სალოტბარო სკოლების გალა კონცერტი

28 მაისს, კახიძის მუსიკალურ ცენტრში სალოტბარო სკოლების დაარსებიდან 10 წლისადმი მიძღვნილი კონცერტი გაიმართა.
საქართველოს სხვადასხვა კუთხის სალოტბარო სკოლის მოსწავლეები თბილისელ მსმენელთან შესახვედრად 20 მაისიდან ემზადებოდნენ.
ანზორ ერქომაიშვილის სახელობის ფოლკლორის სახელმწიფო ცენტრის საკონცერტო დარბაზში ინტენსიური რეპეტიციები მიმდინარეობდა.
28 მაისს ჯანსუღ კახიძის მუსიკალურ ცენტრში მოსწავლეებმა სცენაზე გააცოცხლეს საქართველოს სხვადასხვა კუთხის გალობა, სიმღერა და ქორეოგრაფიულ ნიმუშები. პროექტში 32 სალოტბარო სკოლის 500 მოსწავლე მონაწილეობდა.
ღონისძიება მიეძღვნა პირველი სალოტბარო სკოლის დაარსებიდან 10 წლის იუბილეს. ამ ხნის მანძილზე გაიზარდა თაობა, რომელიც გახდა მნიშვნელოვანი რგოლი, ცოცხალი ფოლკლორის გადაცემის უწყვეტი ჯაჭვში.
პროექტის მხარდამჭერია საქართველოს კულტურისა და სპორტის სამინისტრო.