මාධ්‍ය ආවර්ජනා/Media Memories - ජ්‍යෙෂ්ඨ මාධ්‍යවේදී දයා ලංකාපුර සමග... Daya Lankapura Part 2 of 2
HTML-код
- Опубликовано: 24 дек 2019
- රෝහන විජේවීර, අනුර බණ්ඩාරනායක, ලලිත් ඇතුලත්මුදලි, රොනී ද මෙල්, චන්ද්‍රිකා බණ්ඩාරනායක -- මෙවැනි චරිත රාශියක් දිගු කලක් තිස්සේ මාධ්‍යවේදියෙකු ලෙස දැන හඳුනාගත් ජ්‍යෙෂ්ඨ මාධ්‍යවේදී දයා ලංකාපුර, ගෙවී ගිය අඩ සියවසක ශ්‍රී ලංකා දේශපාලන ඉතිහාසයේ විශ්වසනීය සාක්ෂි දරන්නකු ලෙස හඳුන්වා දිය හැකියි.
1966දී ‘ඇත්ත’ පුවත්පතින් පටන් ගත් මාධ්‍යවේදී දයා ලංකාපුරගෙ ජන මාධ්‍ය ජීවිතය, ඉන් පසුව (මුල් යුගයේ) ‘දිවයින’, BBC සංදේශය, ‘රිවිර’ සහ ‘ලක්බිම’ ජාතික පුවත්පත් හරහා දශක පහකට වැඩි කාලයක් දිග හැරී තිබෙනවා. අදත් වෘත්තිය වශයෙන් සක්‍රීයව සිටින ඔහු, රජයේ ප්‍රවෘත්ති දෙපාර්තමේන්තුවේ news.lk වෙබ් අඩවියෙ සිංහල සංස්කාරකවරයා.
මෙම සාකච්ඡාවේ මුල් කොටසින් ඔහු ඇත්ත පුවත්පතේ සහ දිවයින පුවත්පතේ සේවය කළ වකවානුවල අත්දැකීම් රැසක් බෙදා හදාගත්තා: • මාධ්‍ය ආවර්ජනා/Media M...
මේ දෙවන කොටස ඇරඹෙන්නේ සිළුමිණ පුවත්පතේ සම කතුවරයා ලෙස කටයුතු කරද්දී දේශපාලන පුවත් සමබරව වාර්තා කිරීමේ ‘වරද’ නිසා ලේක්හවුස් ආයතනය 2004දී ඔහු සේවයෙන් අස් කළ සිදුවීම සමඟයි. පසුව අධිකරණයෙන් ඒ සඳහා වන්දියක් ලැබුණු අතර රැකියාව ලබා දෙන මෙන් අධිකරණය කීවත් ඔහු යළිත් ලේක්හවුසියට ගියේ නැහැ.
“දේශපාලනය ඔළුවේ තිබුනට, මගේ පත්තර වෘත්තියට කවදාවත් මා විශ්වාස කරන දේශපාලනය ගාවා ගත්තේ නැහැ” ඔහු කියනවා.
දේශපාලන චරිත අතරින් වඩාත්ම මතක සිටින අත්දැකීම් ලබා දුන්නේ කවුද? ජනතා විමුක්ති පෙරමුණ පිහිටුවන්නටත් කලින්ම රෝහණ විජේවීර හමු වීමේ අවස්ථාවක් 1968දී පමණ ලංකාපුරට ලැබුණා. එසේ නම් ජවිපෙ පිහිටුවීමෙන් පසු පැවැත්වූ පළමු වන ප්‍රවෘත්ති සාකච්ඡාව ඇත්ත පත්තරය වෙනුවෙන් ආවරණය කිරීමත් එහිදී විජේවීර කෝපයට පත් වී බැනවැදීම ගැනත් මේ ආවර්ජනා තුළින් හෙළි කරනවා.
වාර්තාකරුවෙකු නැතහොත් කතුවරයෙකු ලෙස ආවරණය කිරීමට ලැබුණු වඩාත්ම අනුවේදනීය පුවත් මොනවාද?
1993 අප්‍රේල් 23 වැනිදා හැන්දෑවේ කිරුලපනේදී වෙඩි පහරකට ලක් වූ ලලිත් ඇතුලත්මුදලි අභාවය පිළිබඳව පුවත එයින් එකක්.
1994 ජනවාරි මාසයේ සූරියකන්ද සමූහ මිනීවළ ගවේෂණය කිරීමට චන්ද්‍රිකා බණ්ඩාරනායක ඇතුළු දේශපාලනඥයන් පිරිසක් සමඟ එහි ගිය මාධ්‍යවේදී පිරිසට ලංකාපුර ද අයත් වුණා. අතිශයින් අනුවේදනීය සිදුවීම් සංවේදී සහ සත්‍යගරුක ලෙසින් වාර්තා කිරීම පිළිබඳව සූරියකන්ද අත්දැකීම අද සිටින මාධ්‍යවේදීන්ට ඉතා වැදගත්.
1995 ඔක්තෝබර් 20 වනදා කොටි සංවිධානයේ ප්‍රහාරකයන් කොලොන්නාවේ තෙල් ටැංකි සංකීර්ණයට පහරදීම සහ වෙඩි හුවමාරුව වාර්තා කිරීමට වාර්තාකාරියක සහ ඡායාරූප ශිල්පියෙකු කඩිමුඩියේ පිටත් කළ හැටි තව මතකයක්.
පත්තර කලාව වඳ වී යාමේ තර්ජනයක් තිබේද?
මාධ්‍ය ආචාරධර්ම අද කාලයේ කෙතරම් එනවද?
මහජනයාට තොරතුරු දැන ගැනීමේ අයිතිය වෙනුවෙන් මාධ්‍ය පෙනී සිටිනවාද?
සාකච්ඡාව අවසන් වන්නේ මෙවැනි ප්‍රශ්න කිහිපයකට ඔහුගේ අදහස් විමසීමෙන්.
මාධ්‍ය ලෝකයේ සතුරන් නැති මිතුරන් පමණක් සිටින දයා ලංකාපුර, අඩ සියවසකට වැඩි මාධ්‍ය ජීවිතය දෙස ආපසු හැරී බලන්නෙත් උපේක්ෂා සහගතවයි. සාකච්ඡා කළේ
නාලක ගුණවර්ධන @NalakaG
"ඉතිහාසයේ මුල් කෙටුම්පත ගොනු කරන්නේ මාධ්‍යවේදීන්" [Journalism is the first rough draft of history] කියලා කියනවා. අපේ රටේ ජ්‍යෙෂ්ඨ මාධ්‍යවේදීන් දශක ගණනාවක් තිස්සේ මෙරට මෑත ඉතිහාසය දිග හැරුණු හැටි ගැන සාක්ෂි දැරූ අයයි.
ඔවුන්ගේ අත්දැකීම් සහ මතකයන් අතරින් ඔවුන් වැදගත් හැටියට සලකන දේ ඩිජිටල් මාධ්‍යයේ හසු කර ගෙන බෙදා ගන්නට පෞද්ගලික මට්ටමේ උත්සාහයක් ‘මාධ්‍ය ආවර්ජනා’ සම්මුඛ සාකච්ඡා මාලාව.
මෙම අන්තර්ගතය අධ්‍යාපනික සහ වෙනත් පොදු භාවිතයන් සඳහා ඕනෑම අයකුට යොදා ගත හැකියි.
#MediaHistoryLK
මේ අත්දැකීම් මාධ්‍යය හදාරන කෙනෙක්ට පුස්තකාලයක් පරිහරණය කරලවත් ගන්න පුළුවන් ඒවා නෙවෙයි. ස්තුතියි නාලක ගුණවර්ධන මහත්මයා..!
හිත හොඳ ජ්‍යෙෂ්ඨයෙක්
හඩ්සන් සමරසිංහ මහත්මයා වත් ගෙන්වන්නකො.යන්න රට වටේ ගීතයේ උපත ගැනත් අහන්නකො පින් අයිති වෙයි