МОНГОЛ УЛС: ШҮҮХИЙН ИНДЕКС 2021 судалгааны дүнг танилцууллаа

Нээлттэй нийгэм форум ТББ Оюуны Инновац ТББ-тай хамтран хэрэгжүүлсэн МОНГОЛ УЛС: ШҮҮХИЙН ИНДЕКС 2021 судалгааны дүнг танилцууллаа. Тус байгууллага нь 2008 оноос эхлэн шүүхийн хараат бус байдлыг бэхжүүлэх зорилгоор судалгаа шинжилгээ, олон талын оролцоо бүхий бодлогын хэлэлцүүлэг зохион байгуулж иржээ. Өнгөрсөн хугацаанд хуримтлуулсан шүүхийн салбарын судалгаа шинжилгээний туршлага, олон улсад туршигдсан эрх зүйн салбарын үнэлгээний арга зүй, дотоодын шинжээчдийн үнэтэй зөвлөгөөний дагуу үндэсний индексийн арга зүйг тодорхойлж Монгол Улсын шүүхийн нөхцөл байдлыг 2021 оны байдлаар үнэлж индекс буюу тоогоор илэрхийлэх судалгааг хийсэн байна.