PEÑAFRANCIA 2022 STREET PROCESSION

Ako man deboto ni Ina alagad sa hiling ko, kaipuhan ta liwat na maghorop-horop kung pano kita mag-debosyon. Enot na epekto kan debosyon iyo an disiplina. Dakul nagkukulang igdi, kaiba man ako.
Siguro, magayon man na paghugutan nin adal an nakaaging pandemya kung sain nagpadagos man giraray an debosyon maski nasa mga kanya-kanyang harong. Ngonian na nakabalik na ang pisikal na pag-atender kan mga misa, pagpangadyi, prusisyon asin iba pang aktibidades, baka magayon na balikan kung pano an maninigong pag-omaw ki Kristo sa paagi ni INA. Minsan, nasa disiplina, katoninongan asin pagsasabuhay an tunay na debosyon.
#Peñafrancia2022