Chinakam bo'lajak pedagoglar saralanmoqda

Nizomiy nomidagi Toshkent davlat pedagogika universitetida ham 2021/2022-oʻquv yili bakalavriat bosqichi uchun alohida iqtidor talab etiladigan yoʻnalishlarda kasbiy-ijodiy imtihonlar bo'lib o'tmoqda.
Kasbiy-ijodiy imtihonlardan ko'zlangan asosiy maqsad abituriyentlarning tanlangan mutaxassisliklari boʻyicha imkoniyatlarini aniqlash, bilim va malaka darajasi, kasbiy koʻnikmasi, ijodiy hamda jismoniy qobiliyatini baholashdan iborat.
Musiqa ta'limi, Tasviriy san'ant va muhandislik grafikasi, Chaqiriqqa qadar boshlang'ich tayyogarlik va Jismoniy madaniyat (turlar bo'yicha) bakalavriat ta'lim yo'nalishlari bo'yicha minglab yoshlar kasbiy-ijodiy imtihonlarda o'z salohiyatlarini sinovdan o'tkazishmoqda.
Imtihon jarayonlari to abituriyentlarni ro'yxatga olishdan boshlab, jarayon yakunlanguniga qadar belgilangan qoidalarga rioya qilinishi nazoratchilar tomonidan sifatli tashkil etilyapti.
Kasbiy-ijodiy imtihonlar bo'lib o'tayotgan binolar, hudud va inshootlarda abituriyentlar uchun barcha sharoitlar yaratilgan. Xususan, sovutish texnikalari, imtihon uchun zarur bo'lgan jihozlar, chanqoqbosdi ichimliklar, sanitariya-gigiyena vositalari, tibbiy niqob va qo'lqoplar yetarli darajada tarqatilmoqda.
Jarayonlar imtihon.edu.uz sayti orqali jonli efirga uzatilmoqda. Abituriyentlarning yaqinlari va barcha xohlovchilar imtihonlarni jonli kuzatishlari mumkin. Sinovlar uchun belgilangan vaqt qoidalariga amal qilinishi ta'minlanmoqda.
Abituriyentlarning imtihon oʻtkaziladigan binoga kirishidan imtihonlarni tugatib, binoni tark etguniga qadar boʻlgan barcha jarayonlar karantin qoidalariga qatʼiy amal qilingan holda tashkil etilyapti.
Kasbiy-ijodiy imtihonlarda mahalliy kengashlar deputatlari, jamoatchilik vakillari, ommaviy axborot vositalari xodimlari va blogerlar kuzatuvchi sifatida ishtirok etishlari ta'minlanmoqda.