ЗАЛУУ ХҮМҮҮСТ ӨГӨХ АЖЛЫН ГАРААГАА ЭХЛҮҮЛЭХ ЗӨВЛӨГӨӨ

Бүх хүн ажилд ороод 2 төрлийн цалин авдаг.
1.Мөнгө
2.Мэдлэг
Аль нь илүү чухал вэ?
Хоёрдохыг нь сонгосон бол баяр хүргэе. Та амжилтын нууцыг олжээ.
Яагаад гэвэл мэдлэг, чадвартай хүний араас аяндаа мөнгө дагадаг.
Ихэнх залуу хүмүүс мөнгө биш, мэдлэгийн араас явдаг.
Тэд өөрийгөө туршлагагүй, чадваргүй гэдгээ мэддэг учраас их цалин амласан ажлын араас явдаггүй. Цалингаа голж их зан гаргадаггүй.
Өөрөөр хэлбэл, ШУНАЛГҮЙ.
Үүнийхээ үр дүнд маш зөв шийдвэр гаргадаг. Зөв ажлын байр сонгодог.
Жишээлбэл, энэ бичлэгийг манай том хүү Дамиран эдитлэсэн байгаа.
12 настай хүүхэд шүү.
Надаас их цалин авъя гэж гуйгаагүй, харин би юм сурмаар байна гэж хэлсэн.
Гэхдээ одоо сурсан чадварыг нь харвал нэг компани руу анкетаа явуулаад, сарын 2-2.5 сая ₮ цалинтай ажилд орж чадах байх.
Өөр нэг жишээ гэвэл би. Би хэзээ цалин орлогоо дээшлүүлсэн бэ? гэвэл…
Ажлын ярилцлагад орохдоо биш.
Анх үндсэн ажилтан болсныхоо дараа ч биш.
Харин ажлаа хийж байхдаа өөрийн үнэ цэнээ харуулсныхаа дараа.
Би залуудаа нэг жижиг банканд ажиллаж байсан.
Тухайн банкны хамгийн том асуудал нь 18 тэрбумын хадгаламжтай байсан явдал.
Маш бага тоо.
Тухайн үед би ажлын туршлагагүй, чадваргүй, дундаж орлоготой л нэг ажилтан байсан.
Тэгээд захирлаасаа асуугаад, хадгаламжаа өсгөх тал дээр ажиллахаар болсон.
Өөрийнхөө хүсэлтээр.
Дараа нь салбар дээр байрлаж ажилласан ч, хүмүүс орж ирсэнгүй.
Тэгэхээр нь гадаа гараад хүмүүстэй ярьж эхэллээ.
Хэд хоногийн дараа хүйтэн ус өгөх зуураа жижигхэн асарт банкаа сурталчиллаа. Дараа нь сугалаа, урамшуулал зарлалаа.
Зарим өдөр 60 сая₮, зарим өдрүүдэд 10 сая ₮. Заримдаа 0₮… гэх мэт үргэлжилсээр.
Эцэст нь жил хагасын дотор манай банкны хадгаламж нийтдээ 80 гаруй тэрбум болсон байлаа.
Тухайн үед би өндөр цалинтай байгаагүй. Надад мэдлэг туршлага ч байгаагүй.
Гэхдээ дараагийнхаа ажлын байрт орох үед миний цалин нэмэгдсэн.
Яагаад гэвэл би өмнөх компанидаа бодит амжилт үзүүлсэн учраас. Надад бага ч гэсэн туршлага, мэдлэг, чадвар бий болсон учраас.
Миний залуу хүмүүст өгөх зөвлөгөө:
“Мөнгөнд битгий анхаарлаа хандуулаарай.”
“Юу сурч, юу хийж бүтээж болох вэ? гэдэгтээ төвлөрөөд, ажлын байраа сонгоорой.”
“Хэний дор, ямар хүмүүстэй хамт ажиллаж байгаа чинь чухал шүү.”
Залуу нас гэдэг эрсдэл авч, алдаа гаргах боломжтой нас.
Би ч гэсэн олон удаа бүтэлгүйтэж байсан.
Хэрвээ 20-30 настай өөртөө зөвлөгөө өгөөрэй гэвэл:
“Идэрээ, контент дээр илүү төвлөр. Илүү хурдан юм сурч, амжилт гаргамаар байвал контент илүү үр дүнтэй шүү” гэж хэлэх байсан.
Гэхдээ сүүлийн 10 жил контент, борлуулалт хийгээд сурах ёстой зүйлсээ сурч авсан тул харамсах зүйл байхгүй.
Хэрвээ та нэмэлт орлоготой болж, өөрийнхөө компанийг байгуулах хүсэлтэй байвал эхлээд маркетинг борлуулалт, контент хийх чадварт суралцаарай.
Та заавал зузаан хуудастай, юу яриад байгаа нь ойлгогдохгүй, том корпорацуудад л хэрэгтэй стратеги, шинжилгээний арга заасан ном унших шаардлагагүй ээ.
Борлуулалт яаж хийдгийг маш энгийнээр сурах боломжтой болсон. Plato платформ дээр “БОРЛУУЛАЛТЫН НУУЦ” сургалт маань орсон байгаа.
500 хуудастай, 80 гаруй бичлэгтэй.
Хамгийн чухал нь: 1000 гаруй дасгалтай.
-Хэрхэн контент, пост бэлтгэх вэ?
-Хэрхэн хүмүүсийн анхаарлыг татсан гарчиг бичих вэ?
-Хэрхэн мэргэжлийн борлуулагчид бусдын анхаарлыг татсан, сонирхолтой, хамгийн чухал нь борлуулалт нэмэгдүүлдэг контент бүтээдэг вэ? талаар сурна.
Сургалтын линк: app.plato.mn/m...

[@user-zr7pm1lz7q]

Ene hvniig vzj l uhaarj bn daa ❤🎉

[@ariunaapuntsag139]

Хүн бүр үзээсэй

[@khajidmaadashdondog4599]

Thanks ❤❤

[@ulamtugsaltangerel991]

tanig ireeduid martahgue