Депутатингизни танийсизми?

Депутатлар бугунги куннинг маош олмайдиган, энг кўп танқид эшитадиган, аммо бошқалардан зиғирча ҳам кам ишламайдиган кишиларидир. Янги Ўзбекистонни бунёд этишда депутатларнинг ўрни халқ орасида бўлмоқда. Одамларнинг муаммоларини эшитишнинг ўзи машаққат аслида. Уларни ҳал этиш, ҳокимият ва халқ ўртасида кўприк вазифасини бажариш учун депутатдан катта бардош, темир асаб ва одамларга нисбатан самимий меҳр лозим. Аммо кўпинча уларнинг ишларини кўриб кўрмасликка, билиб билмасликка оламиз .
Халқ депутатлари Фориш тумани Кенгаши депутати ҳамда котибият мудири Раъно Даулонованинг намунали депутатлик фаолияти бу фикрларимизга тасдиқдир. Унинг депутатлик мандати давомидаги ҳар бир куни халқ дарду ташвишларига ҳамоҳанг.