G‘uzorda tibbiyot xodimlarini kasb bayrami keng nishonlandi

Maʼlumki, yurtimizda har yili noyabr oyining ikkinchi yakshanbasi shifokorlarning kasb bayrami sifatida nishonlanib kelinmoqda.
Bugun, shu munosabat bilan tumandagi “O‘zbegim” to‘yxonasida tibbiyot xodimlarining uchun bayram tadbiri tashkil etildi.
Unda tumanda faoliyat yuritayotgan sharafli kasb egalari va pandemiya vaqtida olamdan o‘tgan marhum tibbiyot xodimlarining oila aʼzolari ishtirok etishdi.
Tantanali tadbirda tuman hokimi Bekzod Suyunov Prezidentimiz Shavkat Mirziyoyevning mamlakatimiz sog‘liqni saqlash sohasi xodimlariga yo‘llagan bayram tabrigini o‘qib eshittirib, samimiy tilaklarini bildirdi.
Bayram tadbirida o‘z kasbini ardoqlab kelayotgan bir guruh tibbiyot xodimlari va marhum shifokor, hamshiralarni oila aʼzolariga tuman hokimligi va tibbiyot birlashmasining esdalik sovg‘alari topshirildi.
Tadbir davomida G‘uzor tumani hokimi Bekzod Suyunov mashaqqatli soha xodimlari bilan birma-bir hol-ahvol so‘rashib, aholi salomatligi yo‘lidagi xizmatlari uchun o‘z minnatdorchiligini bildirdi.
Tashkil etilgan tibbiyot xodimlarining kasb bayrami tadbirida nihol mukofoti sovrindori Shaxnoza Otaboyeva, taniqli aktrisa va suxandon Muyassar Berdikulova hamda tuman Madaniyat bo‘limining xushovoz xonandalari barchaga bayramona kayfiyat ulashdi.
Kanalga ulanish 👉@guzorpress