Dobla sento - Lalatiana

DOBLA SENTO
(Naka Rabemanantsoa)
Midona aman-kalo ny oran-k' ho avy
Miafana kely ireo olo-manavy,
Ny fanantenana fa ho mando ny tany,
Na koa hampitony ny maso tomany
Injany midona Ankaratr' irony
Ka manembonembona mafy ny fony
Ny fon' ilay tiana ka lavitr' izany,
Dia tsy mba mionona, tsy mety mitony
Ny fo diso tia, ny fo sara-tiana,
Hanomboka koa hisento mangina,
Handefa ny sento hamaky ny foana,
Hiampita ao an-tsofin' ilay tsy anoloana.
Ny foko mitempo mihevitra koa
Hanala ny sento tsy toha,
Fa dobla sento mandeha iray dia
Ho tonga santionan' ny fo mifangia

[@nirinaramangasalama3265]

Sento roa.

[@HeryDario]

Tout simplement sublime!!!

[@SuperLadypooh]

Superbe !

[@pauletterasoarivony3977]

Kanto loatra, mamelovelo, misaotra Lalatiana

[@ravorazakamahenina6232]

double sento marina