شكرا ازيزتا نهرين على هذا الفيديو التعليمي اللي تحتاجه كل ربة بيت. انا شخصيا تعلمت اشياء كثيرة لم اكن اعرفها من قبل. انت ملكة برامج الطبخ على RUclips بدون منازع. تذكرين ادق التفاصيل ولكن بطريقة سلسة وغير مملة اما وصفاتك فأنا اثق بها عن تجربة فهي دائما رائعة ولذيذة. الف شكر على مجهودك الرائع وربنا يحميك ويرعاك انت وعائلتك لكي تتحفينا بالمزيد 🙏🏻🙏🏻❤️✝️
عاشت الايادي عزيزتي نهرين .شغلج كولله صحيح ومرتب . تذكريني بنفسي هسة قللت التفريز .بصراحة تعبت وكبرت شوية . الله ينطيج الصحة والعافية ومن نجاح إلى نجاح.
عاشت ايدج يا احلى نهرين والله يقويج لان صدك تعبتي... نهرين ياريت عفية تسوين بهارات البسطرما اذا ما بيها ازعاج وشكرا الج يا ست الكل ويا ملكة الطبخ والترتيب😘❤
تسلمين حبيبتي. اكيد اتفق وياج انه كلشي اكو بالسوك بس مرات تصدف انه بعض الخضار ماتكون متوفرة اذا ردنا نسوي طبخة بشكل طارىء خاصة تفريزات الدولمة بس دائما افضل اذا فرزنا تكون بكميات جدا قليلة طبخة او اثنين حتى لاتبقى مفرزة كثير
حبيبتي شكرا لتعليقج الحلو. ممكن تقطعين ورق السلق لكن ماراح ينلف بنفس السهولة الي اذا بقيناه قطعة كاملة. القطعة الكاملة ينلف افضل وماياخذ مكان ومن تستعمليه ممكن تقصيه بكل سهولة بالحجم الي تريديه. تحياتي
عاشت ايدج على هذا الفيديو. كلش حلو الشرح والطريقة مرتب. وان شاء الله اجرب الباذنجان والشلغم. ام باقي خضروات موجود يمنا بالأسواق وتجميد هيجي يكون تقريبا
شكراً جزيلاً على مجهودك وتعبك لتقديمك أفضل الوصفات يا احلى ست نهرين ...اول مشفت الفيديو گلت الله يساعدك على التعب وعلى هذا المجهود يا ست نهرين لأن اعرف هذه العطاء يحتاجله وقت وجهد كلش هواي 🤕 ربي يسعد قلبج حياتي 🥰♥️
شكرا حبيبتي. الفطر اذا كان نظيف يمسح بفوطة واذا كان بيه اتربة ينزل بمصفاة في كاسة فيها ماي وتطلعيه دفعة وحدة و تنشفيه مباشرة. هالعملية حتى لايتشرب ماي هوايا. ويجمد الفطر بشكل حبات كاملة .. بس عن نفسي ما افضل تجميد الفطر لان لونه يتغير يصير اسود وقوامه هم يصير مثل اللاستيك
تسلمين حبيبتي .. البصل مايحتاج ينسلق لان لماتفرزيه اصلا راح يكون كأنما مسلوق لما تطلعيه يذوب. جربي جمدي كم قطعة اذا حبيبتي النتيجة استمري عليها لان حقيقة انا مامجربة.
حبيبتي عاشت ايدكي والله يقويكي ويجازيكي كل خير👍🏻❤️🙏 بس ملحوظة صغيرة واكيد أبداً مو قصدي انتقاص وانما تصحيح لفظ مكينة تحضير الطعام اسمها " مُحَضِّرة الطعام" وليس مَحضرة طعام
الافضل تنشيف الخضار قبل تفريزها ، مثل السلگ والكرفس والشبت وغيرها لان من تتجمد راح تلتصق كلها ببعضها ، لكن لو غسلتيها ونشفتيها بقطعة قماش او تحت المروحة وفرزتيها راح تكون افضل بهواية وماتلتصق ابدا
شكرا حبيبتي. المفروض انه مانترسه كامل يعني للاحتياط خليه عالنص بس لازم تتاكدين انه من تطلعيه من المجمدة للاستعمال لاتحطيه بماي دافي او لاتدخلين سكينة بيه حتى لاتصير مثل صدمة وينكسر. يعني بقيه شوية الى ان هو يفك من الحافات وتكدرين تطلعين الطعام منه كقالب واحد بسهولة
فن وذوق وترتيب وفائده كبيره جدا وتقديم راقي 👍نقدر المجهود الكبير الذي تقومين بنتي الغالية جربي طريقتي في الفاصوليا الخضراء احمسيها فقط بعد غسلها وتقطيعها بدون زيت او اي اضافات فقط قلبيها حتى تأخذ لون شفاف في دقائق قليله وبعد ان تبرد فرزيها والنتجه مذهله گأنها تازه ولك مني كل الحب والتقدير
مبدعة..مبدعة...عاشششت ايدك ع هل العمل الجميل واامتعب ..من اجل متابعينك..عندي كم سؤال ولو زحمه عزيزتي....بس الوبيا ماجمدي واكييد بنفس طريقة الفاصوليا الخضراء.بس يكون تقطيعها غير شكل...اني اجمد مواد البرياني..اقلي البطاطة والجزر..والكشمش..واضيف عليهم البزاليا اامجمدة..واخليهم تبرد واخبطهم مع بعض واخليهم بحالظة لحين استعمالهم..هل هاي ااطريقة صحيحة شيفتنا اتمنى جواب اززتا...👍👍👍⚘🦋
تسلمين حبيبتي شكرا لكلامج الحلو. بالنسبة لمواد البرياني اذا تقليها وتجمديها شون تستعمليها بعد ماتطلعيها؟ هل تخلطيها مباشرة مع البرياني لو ترجعين تقليها مرة ثانية؟ اني حسب رأيي انه الافضل انه نقليها لما نطلعها يكون طعمها اقرب للفريش اكثر .. وانت ممكن تجربين الطريقتين وتشوفين اي وحدة تحبين. اظافة لانه مو من المفضل قلي الخضار وتجميدها وبعدين قليها مرة ثانية
@@hasamhasam2744 مساء الخير حبيبتي. حتى ما اتاخر عليج بوصفة حلاوة التمن لان اكو كم فيديو كنت داحضرهم قبلها فاحب هسا اكتبلج المقادير والطريقة الى ان ينزل الفيديو انشالله المقادير: * 1 كوب طحين الرز * 1 كوب سكر ( عادة كمية السكر تكون نفس الرز ) * نصف كوب دهن او زبد * 6 كلاص ماي * هيل * رشة ملح اولا تذوبين الدهن بقدر على نار هادئة وتضيفيلها الطحين مالتمن وتبقين تقلبين الى ان ياخذلون جدا فاتح وتضيفين وياه الهيل حتى تطلع ريحته وبعد ما ياخذ لون تضيفين الماي بالتدريج وتحذرين لايطفر الماي الحار ويحرق الايد. تضيفين الماي مع التحريك المستمر الى ان يخلص الماي والمزيج يصير بدون اي تكتلات. بعدها تضيفين السكر وتحركين شوية وبعدين تغطيها وتخليها تستوي زين احتمال تطول ربع ساعة بس تبقى عينج عليها وتحركيها كل شوية حتى لاتحترك. ولما توصل للثخن الي تريديه تصبيها وتزينيها بالجوز او الفستق او جوز الهند .
![Kodak Black - Versatile 4 [Official Video]](http://i.ytimg.com/vi/VcP_1Ua__vY/mqdefault.jpg)
اموت عليج وعلمتيني على كلشي جاي كلشي اسوي تعلمتة منج وحق القران وبجودج كلشي صرت اعرف اسوي وحتة الكبب تعلمتهة منج
حبيبتي شكرا تسلميلي وعاشت ايدج على كلشي تسويه
شكرا ازيزتا نهرين على هذا الفيديو التعليمي اللي تحتاجه كل ربة بيت. انا شخصيا تعلمت اشياء كثيرة لم اكن اعرفها من قبل. انت ملكة برامج الطبخ على RUclips بدون منازع. تذكرين ادق التفاصيل ولكن بطريقة سلسة وغير مملة اما وصفاتك فأنا اثق بها عن تجربة فهي دائما رائعة ولذيذة. الف شكر على مجهودك الرائع وربنا يحميك ويرعاك انت وعائلتك لكي تتحفينا بالمزيد 🙏🏻🙏🏻❤️✝️
حبيبتي تسلمين على تعليقاتج المشجعة دائما وشكرا على كلامج الراقي والي يسعدني ويشرفني.. ربنا يحفظكم ايضا ويوفقكم.. تحياتي
@@nahrainskitchenشيشةالزجاج مينكسر من يتجمد
ماشاءلله كالعاده دايما مميزه في اسلوبك وتقديمك وطبعا فيديو جميل جدا ومفيد
تسلم الايادي فعلا محتاجين هالتفريزات اكيد إن شاءالله افرز نفس طريقتك لانه انتي مجربتهم
اتمنى تكثري من هاكذا فديوات جزاكي الله كل خير. حظرتك وين ساكنه. متابعينك من بغداد
انشالله حبيبتي واهلا بيج بالقناة وتحياتي لكل اهلنا ببغداد الحبيبة
عاشت الايادي عزيزتي نهرين .شغلج كولله صحيح ومرتب . تذكريني بنفسي هسة قللت التفريز .بصراحة تعبت وكبرت شوية . الله ينطيج الصحة والعافية ومن نجاح إلى نجاح.
حبيبتي ماركريت شكرا جزيلا الج وانشالله شباب دائم
عاشت الأيادي وألف عافية صدق ترتيب وفن وذوق مشكورة على تعبك يا وردة💗👍
ماشاءالله تفريزات مفيدة لرمضان
الله يسلم ايديكي يارب
عاشت الايادي جزاك الله خيرا 👍💯 استمر.
روعة روعة هذا الفيديو ،عاشت ايدج عزيزتي اكيد تعبتي بيه هوايه
شكرا حبيبتي من ذوقج
السبارك
االسلام عليكم. راقيه جدا ولا نشعر بالملل عند المشاهده
حبيبتي نور مرورج وكلامج الارقى
الف رحمه ع اهلج معدله والله الله يحفظج ان شاء الله
تسلم ايدج على تعبج في ايصال هالمعلومات النا بكل مصداقية وهالترتيب بالفيديوات الي تسويها
عاشت الايادي شغل مرتب وحلو ايسهل علينه الطبخ ويكون عدنه المواد اباي وقت نحتاجه موجوده
God bless your hands my dear 🙏I liked the video, stay safe and well 👍🙏❤
thank you so much dear
ماشاء الله عله هاي الادينات الحلوه عاشت الأيادي يانادره ومعتبره..
شكرا جزيلا.. تحياتي
عاشت ايدج اختي لغالية ❤❤❤اترتيب ونضافه
ماشاء الله عليكي شغل مرتب وطريقة عرض ممتعة وكل التفريزات مفيدة ونستعلمها بالموصل ماعدا الحامض شغلهم ما نستعمل شلغم وشوندر نحط جزر وقرع وسلق
حبيبتي شكرا جزيلا لكلامك الطيب.. تحياتي
عاشت ايدج راح اطبق كلامج كلة
أحسنتي عمل مهم جدا لكل سيدة تسلم ايدك ياحلوتي
شكرا حبيبتي
عاشت ايدج شغل مرتب ونظيف ❤
عاشت ايدج كلش كلش كلش
عاشت ايدج عزيزتي يامعدله ويانادره بس فد ملاحضه زغيره اني اتابع دكتور بصحه بأن الورقيات لازم تسلك علاقل ١٠ دقائق او ٥ دقائق حسب النوع وحته الباميا
عاشت ايدج حياتي عل ترتيب طبخاتج فدتني هوايه❤❤
عاشت ايدك رؤؤؤؤؤؤؤؤعه دووووووم مبدعه 😍💯❤️🌹🌹🌹🌹🌹🌹
عاشت ايدج تفريزات رائعه رمضان كريم وكل عام وانتي بالف خير
شكرا حبيبتي وكل عام وانتو بمليون خير
مشكورة على أحلى تفريزات 🤍💜🤍
مساء العسل والحلويات 🤍 💜 🤍
مشتاقين ياست البنات 🤍 💜 🤍
تسلميلي ياوردة
جزاك الله خير الجزاء
عاشت ايدج حبيبتي رمضان كريم بتوفيق بشغلج يعمري
عاشت ايدج يا ورده ويا معدله
حقيقة جدا جدا بذلت جهد بهذا الفيديو حبيبتي الله يعطيك العافية
حبيبتي تسلمين شكرا لمرورك الجميل
عاشت الايادي حبيبتي 😊😊
عاشت ايدج يا احلى نهرين والله يقويج لان صدك تعبتي... نهرين ياريت عفية تسوين بهارات البسطرما اذا ما بيها ازعاج وشكرا الج يا ست الكل ويا ملكة الطبخ والترتيب😘❤
شكرا الج حبيبتي . انشالله ارتب فيديو متكامل عن البهارات بانواعها
@@nahrainskitchen اشكرج عزيزتي 💐
عاشت ايدج حبيبتي بس نريد طريقة تجميد الفطر
فيديو جدا مهم وعاشت ايدچ على تعبچ ويانه يا وردة
تسلمين حبيبتي
عاشت ايدج يامبدعه☺☺☺☺
تسلمين حبيبتي
عاشت ايدج على هل الاكلات الطيبة حياتي 😍😍❤😘
شكرا سوزان حبيبتي
بارك الله. فيكوجزاك الله. خير الجزاء
عاشت ايدج حبي ام سنفورتي. جربت الباذنجان وكلش طلع طيب بالدولمة
الف عافية حبييتي
احسنتي ع المجهود وروعه هلفيديو
شكرا عزيزتي
كلشي موجود بالسوك من تفريزات هذا كله تعب على المراءه خطيه بعدين توكع من وكت بس السلك عجبني تفريزه وعاشت الايادي ست نهرين❤
تسلمين حبيبتي. اكيد اتفق وياج انه كلشي اكو بالسوك بس مرات تصدف انه بعض الخضار ماتكون متوفرة اذا ردنا نسوي طبخة بشكل طارىء خاصة تفريزات الدولمة بس دائما افضل اذا فرزنا تكون بكميات جدا قليلة طبخة او اثنين حتى لاتبقى مفرزة كثير
عاشت الايادي
والله تستاهلين مليون لايك عندي تعليق صغير بالنسبه لورق السلق مال الدولمه لو يتقطع ويوضع في المجمدة احسن شكرًا 🙏
حبيبتي شكرا لتعليقج الحلو. ممكن تقطعين ورق السلق لكن ماراح ينلف بنفس السهولة الي اذا بقيناه قطعة كاملة. القطعة الكاملة ينلف افضل وماياخذ مكان ومن تستعمليه ممكن تقصيه بكل سهولة بالحجم الي تريديه. تحياتي
فديو مفيد وشامل تسلمين
الله يساعدك . صج صعبه . وانتي شطوره ماشاءالله عليج . امبارك عليج رمضان وكل عام وانتم بخير. اختي الشيف alhashmi s.a.m.r
شكرا حبيبتي وكل عام وانتو بالف خير
بارك الله بيج
عاشت ايدج على هذا الفيديو. كلش حلو الشرح والطريقة مرتب. وان شاء الله اجرب الباذنجان والشلغم. ام باقي خضروات موجود يمنا بالأسواق وتجميد هيجي يكون تقريبا
تسلم الايادي الحلوة حبيبتي دائماً مبدعة
بعد نريد منج تتبيلات و تفريزات للدجاج
تسلمين حبييتي. انشالله
عاشت ايدج روعه
عاشت ايدج مبدعه
رمضان كريم 💞 كل عام وانت بالف خير وعافيه 🌹
حبيبتي ام صهيب كل عام وانتو بالف الف خير
شكراً جزيلاً على مجهودك وتعبك لتقديمك أفضل الوصفات يا احلى ست نهرين ...اول مشفت الفيديو گلت الله يساعدك على التعب وعلى هذا المجهود يا ست نهرين لأن اعرف هذه العطاء يحتاجله وقت وجهد كلش هواي 🤕 ربي يسعد قلبج حياتي 🥰♥️
شكرا عزيزتي ام مصطفى على كلامج المشجع دائما. تحياتي الج ياوردة
عاشت ايدج فديوا مفيد جدا ❤
رؤعه عاشت ايدج
ما شاء الله عليك
عاشت ايدج الفييديو مفيد جدا بس احب اعرف اذا امكن طريقة تجميد الفطر وشكرا
شكرا حبيبتي. الفطر اذا كان نظيف يمسح بفوطة واذا كان بيه اتربة ينزل بمصفاة في كاسة فيها ماي وتطلعيه دفعة وحدة و تنشفيه مباشرة. هالعملية حتى لايتشرب ماي هوايا.
ويجمد الفطر بشكل حبات كاملة ..
بس عن نفسي ما افضل تجميد الفطر لان لونه يتغير يصير اسود وقوامه هم يصير مثل اللاستيك
شكرا حبيبتي
عاشت ايدك ❤
معدلة
شكرا على الفيديو
ماشاء الله تبارك الرحمن عليكِ نهرين بخصوص عصير الزبيب كم المده من بعد العصر ومي يفقد خواصه او الفائده من التجميد
عاشت ايدچ حبيبتي فيديو أكثر من رائع مثل وصفاتچ ❤
تسلميلي حبيبتي
U r so sweet nahrain !! Thank u
جزاك الله خير ولكن الأفضل سلق الخضار على البخار أفضل أولا حتى لا تتأثر الألياف و ثانيا حتى لا تفقد قيمتها الغذائية وفيتأميناتتها في الماء
تسلم ايدك ماشاء الله ارجو لغة عربية وليست محلية لسهولة الفهم
عاشت ايدج دائماً مبدعه
شكرا جزيلا
احسنتي
عاشة ايدج يا مبدعة ممكن نفرز بصل للدولمة هل نسلكة شكرا الج 💐💐💐
تسلمين حبيبتي .. البصل مايحتاج ينسلق لان لماتفرزيه اصلا راح يكون كأنما مسلوق لما تطلعيه يذوب. جربي جمدي كم قطعة اذا حبيبتي النتيجة استمري عليها لان حقيقة انا مامجربة.
تسلم ايدك
نفس أمي تحب تجمد .. حتى الخضرة😂😂
عاشت ايدج
الله يسلمج اختي. .هذا العرض يمكن ب الخارج ..وانتي مبينه مصلاويه قح ...انتن معدلات ب الطبخ .... من الحله
شكرا جزيلا تسلمولي..
@@nahrainskitchen ربي يحفظج ...كلت اتعلم طبخ خاف بأجر اتزوج .. حتى اساعد المره ب الطبخ ههههههه
حبيبتي عاشت ايدكي والله يقويكي ويجازيكي كل خير👍🏻❤️🙏
بس ملحوظة صغيرة واكيد أبداً مو قصدي انتقاص وانما تصحيح لفظ مكينة تحضير الطعام اسمها " مُحَضِّرة الطعام" وليس مَحضرة طعام
تسلمين حبيبتي زينة على تعليقج الحلو وشكرا عالملاحظة ❤. تحياتي
عاشت الايادي
الافضل تنشيف الخضار قبل تفريزها ، مثل السلگ والكرفس والشبت وغيرها لان من تتجمد راح تلتصق كلها ببعضها ، لكن لو غسلتيها ونشفتيها بقطعة قماش او تحت المروحة وفرزتيها راح تكون افضل بهواية وماتلتصق ابدا
عشتي امعدله
تعيشين بامريكا مو ؟ حبيبتي عاشت الايادي
عاشت ايدج بنت بلدي العراق
شكرا عزيزتي تسلمين
تسلمي يدك يا حلوة شيف نهرين من ام مريم 💯💐👍
شكرا حبيبتي ام مريم تسلميلي
مشتركة جديدة حبيت شغلج عاشت ايدج❤
نورتي القناة باشتراكج حبيبتي وشكرا لتعليقج الحلو
@@nahrainskitchen ❤️❤️ العفو حبيبتي
عاشت ايدج بس سؤال البرطمان الكزاز هم ينكسر بالتجميد لو عادي ماعلية شي
شكرا حبيبتي. المفروض انه مانترسه كامل يعني للاحتياط خليه عالنص بس لازم تتاكدين انه من تطلعيه من المجمدة للاستعمال لاتحطيه بماي دافي او لاتدخلين سكينة بيه حتى لاتصير مثل صدمة وينكسر. يعني بقيه شوية الى ان هو يفك من الحافات وتكدرين تطلعين الطعام منه كقالب واحد بسهولة
@@nahrainskitchen تسلمين حبيبتي
👌👌👌
ماشاء الله
عاشت ايدج حبيبتي فديو رائع ومفيد ❤
تسلميلي حبيبتي شيف هيلين
مرحبا حبيبتي ورمضان كريم رؤعه حبيبتي
اهلا بيج حبيبتي وكل عام وانتو بالف خير
مشتركة جديدة ❤
اهلا بيج حبيبتي
بس حبيت اسئل الشونذر بدون منسلگه ونجمده لمن نطلعه يبقه محتفض بنفس الطعم او لا
يكون طيب ومقبول بس ماكو خضار نجمدها ونطلعها بنفس الطعم والقوام لابد انه شوية يتغير طعمها
فن وذوق وترتيب وفائده كبيره جدا وتقديم راقي 👍نقدر المجهود الكبير الذي تقومين بنتي الغالية جربي طريقتي في الفاصوليا الخضراء احمسيها فقط بعد غسلها وتقطيعها بدون زيت او اي اضافات فقط قلبيها حتى تأخذ لون شفاف في دقائق قليله وبعد ان تبرد فرزيها والنتجه مذهله گأنها تازه ولك مني كل الحب والتقدير
حبيبتي ام عبد الله شكرا جزيلا لكلامج الطيب دائما.. انشالله اجرب طريقتج واني متاكدة مقدما انه النتيجة مذهلة ...
حبيبتي ام عبدالله طمنيني عنج لان مو من عوايدج تغيببين عنا.
احنه بلعراق وين يخلونه نختار هم يخلون النه
حسب المحلات عزيزتي.. عادة بالاسواق الكبيرة مايخلون بس بالمحلات انت تختارين بكيغج
عاشت ايدك👍👍👍
شكرا عزيزتي
شنو راح يصير ازمه بالسوك شدعوة هالكد جمتي هسة مابقى شي مامتوافر بالسوك وبكل موسم سواء شتاء اوصيف يعني مايحتاج كل هالتخزين
عزيزتي جمدت الخضار بناء على طلب المتابعات لان كانوا محتاجين الفيديو قبل رمضان. والتجميد يفيد بكميات محدودة للحالات الطارئة
عاشت الايادي بس الزجاج لو فرزنه بيه ماينكسر
تسلمين. لا الزجاج ماينكسر من نجمد بيه المعدنوس او الشبند لان مو مادة سائلة
@@nahrainskitchen تسلمين يا ورده 🌷
❤❤
مبدعة..مبدعة...عاشششت ايدك ع هل العمل الجميل واامتعب ..من اجل متابعينك..عندي كم سؤال ولو زحمه عزيزتي....بس الوبيا ماجمدي واكييد بنفس طريقة الفاصوليا الخضراء.بس يكون تقطيعها غير شكل...اني اجمد مواد البرياني..اقلي البطاطة والجزر..والكشمش..واضيف عليهم البزاليا اامجمدة..واخليهم تبرد واخبطهم مع بعض واخليهم بحالظة لحين استعمالهم..هل هاي ااطريقة صحيحة شيفتنا اتمنى جواب اززتا...👍👍👍⚘🦋
تسلمين حبيبتي شكرا لكلامج الحلو. بالنسبة لمواد البرياني اذا تقليها وتجمديها شون تستعمليها بعد ماتطلعيها؟ هل تخلطيها مباشرة مع البرياني لو ترجعين تقليها مرة ثانية؟ اني حسب رأيي انه الافضل انه نقليها لما نطلعها يكون طعمها اقرب للفريش اكثر .. وانت ممكن تجربين الطريقتين وتشوفين اي وحدة تحبين. اظافة لانه مو من المفضل قلي الخضار وتجميدها وبعدين قليها مرة ثانية
شكرا جزيلا ع الرد...حببتي..اني ممنونة منك...لا من اطلعها اخليها شوية ع صفحة لحد مااطبخ التمن وقبل ماينشف ماء التمن اضيف هاي الخضراوات عليه...واخبطه ..مع التمن ...لامااقليهم مرة ثانية..لانه اني قاليتهم ومنشفتهم من الزيت وبعدين اخليهم باالحافظة...تعبتك عزبزتي نهرين وطولت بالسؤال...
اشلون اعرف البذنجان الزبن الميمتص زين شنو علامته
حقيقة الباذنجان كله يمتص زيت بس اذا تريدين يمتص اقل تملحيه وتتركيه شوية ينزل مايه بعدين تعصريه بمنديل مطبخ نظيف وتقليه
👍👍👍
يصير الشجر بدون تحمير بكل اجمده
يصير بس لو تنطيه صدمة تحمير بسيطة يكون افضل
البزاليه اليابسه اشون افرزه عفيه
شنو قصدج بالبزاليا اليابسة؟
اكو بزاليه يابسه نشتريه من السوق بس مرات ماتستوي من اسلكه ومشكوره طبخاتج كله سهله وطيبه
السلام عليكم اريد أعرف الطعم مايتغير
عليكم السلام.. طبعا بالتجميد طعم الخضار مستحيل يبقى نفسه بس اكو طرق للتجميد تنطي افضل مايكون وهذا الي حاولت اقدمه بالفيديو
@@nahrainskitchen شكراً وعاشت ايدج 🌹
👍🌷🌺💗💯
هلو غاليتي نهور عاشت ايدچ يامعدله ستمري بهذه لبداع بس وين طلبي 😉😍😘😘
حبيبتي شكرا لكلامج العسل دائما.. بس عذرا ممكن تذكريني بالوصفة الي طلبتيها لان الدفتر مو ويايا حاليا..
حبيبتي نهرين طلبت منچ طريقه حلاوه التمن و طريقه عمل كباب صدر الدجاج و اذا مو زحمه اريد اريد المقادير تكون قياسات مضبوطه
@@hasamhasam2744 تمام حبيبتي تذكرت واكيد من ناحية المقادير اني ما انزل وصفة اذا مو مضبوطة واكون مجربتها بكل الاحتمالات الممكنة. داحضر لفيديو حلاوة التمن انشالله انزله الاسيوع الجاي. وبعده احاول اسوي كباب بصدر الدجاج. تحياتي
تسلمين حبي ما قصرتي يا أجمل وأرقه طباخه 😘🌹
@@hasamhasam2744 مساء الخير حبيبتي. حتى ما اتاخر عليج بوصفة حلاوة التمن لان اكو كم فيديو كنت داحضرهم قبلها فاحب هسا اكتبلج المقادير والطريقة الى ان ينزل الفيديو انشالله
المقادير:
* 1 كوب طحين الرز
* 1 كوب سكر ( عادة كمية السكر تكون نفس الرز )
* نصف كوب دهن او زبد
* 6 كلاص ماي
* هيل
* رشة ملح
اولا تذوبين الدهن بقدر على نار هادئة وتضيفيلها الطحين مالتمن وتبقين تقلبين الى ان ياخذلون جدا فاتح وتضيفين وياه الهيل حتى تطلع ريحته وبعد ما ياخذ لون تضيفين الماي بالتدريج وتحذرين لايطفر الماي الحار ويحرق الايد. تضيفين الماي مع التحريك المستمر الى ان يخلص الماي والمزيج يصير بدون اي تكتلات. بعدها تضيفين السكر وتحركين شوية وبعدين تغطيها وتخليها تستوي زين احتمال تطول ربع ساعة بس تبقى عينج عليها وتحركيها كل شوية حتى لاتحترك. ولما توصل للثخن الي تريديه تصبيها وتزينيها بالجوز او الفستق او جوز الهند .
تسلمين بس السلق مااعتقد ناجح
السلق من انجح الخضار الي جمدتها بحيث مرة استعملته بعد عدة شهور وكان روووعة. جربيه
زين لشيشه لكزاز ما تنكسر بالفريز
لا لان حافظين بيها المعدنوس والكرفس وهي مواد مو سائلة
@@nahrainskitchen اهاا شكرا راح اسويه