في هذي المعركة شارك جد ابوي فدعوس الشمري وثنين من عياله وماتو عياله بالمعركه وقال قصيدته التي لم تشتهر مع انها عظيمة ، افديت شمر بالعيال وبالبنينا نموت حنا لكن تعيش حايل نروح نركض كاسبين الجزيلا وسيوفنا تلطم كل لسان عايل فعولنا كما نركض مركاض خيلا وحنا ترانا وافين الفعايل فدعوس محمد وهب الويباري الشمري .
الحمدلله الذي انعم علينا ب الأمن والامان وقبائل السعودية كلهم عينين في راس وقبل عداوتنا بينا واما الان اعدائنا مثل م تشرفين الفرس والعثمانين والغرب والشرق وبفضل الله متكاتفين والله ي ديم علينا نعمه ❤️
@@jasemmunsufwhaadi3446 هههههههههههههههههههههههههههههههههههههههههه ابن رشيد دولة وكل دولة لازم يكون لها حليف وهذا معروف والحليف حتى في وقتنا هذا موجودو كل دولة لها حليف والحليف يختلف عن الخادم فيه فرق بينهم ، وآل سعود كانو متحالفين مع بريطانيا وقبائل الجزيرة كلها ضد إبن وشيد حتى في الدولة السعودية الأولى والثانية آل سعود حليف مع بريطانيا والقبائل النجديّة، والذي أسقط الدولة السعودية الثانية شمر على يد إمارة آل علي من شمر عيال عم آل رشيد
وآل سعود معهم القبائل النجديّة كلها وبريطانيا ضد شمر وهذا معروف ولكن شمر هي القبيلة العربية الوحيدة التي جابهت آل سعود والقبائل كلها ، واسقطت الدولة السعودية الثانية ولم ترضخ لحكم آل سعود وكانت أقوى وأشرس عدو ضد آل سعود في ذلك الوقت فقبيلة شمر قوية عنيدة وشرسة جداً حتى أن عبدالعزيز الجنازة ال رشيد قال للملك عبدالعزيز آل سعود بارزني في ميدان المعركة والذي يغلب هو الذي يأخذ حكم الجزيرة العربية ولكن الملك عبدالعزيز ال سعود رفض مبارزة ابن رشيد ولقب ابن رشيد بالجنازة من شدة قوته وشجاعته .
@@jasemmunsufwhaadi3446 هذا كلام الملك عبدالعزيز آل سعود عن ( عبدالعزيز الجنازة) ال رشيد الشمري والذي لقبة بالجنازة هو الملك عبدالعزيز ال سعود رحمها الله جميعاً . ruclips.net/video/V4C9WitcxFk/видео.html
ونعم بعتيبة وشمر وكل قبايل الجزيرة الحمد لله على وحدة القبايل وعلى نعمة الاسلام كلنا قبيلة وحدة قبيلة جزيرة العرب تحت راية التوحيد وملكنا ابن سعود 🇸🇦🇸🇦🇸🇦🇸🇦🇸🇦🇸🇦🇸🇦🇸🇦🇸🇦
الله يعطيك العافية بس فيه تعليق على القصة ابن رشيد انكسر في المعركه ولحق ابن مهنًا وانكسرت عتيبه والسبب الأول لنكسار عتيبه هو بندقية المارتين ماكان يملكها غير اهل القصيم وكانت متطوره عن سلاح القبايل لن البندقية ترمي خمس طلقات والقبائل تملك المفتل والمقمع وابن مهنًا جابها من الكويت والله يعطيك العافية على السرد الطيب
@@user-wv9se2iz4n ههههههههه وليه على اساس ابن رشيد ما معه غير شمر معة نص القبايل وقبل المعركه ذي اجتعمو العتبان واهل العارض مع غزلان وحاصرو المجمعه واسنجدو اهل المجمعه ب ابن رشيد وما حصل معركه وراح كلن مع ربعه رجع غزلان في ديار العتبان في عروى وسمع ابن رشيد وراح لهم
@@user-wv9se2iz4n لا السعوديه الثانيه ماهي بصف عتيبه وأساسًا السعوديه منقسمه قسمين قسم يتبع الخرج وقسم يتبع الرياض وغزالان لحاله ما معه لا رجال ولا مال
ابن رشيد كان حاكم لحايل وجيشه مكون من جميع اهالي حايل شمر وتميم اهل قفار وحاضرة حايل وبعد نشوب المعركة وصل الأمير حسن بن مهنا اباالخيل امير بريدة بجيشة (الاد علي )نخوة اهل القصيم ونوخ ذلوله وثبت معه جنوده وصارت الغلبه لهم ونسأل الله ان يغفر لنا ولهم ويعفو عنا وعنهم ويديم علينا نعمة الأمن والأمان ويبعد عنا الفتن فقد كانوا كلهم مسلمين ويقتل بعضهم بعضا
الشطر الاول من كلامك صحيح ان جيش امارة جبل شمر كان من جميع اهالي مدينة حائل و لكن الشطر الثاني من كلامك غير صحيح …. الأمير محمد بن عبدالله ال رشيد لم يخرج من حائل الا بعد ان جائته جموع القصيم و اكتمل الجيش تحت قيادته و سبب الانتصار هي خطة ابن رشيد و تنظيمه للجيش بالاضافة للسبور (الجواسيس). كان لهم في تحديد مواضع تجمع قبيلة عتيبة و غزالان. و للعلم جموع عتيبة و غزالان كانت تحت قيادة عقاب بن شبنان بن حميد و ليس الدولة السعودية الثانية. لان الدولة قد سقطت بتلك الفترة و اصبح ابن رشيد حاكما متغلبا على نجد. حتى بعد انتصاره في عروى. فرض شروطه على غزالان و ألزمه بالاقامة في الخرج حتى توفي اغتيالا
لولا حسن نوّخ بذربين الايّمان راحت عليكم يالشمامره كسيره ونعم في شمر السناعيس وبن رشيد لكن لاتهضم حق غيرهم ! المعركه انتصروا فيها عتيبه قبل فزعة امير القصمان
تصحيح لبعض الاخطاء الوارده بالقصه المعركه حدثت عام 1301 بين قبيله عتيبه بقياده الشيخ محمد بن هندي وحاكم حائل محمد بن رشيد ومعه شمر وعدد من القبائل ولما سمع الامير غزالان بان محمد بن هندي يحشد على عروى استعدادا للتوجه الى حائل لمهاجمه ابن رشيد توجه الى عروى للمشاركه بالغزو ولكن ابن رشيد فاجأهم على عروى والدليل قصيده حمود بن رشيد التي ارسلها الى راكان بن حثلين يعاتبه فيها على عدم المشاركه (ان كان ابن هندي نوانا ببرزان حنا على عروى قصرنا مسيره)مما يعني ان المعركه كانت بين ابن هندي وابن وشيد اما ال سعود وقتها فكانو في حاله ضعف والرياض كانت بيد ابن رشيد اما احداث المعركه فبعد قتال استمر الى الظهر انكسر جيش ابن رشيد ولكن وصول حسن ابن مهنا امير بريده بالوقت المناسب انقذ الموقف فعاد جيش ابن رشيد للقتال مره اخرى واستطاعو التغلب على عتيبه (لولا حسن نوخ بذربين الايمان. راحت عليكم يابو ماجد كسيره . اولاد علي مطوعه كل فسقان. عاداتهم بالكون كف المغيره)وكان لبنادق المارتين التي كانت مع جيش ابن مهنا دور كبير بحسم المعركه
مافيه شك في شجاعة و بأس قبيلة عتيبة …. لكن انت فاهم الموضوع خطأ …… البدو بشكل عام لا يوالون الحكام و لا يهابون منهم و عندهم الجرأة على غزو الحواضر لانها بالنسبة لهم (غنائم و مكاسب). فالغزو كان شيء اعتيادي عند البدو لذلك تجد المدن القديمة في نجد مثل حائل و الرياض و غيرها عليها حصون و ابواب للحماية من هجمات البدو …. غزالان لم تكن لديه الجرأة و لا القدرة على غزو امارة جبل شمر و اسقاط حكم ال رشيد. لذلك قام بالاستنجاد بالبدو و تطميعهم بغزو حائل و مافيها من مكاسب …… اما ابن رشيد كونه حاكم لدولة (امارة) كان لديه انصار كثر من الحاضرة و جيشه من حاضرة القصيم و حائل و لم يكن بحاجة للتحالف مع البدو و تطميعهم بالغنائم
والله ياجماعه الخير سلوم قبايلنا محترمه وعاداتنا طيبه ولله الحمد والمنه. بس بعض الأحيان يطلع علينا بعض صغار العقول ويشوهون سلومنا وثقافتنا الله يهديهم ويصلحهم.
اغلبهم تراهم مسوين حسبات باسما القبايل وهم ليس منهم مغار اغواهم الحقد ويبا يشب الفتن وهم من قبايل مستوره مغار يدفعهم الحقد ويحطون حسبات باسما قبايل مينتمون لها ههههههههههههه
الحمد لله ع نعمه الامن ثانيا ابن سعود ضيف ع عتيبه وقتها لمشاكل م اسرته وحب في هزيمه بن رشيد والقيادة لبن هندي شيخ عتيبه وقتها وقايدهم ثالثا شمر لاحد يشكك في قوتهم اطلاقا قبيله تحمل تاريخ ذهبي في المعارك لاشك ورغم ذلك لهم مساندات م قبايل واسر في نجد والشمال تقريبااا وعلي ذلك اول المعركه لعتيبه لحدود الظهر وتراجع ابن رشيد واخر المعركه لشمر وسلامتكم ونعم بعزوتي عتيبه ونعم بشمر الطنايا وكل قبايلنا عز ونوماس🌹🌹✋
حضور حسن ابن مهنا بأهل بريده رجح كفه المعركه لصالح ابن رشيد بعد ان كان منهزما ويثبت ذلك قصيده امير عتيبه. لكن الاخ الراوي قلل من شأن ذلك ولم يذكر سبب تاخر ابن مهنا واهل بريده بسبب تغير مكان المعركه وعتيبه ام تنهزم مجتمعه الا في هذه والفضل بعد الله لابن مهنا واهل بريده
البعض يتوقع فقط شمر ترا لا هي دولة متكامله اغلب جيش دولة جبل شمر هم مطير وحرب وهتيم غير قبائل الشمال عنزه وبلي غير الدعم اللي يجيهم من الاتراك شمر عندهم جيش نظامي اما عتيبة معهم الامير فقط ولم يقاتل احد معهم
يحاول البعض من ضعاف الانفس التقليل من انتصار منافسهم وتقليل مرارة هزيمتهم بالكذب وتلفيق التهم والي يقولك كان معهم مدافع ومرة كان معهم اتراك ومرة جاهم مدري من فزع لهم ويتبكبكون!! اقول ان خسرت المعركه لا تخسر الرجولة معها فالجبان لا ينهزم بل يهرب والي يواجه شجاع حتى وان انهزم فالهزيمة لا تعيب لكن اتهام الناس بالباطل هو العيب والله وفي نهاية الامر هذي سوالف وراحت مع اهله وحنا عيال اليوم ومن دون الملك و الوطن كلنا جنود 🖐
ليس تقليل بل هو تزوير واضح من الكتب التي الفها ال سعود. نسبت انتصار جيش امارة جبل شمر في معركة عروى لأهل القصيم و ابا الخيل + صوروا غزالان بمظهر البطل برغم انه هرب من مبارزة ابن رشيد و كان الدور الكبير بالمعركة لقبيلة عتيبة و بعد الهزيمة فرض المنتصر ابن رشيد شروطه على غزالان و الزمه بالاقامة بالخرج و هو جميع ال سعود بن فيصل بن تركي
يقول ركاان بن حثلين لولا حسن نوخ بذريين الايمان راحت عليكم يابو ماجد كسيرة اكبر دليل على ان جيش بن رشيد كان منكسر لين وصل حسن بن مهنا وهل القصيم وفكوه من سيوف عتيبة مايزعل من الحق رجال ،،،،
أبن شليويح العطاوي يقول في وصف عدوانه ياظفرهم لا قرب الله دارهم .. يعني ياشجعهم جل دارهم بعيده وهذا نبل كرم اخلاق الأولين حتى مع اعداءهم رحمهم الله وجزاهم عنا كل الجزاء وجعلهم في جنة النعيم
@@user-vh9qv1jw8g في معركة طلال ويقصد اللي دارت المعركة بين الروقة وشليويح منهم وبين قيلاهم وهم جموع متجمعة وانتصروا فيها الروقة أبحث عنها وأستمتع في قصيدتة رحمة الله وجزاه عنا خير الجزاء .. بالخطأ كنت كانب أبن شليوح الصح هو شليويح العطاوي هذا في تعليقي الأول ! وآسف ع الرد متأخر لعدم رؤية تعليقك ولك مني تحيه طيبه ✋🏻
@@user-vh9qv1jw8g يوم قال يظفرهم لاقرب الله دارهم كان بيت القصيده موجه لفرسان علوى وللمعلوميه كانوا 40فارس من علوى من مطير الي شاركوا مع ابن سعود في معركته هذي على الروقه في طلال وانتهت في انتصار روق من عتيبه على مجاميع ابن سعود
المعركه على عتيبه وابن سعود غزلان مشارك فقط. وسببها تهديد ابن هندي بغزو بن رشيد في برزان عندما قال ان الله احياني لفلانه فرسه او ذلوله لتدحم جنبها قصر برزان
✨✨ والله ونعم في ابن رشيد الشمري وربعه شمر ونعم في عتيبه جميعها . هذه المعركة دارت بين ( شمر و عتيبة ) في محافظة عروى سنة ١٣٠٠ هجري والانتصار كان لشمر وجميعهم أبطال وتاريخهم عريق وأفعالهم مشرّفه ..
الشمري ابن رشيد يتبعه خلق كثير من هتيم وحرب وبلي وليس شمر فقط بما انه حاكم تابع للعثمانيين ويملك اسلحة لاتملكها عتيبه ولا صارت علوم مع العلم انهزم في اول المعركة وانحاش مع جيشه ونوخ له حاكم عنيزة ابن سليم ولا راحت كسيرة
تصحيح اخر…. ابن رشيد قال لاحد مستشاريه ان بن هندي بيغزينا في حايل ويمكن يهزمنا وياخذ برزان…. قاله المستشار … حنا الافضل نطلع من حايل ونقابله اذا انتصرنا زين واذا انهزمنا نطلب المساعده من الحاميات التركيه الموجوده في القصيم ومن معهم من القبائل وابن رشيد حاكم القصيم وبن مهنا حاكم بريده (كان تكنيك عسكري ذكي من بن رشيد)
المجاهد البطل ابن رشيد رحمه الله لولا خيانة ال سلول وقواة بريطانيا ماسقطت امارة ال رشيد التي كانت معى الخلافة العثمانية وتجاهد معهم الان سُميت سعودية الجنازة”، هكذا كان يلقبه أهل حائل، فهو موتٌ متحرك بينهم، لا يهاب المنايا، ولا يعرف الخوف طريقًا له، غليظ الطبع، قاسي القلب، منزوع المشاعر،
مجاهد ماذا كان ظالم طاغيه انا اقصد ابن متعب وقد كانت تدعمه المشركه الدوله التركيه وبعد ضعف الدوله العثمانيه طلب الدعم من بريطانيه لكنها لم ترد عليه وقدمة ابن سعود عليه
للمعلومية العجمان لم تحضر عروى والشيخ ليل المتلقم كان عابر سبيل قيل أنه كان غازي أو حاج وحضرها بالصدفه وهو المقصود بياليل سلمي الخ وحمود بن ليس قايد عسكري بل شاعر ووالده عبيد بطل والموت الحمر وكذالك عمه عبدالله اما ابن عمه محمد فيقصر الحكي من دونه حاكم وشجاع وكل البطولات فيه ووصلت حدوده الا العراق وحوران الشام اما الكلام عن العثمانيين فالكل يواليهم لأنهم كانو الدولة العضما في ذالك الوقت اخيرا ونعم شمر وعتبيه وكل قبايلنا وكل البشر وجهت نظر
قصيدة ابن حميد شرحت نفسها لولا حسن (نوخ )بذربين الايمان**صارت عليكم يابوماجد كسيره يعني أهل بريدة كانوا موجودين لكن أمرهم حسن ينوخون البل حتى يثبت الجيش فرجع ابن رشيد وانكسرت عتيبه لكن قولك أنه تأخر وجا فازع هذي المعلومة لم تبينها القصيدة وابن حميد شاعر ولا يمكن يقول نوخ وهم جايين بنصف المعركة
ابن رشيد كلن يعتبر دوله ومدعوم من الدوله العثمانيه وقبيلة عتيبه ونعم لكن انتهت المعركة لم يكن احد فائز فيها بداية المعركه خساير كانت على شمر ومن ثم اتت فزوع من اهل الحاضره بقيادة حسن المهنا وانتهت متعادله
طيب الله يعطيك العافيه توضيح بس .. بن رشيد اللي بينه وبين العثمانين تحالف يا خوان ماهو دعم وش الدعم اللي جاه منهم ؟! يا ناس بن رشيد يقدح من راسه ما يقدح على راسه احد واللي قبله مثله عندك عبدالكريم الجربا وعندك سالفه طيور شلوى وعندك معركة الصريف الاولى كلهن بين شمر والاضراط العثمانين (تحالف)
اولا ترى غزالان معاه اهل العارض وعتيبة واهل العارض طبعا هم جيش الدولة السعودية ثانيا ترى حسن بن مهنا ما جاء فزعه لعيون بن رشيد جاء بحد السيف لانه بعد هالمعركة بفتره خالف اوامر بن رشيد وجاه ابن رشيد ببريده وقام ب اسره وايضا قام بقتل زامل السليم اخير عنيزه اما حسن بن مهنا بقي مسجون في حايل لين توفي فيها
طبعًا قبل كانت القبايل كلها ضد شمر بالجزيرة العربية ملاحض هذا الشي ماعمري سمعت قبيله من قبايل العرب شاركو مع شمر خلاص ( بعدين ليه ماتقول الأمير حمود العبيد ال رشيد والامير محمد ال رشيد)
بالنسبة لبعض الي يحاولون يستفزونا ويقحمون الرشيد مع ال سعود ،ارد عليهم رد الامير طلال الرشيد الله يرحمه "ان كان لك عزِ بذلّي فتعقب "والله ان تبطي وحبلك قصير
اخر شي يقول جبت لكم السالفه لسبب ان ماحد جابها بالشكل الصحيح ولا يدري انه جاب العيد علموه ان بن رشيد انكسر ومدد ابن مهنا يوم جاء بالسلاح ( البنادق ) وهي جديده محد يعرفها وصار مذبحه كبيره بالسلاح وعتيبه برمح وسيف صححوله المعلومه عشان مايضلم احد
ي اخوي نزل قصة عتيبه ضد شمر لما المحايا من عتيبه هزمو شمر 7 مرات و قال شيخ شمر قصيدته الشهيرهه _ وابن محيا ضايقونا عياله لين اذبحو شمر و راحو مولين❤️ والقصيده طويله
ان كان ابن هندي نوانا ببرزان حنا على عرى قصرنا مسيره + تعال اعلمك كيف منعكم محمد ابن رشيد المهاد تروحون عالية نجد ودفعكم الجزيه ويوم خوفنا الشيباني شيخكم وخليناه ينزل على الحجاز ويوم ابن رشيد توعدكم انه يناحر كل شيوخكم ولا اذكرك
هذا تدنيس بالتاريخ المعركة بين عتيبه وابن رشيد وغزلان فقط كان مع عتيبه والمعركة انتصروا فيها عتيبه انتصار كاسح ولحقو بالغنايم طمع وفزع ابن مهنا ونوخ ورجع ابن رشيد ومن معه وقد تفرق الجيش وكسرو عتيبه وغزلان ولا الانتصار كان ساحق للعتبان وغزلان
القصة ٩٠٪منها صحيح وفيها قليل من المغالطات ، على العموم الوقت هذا مانحتاج نسمع القصص من يوتيوب خاصة اذا حنا مهتمين بالتاريخ في كتب كثيرة ومورخينها عاصرو ذاك الزمان او عاصرو الجيل اللي بعده مباشرة فرواياتهم موثوقة، اما عن الكتب فعلى سبيل المثال : مخطوطة عنوان السعد والمجد للمؤرخ عبدالرحمن الناصر ، مخطوطة تاريخ نجد المؤرخ مقبل الذكير،كتاب النجم اللامع للنوادر جامع المؤرخ محمد العبيد
اتابع عبدالله من ٦ سنوات مايجيب طاري قبيله الا يمدح ويثني عليهم يرحم شايبً رباك اطقع الرجال وارداها منهو؟ اللي يقول حنا وحنا وانتم وانتم يستهين في قبيله كامله برجالها واعيالها من انت ياخيبان تقيم حماسك على الغزو والمعارك تراها شل ابوك وحط اخوك ذبح وسلخ قبل المعركه وبعد المعركه يقولون حنا وحنا وانتم وانتم يمدحون العدو في قصايد سجلها التاريخ ماسجلت تعليق يوتيوب من اول الديربي بين عنزه وشمر وديربي بين عتيبه ومطير طحن ماهو دق خشوم قطع روس الان العنزي والشمري كانهم قبيله وحده والمطيري والعتيبي كذلك الديار وحده واللهجه وحده
الله يعز من يشاء ويذل من شاء كتب الملك والامامة لاابن سعود ال سعود كانوا يملكون فكرة لتكوين دولة ولهم عقيدة لذلك عاشت فكرتهم بعد كل انكسار حتي تم لهم الملك شمر وابن الرشيد كانوا يملكون الحمية والشجاعة والانتماء القبلي لذلك لم يستطيعوا ان يخضعوا القبايل خارج حدود جغرافيا شمال الجزيرة
للتصحيح أطراف المعركة الطرف الأول / قبيلة عتيبة بقيادة الامير عقاب بن شبنان بن حميد الطرف الثاني / إمارة آل رشيد بقيادة الامير محمد بن رشيد ومعه غير شمر القبائل المواليه له وأهل القصيم يرأسهم حسن بن مهنا وكان بن رشيد قد ارسل الي راكان بن حثلين يدعوه للمشاركة معه والغزو على قبيلة عتيبة كما جاء في قصيدة حمود العبيد بن رشيد والرد عليها والأهم من ذلك ويجب عليك تصحيحه هو ان معركة عروى قبل معركة أم العصافير بـ سنه تقريبا عقاب كان هو الامير في المعركتين واستشهد رحمه الله في معركة ام العصافير ياخي الكريم تأكد من الاحداث جيداً وانقلها بعد ما تستوعبها اضف ايضاً ان غزالان وقتها كان قد هرب واستجار بقبيلة عتيبة بعد ما قتل بن رشيد اخوته في الخرج
في هذي المعركة شارك جد ابوي فدعوس الشمري وثنين من عياله وماتو عياله بالمعركه
وقال قصيدته التي لم تشتهر مع انها عظيمة ،
افديت شمر بالعيال وبالبنينا
نموت حنا لكن تعيش حايل
نروح نركض كاسبين الجزيلا
وسيوفنا تلطم كل لسان عايل
فعولنا كما نركض مركاض خيلا
وحنا ترانا وافين الفعايل
فدعوس محمد وهب الويباري الشمري .
ونعممم❤
@@user-bt3tb5vg3yما عليك زود ❤
والف نعم والله ✨🔥
حرام عليك هذي مع احترامي لك ولجدك خرابيط ما هيب قصيدة ولا شعر أصلًا لأنها بلا وزن
@@matb-mhoammed ولله يا حبيبي
بدون احترامي لك ومع تفله بوجهك
الخرابيط عندك وعند ربعك مو عندنا
انعم واكرم احب القبايل لقلبي عتيبة وشمر 🤍
ولايهونون حمران النواظر ونعم الخوه من قلب ضيغمي
@@faisalsaad2066 ماعليك زود
@Faisal Saud الله يعزك وتستاهلون المحبه ومن يحبكم ❤️
اقسم بالله العظيم إنك يا المطيري فخر لكل القبائل بكلامك المحترم.
بيض الله وجهك ووجه قبيلتك حمران النواظر محزم المظيوم لصكت النوايب.
@@-n8vl9vb5v ماعليك زود وهذا من طيب راسك الله يسلمك ❤️
زاحمو السيئات بالإستغفار دومًا...
أستغفر الله العظيم واتوب إليه ❤️
اللهم أحسن عاقبتنا في الأمور كلها واجرنا من خزي الدنيا وعذاب الآخره
الحمدلله الذي انعم علينا ب الأمن والامان وقبائل السعودية كلهم عينين في راس وقبل عداوتنا بينا واما الان اعدائنا مثل م تشرفين الفرس والعثمانين والغرب والشرق وبفضل الله متكاتفين والله ي ديم علينا نعمه ❤️
هذا الكلام 👏
قبيلة عتيبه من أنبل واجمل القبايل من كثر ماهم واثقين بنفسهم يحبون شمر وانا بنفسي شفت وخاويت شي مو طبيعي من ارقي قبايل العرب وانبلها👍🏻
طبعا انا شمري وخوال خوالي من قبيلة مطير العريقه واعتز فيهم يعتبرون خوالي واعز من خاويت المطران والله وسبع انعام👍🏻🖐🏻البشر طال عمرك دول ربك يدور الحكم😌
ونعم بكل القبائل ، وحيكم ياعزوتي شمر ♥️♥️
وانعم بكل القبايل الطيبة تحياتي لعتيبة الهيلا🗡📖
طنايا
ونعم بعنزة وشمر وعتيبة وبكل القبايل
ونعم بحالك
(( والله ونعم في شمر الطنايا وعتيبة الهيلا ))
شمر كانو تحت مساعدة الاتراك ماكانو لوحدهم وكان ابن رشيد معين من الاتراك يعني بالعربي الفصيح خادم الاتراك
@@jasemmunsufwhaadi3446
هههههههههههههههههههههههههههههههههههههههههه
ابن رشيد دولة وكل دولة لازم يكون لها حليف وهذا معروف والحليف حتى في وقتنا هذا موجودو كل دولة لها حليف والحليف يختلف عن الخادم فيه فرق بينهم ، وآل سعود كانو متحالفين مع بريطانيا وقبائل الجزيرة كلها ضد إبن وشيد حتى في الدولة السعودية الأولى والثانية آل سعود حليف مع بريطانيا والقبائل النجديّة، والذي أسقط الدولة السعودية الثانية شمر على يد إمارة آل علي من شمر عيال عم آل رشيد
وآل سعود معهم القبائل النجديّة كلها وبريطانيا
ضد شمر وهذا معروف ولكن شمر هي القبيلة العربية الوحيدة التي جابهت آل سعود والقبائل كلها ، واسقطت الدولة السعودية الثانية ولم ترضخ لحكم آل سعود وكانت أقوى وأشرس عدو ضد آل سعود في ذلك الوقت فقبيلة شمر قوية عنيدة وشرسة جداً حتى أن عبدالعزيز الجنازة ال رشيد قال للملك عبدالعزيز آل سعود بارزني في ميدان المعركة والذي يغلب هو الذي يأخذ حكم الجزيرة العربية ولكن الملك عبدالعزيز ال سعود رفض مبارزة ابن رشيد ولقب ابن رشيد بالجنازة من شدة قوته وشجاعته .
@@jasemmunsufwhaadi3446
هذا كلام الملك عبدالعزيز آل سعود عن ( عبدالعزيز الجنازة)
ال رشيد الشمري والذي لقبة بالجنازة هو الملك عبدالعزيز ال سعود رحمها الله جميعاً .
ruclips.net/video/V4C9WitcxFk/видео.html
@@jasemmunsufwhaadi3446 وان كان بن هندي نوانا ببرزان
حنا على عروى قصرنا مسيره 🤣🔥
دعاء نبي لا يرد:
لا إله إلا أنت سبحانك اني كنت من الظالمين .
ونعمم في شمر ونشكر الأخ عبدالله الميموني علئ الاختصار الجميل للقصص ماتمله
ونعم من الجميع، تلك أمة قد خلت
الله يرحم الجميع ويغفر لهم والحروب يوم لك ويوم عليك اخوكم شمري يحب المسلمين
ونعم بعتيبة وشمر وكل قبايل الجزيرة
الحمد لله على وحدة القبايل وعلى نعمة الاسلام كلنا قبيلة وحدة قبيلة جزيرة العرب تحت راية التوحيد وملكنا ابن سعود 🇸🇦🇸🇦🇸🇦🇸🇦🇸🇦🇸🇦🇸🇦🇸🇦🇸🇦
شكرًا على القصص هذي وجزاك الله خير ..الله يرحمهم ويغفر لهم وجميع أموات المسلمين
الله يعطيك العافية بس فيه تعليق على القصة ابن رشيد انكسر في المعركه ولحق ابن مهنًا وانكسرت عتيبه والسبب الأول لنكسار عتيبه هو بندقية المارتين ماكان يملكها غير اهل القصيم وكانت متطوره عن سلاح القبايل لن البندقية ترمي خمس طلقات والقبائل تملك المفتل والمقمع وابن مهنًا جابها من الكويت والله يعطيك العافية على السرد الطيب
ليه على ساس السعوديه الثانيه ماهي بصف عتيبه !؟ والامام غزالان ماهو القايد؟ شهالمصخره
@@user-wv9se2iz4n
ههههههههه
وليه على اساس ابن رشيد ما معه غير شمر معة نص القبايل وقبل المعركه ذي اجتعمو العتبان واهل العارض مع غزلان وحاصرو المجمعه واسنجدو اهل المجمعه ب ابن رشيد وما حصل معركه وراح كلن مع ربعه رجع غزلان في ديار العتبان في عروى وسمع ابن رشيد وراح لهم
@@user-wv9se2iz4n
لا السعوديه الثانيه ماهي بصف عتيبه وأساسًا السعوديه منقسمه قسمين قسم يتبع الخرج وقسم يتبع الرياض وغزالان لحاله ما معه لا رجال ولا مال
@@user-cz2tu5pv2x معاه ولا مامعاه وسم الرجال ورجعهم مكسورين
عتيبه وشمر ربع واصحاب وكلهم شجعان. واهل كرم ونعم بالجميع
اي نبي قصص عن ابن رشيد و شمر
ابن رشيد هو شمري
@شمالي F-16 ايه شمري من عبدة من الجعفر
كفومن شمر وعتيبه ولله انهم فرسان وشيوخهم جبال الله يحفظهم ويديم خوتهم يارب تحياتي اخوكم من العراق
وسبعين نعم في عتيبه الهيلا والله رجال لهم قدر عندنا ياشمر لهم تاريخ يشرف كل احد يسمعه ونعم يالهيلا من قلب شمري يابعد حيي 🤍🤍🌹🌹🌹
ماعليك زود يالرمالي وهذا اندل دل على طيب ساسك وانتم اهل كرم وشجاعه وفروسيه ونعم مليون والله ياشمر
ماعليك زود
ونعم بعتيبه خوينا وربعنا
ابن رشيد كان حاكم لحايل وجيشه مكون من جميع اهالي حايل شمر وتميم اهل قفار وحاضرة حايل وبعد نشوب المعركة وصل الأمير حسن بن مهنا اباالخيل امير بريدة بجيشة (الاد علي )نخوة اهل القصيم ونوخ ذلوله وثبت معه جنوده وصارت الغلبه لهم ونسأل الله ان يغفر لنا ولهم ويعفو عنا وعنهم ويديم علينا نعمة الأمن والأمان ويبعد عنا الفتن فقد كانوا كلهم مسلمين ويقتل بعضهم بعضا
الشطر الاول من كلامك صحيح ان جيش امارة جبل شمر كان من جميع اهالي مدينة حائل و لكن الشطر الثاني من كلامك غير صحيح …. الأمير محمد بن عبدالله ال رشيد لم يخرج من حائل الا بعد ان جائته جموع القصيم و اكتمل الجيش تحت قيادته و سبب الانتصار هي خطة ابن رشيد و تنظيمه للجيش بالاضافة للسبور (الجواسيس). كان لهم في تحديد مواضع تجمع قبيلة عتيبة و غزالان. و للعلم جموع عتيبة و غزالان كانت تحت قيادة عقاب بن شبنان بن حميد و ليس الدولة السعودية الثانية. لان الدولة قد سقطت بتلك الفترة و اصبح ابن رشيد حاكما متغلبا على نجد. حتى بعد انتصاره في عروى. فرض شروطه على غزالان و ألزمه بالاقامة في الخرج حتى توفي اغتيالا
و نعم بعتيبه احبهم بالله و نعم بغزالان و انا شد انتباهي النبل اللي بينهم كلن ما سب الثاني بالقصيد و هم من حمايل و قبائل الجزيره العربيه الكبيره
انا عتيبي ماعليك زود يالشمري انا اعرف ان المعركة انتصروا فيها شمر واستمرت أربعين يوم
@@user-ec5lf4sh6l ونعم بالهيلا والسناعيس وكلهم أبطال وكذالك كل القبايل وتلك ايام قد خلت عجمي عابر سبيل
@@faisalali7391 ماعليك زود
ماعليك زود
@@faisalali7391 عجمي من قبيلة العجمان ولا أعجمي
طرح عبدالله الميموني من قصص الابطال بذكر الاشعار ذات المعاني لكلا الطرفين تجد فيها المديح والتحدي للقوه ونشكره احسن طرحه واسلوبه الجميل
اشكرك يا استاذ عبدالله على الطرح الجميل والموثق بالقصائد ونعم بجميع قبائل وعوائل السعوديه جميع
ان كان بن هندي نوانا ببرزان
فحنا على عروى قصرنا مسيرة
الله اكبر يا شمر وإمارة جبل شمر بقيادة ال رشيد الكرام
لولا حسن نوّخ بذربين الايّمان
راحت عليكم يالشمامره كسيره
ونعم في شمر السناعيس وبن رشيد لكن لاتهضم حق غيرهم ! المعركه انتصروا فيها عتيبه قبل فزعة امير القصمان
انتصرتم بسرق النعول😂
@@Al-sk2lj
ايه وبين حجانك نحطها
@@user-su2ch7bo4s ههههههههههه قصفتها 😂
لولا حسن ابن مهنا كان يمديه ضغمه طايح جريح يحشد الحشود والجموع امام عتيبه وعتيبه صامده ماحد يخلف هقاويها. نصره الله ببن مهنا اخر المعركه ونسحب ضغمه
الله يكثر من امثلك الي يروون وقايع التاريخ الي تجعلني اقول الحمدالله اني شمري🤍.
الله يرحمهم يا حلو شرف الخصومة بينهم
رحمهم الله جميع وغفر لهم ، “تلك أُمة قد خلت”
تصحيح لبعض الاخطاء الوارده بالقصه
المعركه حدثت عام 1301 بين قبيله عتيبه بقياده الشيخ محمد بن هندي وحاكم حائل محمد بن رشيد ومعه شمر وعدد من القبائل ولما سمع الامير غزالان بان محمد بن هندي يحشد على عروى استعدادا للتوجه الى حائل لمهاجمه ابن رشيد توجه الى عروى للمشاركه بالغزو ولكن ابن رشيد فاجأهم على عروى والدليل قصيده حمود بن رشيد التي ارسلها الى راكان بن حثلين يعاتبه فيها على عدم المشاركه (ان كان ابن هندي نوانا ببرزان
حنا على عروى قصرنا مسيره)مما يعني ان المعركه كانت بين ابن هندي وابن وشيد اما ال سعود وقتها فكانو في حاله ضعف والرياض كانت بيد ابن رشيد اما احداث المعركه فبعد قتال استمر الى الظهر انكسر جيش ابن رشيد ولكن وصول حسن ابن مهنا امير بريده بالوقت المناسب انقذ الموقف فعاد جيش ابن رشيد للقتال مره اخرى واستطاعو التغلب على عتيبه (لولا حسن نوخ بذربين الايمان. راحت عليكم يابو ماجد كسيره . اولاد علي مطوعه كل فسقان. عاداتهم بالكون كف المغيره)وكان لبنادق المارتين التي كانت مع جيش ابن مهنا دور كبير بحسم المعركه
وترليون نعم ب ابن مهنا امير بريده....طبعا معروف ان بن مهنا هو نفسه ابا الخيل....اللي حكم القصيم بكبره حاضرة وبادية.......
فعلا كلامك منطقي👌🏼القصيد يكفي أوضح الحقيقه وغير ذالك فهي مغالطات ومبالغات على غير سنع
يعنى القصمان هزمو عتيبة
ابن رشيد وشمر والقصمان هزمو عتيبه نعم
يالبي حائل عروس الشمال والله الشوق ف الوريد🇾🇪💯
ولكن شوف سطوة وقوة عتيبه وشجاعتها في عز قوة ابن رشيد كانو يبون يغزونه بحايل بينام القبائل الاخرا تتجنب مواجهته حيكم ي عتابه👍👍
مافيه شك في شجاعة و بأس قبيلة عتيبة …. لكن انت فاهم الموضوع خطأ …… البدو بشكل عام لا يوالون الحكام و لا يهابون منهم و عندهم الجرأة على غزو الحواضر لانها بالنسبة لهم (غنائم و مكاسب). فالغزو كان شيء اعتيادي عند البدو لذلك تجد المدن القديمة في نجد مثل حائل و الرياض و غيرها عليها حصون و ابواب للحماية من هجمات البدو …. غزالان لم تكن لديه الجرأة و لا القدرة على غزو امارة جبل شمر و اسقاط حكم ال رشيد. لذلك قام بالاستنجاد بالبدو و تطميعهم بغزو حائل و مافيها من مكاسب …… اما ابن رشيد كونه حاكم لدولة (امارة) كان لديه انصار كثر من الحاضرة و جيشه من حاضرة القصيم و حائل و لم يكن بحاجة للتحالف مع البدو و تطميعهم بالغنائم
ونعم بشمر وعتيبة وأهل القصيم
عز الله انك ما قصرت ، قليل من يهتم بهالنوع من التاريخ وانت اثريت الساحة الله يعافيك🌹
ونعم بشمرونعم بشمر ونعم بربعي عتيبه
العصر الذهبي في حايل عبارة جميلة 😊
الحمدلله اليوم متعلمين وارحام ومتعايشين في خير ونعمه
والله ياجماعه الخير سلوم قبايلنا محترمه وعاداتنا طيبه ولله الحمد والمنه.
بس بعض الأحيان يطلع علينا بعض صغار العقول ويشوهون سلومنا وثقافتنا الله يهديهم ويصلحهم.
اغلبهم تراهم مسوين حسبات باسما القبايل وهم ليس منهم مغار اغواهم الحقد ويبا يشب الفتن وهم من قبايل مستوره مغار يدفعهم الحقد ويحطون حسبات باسما قبايل مينتمون لها ههههههههههههه
استغفر الله واتوب اليه ❤️
اللهم صل وسلم على نبينا محمد ❤️
ونعم ب عتيبه وهاذي حروب لايرضى فيها اي مسلم
ونعم بعتبيه وبدون قصور بالقبايل الأخرى
وهذا كان فعل كل القبايل بالغزوات يوم منتصره ويوم مهزومه
الله يديم الامن والامان
الحمد لله ع نعمه الامن
ثانيا ابن سعود ضيف ع عتيبه وقتها لمشاكل م اسرته وحب في هزيمه بن رشيد والقيادة لبن هندي شيخ عتيبه وقتها وقايدهم
ثالثا شمر لاحد يشكك في قوتهم اطلاقا قبيله تحمل تاريخ ذهبي في المعارك لاشك ورغم ذلك لهم مساندات م قبايل واسر في نجد والشمال تقريبااا وعلي ذلك اول المعركه لعتيبه لحدود الظهر وتراجع ابن رشيد واخر المعركه لشمر وسلامتكم ونعم بعزوتي عتيبه ونعم بشمر الطنايا وكل قبايلنا عز ونوماس🌹🌹✋
العبره بالنهايات ي عبدالله حنا ماعلينا ببداية المعركة ولا وسطها
@@iu..5961قالها ابن هندي لولا الله ثم ابن مهنا وجيشه الي جو ماسويت شيء والقصه واحداثها تثبت
@@naif-7261 بس بالاخير كسرناكم ودسنا على غاربكم
@@iu..5961
انتم كفووا لكن حربنا مو سهالات يالطيب
حضور حسن ابن مهنا بأهل بريده رجح كفه المعركه لصالح ابن رشيد بعد ان كان منهزما ويثبت ذلك قصيده امير عتيبه. لكن الاخ الراوي قلل من شأن ذلك ولم يذكر سبب تاخر ابن مهنا واهل بريده
بسبب تغير مكان المعركه وعتيبه ام تنهزم مجتمعه الا في هذه والفضل بعد الله لابن مهنا واهل بريده
والدعم العثماني لاتنسى
أما عتيبه لم تجتمع كلها
شبيرمه م اجتمعت عتيبه كامله
أما عروى اجتمعو بعض شيوخ عتيبه
المعركة بين ابن رشيد وابن سعود غزالان حليفه عتيبة وابن رشيد حليفة ابن مهنا الكفة متساوية ياعتيبي وانتصرت اماراة حائل
قبلها معركة ام العصافير ابن رشيد لحاله على ابن سعود وعتيبه وانتصر ابن رشيد وذبح شيخ عتيبه عقاب ابن حميد🔥🔥 الشق اكبر من الرقعه ياعتيبي
@@abdullahd8513 الرحا والانصر والبكيريه لاتنساها
البعض يتوقع فقط شمر
ترا لا
هي دولة متكامله
اغلب جيش دولة جبل شمر هم مطير وحرب وهتيم غير قبائل الشمال عنزه وبلي
غير الدعم اللي يجيهم من الاتراك
شمر عندهم جيش نظامي
اما عتيبة معهم الامير فقط ولم يقاتل احد معهم
تاريخ مشرف لو كان بيننا بين الله يعز دولتنا والي ماله اول ماله تالي جعل ربي مايفرقنا ويعزنا بالاسلام ثم ال سعود
والله والنعم فيك وفي عتيبه وشمر قبايل نفتخر فيها
يحاول البعض من ضعاف الانفس التقليل من انتصار منافسهم وتقليل مرارة هزيمتهم بالكذب وتلفيق التهم والي يقولك كان معهم مدافع ومرة كان معهم اتراك ومرة جاهم مدري من فزع لهم ويتبكبكون!! اقول ان خسرت المعركه لا تخسر الرجولة معها فالجبان لا ينهزم بل يهرب والي يواجه شجاع حتى وان انهزم فالهزيمة لا تعيب لكن اتهام الناس بالباطل هو العيب والله وفي نهاية الامر هذي سوالف وراحت مع اهله وحنا عيال اليوم ومن دون الملك و الوطن كلنا جنود 🖐
ليس تقليل بل هو تزوير واضح من الكتب التي الفها ال سعود. نسبت انتصار جيش امارة جبل شمر في معركة عروى لأهل القصيم و ابا الخيل + صوروا غزالان بمظهر البطل برغم انه هرب من مبارزة ابن رشيد و كان الدور الكبير بالمعركة لقبيلة عتيبة و بعد الهزيمة فرض المنتصر ابن رشيد شروطه على غزالان و الزمه بالاقامة بالخرج و هو جميع ال سعود بن فيصل بن تركي
يقول ركاان بن حثلين
لولا حسن نوخ بذريين الايمان
راحت عليكم يابو ماجد كسيرة
اكبر دليل على ان جيش بن رشيد كان منكسر لين وصل حسن بن مهنا وهل القصيم وفكوه من سيوف عتيبة
مايزعل من الحق رجال ،،،،
ونعم مليوون بشمر طنايا
تسلم ياعبدالله على التفصيل والشرح الطيب
صلوا على الرسول
اجتمعت الصفات في الأمير تركي بن حميد الكريزي المقاطي العتيبي أمير عتيبه الهيلا .
تعقب ماهو ب أمير عتيبه
@@user-zx3gv5uf8s الله يشفيك
ونعم به الله يرحمه ويسكنه وفسيح جناته
@@user-zx3gv5uf8s اميرنا رضيت او رفضت اقولها و انا روقي
بنفسه تركي بن حميد يقول
أميرنا مسلط ابن ربيعان يا
هوه ترا كلنا ابناء القبيله وما يصلح
الفتنه لانك بزر أو ثور ما تفهم
دنياك مادامت لحتى النبيين "لكن اخذنا حقنا من سهمها
يمال الجنة يالرشيد
أبن شليويح العطاوي يقول في وصف عدوانه ياظفرهم لا قرب الله دارهم .. يعني ياشجعهم جل دارهم بعيده وهذا نبل كرم اخلاق الأولين حتى مع اعداءهم رحمهم الله وجزاهم عنا كل الجزاء وجعلهم في جنة النعيم
يقصد من وفي اي معركة بالضبط؟ لان ماتوفع شليويح كان موجود بعروى ولاهي بفترته الزمنية
@@user-vh9qv1jw8g في معركة طلال ويقصد اللي دارت المعركة بين الروقة وشليويح منهم وبين قيلاهم وهم جموع متجمعة وانتصروا فيها الروقة أبحث عنها وأستمتع في قصيدتة رحمة الله وجزاه عنا خير الجزاء ..
بالخطأ كنت كانب أبن شليوح الصح هو شليويح العطاوي هذا في تعليقي الأول !
وآسف ع الرد متأخر لعدم رؤية تعليقك ولك مني تحيه طيبه ✋🏻
@@sloomalotaibi8742 اشهر من نار على علم شليويح ومعركه طلال
@@user-vh9qv1jw8g يوم قال يظفرهم لاقرب الله دارهم كان بيت القصيده موجه لفرسان علوى وللمعلوميه كانوا 40فارس من علوى من مطير الي شاركوا مع ابن سعود في معركته هذي على الروقه في طلال وانتهت في انتصار روق من عتيبه على مجاميع ابن سعود
@@user-vh9qv1jw8g شليويح موجود الان ههههه ذوي عطيه هذا طبعهم كل القصايد قالها شليويح وهو لا شاعر ولا فارس راعي
الله يعزنا ❤️.
ام العصافير من اشهر المعارك انتصر فيها ابن رشيد على الامام ابن سعود وقتل فيها عقاب ابن حميد شيخ عتيبه وهذا سبب مشاركة عتيبه في معركة عروى
المعركه على عتيبه وابن سعود غزلان مشارك فقط. وسببها تهديد ابن هندي بغزو بن رشيد في برزان عندما قال ان الله احياني لفلانه فرسه او ذلوله لتدحم جنبها قصر برزان
✨✨ والله ونعم في ابن رشيد الشمري وربعه شمر ونعم في عتيبه جميعها . هذه المعركة دارت بين ( شمر و عتيبة )
في محافظة عروى سنة ١٣٠٠ هجري والانتصار كان لشمر وجميعهم أبطال وتاريخهم عريق وأفعالهم مشرّفه ..
معليك زود يابو يام🌚❤️
الشمري ابن رشيد يتبعه خلق كثير من هتيم وحرب وبلي وليس شمر فقط بما انه حاكم تابع للعثمانيين ويملك اسلحة لاتملكها عتيبه ولا صارت علوم مع العلم انهزم في اول المعركة وانحاش مع جيشه ونوخ له حاكم عنيزة ابن سليم ولا راحت كسيرة
@@soud2582
يابوي انتصروا عليك خلاص لا تزعجنا والحرب كر وفر ويوم لك ويوم عليك وشمر وعتيبه معروفين بالحرب والطراد دواهي .
ماعليك زود ياكحيلان
@@soud2582 يالعتيبي لاتدور مخرج قبلها معركة ام العصافير شمر لحالهم على عتيبه وابن سعود وانتصروا شمر وذبحوا شيخك عقاب ابن شبنان ابن حميد👋🏻
أستغفر الله سبحان الله وبحمده
ونعم بعتيبه. الهيلا. شمر هل الردات يوم الزحامي
ونعم ومئة نعم بشمر الكرم والمرؤة والشجاعة والفروسية والحكم والصيت المنير .
رحمهم الله جميع - انت اقتصرت سرد الحرب انة بيوم واحد وهاذ غير صحيح - 40 صباح معركة عروى كانت
غلطان، ٤٠ صباح اللي هي عدد صباحات (غزوات) ابن رشيد على عتيبة.
@@ahagr صحيح
وان كان ابن هندي نوانا برزان
فحنا على عروى قصرنا مسيره
من الجبل جينا على كل مقران
شهرين والثالث ربحنا وزيره
تصحيح اخر…. ابن رشيد قال لاحد مستشاريه ان بن هندي بيغزينا في حايل ويمكن يهزمنا وياخذ برزان…. قاله المستشار … حنا الافضل نطلع من حايل ونقابله اذا انتصرنا زين واذا انهزمنا نطلب المساعده من الحاميات التركيه الموجوده في القصيم ومن معهم من القبائل وابن رشيد حاكم القصيم وبن مهنا حاكم بريده (كان تكنيك عسكري ذكي من بن رشيد)
عطنا قصص لقبيلة شمر وقصص حكمهم لشبه الجزيرة العربيّة وقصص محمد المهاد آلرشيد الشمري والجنازة أيضاً وقصص كرمهم وشجاعتهم أيضًا كثيرة وممتازة ..
ظني انه مسوي سلسلة كاملة عن اسرة الرشيد من البداية للسقوط
@@Wellness_seeker لا ما سوى سوى لمحمد علي باشا والي مصر
ماحكموا الا حايل وش الي شبه الجزيرة العربية!!؟؟؟؟؟
@@yhhu5582 صباح الخير جاهل بالتاريخ وتسولف
@@yhhu5582 حكمو الله يهديك وبفترة المهاد وصل حكمهم الا عمان وحوران والاردن واليمن
المجاهد البطل ابن رشيد رحمه الله لولا خيانة ال سلول وقواة بريطانيا ماسقطت امارة ال رشيد التي كانت معى الخلافة العثمانية وتجاهد معهم الان سُميت سعودية الجنازة”، هكذا كان يلقبه أهل حائل، فهو موتٌ متحرك بينهم، لا يهاب المنايا، ولا يعرف الخوف طريقًا له، غليظ الطبع، قاسي القلب، منزوع المشاعر،
مجاهد ماذا كان ظالم طاغيه انا اقصد ابن متعب وقد كانت تدعمه المشركه الدوله التركيه وبعد ضعف الدوله العثمانيه طلب الدعم من بريطانيه لكنها لم ترد عليه وقدمة ابن سعود عليه
حنا الضياغم واصلنـا بقحطانـي=وانـتـم بـنـي وايل سباع بـلا مـن
الله قصايد جميله من الطرفين
للمعلومية العجمان لم تحضر عروى والشيخ ليل المتلقم كان عابر سبيل قيل أنه كان غازي أو حاج وحضرها بالصدفه وهو المقصود بياليل سلمي الخ وحمود بن ليس قايد عسكري بل شاعر ووالده عبيد بطل والموت الحمر وكذالك عمه عبدالله اما ابن عمه محمد فيقصر الحكي من دونه حاكم وشجاع وكل البطولات فيه ووصلت حدوده الا العراق وحوران الشام اما الكلام عن العثمانيين فالكل يواليهم لأنهم كانو الدولة العضما في
ذالك الوقت اخيرا ونعم شمر وعتبيه وكل قبايلنا وكل البشر وجهت نظر
يا طيبكم يا شمررر .. فيصل العتيبي ✋🏻
ماعليك زود والحمدلله على وحدة القبائل
كلام جميل.. تحياتي لك من العراق أرض الأنبار
ونعم بشمر وعتيبة سابقا وحالين ولا حقن وجية لطيب والكرم والشجاعة والنخوة
قصيدة ابن حميد شرحت نفسها
لولا حسن (نوخ )بذربين الايمان**صارت عليكم يابوماجد كسيره
يعني أهل بريدة كانوا موجودين لكن أمرهم حسن ينوخون البل حتى يثبت الجيش
فرجع ابن رشيد وانكسرت عتيبه
لكن قولك أنه تأخر وجا فازع هذي المعلومة لم تبينها القصيدة وابن حميد شاعر ولا يمكن يقول نوخ وهم جايين بنصف المعركة
لو ما يجي للخصم خصمً حمر عين
ما كان للتاريخ كاتب و قاري
مبدع اخ عبدالله
من طيب اصلك تقول الحق سبحان اللي خلق خلقه ووزع الطيب👍🏻🌹
ابن رشيد كلن يعتبر دوله ومدعوم من الدوله العثمانيه وقبيلة عتيبه ونعم لكن انتهت المعركة لم يكن احد فائز فيها بداية المعركه خساير كانت على شمر ومن ثم اتت فزوع من اهل الحاضره بقيادة حسن المهنا وانتهت متعادله
طيب الله يعطيك العافيه توضيح بس .. بن رشيد اللي بينه وبين العثمانين تحالف يا خوان ماهو دعم وش الدعم اللي جاه منهم ؟! يا ناس بن رشيد يقدح من راسه ما يقدح على راسه احد واللي قبله مثله عندك عبدالكريم الجربا وعندك سالفه طيور شلوى وعندك معركة الصريف الاولى كلهن بين شمر والاضراط العثمانين (تحالف)
انتم معكم ابن سعود وقبايل العارض والمعركة بوسط ديرتكم ومع هاذا دعسناكم 😂😂😂
اولا ترى غزالان معاه اهل العارض وعتيبة واهل العارض طبعا هم جيش الدولة السعودية ثانيا ترى حسن بن مهنا ما جاء فزعه لعيون بن رشيد جاء بحد السيف لانه بعد هالمعركة بفتره خالف اوامر بن رشيد وجاه ابن رشيد ببريده وقام ب اسره وايضا قام بقتل زامل السليم اخير عنيزه اما حسن بن مهنا بقي مسجون في حايل لين توفي فيها
يالغالي أبعطيك ألقاب شمر في والشجاعة والحرب وهذا من غير ألقابهم في الكرم والجود والصخى :
( الجنايز ) ( الغلباء ) (الزهّيد ) ( الضواري )
( الطنايا ) والطنا : هو أشد مراحل الغضب
( وساع الطعون ) ( هدّامة الطابور ) ( مطيرة الشعاف ) ( السكارى ) ( حطب جهنّم ) ( طيور شلوى )
( هل السيف الحدب ) ( صمع القلوب ) ( محتمين التوالي ) ( حمر الدروع ) ( خيّالة الشعبتين ) ( صليبين الأشوار )
( أهل الطولات ) ( معشين الذيب ) ( زينين المحازم )
( درع الشمال ) ( الجمع الثقيل ( سودان الروس )
( متعرضة المعارك ) ( أهل الحميّة )
وهذه الألقاب ماجتهم عبث يالغالي هذا من شجاعتهم وحبهم للموت والإقدام .
طبعًا قبل كانت القبايل كلها ضد شمر بالجزيرة العربية ملاحض هذا الشي ماعمري سمعت قبيله من قبايل العرب شاركو مع شمر خلاص ( بعدين ليه ماتقول الأمير حمود العبيد ال رشيد والامير محمد ال رشيد)
قبايل الشمال كافه كانوا تحت حكمكم
يالبى العتبان على قلبي
الجنازة”، وقيل عن عبد العزيز بن متعب أنه كان فارسا لا يشقُّ له غبار وشجاعا من الطراز الأول حتى أن خصومه سمّوه بالجنازة لكثرة إقدامه واقتحامه الصفوف
وين طنايا وين شرابه الهيل🔥🔥
يعطيك العافيه اخونا عبدالله ونعم بحميع القبائل العربيه♥️
@@r.450 انا سعودي وقبيلي وفلسطين اساسا تاج راسي وراس كل حر شريف بعدين ترا في قبايل بفلسطين بس انت عرقك ايراني
@@r.450 في فرق بين انك تكون شريف ابن شريف تدافع عن فلسطين لدرجة انك تحط علم فلسطين خلفية ، وبين انك رخمه ابن رخمه تطعن بنسب الشرفاء
نحن عتيبة نصرت الحق والدين و
اطيب سلوماً للمراجل حوينا.
وبدون قصور في قبائل المملكة.
بالنسبة لبعض الي يحاولون يستفزونا ويقحمون الرشيد مع ال سعود ،ارد عليهم رد الامير طلال الرشيد الله يرحمه "ان كان لك عزِ بذلّي فتعقب "والله ان تبطي وحبلك قصير
عز يابريدة
🌷 يا أخي شمر يعجبوني ( شجاعة مع كرم طاغي ) ولا هو قصور في عتيبة .🌷
ونعم بك ياابن وآيل 🌹
حي هالراس يابن وايل
ماعليك زود يالأمير
بالكرم ابن مهيد مصوت بالعشاء والطناخة بعيال وايل
سموكم شمر القرابه لقرب صفاتكم لصفات شمر
اخر شي يقول جبت لكم السالفه لسبب ان ماحد جابها بالشكل الصحيح ولا يدري انه جاب العيد
علموه ان بن رشيد انكسر ومدد ابن مهنا يوم جاء بالسلاح ( البنادق ) وهي جديده محد يعرفها وصار مذبحه كبيره بالسلاح وعتيبه برمح وسيف صححوله المعلومه عشان مايضلم احد
ي اخوي نزل قصة عتيبه ضد شمر لما المحايا من عتيبه هزمو شمر 7 مرات و قال شيخ شمر قصيدته الشهيرهه
_
وابن محيا ضايقونا عياله لين اذبحو شمر و راحو مولين❤️ والقصيده طويله
ان كان ابن هندي نوانا ببرزان حنا على عرى قصرنا مسيره + تعال اعلمك كيف منعكم محمد ابن رشيد المهاد تروحون عالية نجد ودفعكم الجزيه ويوم خوفنا الشيباني شيخكم وخليناه ينزل على الحجاز ويوم ابن رشيد توعدكم انه يناحر كل شيوخكم ولا اذكرك
جزاك الله خير
لانك تظهر الحقيقه صدق انت الشخص اللي اصدق كل حرف يقوله
هذا تدنيس بالتاريخ المعركة بين عتيبه وابن رشيد وغزلان فقط كان مع عتيبه والمعركة انتصروا فيها عتيبه انتصار كاسح ولحقو بالغنايم طمع وفزع ابن مهنا ونوخ ورجع ابن رشيد ومن معه وقد تفرق الجيش وكسرو عتيبه وغزلان ولا الانتصار كان ساحق للعتبان وغزلان
🤣🤣🤣🤣🤣🤣🤣🤣🤣
صدقت الانتصار لعتيبه لكن ابن مهنا ساند عتيبه في اخر المعركه وحصل اللي حصل
😂😂😂😂
@@user-uu2vx8zv7h
لو لا حسن نوخ بذربين الايمان
راحت عليكم يابو ماجد كسيره
الحين اضحك عدل ياشمري هذا البرهان
وانت عطني برهانك خل الضحك عنك
😂😂😂😂😂😂😂🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣
القصة ٩٠٪منها صحيح وفيها قليل من المغالطات ، على العموم الوقت هذا مانحتاج نسمع القصص من يوتيوب خاصة اذا حنا مهتمين بالتاريخ في كتب كثيرة ومورخينها عاصرو ذاك الزمان او عاصرو الجيل اللي بعده مباشرة فرواياتهم موثوقة، اما عن الكتب فعلى سبيل المثال : مخطوطة عنوان السعد والمجد للمؤرخ عبدالرحمن الناصر ، مخطوطة تاريخ نجد المؤرخ مقبل الذكير،كتاب النجم اللامع للنوادر جامع المؤرخ محمد العبيد
عنده خلط بالاحداث
نبي قصص عن الامير عبدالعزيز بن متعب ابن رشيد الجنازه لاهنت
ي زيين طاري ديرتي ❤️❤️
انت مقاطي
اتابع عبدالله من ٦ سنوات مايجيب طاري قبيله الا يمدح ويثني عليهم يرحم شايبً رباك
اطقع الرجال وارداها منهو؟ اللي يقول حنا وحنا وانتم وانتم يستهين في قبيله كامله برجالها واعيالها من انت ياخيبان تقيم
حماسك على الغزو والمعارك تراها شل ابوك وحط اخوك ذبح وسلخ قبل المعركه وبعد المعركه يقولون حنا وحنا وانتم وانتم يمدحون العدو في قصايد سجلها التاريخ ماسجلت تعليق يوتيوب من اول الديربي بين عنزه وشمر وديربي بين عتيبه ومطير طحن ماهو دق خشوم قطع روس الان العنزي والشمري كانهم قبيله وحده والمطيري والعتيبي كذلك الديار وحده واللهجه وحده
صح لسانك يبن وايل .
الكلاسيكو متى طيب🤣🤣
الحمدلله على وقتنا وصارت القبايل متحدة اخوان وأسرة وحدة وراحت الجاهلية والطحن والمذابح والفوضى
بيض الله وجهك -
والنعم بزحول الجزيره العربيه
الله يعز تاريخ شمر والرشيد ❤️
الله يعز ابن سعود خل عني خرطيك
@@user-ff9gq2ei1p انشهد حكمهم يرفع الراس
الله يعز من يشاء ويذل من شاء كتب الملك والامامة لاابن سعود ال سعود كانوا يملكون فكرة لتكوين دولة ولهم عقيدة لذلك عاشت فكرتهم بعد كل انكسار حتي تم لهم الملك شمر وابن الرشيد كانوا يملكون الحمية والشجاعة والانتماء القبلي لذلك لم يستطيعوا ان يخضعوا القبايل خارج حدود جغرافيا شمال الجزيرة
الله يرحم ابن رشيد ❤
هالي ينبحون لأهم من الرشيد شمر ولا هم من السعود بس كذا نجاسة وخبث وحقد 😂😂😂😂😂
وين ماذكرت فنجال ابن هندي الي ساقه ابن رشيد في المجلس
لابس النظارات حتى يقراء ومحد ينتبه ..حركه حلوه
للتصحيح
أطراف المعركة
الطرف الأول / قبيلة عتيبة بقيادة الامير عقاب بن شبنان بن حميد
الطرف الثاني / إمارة آل رشيد بقيادة الامير محمد بن رشيد ومعه غير شمر القبائل المواليه له وأهل القصيم يرأسهم حسن بن مهنا
وكان بن رشيد قد ارسل الي راكان بن حثلين يدعوه للمشاركة معه والغزو على قبيلة عتيبة
كما جاء في قصيدة حمود العبيد بن رشيد والرد عليها
والأهم من ذلك ويجب عليك تصحيحه هو ان معركة عروى قبل معركة أم العصافير بـ سنه تقريبا عقاب كان هو الامير في المعركتين واستشهد رحمه الله في معركة ام العصافير
ياخي الكريم تأكد من الاحداث جيداً وانقلها بعد ما تستوعبها
اضف ايضاً ان غزالان وقتها كان قد هرب واستجار بقبيلة عتيبة بعد ما قتل بن رشيد اخوته في الخرج
ونعم شمر ❤️
معليك زود
بيض الله وجهك
بريدة سنام نجد