畸詩集（2004）6 - 男人老狗. prod.kz

[@jieni-y7q]

我知道呢個世界係唔會有免費嘅午餐
所以我決定上深山閉關#x4
獨自住喺山坡 成個山頭得我一個
每當肚餓 求其摘個蘋果
夏日炎炎 除衫剝褲
拖住條狗 通山走 完全唔會有人開口 叫我停手
我狗fingfing手點點頭
男人同老狗手牽手唱住歌上山坡坐坐
喺呢度我可以搵返自我 失落多時嘅我
喺呢一刻感慨良多
我諗我要嘅就係呢種感覺
唔想頻頻撲撲 搞到胃痛發作
明明係唔?乃腳嘅我就唔會老作
明明係自己做錯嘅就絕對唔會卸膊
但係實情係你做好自己個位只會俾人當傻仔
唔通個蒼天真係無眼睇
無乜苦惱 可能你會話我唔長進 永遠唔會進步
但係我有我嘅一本通書俾我睇到老
活得比你好 死得無你咁早
我知道呢個世界係唔會有免費嘅午餐
所以我決定上深山閉關
我知道呢個世界係唔會有免費嘅午餐
所以我一條友拉條狗上山閉關
現實與理想點解偏偏會係兩個樣 現實無理想
你勸我放棄 我當你放屁
我有我嘅一貫態度
唔須要乜嘢左擁右抱 都可以獨自跳舞
講到底我就真係唔甘心
喺度等 喺度諗 喺度尋
找出一個帶領我邁向理想嘅方向
跳入理想之大海去尋找一枝針
唔可以就咁虛渡一生
古語有云 人人為我時我為人人
咁到底呢一套理想理念現實裡面仲有無人會去奉行
仲有無人會為別人去奉獻出少少光陰
仲要係講心唔講金 無
好心唔怕做 但懶好心就好心你唔好做
外面嘅世界瀰漫住一片愁雲慘霧
但係有啲人仲係度唱好 呃細路
我諗阿董生你已經跌入理想嘅圈套
現實係點樣 大家早已知道
講咗咁耐 始終無人領會
可能呢啲只係我嘅睇法
旁人唔會理會
以上說話 純屬個人亂噙
你係咁意聽下就得 唔使你背
總之就一切照舊 逆來順受 一世俾人牽住個鼻子走
搖頭擺尾乖乖地做老細身邊嘅一隻狗
你甘心嘛老友
喂咪再支吾以對 木口木面 一笑置之
邊個係啱邊個係錯行到盡頭至知
一世人長乃乃 總之就有排你捱
明唔明我意思