Şuşadan Xocalıya qonaq gedən məşhur yazarların başlarına nələr gəldi: heyrətamiz görüntülər
HTML-код
- Опубликовано: 17 окт 2024
- #xəbərlər #sonxəbərlər #tvmusavat #trend #musavat
#tvmusavat #azerbaycan #trend
© Bütün hüquqlar qorunur ℗ TV MUSAVAT
Şuşadan enib, Xankəndidən keçib, Xocalıya qonaq getdik - FİLM KİMİ ZİYARƏT
Şuşadan enib, Xankəndidən keçib, Xocalıya gedirik.
Kimlərdir bu müqəddəs ziyarətin zəvvarları? Mətbuat Şurasının sədri Rəşad Məcid, BDU jurnalistika fakiltəsinin dekanı Vüqar Zifəroğlu və bir də bu süjetin, oxuduğunuz bu mətnin müəllifi Rauf Arifoğlu. Həmkarımız Səriyyə Müslümqızı Xocalıda, yeni köçdüyü evində samovar qoyub, yolumuzu gözləyir...
Bu cümlələrin gözəlliyinə, sehrinə və heyrətamiz təsirlərinə baxın. Cəmi bir il öncə, 2023-cü ilin iyulunda belə mürrəkkəb cümlə qurmaq mümkün deyildi. Hətta "Xocalıya gedirik", kimi söz birləşməsi ifadə etmək, ən sadə cümlə qurmaq imkanımız da yox idi.
Ötən il Xankəndiyə, Xocalıya, Əsgərana, Ağdərəyə bağlı bütün iddia və ifadələr gələcək zamana aid idi... İndi o GƏLƏCƏK gəlmişdi, biz də onun içi ilə Xankəndidən keçib, Xocalıya gedirik...
22 iyul 2024-cü ildir. 2-ci Şuşa Qlobal Media Forum işini bitirər - bitirməz Mətbuat Şurasının sədri Rəşad Məcid Səriyyə xanıma telefon açdı və "sizə gəlirik", dedi. Şuşadan Xocalıya məsafə nədir ki! Qala şəhərdən endikdən yarım saat sonra Xocalıdasan. Baxmayın, biz millət olaraq bu yola çıxmağı 31 il gözlədik. Şəhidlərimizin, qazilərimizin, Ordumuzun sayəsində bu YOL dediyimiz böyük nəticəyə nəhayət, ötən ilin 20 sentyabrından sonra çıxa bildik.
İndi buralar ən əmin yerlərdi. Maşınımızla Bakıdan Şuşaya, Oradan Xankəndiyə, oradan da bax indi olduğu kimi, Xocalıya şütüyürük, heç bir təhlükə hiss etmədən şəhid şəhərimizə doğru yol alırıq.
Budur, Azərbaycanın ən böyük fəlakətinin, gerçək soyqırımın yaşandığı şəhərə daxil oluruq. Bu da Səriyyə Müslümqızının müharibədən yaralı çıxan evi.
Səriyyə xanım danışır: "Mənim bütün həyatım burada keçib..." Bu, dil sürüşməsi deyil. Xocalıdan 32 yaşında çıxsa da, Xocalı hər zaman onunla olub, bütün həyatını, yaradıcılığını Xocalıya həsr edib. Bu anlamda, Səriyyə xanımın bütün həyatı əslində Xocalı ilə keçib...
Bu evin açarını Səriyyə Müslümqızına Azərbaycan Prezidenti İlham Əliyev və Birinci xanım Mehriban Əliyeva veriblər. Qarabağı azad edib, onun açarını Azərbaycan xalqına qaytaranlar Səriyyə xanımı da öz evinə qaytarıblar.
Səriyyə xanım danışır, bir kövrəlirik. Bizimlə söhbətdə Mehralıyev Elşən də iştirak edir. Elşən bəy Xankəndi şəhərində, Ağdərə və Xocalı Rayonlarında "Bərpa, Tikinti və İdarəetmə Xidməti"ndə böyük məsləhətçi kimi çalışır.
Elşən Mehralıyev soyqırım gecəsindın 2-3 gün əvvəl Xocalıdan atasının yük maşını ilə çıxmış, yolda erməni quldurlarına ailəcə əsir düşmüş və 3 yaşında böyük müsibətlər yaşamış soydaşımızdır. Ağdamın könüllü batalyon komandirlərindən olan Ala Yaqubun sayəsində ailə əsirlikdən qurtulub, sonra isə ölkənin müxtəlif bölgərində yaşayıblar. Elşən bəy İzmirdə universitet bitirib. Amma 3 yaşında çıxdığı Xocalıya 32 il sonra yenidən qayıdıb. Bu dəfə Xocalının bərpa edənlərdən, onun yarasını sarıyanlardan biri kimi...
Səriyyə xanımın çayını içib, onumla sağollaşıb, Əsgəran səmtinə yol alırıq. Xocalı 1 saylı tam orta məktəbin, Xocalı parkının görüntülərini kameramıza köçürdürük. Bax, indi cənnətə bənzəyən bu ərazilərdə; bax, bu torpaqlara 26 fevral 1992-ci il tarixində erməni işğalçıları və sovet-rus hərbçiləri tərəfindən gerçək qətliam, soyqırım həyata keçirilib. Xocalı soyqırımı nəticəsində 63-ü uşaq, 106-sı qadın, 70-i qoca və qarı olmaqla, 613 Xocalı sakini qətlə yetirilib, 8 ailə tamamilə məhv edilib, 25 uşaq hər iki valideynini, 130 uşaq valideynlərindən birini itirib. Düşmən gülləsindən 76-sı uşaq olmaqla, 487 nəfər yaralanıb. 1275 nəfər əsir götürülüb. Əsir götürülənlərdən 150 nəfərinin, o cümlədən 68 qadın və 26 uşağın taleyi bu günədək məlum deyil.
Bəli, biz indi bu torpaqlardayıq. Elşənin 3, Səriyyə xanımın 32 yaşlarında didərgin düşdüyü Şəhid Xocalıdayıq. Yeni Xocalını dirçəldir, məskunlaşdırır, şəhər salırıq.
Gördüyünüz bu gözəlim, şəhid qanı ilə suvarılmış bu müqəddəs yerlərə 44 ailə qayıdıb. Böyük Qayıdış davam edir.
Xocalı bizimdi, Qarabağ Azərbaycandı...
Rauf Arifoğlu
Allah şəhidlərimizə rəhmət eləsin. Nə gözəl görüntülər. Təşəkkürlər.
Sehidlermize min rehmet 🤲🤲🤲igid oglanlarimiza Allahdan can sagligi dileyiruk🤲🤲🤲
Təşəkkür. Əla reportaj
Can şəhidlərim, ruhunuz qarşısında baş əyirəm. Bu gün haqq etməyənlər o torpaqları tapdayır, şəhid ailələri həsrətdilər bu torpaqlara gəlməyə!
👍👍👍👍👍👍👍👍👍👍👍👍👍👍
❤🇦🇿🇦🇿🇦🇿🇦🇿💯❤️
Allah ziyarətinizi qəbul etsin ,Rauf bəy. Şəhidlərimizə min rəhmət
Təşəkkürlər, Qadir bəy
Ханкенди Азербайджан Турк торпахыдыр ❤
Bax belə şeylər çəkin gösderin. Belə söhbətlər edin bizədə ləzət eləsin. Yoxsa təxribat yaratmaqla nolasidi?
Mənimdə könlümdən də satılmaq keçdi.Hakimiyyətə hə deyib,xalqa arxa çevirmək istədim.Ancaq mən yaltaq ola bilmədim.
Sən erməniyə satıl. Qarabağı qaytaran Ali Baş Komandana dəstək verməyi satılmaq kimi qiymətləndirən elə e*rməninin ya özüdü, ya da nökəri
@@musavattv Danışığınıza fikir verin,təhqir etməyinizin qarşılığın versəm xoşunuza gəlməyəcək.
@@musavattvÇoxlarının ürəyincə deyil, Qarabağın erməni Terrorçularından təmizlənməsi.
Çox təssüf edirəm içimizdə belə insanlar çoxdu, Onlar hələ də başa düşmürlər ki, Azərbaycan dövləti
İnanılmaz bir Tarix yazdı.
Cox wukur Allaha bu gunu gorduk tewekkurler sizlere Allah wehidlerimize rehmet elesin qazilerimize tarix yazan prezidentimiz Ilham Aliyeve can sagligi versin Rusiyadan salamlayiram sizleri vetenperver insanlar ! 👍💓🇦🇿🇹🇷💓🙏✊
Təşəkkürlər!