجية حرب باردة ولعكس في سوجي 2 الا كان حزء اول حرب بارة يعني وضعية ادماجية ثورة جزائرية في حياتي جامي تصادفت مع سوجي كيما راكي تشرحي فيه استاذة 😐😑
استاذة شوفي هذا التعريف اذا يصلح ولا لشخصيات الوحدة الثورة؛ احد اعضاء حركة الانتصار للحريات الديمقراطية وعضو هام في جبهة التحرير الوطني ومن القادة المفجرين للثورة
هذا الفيديو درتو اللي ماحفضين والو نصحتهم واش حفظو باش يقدرو يجاوبو .. ومن ناحية واش يجيبولهم راني وضحت في فيديو العتبة وفهمو عليا ومانيش مسؤولة على مفهومك الخاطىء اذا مافهمتيش نتي
مشكورة أختي على هذا الإجتهاد ، و لكن ما هكذا يُبنى الموضوع و أرجوا التحقق من المعلومات لأن هذا الموضوع حسّاس ... كاين تلاميذ معندهمش شخصية غير يتبعوا و من بعد يندموا للأسف ..
يعطيك الصحة لكن يا استاذة انا فهموني و على حساب ما شفت المواضيع الجزء الاول اذا كان على الحرب الباردة راح تكون الوضعية على الثورة و العكس نتي على حساب مفهومك راكي تقولي انو وحدة كاملة مثلا الثورة فموضوع واحد يتخلله سؤال و لا سؤالين من الوحدة الحرب الباردة
@@Bacmath2024 شكرا فهمتك بصح مايجيش سوجي هاكاك راني قوتلك ختي يجي مصطلحات تع ثورة و وضعية تاع حرب باردة أو العكس. و لي مشي حافظ يحفظ دروس تع حرب باردة و يزيد مصطلحات تع ثورة.
كذابة وتخرطي على التلاميذ كي تطيح الوضعية على الحرب الباردة يطيحو المصطلحات على الثورة والتواريخ والشخصيات مخلطين والعكس اذا طاحت الوضعية على الثورة المضطلحات تكون على الحرب الباردة والشخصيات والتواريخ مخلطين ماتجوش ملخر تكذبو على التلاميذ وتخلطوهم
يارحم والديك على طريقة الكلام اللي راكي تحكي بيها ... أنا لست مسؤولة على فهامتك كان نتيا ماتفهميش ماشي مشكلتي هكذا لاني هدرتي ومقصودها نفس هدرتك بالتوفيق 🙏❤️🥳
@@Bacmath2024ماشي نفس هدرتي كل نتي قلتي كي طيج الوصعية على الحرب الباردة تاني المصطلحات على الحرب الباردة وهي والو كي طيج الوضعية على الحرب الباردة المصطلحات تكون على الثورة والعكس
@@Bacmath2024 يا استادة واللهوغير كنت محتاجة واحد يقولي هاد لهدرة هادي والله بصح لمشكل تاعي سيك نضيع لوقت بزاف كيما ليوم صباح مزال مقريت والو تحاسبيني بربي يا استادة
راكي غلطتي اختي راهم يكونة بالعكس يعني مصطلحات الحرب الباردة مع وضعية على الثورة و مصطلحات الثورة مع وضعية على الحرب الباردة ولحوايج لخرا يخلطو👌🏻
راكي جاوبتي روحك بروحك شوفي معايا كي قلتلكم ركزو على الحرب الباردة ماشي معناتها كل الاسئلة على الحرب الباردة+ نفرضوها نتيا حفضتي الحرب الباردة وحفضتي المصطلحات تاعها والشخصيات تاعها هكذا كي رحتي تفوتي لباك خيرتي الموضوع اللي فيه الحرب الباردة ياخي ولقيتي معاه اسئلة خاصة بالثورة اسكو راح تدي علامة ولا نو؟؟؟ نقولك تدي بسك اغلبية الاسئلة اللي عليها تنقيط بزاف خاصة بالحرب الباردة تقولي المصطلحات في ميزك شحال عليهم التنقيط؟؟؟؟10 او 8 ؟؟؟؟؟؟ نونونو عليهم 1 حتى ل 1.5 دونك ماعندهمش تأثير كي تكون حافظ في دروس ومصطلحات وشخصيات الحرب الباردة ونفس اشي مع الثورة هذا الفيديو خاص اللي ماحافظ واااالو وريتلو واش يحفظ بسك مابقاش لوقت بالتوفيق 🙏❤️
@@Bacmath2024 فهمتك استاذة شكرا😊❤
المصطلحات عليهم 6 نقاط معليش
والوضعية عليها 4
يسما التاريخ تمشي بالعكس كون جات هكاك كونورانا نحفظو الوحدة 1 برك ندو كاااامل 20
يديرو المصطلحات تاع الثورة والوضعية تاع الحرب الباردة والشخصيات لازم يكونو مخلطين
بصح الموضوع لاخر العكس
يسما التلميذ ادا ركز على وحدة برك ميجيبش مليح
والجغرافيا بااينة كاامل 😁
@@ilhembouchiba6068 تسما خير اني نحفظ دروس الحرب الباردة ومعاها مصطلحات الثورة والشخصيات والتواريخ نخلط؟
☑
احفضوا وافهموا الحرب الباردة باها بالمصطلحات والشخصيات والتواريخ + شخصيات الوحدة الثانية والمصطلحات راهم كاين بزاف شخصيات عندهم تعريف مشترك على الاقل تخدوا 0.5 عليه خرمن مكانش الموضوع دائما يجبلك حرب باردة ومصطلحات تاع الوحدة الثانية مع شخصيات من الوحدة الاولى والعكس
المختصر المفيد
احفظو و افهمو الحرب الباردة باه تحلو الوضعية الادماجية
احفظو (مصطالحات - شخصيات - تواريخ) الوحدتين (ح.ب/ث.ج) باه تحلو اسئلة الجزء الاول
اذا راني غالط صححولي😅
حتى انا كيفك بصح حفظت المصطلحات نتاع الوحدة الثانية فقط .
حتى انا كيفك بصح حفظت المصطلحات نتاع الوحدة الثانية فقط .
@@مريم-ث3ب الصطلحات مايخلطوهمش؟
انا مزال ماحفطت اذا مايخلطوهمش نخير موضوع الحرب الباردة و نحفظ معاه مصطالحات الثورة برك
و بالتأكيد تواريخ و شخصيات الوحدتين
@@itsmeee3552 حتى انا ديرت كيفك
ايه اختي مخيلطوش انا معولة ندير كيفك حا نحفظ دروس الحرب الباردة ومصطلحات الثورة والشخصيات والتواريخ تاع الوحدتين اما الجغرافيا مابديتهاش لظرك
نصيحتي هي احفظوا دروس كلا الوحدتيين تقدروا مراحش الحال على الحفيظة و حفظوا تواريخ و شخصيات و مصطلحات تاع كل وحدة لكن مشي كامل بسكو بزااف حفظوا غير المهم و بالتوفيق
ختي من فضلك تقدري تعاونيني😔
@@qwertybnm8287 تفضلي في واش؟
@@rihem5321 يزيد فضلك
حاولت ومعرفتش نبدا ومبقاش وقت وانا نمر بظروف معررفتش كفاش نقدر نتجاوز هاذ لمرحلة كنت نقرا لباس عليا وكي لحقت لباك معرفتش كفاش هبطت لذي درجة وليت منستوعبش وش راني نقرا خايفة منربحش والديا ميستهلوش نكسر خاطرهم بسك هم دايرين فبالهم نربح عارفيني نقرا أما سنة كلش تبدل عاونيني تعيشي 😔💔
امييين ياارب
معليش مكاش مشكل
أنا تواريخ ومصطلحات خالعيني بزاف وحدة اولى وثانية
يااااااارب🙏🙏 متحرمناااش من فرحة البااكلوريا 2022
يارب العالمين❤
خاوتي خواتاتي
لا تكونو إمعة لي يجي زعما ينصحكم يهردكم
مع كل احتراماتي للأستاذة لكل هذا ظلم لينا حنا
كل شي هدرتيه ماكانش منو
اتخيلي نتي واحد ولا وحدة تبعك و هدا برايك بلا ما يتأكد و يحل الباكات ماشي ضيعيلو مستقبلو
متعرفيش متهدريش و منتصحيش بكل بساطة
اتولهو خاوتي في الموضوعين يكونو مخلطين بين الوحدتين
متصدو ني كلامي ني كلامها روحو شوفو وحدكم فل باكات تاع العام لي فات
صراحة استاذة غلطة كبيرة
شوفو أساتذة خرين احسن
مشكورة بزاف على طريقتك كلامك 👌 اقراي التعليق المثبت+ توضيح اللي درتو في لفيديو تاع لعتبة تلقاي هدرتي نفس تاعك دونك مانيش مسؤولة على مفهومك الخاطىء وشكرا بالتوفيق 🙏❤️
يا استاذة غالطة سي غالطة يعني بكل فهمو كيما انا تيما مني في خطا
ممكن تحدفي الفيديو لانو الاغلبية ممكن يكون مزروب و ميشوفش تعليقك و يروح فرحان يحفظ وحدة برك
يا اما نتي نسرعتي واش هدرولك مفهمتيش و جيتي فرحانة تهدرينا ولا حريتي روحك برك
الصراحة تتقال
خاصة لشعب الاداب و اللغات في معامل المادة
الغلطة غلطة
يلا نتي مستقبلك في يدك
كاين ناس. راي تجري وراوها
احلام الناس رجاءا لا تلبعو بهم
موضوع يخلطو فيه من الوحدتين
كاينين اللي مافهموش عليا واش قلت فلفيديو تبعو معايا مليح :
أولا : قلتلكم ركزو على الوحدتين الاولى و الثانية (الثورة +الحرب الباردة) لانها تكون متناولة في كلا الموضوعين
تانيا : اذا كان جابولكم الوضعية على الثورة راح يجيبولكم الشخصيات والمصطلحات عالثورة اغلبية الاسئلة راح تكون على الثورة بالنسبة للتواريخ رايحين يكونو مخلطين بين الثورة والحرب الباردة
ثالثا : اذا جابولكم الوضعية على الحرب الباردة اغلبية الاسئلة صوا فالشخصيات والمصطلحات راح تكون على الحرب الباردة هكدا والتواريخ راح يكونو مخلطين
رابعا : خلاصة القول : اذا كان الموضوع الأول مثلا الوضعية الادماجية تاعو عالثورة اغلبية الاسئلة اللي راح تكون فالموضوع الاول تحكي عالثورة راح تديو علامة مليحة يالوكان جابولكم سؤال ولا سؤالين على الحرب الباردة فالموضوع الاول كي شغل مايأثرش عليكم فهمتو عليا؟؟؟ ونفس شي بالنسبة الحرب الباردة. بالتوفيق 🙏❤️
شكرا 🇲🇦🇲🇦من المغرب
اظن انك غلطتي لانو حسب تجربة
كي جو مصطلحات على ثورة
جي وضعية علا حرب باردة والعكس صحيح ماشي مصطلحات على ثورة والوضعية علا ثورة
@@gateauxbyfattii324 وي عندك حق مام حنا قالنا ل استاذ هك
ومزالك غالطة
إنك مخطئة تأكدي قبل النشر وصححي معلوماتك قد تكوني سببا في خلط معلومات
التلاميذ ولو عن حسن نية. مشكورة على جهدك
والله يا خياتي تقدرو تحفظو شويا تضمنو 20نووورمال انا جوزتو العام لي فات والله محفظت حاجة الا حوايج باقيين في راسي من عند لبروف وديت فيها 12خاااصة الجغرافيا فهامة والتاريخ فيها الحفظ مي تقدرو تسلكو عاااادي
أكي غالطة ،،،انا مثلا ندير الحرب الباردة ،،مصطلحات يكونوا على الثورة ...
الشخصيات تاع الوحدتين :الشخصيات الامريكية +السوفياتية +الفرنسية وايضا الشخصيات الجزائرية هي لي تطيح في الحرب الباردة ..
اما التواريخ يحطوا على الوحدتين ،،هذي هي استاذة ،
روحي قراي اجابتي على تعليق زملائك نفس هدرة بالتوفيق 🙏❤️
في الحرب الباردة المصطلحات يكونوا على الثورة وليست على الحرب الباردة انتي قلتي على الحرب الباردة مستحيل بأستثناء التواريخ+الشخصيات هوما لي مخلطين فقط .
اط🙂
راكي غلطة اختي لتكون الوضعية على الثورة المصطلحات اجو على الحرب الباردة والشخصيات والتواريخ اجوا مخلطين الأولى والثانية والعكس كتكون الوضعية على الحرب الباردة المصطلحات اجوا تع الثورة والمصطلحات والشخصيات نفس الشيء اجوا مخلطين الوحدة الأولى والثانية
راكي متأكدة اختي؟ لأنني للأسف معنديش تجربة
يعني نحفظ دروس الثورة و مصطلحات الحرب الباردة
و نحفظ تواريخ و شخصيات كلا الوحدتين هكدا؟؟؟
ايه هكدا عندك حق
يعطيك الصحة على جهدك استاذة ...ولكن كل البكالوريات من 2008 الى يومنا هذا وبحكم عندي اربع بكالوريات كمترشحة حرة عمره لا طاحت نفس الوحدة في المصطلحات والوضعية ..دايما اذا كانت المصطلحات من الحرب الباردة تكون الوضعية من الثورة والعكس صحيح ...انا دايما كنت نحفظ مصطلحات وشخصيات الحرب الباردة تجيني ساهلة ونحفظ دروس الثورة ودائما مانخير الموضوع لي في شخصيات ومصطلحات الحرب الباردة والوضعية على الثورة كيما حفظت ودايما والحمد لله نتحصل على 19 فالمادة 💜🤍🌸🌺
راكي قولتيها نحفظ مصطلحات وشخصيات الحرب الباردة مع الدروس تاع الثورة راكي تقولي بلي تركزي على الحرب الباردة مع الدروس تاع الثورة باش تجاوبي هكذا وانايا هكذا هدرت فلفيديو قلتلهم ركزو على الحرب الباردة مع الدروس تاع الثورة بسك راح يركزو على وحدة مع بعض الاسئلة الخاصة بالوحدة اللي بقات
@@Bacmath2024
ايا عذرا استاذة راني فهمتك غلط .... انا حسبتك قلتي الوحدة لي طيح فالوضعية راح يكونو المصطلحات منها ايضا ...اعتذر عن سوء الفهم 🥺🌸🌺🤍😘😘
و التواريخ ختي يخلطو و لا يديرو تاع هذيك الوحدة
انا رح ندير العكس نحفظ الحرب البارده
نرمال نخير وضعية اللي فيها حرب باردة
شخصيات تان مخلطين ماشي غير تواريخ والوضعية الإدماجية دايمن جي عكس المصطلحات نصيحة من عندي حفضو دروس وِحدة وحدة ومصطلحات الوحدة الثانية وتواريخ وشخصيات يجو مخلطين حفظوهم في زوج وكان مصدقتوش روحو شوفو البكالوريات السابقة تفهمو
شكراً جزيلاً ربي يحفظك
شكرا أستاذة بصح عجبتني كلمة تورة ول ثورة ههههه الله يحفضك على هذي طريقة
😂
علاش راكي تغلطي في الخلق حرام عليك حابة تربحي دراهم على حسبهم وهما يبكوا على الباك اللي ماجابوهش بخطتك...
5:52
اكي غالطة ميجيبوش وحدة ف المووضوع كامل
المصطلحات اذا كانو وحدة1 الوضعية تجي الوحدة 2 و العكس
مكانش منها 🤦🤦🤦
راكي غالطة ختي ..حرام عليك تلعبي بالغاشي ..قولي حاجة متأكدة منها ولا اسكتي . زعما من نيتك الموضوع كامل يكون على وحدة فقط ؟؟🤪🤪
أبسط مثال العام ليفات ..كانت وضعية على الحرب الباردة والمصطلحات ڨااع على الثورة
يعني لي محفضش المصطلحات هاذوك راحت عليه ، وأصلا عليهم 3 نقاط والوضعية عليها 4 نقاط يعني تجي تعدلها من جيهة تعميها من الاخرى ....حرام تستغلو التلاميذ مساكن 👎
ايه صح انا جوزت باك عام لي فات و يجي موضوع فيه وحدة اولى و وحدة ثانية و جغرافيا ثان جزء وحدة لولة و جزء وحدة ثانية روحو شوفو البكالوريلت سابقة و تشوفو كيفاه كانو المواضيع. لوكان هكاك يجي موضوع وحدة اولى وموضوع وحدة ثانية نحفظو وحدة و صاي و نروحو بيها هههه
@@ihceneaida3750 هيه والله عندك الحق 😂
اختي انت مراكيش مختصة فالاجتماعيات متغلطوش التلاميذ شخصيات و تواريخ
ميكس و المصطلحات تكون عكس المقال الدليل
أستاذة المعذرة لكن بإطلاعي على مواضيع البكالوريات لاحظت أن المصطلحت كي يكونو مثلا على الثورة الوضعية تجي على الحرب الباردة والعكس صحيح والشخصيات والتواريخ والخرائط مختلطة من الثورة ومن الحرب الباردة وهذا بالدليل إطلعي على البكالوريات السابقة ،خلاصة القول موضوع البكالوريا نادرا ما يأتي مثلا حرب باردة وحدها كاملة بالمصطلحات بالوضعية الادماجية راح يكون دمج.
راكي قولتيها دمج بسؤال ولا سؤالين لا أكثر ولا أقل نتوما ركزو على الوحدتين بسك مايخرجوش منهم والوحدة اللي تساعدكم صوا ثورة صوا حرب باردة ركزو عليا بالتوفيق 🙏❤️
@@Bacmath2024 قصدي المصطلحات بالضبط.. اذا كانت الوضعية على الحرب البادرة المصطلحات لي الفوق راح يجو على الثورة فهمتيني؟ شوفي البكالوريات السابقة تفهمي وش قصدي .
ايه ديمة الوحدة لي يجيبولنا منهم الشخصيات والتواريخ الخ ميش نفسها الوحدة تع الوضعية يكونو متعاكسين استاذة خلطتي الغاشي
@@hadil7700 وي صحيح واش راكي تقولي.و ڨاع رانا معتمدين على هاذي الطريقة ولاستاذة هذي راهي ڨاع خلطتنا وتلفتهالي 😶😳تخلعت وحرت وش نتبع😭
وجغرفيا
ارواه راكي غالطة في هادي كي تكون الوضعية عالثورة المصطلحات راح تكون عالحرب
و كي تكون الوضعية الحرب الباردة راح تكون العكس المصطلحات يمدوها عالثورة وااشخصيات و التواريخ مخطلين كيف كيف
هذا الفيديو درتو اللي ماحفضين والو نصحتهم واش حفظو باش يقدرو يجاوبو .. ومن ناحية واش يجيبولهم راني وضحت في فيديو العتبة وفهمو عليا ومانيش مسؤولة على مفهومك الخاطىء اذا مافهمتيش نتي
دايمن فالموضوع و كيما عودونا يكون الجزء اللول تاع الشخصيات و ... ماعدا المصطلحات مخالف للوضعية بينما يجيبولنا مصطلحات نفس وحدة الوضعية . في كلى الموضوعين . معنتها لا خيرة مقال الحرب الباردجة راح تلقى شخصيا ت و تواريخ مخلطة ... و مصطلخات الثورة . لي حاب يحفض يحفض مصطلحات الثورة و دروس الحرب الباردة ولا العكس و يحفض التواريخ و الشخصيات المتكررة . - مفهمتش واش راكي تقولي استاذة .
ياخويا هذا لفيديو درتو التلاميذ اللي ماحفضين والو والوقت مابقاش قلتلهم حفضو بهادي الطريقة+ راني وضحت في فيديو لعتبة كيفاش يجي السوجي بالتوفيق 🙏❤️
@@Bacmath2024 ختي واش من وقت مابقاش الله يهديك 18 يوم ليوم واحد فيه 24h ناس حفظت في يومين جات في هادي واحد ينقص سوايع رقاد مايخمرش ويتكل على ربي ماشي حاجة كبيرة باش مايقدروش يحفظو
بارك الله فيك مغسي مي سمحيلنا راكي غالطا استاذا ... سي امبوسي يجي موضوع كامل على وحدة وحدا ..
ومكانش منها تحفظي وحدا وحدا وتدي عليها .. تدي غير نص العلامة ..
نشالله ندي لباك هاد لعام او نفرح والديا انا وياكم نشالله
مصطلاحات وحدة ثانية
ڜخصيات مخلطين
خرائط مخلطين
تواريخ مخلطين
مقال : حرب باردة
الوضعية الإدماجية تجي مخالفة مع الموضوع وكما قلتي عندك الحق لازم نحفضو فقط موضوع واحد وقليل من الموضوع الثاني
أستاذة الشخصيات يجو مخلطين بين الحرب الباردة و الثورة كإختصار قوليلهم يحفظول كل مصطلحات و تواريخ و شخصيات الوحدتين و ينحو لي طاحوا العام الماضي اما الدروس يخيرو يا الوحدة الأولى أو الثانية
او رويتها نتي لعكس ماشي عكذا
المصطلحات تاع وحدة 2 مع وضعية تاع وحدة 1 وشي لاخر مخلطين ولعكس صحيح هذا في التاربخ برك اما جغرافيا حفظو كلش او ساهلين تاع فهامة فهامة برك
ادعولي ننجح في باك زهرة ادعولي من فضلكم ادعيلي ننجح يا مقدمة القناة من فضلك🥺💔🤲🤲🤲👐
ان شاءالله بالتوفيق 🙏❤️
راكي غالطة ماشي هكا
اذا المصطلحات على الثورة الوضعية تكون على الحرب الباردة
المصطلحات شحال عليهم؟؟؟ وشحال من مصطلح راح يجيبولكم؟؟؟؟ اذا كترو 3 مصطلحات هكا اوكي دونك اسكو تركزي على الوضعية الادماجية ولا عالمصطلحات جاوبيني؟؟؟
@@Bacmath2024 المصطلحات مع التواريخ عليهم 6 نقاط
والمقال عليه 4 نقاط بيان سور نركز على المصطلحات والتواريخ
واصلا نتي باين بلي معندكش خبرة سينون متغلطيش غلطة كيما هادي
سبحان الله كي تهبطو فيديو متحوسوش تفهمو واش تحطولنا اطالعي على سوجيات ةمبعد حطي
راكي غالطة أستاذة .يجي موضوع أول مصطلحات ثورة وفي وضعية حرب باردة
و شخصيات وتواريخ مخلطين
نحي فديو ولا صحيه راكي تغلطي في لميعرفش
شوفي اجابتي فالتعليق المثبت وزيدي شوفيه فلفيديو لخر تلقايه نفس هدرة اللي هدرتي نتي كل شيء راهو مشروح بالتوفيق 🙏❤️
استادة يعيشك دلينا هكا كيما درتي هنا فالباك تاع 2023 ديرلنا فيديو هكا تعيشي استادة 😢
اسمحيلي استاذ بصح الموضوع الاول يجي مصطلحات حرب باردة على سبيل مثال بصح جزء الثاني يجي ثورة مش مصطلحات ثورة والمقال ثورة
كيما قالت الاستاذة ، ركزو على وحدة بسك يركزو عليها كيما شرحت الاستاذة فلفيديو
@@ablaaya8565 بصح اسمحيلي اذا قلولنا زعما تركزي على حرب باردة فالمقال تدي مي مصطلحات متديش ميحطوش سوجي كامل على حرب باردة فهمتيني
@@ablaaya8565 شوفي ولا خيرتي موضوع الحرب الباردة المصطلحات يجو على الثورة و التواريخ و الشخصيات يجو مخلطين بين الوحدتين مع الخريطة و مقال على الحرب الباردة يعني يعكسوهم
@@chamichami6595 ايه انا هكا نعرف
الوضعية الحرب الباردة مع المصطلحات في الثورة
والشخصيات مخلطين ⚠️⚠️
قصدك بنية الاسئلة تغيرت .. استاذة شوفي الموضوع الي فات نتاع الإجتماعات باك 2020 مستحيل تجي نفس الوحدة في المصطلحات و الوضعية الادماجية ... وحدة واحدة تعني نصف العلامة
لا في كل وضعية ادماجية وحدة مستحيل راح يمدلكم وضعية ادماجية فيها بالحرب الباردة بالثورة مستحيل جدا دونك كل وضعية ادماجية تتناول على دروس احدى الوحدتين
@@Bacmath2024صحيح استاذتنا المحترمة أكيد الوضعيات الادماجية يكونو مختلفين بين الموضوعين المقترحين و لكن الفرق الوحدات يكون بين المصطلحات و الوضعية الادماجية في الموضوع الواحد .. نقصد على سبيل المثال مصطلحات الوحدة الثانية تكون مع الوضعية الادماجية في الوحدة الاولى هذا في الموضوع الاول و الموضوع الثاني تكون مصطلحات الوحدة الوحدة الاولى مع الوضعية الادماجية من الوحدة الاولى .. اسمحيلي اذا كثرت الهدرة لكن هذا بحكم مواضيع السنوات القليلة الماضية
هكذا بعد قالنا الاستاذ ركزو على الوحدتين كيما هدرت الاستاذة ركزو معاها تفهمو واش راهي تقول بسك هدرلنا الشيخ كيما هي
@@Bacmath2024 شوفي البكالوريات السابقه استاذه تشوفي كيفاه عاكسين الأمر
@@merouanelaroussi4850 صح
استاذاة انا مني حافض والو وبش نبدا واشرايك لوكان نحفض الحرب الباردة ولجغرافيا نلحق ندي فوق 15 ولا حتا 15
ايه تلحق احفظ الحرب الباردة بالشخصيات بالمصطلحات وزيد دروس الثورة هكذا مع الجغرافيا راح تلحق
@@Bacmath2024 استاذة والله مفهمت مليح عاوديلي دراكت ملخر وشنروح ندير وربي يحفظك خاطر كنت راح نروح نعدي ومنيش راح نخزر فيها اجتمعيات مي ضرك جاني امل ندي فيها مليح انشاء الله وربي يحفظك سمحيلي
الله يبارك عليك ختيتو♥️♥️
ربي يوفقك مشكورة على المجهود
مرسي بزاف ازينة 😘❤️
@@Bacmath2024 استاذة نسقسيك استاذة دائما موضوع يتحدث الموضوع الاول على الثورة والثاني على حرب الباردة
استاذة يقدر مايجيش على حرب الباردة ويجي الموضوعين في 2على الثورة استاذة تعيشي جاوبيني 🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻
@@user-bac827 no jamais srat hadi
@@user-bac827 نو مستحييييل
راكي غلطة يااستاذة شوفي بكالوريات سابقة ڨاع فيهم مصطلحات وشخصيات وتوايخ الثورة و الوضعية حرب باردة وعكس في موضوع الثاني
ياختي هذا لفيديو درتو التلاميذ اللي ماحفضين والو والوقت مابقاش قلتلهم حفضو بهادي الطريقة+ راني وضحت في فيديو لعتبة كيفاش يجي السوجي بالتوفيق 🙏❤️
راكي غالطة اختي لانو المصطلحات يكونو تاع الثورة والشخصيات غالبا يكونو زوج حرب باردة وواحد من الثورة ..والتواريخ مخلطين ... والوضعية بما انو دارلك المصطلحات على الثورة يديرلك الوضعية على الحرب الباردة
يعني المصطلحات يكونو العكس تاع الوضعية الادماجية هادي المنهجية من 2008 ويعني كي تحفضي دروس الحرب الباردة احفظي مصطلحات وشخصيات وتواريخ الثورة
الموضوع الاول على الحرب الباردة
نن عكس سيجي اول يكون نثبا شخصيات ومصطلحات ثورة وتواريخ مخلطين. اما وضعية تكون الحرب الباردة
وسيجي ثاني يكون عكس ملي بديت نشوف سيجيات لقيتهم هكدا
أساتذة راني مزايلة ما حفظتش كيفها ندير أنصاحيني من فضلك وادعيلي🤲🤲 ننجح في باك زهرة ❤️
راني درتلكم فيديو على اللي ماحفض والو شوفيه راح تستفادي بزاف كان عندك سؤال بعتيلي فالانستغرام بالتوفيق 🙏❤️
@@Bacmath2024 معنديش الانستغرام أنصحين من فضلك وادعيلي 🤲 ننجح في گل الصلاة من فضلك
قبالي استاذة فل بكالوريا ديما موضوع 1 حرب باردة وضعية ثورة و سوجي 2 العكس 😅 منو2016 لل 2021 هك
استاذة نقدر نريسكي ونروح غير بلحرب الباردة بسكو ثورة اقسم بالله مقدرتلها وراني روطار وراهي تلفتلي كامل حتى حرب باردة لي كنت حفظتها حسيتها نمسحت كامل من مخي،استاذة من فضلك نصحني وجزاك الله خيرا
شوف ركز وحفظ دروس وشخصيات ومصطلحات الحرب الباردة ياخي وحفظ دروس الثورة + مع تواريخ خلط احفظ بتاع الثورة بتاع الحرب الباردة بسك يجيبو منهم في زوج بالتوفيق 🙏❤️
استاذ ني فهمتك مي مشكلة ني حاسة روحي معنديش الوقت منعرف كامل واش صرلي غير قرب الباك تلفتلي لمادة لي نشدها نخليها نص مع العلم اني تلميذة مجتهدة ومانيش مانوع لي ميحبش يقرا مي صارحة انا كنت نقرا غير كي يقربوا اختبارات وانا تاريخ وجغرافيا نحس روحي نفهمها كثرمن نحفظها على ذيك جتني كي لوحدة اولى تاع لجغرافيا وتاريخ هما سهلين والواحدت اخرى جوني صعاب وضرك راهي تلفتلي كامل وانا مانيش حابة نريسكي بلمواد الثانوية كيما تاريخ وجغرافيا واسلامية مع علم انا شعبة لغات اجنبية ،بصراحة فصل الاول كنت حفظة غير وحدة اولى من تاريخ ومن جغرافيا قلت نخلي وحدات الاخرى لباك لكن صدمة اني نسيت لوحدات الاولى لااني لم اراجعهم استاذة شوفي نقدر نقولك بسكو صراحة محتاجة منك نصيحة قبل كايفوتني لباك وتطفر فيا نحفظ اسلامية هذا اسبوع نكملها ثم نقرت رياضيات مع الاسبانية ف الاسبوع تاع بكالوريا بيضاء غير هما باش نكملهم بعدها نقرا لغة عربية بسكو هيا ورقتي رابحة ونريفزي شويا فرنسيةونحفظ وحدة تاريخ اولى لي كنت حفظتها وتمسحت تماما من مخي ثم الاسبوع الاخر لجغرافيا ومادة الفلسفة مع العلم اني فلسفة لااسف شديد منعرف كامل روحي وراني سدة فيها استاذة علبالي عيتك بهدرتي مشكلتي انو مواد لي كنت نعرف نقراهم نسيتهم كامل ومواد لي مامسيتخمش كامل راهم في غار حراء والله ماني عارفة فصول على قليل كنت نقرا كي لحقوا اختبارات ونزير روحي ونجيب علامان ملاح وكاين حتى ممتازة لكن مين لحقت بكالوريا مصديت لا لمادة لي كنت نعرف نقرها لا الىمادة التي في حياتي ممسيتهاش ومشكلة انو عيباد مكنوش كامل يقروا راهم ضرك يقروا وانا كي لحقت لصاح فشلت وكامل تلفتلي استاذة رجاء اريد نصيحة منك وربي يعطيك ماتتمني قبل متيفوتني الوقت
@@Bacmath2024 استاذة ممكن تشوفي وين ردتلي انت في عندي راني كتبة رد رجاءا قريه لااني محتاجة نصيحتك وجزاك الله خيرا
@@AbdouAbdou-he6ld شوفي اي حاجة قريتيها راهي مزالت في مخك برك مع لاشارج تبانلك نسيتيها هكذا وموالفة أنا شخصيا تصرالي نصحك بحاجة وحدة ديري الثقة في روحك وفواش قريتي وماتحطيش في بالك بليك رايحة تنساااي ونسيتي هكذا وماتقارنيش روحك بالناس وتقول امسبقوني وكدا وكدا نظمي لوقت وتركيز وكيما وصيتك
@@Bacmath2024 شكرا
بصح استاذة سوجي الحرب الباردة مصطلحات يكونو تاع الثورة اما شخصيات و التواريخ مخلطين نفس الشي مع الثورة الجزائرية قاع لي باك كانو هاكا
7asb mana3raf ki ymedo production 3la tawra ex les questions lo5rin 3la l7arb lbarida w haka wela lala!!!!!
أستاذة كيما أنا راني فاهمة و حافظة حرب باردة أسكو نزيد نحفظ ثورة ؟ جاوبيني من فضلك
ايه حفظي
زيد. زيد
@@l.13bzd91 🤣
سمحلي اختي راكي غالطة في الوضعيات يكون العكس وشكرا على النصيحة لي قدمتيها راكي سهلتنا المراجعة شكرا شكرا شكرا غادي نختار الحرب الباردة
كيفاش الوضعيات يكونو لعكس؟؟؟
@@Bacmath2024 يسما فالموضوع الاول يجيو شخصيات ومصطلحات الثورة الجزائرية مع وضعية تع الحرب الباردة والسوجي التاني يكون العكس يعني الي حب يحفظ يحفظ مصطلحات الوحدة الاولى مع دروس الوحدة الثانية ول مصطلحات الوحدة الثانية مع دروس الوحدة الاولى ماشي يركز على وحدة برك يحفظ فيها كلش
@@guzalcan8394 شكرا على الشرح
أستاذة أنا ني شايفة كامل الامتحانات لي فاتو ونقلك راكي غالطة كي يمدولك موضوع الاول تلقاي فيه شخصيات والتواريخ والمصطلحات كيما قلتي بصح الوضعية الادماجية غلطتي يمدو العكس يعني الحرب الباردة ماشي الثورة
انسيم هذا الفيديو درتو اللي ماحفضين والو والوقت مابقاش قلتلهم حفضو بهادي الطريقة اوموا باش يلقاو رواحيهم بالتوفيق
و لوكان في زوج مواضيع يحكو على الثورة الجزائرية 😒 كيفاه نديرو
مستحيل
راكي غالطة جزء اول الا كان يحكي على ثورة جزائرية يعني وضعية ادماجية حرب باردة ولعكس في سوجي 2 الا كان حزء اول حرب بارة يعني وضعية ادماجية ثورة جزائرية في حياتي جامي تصادفت مع سوجي كيما راكي تشرحي فيه استاذة 😐😑
هاذي كيما نديرو كعكة بدون زيت وبدون بيض وبدون فرن ههههنهن
علاه ماشي كل واحد يتبع اختصاصو ابقاي فالرياضيات راكي تهبلي
استاذه راكي خلطتي في الوضعية الادماجيه يجيبو الموضوع الاول مصطلحات الثوره والوضعيه الادماجيه حرب بارده
Machi dayman
لا راكي غالطة المصطلحات يجيبوهم فالتمرين الثاني والوضعيات الادماجية يجيبو صوا على الثورة او الحرب الباردة
ركزو معاها واش قالت قالت الوضعية تجي على احدى الوحدتين والتواريخ مخلطين من الوحدة لولا وتانية والشخصيات والمصطلحات يجيو من لوحدة الاولى و الثانية
@@marouanerandji833 ادبيه ؟؟؟
@@marouanerandji833 ادخل البكالوريات وشوف
ان شاء الله كامل ناجحين 🤲
بصح كفاه تقولينا احفظو وحدة فريدة ومبعد قلتي ركزوا عليهم في زوج !!!
بارك الله فيك أستاذة
وفيك بركة
استاذة شوفي هذا التعريف اذا يصلح ولا لشخصيات الوحدة الثورة؛ احد اعضاء حركة الانتصار للحريات الديمقراطية وعضو هام في جبهة التحرير الوطني ومن القادة المفجرين للثورة
استاذة الباك التجريبي منيش حافظة كفاش ندير 😞😞😞علبالي الصح في الباك مي منيش حافظة بزاف
أستاذة قصدك اكيد أنو يكون موضوع واحد مش مخلط بيناتهم؟
نعم
منيتك ؟؟؟ مزال يكفيهم لوقت يحفظوها كااااملة 20 يوم ويكملوها كامل غير كل يوم ينوضو عل 4 يديرولها 4 سوايع برك
راكي غالطة الوضعية الادماجية تكون عكس الشخصيات والمصطلحات
هذا الفيديو درتو اللي ماحفضين والو نصحتهم واش حفظو باش يقدرو يجاوبو .. ومن ناحية واش يجيبولهم راني وضحت في فيديو العتبة وفهمو عليا ومانيش مسؤولة على مفهومك الخاطىء اذا مافهمتيش نتي
كلش ساهل احفظوا برك كلش فهامة
راكي غالطة الموضوع الاول الجزء الاول التورة والجزء التاني الحرب الباردة والعكس صحيح في الموضوع التاني
ياختي هذا لفيديو درتو التلاميذ اللي ماحفضين والو والوقت مابقاش قلتلهم حفضو بهادي الطريقة+ راني وضحت في فيديو لعتبة كيفاش يجي السوجي بالتوفيق 🙏❤️
راكي غالطة ميطيحش سوجي كانل غلى الثورة هما يعكسو صحيها قبل مايغلطوا التلاميذ و شكرا
هذا واش كنت نقول أنا ، السوجي يجي بين الثورة والحرب الباردة لااكتر ولا أقل . العفو
راهي عاكسة الى داروا لينا تورة فلوضعية تاريخية او شخصيات او المصطلحات الحرب الباردة
ادا داروو شخصيات و مصطلحات على ثورة وضعية تجي حرب باردة ولعكس
ماعندك حتى علاقة بمادة التاريخ و الجغرافيا ⛔⛔⛔⛔⛔⛔⛔⚠️⚠️⚠️
بصح مالفين يخالفوا قصدك العام هدا رايحين يغيروا ؟؟ لانوا الاعوام سابقة ماداروش هكا ؟؟
الشخصيات كذلك يجو مخلطين من الوحد 1 و2 طالعي على البكالوريات السابقة
أستاذة الشخصيات. والمصطلحات ما يجوش مع بعضاهم
والجغرافيا واشنو هوما الدروس لي ركزو عليهم
هذي المنهجية في الأسئلة قصدك في الإختيار فقط ولا في البكالوريا ؟
في لبكالوريا
@@Bacmath2024 شكرا جزيلا
ربي يحفظك استاذة بصح راكي غالطة في شخصيات وتواريخ ومصطلحات مخلطة في كلا الموضوعيين
ياختي هذا لفيديو درتو التلاميذ اللي ماحفضين والو والوقت مابقاش قلتلهم حفضو بهادي الطريقة+ راني وضحت في فيديو لعتبة كيفاش يجي السوجي بالتوفيق 🙏❤️
استاذة بصح نتي راكي شفتي غير للتاريخ وجغرافيا لازم تشوفيلها
ان شاءالله
بصح كي نحفظ مثلا الحرب الباردة و الجغرافيا وآش نحفظ وحدة ثانية ولا
انا فهمت قصدك استاذة قصدك نحفظ وحدة وحدة خيرمن من ولو راني فهمتك
اكي غالطة استاذة
اذا كانو مصطلحات و شخصيات على ثورة
الوضعية راح تجي على الحرب الباردة
اوكي شوفي التعليق المثبت تفهمي واش هدرت
المعذرة ولكن في المواضيع راهم يخلطو كي يجيو المصطلحات من الحرب الباردة والشخصيات مخلطين يجيبو الوضعية من الثورة
راكي غالطة ختي تجي في موضوع الاول الحرب الباردة مع تواريخ مخلطين مع تورة و حرب الباردة اما موضوع الثاني تجي فيه الجزائر في وضعية الادمتجية
احفظ شخصية واحدة واذهب للباك واو الله عليكم
انا لم أقل ماتقولين.. التعريف اللي عطيتهولك صالح لجميع الشخصيات لعل وعسى تنساو كاش تعريف تكتبوه هو 😌
بصح ياستاذة كيفاش يعني غير هادا لعام يجي درس واحد في مقال ومصطلحات وشخصيات؟؟
مشكورة أختي على هذا الإجتهاد ، و لكن ما هكذا يُبنى الموضوع و أرجوا التحقق من المعلومات لأن هذا الموضوع حسّاس ... كاين تلاميذ معندهمش شخصية غير يتبعوا و من بعد يندموا للأسف ..
عندك الحق راها غالطة
ويناه لي فيه مصطلحات اقل
استاذة انا بغيت نخير الثورة جاتني ساهلة
بالتوفيق 🙏
شكرا
يعطيك الصحة لكن يا استاذة انا فهموني و على حساب ما شفت المواضيع الجزء الاول اذا كان على الحرب الباردة راح تكون الوضعية على الثورة و العكس نتي على حساب مفهومك راكي تقولي انو وحدة كاملة مثلا الثورة فموضوع واحد يتخلله سؤال و لا سؤالين من الوحدة الحرب الباردة
استاذة ممكن تشوفي ردي اليك في تعليقات راني رديت عندي انا وين يحطو رد كيما نت حطيتهولي رجاء قري هذاك رد لااني محتاجة نصيحتك وجزاك الله خيرا يارب
وين كتبت الرد تاعك والله ماشفتو عاود كتبهولي في تعليق وحدو باش يطلع وبالتوفيق والنجاح ان شاءالله يااااااااربي 🤲❤️
@@Bacmath2024 استاذة كتبتو وين نصحتني بلي نحفظ وحدة تاع حرب باردة كملة يعني بيها بكلش مع ثورة بيها بكلش وجزاك الله خيرا
@@Bacmath2024 استاذة كتبتو وين راكي قتلي بلي حفظي تاريخ وحدة اولى وثانية بيها بمصطلحتها
وجزاك الله خيرا استاذة تعيشي دعيلي بنجاح بلاك بدعوتك ننجح ويروحلي لخوف
راكي غالطة يا ختي علاش تغلطي فناس حرام عليك هي جي مصطلحات تاع حرب باردة و وضعية ثورة أو العكس . من فضلك و مع كل احتراماتي ليك من الأفضل حذف الفيديو 👌
ياختي هذا لفيديو درتو التلاميذ اللي ماحفضين والو والوقت مابقاش قلتلهم حفضو بهادي الطريقة+ راني وضحت في فيديو لعتبة كيفاش يجي السوجي بالتوفيق 🙏❤️
@@Bacmath2024 شكرا فهمتك بصح مايجيش سوجي هاكاك راني قوتلك ختي يجي مصطلحات تع ثورة و وضعية تاع حرب باردة أو العكس. و لي مشي حافظ يحفظ دروس تع حرب باردة و يزيد مصطلحات تع ثورة.
@@Bacmath2024 و شكرا على مجهوداتك و يرجى منك التصحيح❤بالتوفيق إن شاء الله ربي ينجحنا ❤
5:34
المعذرة بصح راكي غالطة ميجيبوش وحدة واحدة ف المووضوع كامل
المصطلحات اذا كانو تع الوحدة 1
الوضعية تجي حول الوحدة 2
و العكس
كذابة وتخرطي على التلاميذ كي تطيح الوضعية على الحرب الباردة يطيحو المصطلحات على الثورة والتواريخ والشخصيات مخلطين والعكس اذا طاحت الوضعية على الثورة المضطلحات تكون على الحرب الباردة والشخصيات والتواريخ مخلطين
ماتجوش ملخر تكذبو على التلاميذ وتخلطوهم
يارحم والديك على طريقة الكلام اللي راكي تحكي بيها ... أنا لست مسؤولة على فهامتك كان نتيا ماتفهميش ماشي مشكلتي هكذا لاني هدرتي ومقصودها نفس هدرتك بالتوفيق 🙏❤️🥳
@@Bacmath2024ماشي نفس هدرتي كل نتي قلتي كي طيج الوصعية على الحرب الباردة تاني المصطلحات على الحرب الباردة وهي والو كي طيج الوضعية على الحرب الباردة المصطلحات تكون على الثورة والعكس
@@Bacmath2024 خلاص اسمحيلي ابوني في قناتي ختي بليز
راكي تخلطي فالناس روحي تاكدي من معلوماتك
القراية هادي بدكاء وفهامة ماشي تقرا وتحفظ كل شيء باش تقولي اني قريت وحفظت والطريقة هادي مديتها اللي ماحافظ والو ومالقاش منين يبدا . دونك راكي تقولي راني غالطة اوكي ماتمشيش بالطريقة هادي وبالتوفيق والنجاح ان شاءالله
@@Bacmath2024 كي يقلك واحد راكي غالطة ماشي عيب صححي معلوماتك فقط ومتغلطيش الناس معاك
بصح راهم ولاو يديرو جزء حرب باردة وجزء بالثورة الجزائرية
استادة انا تسيير و اقتصاد عندي عليها 4المعامل نقدر نركز غي على الحرب الباردة
استادة نسقسيك انا راني حابة نجيب معدل 16 مي معلاباليش اسكو راني مليحة ولا لالا اسكو نقدر نوصل زعما لوين راني حابة او زيد راني نضيع بزاف لوقت هل يكفيني لوقت باش نوصل وين راني حابة ارجو الرد🙏🙏🙏
واش هي الحاجة اللي تخليك ماتوصلش؟؟؟؟ كل شيء بالارادة صدقيني كي تحبي توصلي سي توصلي وراح توصلي وانايا متأكدة راح توصلي مدامك خممت فالمعدل وقصدتيني بالنصح راح تحققي واش حابة بسك راكي عن جدارة باغية بالتوفيق 🙏❤️ وعندي ثقة فيييك وتقدرلها
@@Bacmath2024 يا استادة واللهوغير كنت محتاجة واحد يقولي هاد لهدرة هادي والله
بصح لمشكل تاعي سيك نضيع لوقت بزاف كيما ليوم صباح مزال مقريت والو تحاسبيني بربي يا استادة
@@oumsana7081 النفس البشرية هكذا ماتخليش الشيطان يلعب في مخك حطي بين عينيك ليامات اللي بقاو وتشبعي الراحة كووووراج وديريه كتحدي هكذا
@@Bacmath2024 و شنو لي نديرو تحدي 🤔
اذا حابة توصلي لوين حبيتي بعدي عليك تلفون
الله يعطيك ماتتمني يااستاذة ودعوتك لينا بمجاح في شهادة بكالوريا
Mafhemt weloo
استاذة وينهم فيديوتك تاع الرياضيات المواضيع
شوف التصحيح تاع المواضيع من 2021 وروح مع الملخصات تاني شوف فلاشان تلقاي كل شيء
موش تجي المصطلحات من وحدة و الوضعية من وحدة؟
شوف التعليق المثبت تفهم واش قصدت مليح
@@Bacmath2024 في الفيديو كتبتي العكس
انا يختي من لاحرارعمري ٥٠سنة اريدطريقة فهامة
اقراي الدرس مليح هزي الافكار الاساسية وعاودي لخصيه بطريقتك باش تشفاي عليه