HTML-код
- Опубликовано: 2 июл 2023
- #MM #牌子嘢 // 連世界冠軍都用香港設計的搖搖！實測600蚊美金的搖搖到底有咩特別！搖搖大王同你講下可樂搖搖歷史！
一拋一接，一拉一收，緊盯在半空旋轉的小球，前臂稍微用力往上勾，終於把小球接回手心，你還記得內心冒起過的那一絲得意嗎？
搖搖，一件你和我總會玩過的玩具。年長一點的，應該會記得香港有過可樂搖搖，對年輕一點的來說，嗯，可能爆旋陀螺比搖搖印象更加深刻。今時今日，踏遍玩具街的店鋪，只想找一隻搖搖，但老闆總會耍下手：「搖搖啊？我哋冇喎。」
這件玩具，可能在你和我的生命中早已銷聲匿跡，偏偏在香港，有一班人，玩搖搖玩了十幾廿年都未覺得厭。有人更加著迷到辭工全職發展香港搖搖品牌，為的是希望推廣搖搖文化，並讓大眾知道，搖搖除了是玩具，也是一種表演藝術。而香港人，也可以製造到自己的搖搖。
今集牌子嘢，我們介紹一下搖搖。
香港的「搖搖大王」
1960年代，羅素搖搖（Russell Yoyo）和可口可樂合作，推出不少人都記得的可樂搖搖，當時會在士多舉行搖搖比賽，汽水公司更會邀請外國表演者來示範搖搖，這些人就叫「搖搖大王」。
香港也有人曾當過「搖搖大王」，香港搖搖技術會創會人兼名譽會長黃文健Ken，今年51歲，他就是香港其中一位「搖搖大王」。
「搖搖大王」個名聽起來非常架勢，但到底這是怎樣的工作？
Ken解釋：「對我黎講，「搖搖大王」其實就係一個Sales，用搖搖推廣可樂。」憶起當時見工的情形，他笑道：「我入去做啲花式畀佢睇，見完之後就要等。等咗一年，佢突然之間send封信嚟，話你已經被取錄啦，跟住寄埋機票畀你，之後自己搞簽證囉。」
就這樣，Ken拿著這張機票飛去韓國，首次當上「搖搖大王」。他後來去過世界各地表演，每次去到一個地方，基本上都是一腳踢，靠自己與當地士多和學校接洽，只是想有一個機會表演搖搖。
搖搖種類千變萬化
早期的搖搖主要是用木材或塑膠製成蛋形固定軸承的搖搖。隨著年代改變及招式的進化，搖搖的外形、軸承和製造材料不斷改進。蛋形演變成蝴蝶形搖搖，固定軸承改良成膠芯或走珠軸承。從1990年代末開始，塑膠搖搖中添加金屬環，並在2000年代中期推出全金屬製搖搖。這些改進使搖搖的性能大幅提升，增加了搖搖花式的可能性，令現代搖搖可以有更多的玩法。
30歲的Justin，玩了搖搖15年，曾在2011和2012年奪得全港搖搖公開大賽離繩組冠軍。他剛學習搖搖的時候，已開始用蝴蝶型搖搖，他說：「以前嘅搖搖做招式可能極限只係十零廿秒，但依家依照已經可以玩到四五十秒，而搖搖空轉嘅時間，已經可以去到五六分鐘或以上。」而搖搖空轉的時間越長，玩家可挑戰，創作的花式就更多更複雜，為搖搖技術推上新層次。
為搖搖放棄全職工作 全心發展本地搖搖品牌
大牌子的搖搖，你或許也略知一二，但你有聽說過香港的搖搖品牌嗎？84年出生的阿反，中二開始玩搖搖，玩到現在變成世界紀錄保持者，更創立香港首個搖搖品牌C3yoyodesign。
第一個教會他搖搖的人，是他媽媽。他說：「我阿媽教我向下掉，然後就等個搖搖喺下面轉，再收返上黎。我就覺得，嘩，點解隻搖搖會停喺下面轉啊？就係呢下，將我個靈魂吸咗入去。」
2008年，他到外國比賽，目睹不同地方都開始發展搖搖品牌，他和兩位朋友Ron和Walter，便開始有了創立香港本地品牌的念頭。就算三人不諳設計，但光憑一股熱血，躲在宿舍房，刨書刨Google，終於設計了第一隻搖搖。2009年，他辭去全職工作，創立C3yoyodesign，現在他們品牌設計的搖搖，連搖搖比賽世界冠軍也有在用。
他說：「其實香港人玩搖搖係好叻嘅，只不過係要搵個機會話畀人聽有幾叻。除咗玩比賽叻之外，我哋香港設計嘅搖搖，仲係可以畀世界冠軍用嘅。我哋希望sponsor香港選手去外國比賽，將有潛質嘅選手帶出外面比賽，呢個係我哋創立呢個品牌嘅目的。」
策劃 ：胡逸華 ANGEL
攝影 ：伍永健、許先煜、葉天榮、潘志恆
剪接 ：楊建邦
監製 ：陳慧敏 MAN
___
MM今年聯乘兩個香港品牌十字牌同望月合作，推出使用香港奶源嘅流心奶黃月餅，包裝有我哋《700萬種生活》唔同故事嘅主人翁，妙妙已經預備好同大家鬥快認出插畫入面嘅所有人啦！
妙妙都已經率先試食咗呢個屬於香港人嘅月餅，一貫望月月餅嘅高水準。
依家仲有早鳥優惠，一盒HK$198，馬上手刀衝㩒入下面條link入貨，自用、送禮都好體面㗎～
Mill MILK x 十字牌 x 望月特別版月餅早鳥優惠預訂中🥮✨👇
www.lalune.com/products/lava-...
___
立即成為 MM Member 啦，每月只需 HKD 40 咋！傳送門：
/ @mm.millmilk
＊建議使用電腦或手機瀏覽器登記，因為目前無法經 RUclips APP 登記成為付費會員
____
MM Website: www.mill-milk.com/
MM Instagram: / mm.millmilk
MM Facebook: / mm.millmilk
____
CHUCKY｜@chuckyching
/ chuckyching
PHOEBE｜@phoebe.unprofessional.journey
/ phoebe.unprofessional....
ELAINE｜@elaine_wow
/ elaine_wow
京｜@phaedruslam
/ phaedruslam
KAREN｜@karen__yukiu
/ karen__yukiu
SAM｜@midwin_
/ midwin_
阿朗｜@mm_longgg
/ mm_longgg
NATALIE ｜@nataliewwong
/ nataliewwong
APPLE | @apple.hiufung
/ apple.hiufung
後記：
大家好，我是新同事Angel，多多指教。
謝謝監製Charles在我搵題搵到不斷碰板嘅時候畀左呢條題我，然後監製阿Man再介紹了Justin畀我認識，不然的話，肯定會碰個焦頭爛額。
再說一件小事。
我打電話畀Justin的時候，佢話：「咁我介紹多兩個人畀你識啦，佢哋成世人就係貢獻左畀搖搖，搵佢哋一定無錯。」
嗰兩個人，係阿反同Ken。
有個老師同我講過，人生可以遇到無數件事，但如果有一兩件能夠真正令你好有感覺，好有心想做好佢的話，咁就夠了。
第一次上阿反Studio問佢關於搖搖嘅資料，佢講到停唔到口，一講，就講左兩個鐘。佢旁邊嘅partner笑笑口話：「兩個鐘，咁咪算少囉。」
我打俾阿Ken問佢搖搖嘅歷史，一講，又係一個鐘起跳。
嗰一刻我覺得佢哋三個好幸運，因為唔係每個人都可以喺人生找到一件事值得你貢獻一生。
祝大家都在人生找到令你火燒心的事。如果找到，希望大家都把握機會，搏老命咁做好佢。
PS：特別鳴謝Sam返黎幫手拍！！阿反其實係Samsam的忠實觀眾嚟HAHA，佢好想見到阿Sam XD
Samsam沒有跌爛個搖搖㗎！大家不要誤會！純粹是小意外！！阿反仲係好愛阿Sam的！
PPS：大大感謝Justin、阿反同阿Ken不斷幫忙check資料！！
新同事冇出鏡
啲資料好似重要努力囉！搖搖有啲招式都要落地㗎啦！(所以點會驚話跌爛個搖搖㗎😅)
加油加油ψ(｀∇´)ψ
個鈦金屬搖搖一跌落地嗰下，金屬嘅平均重量就分散，嘉賓已經有講咁貴嘅 鈦金屬搖搖喺要非常精密製造，你肉眼表面唔覺" 爛咗"，但呢件產品絕對唔可以再原價賣出去。唔信你可以自己去問嘉賓。
雖然個嘉賓自己都知，佢之前冇同你哋講過鈦金屬搖搖係唔可以跌落地呢件事。
至於有啲要掂落地下嘅搖搖花式，除非 玩嗰個人大把錢， 但絕大部分嘅愛好者睇到有人用鈦金屬嚟玩掂地招式都會"嚇呆左"
講咁多只想你留意返下次護航之前自己認真地諗下同了解實情先。 唔係只會變成關公災難again.
@@user-sr1gj2ei2s 長知識了 多謝師兄分享
不過sam應該唔係有心 嘉賓都估唔到會咁
因為Sam真係太矮了 所以原般既長度黎講真係太突然
PS唔係盲撐 只係我個人觀點分享下🙈
大家好，小弟係入邊嗰位鬍鬚傻佬阿反🤣！非常感謝MM嘅訪問令到大家知道香港仲有人玩搖搖而且衝出國際！🪀✨
如果有咩搖搖嘅問題又或者想一齊玩嘅都歡迎搵我哋！小弟嘅RUclips Channel阿反搖搖台入邊都有一啲基本搖搖教學～希望大家多多指教！❤
多謝阿反你送咗隻搖搖（同埋條dna）畀我，雖然大部份時間都係畀唔知邊個同事拎咗嚟玩冇我份😂
@@samleung6959 多謝Sam哥陪我玩yo!!! 我係你超級大fans!!! 😘 全公司得你同Angel有，比着我係你同事都攞嚟玩🤣
@@simpsonyoyoch 🫂
多謝阿反你接受訪問，謝謝你送埋條DNA畀阿Sam～辛苦你哋畀咁多資料我地～
自從玩咗edc everyday carry 之後 知道金屬／其他物料係好有學問 就算睇落平平無奇嘅一舊金屬都可能大有學問 香港品牌加油
70年代，我發明了在搖搖繩盡頭打一個結，通常先玩 蜻蜓點水，先至玩 運轉乾坤，我能夠玩到點水，到運轉乾坤時，條繩可以玩番轉頭的，越玩越短，當時嬴過好多次，分區冠軍，只是一些普通玩具，我朋友嬴了總冠軍，得了一台5000元錄影機
真係好佩服 一啲人淨係將自己嗰一樣嘅興趣玩到極致嘅人
因為沉迷
C3既搖搖真係好正，質量好高，而唔貴，最緊要係香港人自己品牌。
質量❌質素💩
好羨慕3位, 鍾意一樣野, 有朋友一齊為左個樣野努力, 仲可以將呢樣野變成收入, 呢d先叫work life balance, work = life
好有趣的題材。真係令我大開眼界👀like呀👍
阿Ken及各會員加油❤
條片❤❤❤好正
界面做得唔錯👍👍👍👍👍
兒時回憶返晒來, 正呀
好大個米亞推😂😂
12:10 Ding~~~~
😂
講起汽水膠蓋掩換搖搖, 80年代可口可樂都有用呢招出膠毽, 最記得係用穿梭機命名" 挑戰者號", 因為之後挑戰者號爆炸, 所以特別深刻. 個膠毽係金色膠底, 但非常唔好踢. 除可樂之外, 其他汽水都有用膠蓋掩抽獎呢一招, 當年見啲獎品流晒口水, 但永遠唔會抽到, 而且好耐先有零用錢買汽水
好勁呀
阿反真係好犀利!
好懷念細個，冇咩零用錢，死儲爛儲買左隻搖搖玩個個年代😂有個搖搖玩已經好開心
見到你牌子嘅搖搖
會買幾隻香港人牌子
❤❤❤❤❤❤❤
支持你🎉🎉🎉加油
回憶返晒來
一眼認出阿反，院友🤣
希望可以講爆旋陀螺！
當年好鐘意看
大癲！係上過ViuTV 1Take過既搖搖大叔阿反😆 竟然有幸請到佢上節目！
唔識
睇完呢條片先識佢地，佢地好有熱誠阿反份人好有趣
整番集 奇多圈 😋回憶下
我點解會識呀反?因為某熊貓V囉
真。伸縮自在的愛
阿反笑果陣好真心😍做自己想做既野真係好幸福
發神經個陣仲真心
發神經個陣仲真心,有病就唔該睇醫生,遲早比人打鑊金
超速搖搖年代 was when I started, miss those days.
I also started with a butterfly style yoyo, would love to get one again and play again
D童年回憶返曬黎
最初接觸搖搖是 1962 年在澳門新馬路中央酒店七樓, 一邊是賭場, 另一邊是茶樓。我不能進入賭場, 只可以飲茶。
有一次看到一位外國人表演搖搖,都是簡單的上上下下, 和平面向外飛出和收回。
最後是請一位觀眾上臺, 放一個一毫硬幣在耳朵, 表演者揮動搖搖, 把硬幣擊落, 觀眾完全無事。
期待ing
細路果陣喺士多汔水櫃執好多可樂蓋拉環，中過金至尊，銀至尊，幻彩搖搖，免費贈飲😂，日日去執，超懷念😀
嘩 好耐歷史
佢哋玩到咁癲，好型好正好好睇！
超速龍球同極速羅素我細個都買過，可惜搬屋戈時就丟了
買番個支持本地創作！
當年喺公園玩核子分裂 勁多人圍觀XD
同埋我記得TBB未播超速搖搖前 已經喺coco定快樂龍睇過搖搖嘅漫畫先
當時有隻fireball 同學有隻butterfly 我哋已經練緊勁力旋風嗰啲
係coco !
最早期果套叫搖搖之星
coco
舞動超速龍球 ，變做手中狂獸
創造花式穿梭於你我左右 😂
當年都係睇左套野去玩搖搖
可以搵次講卡樂b嗎？🫣（因為熱浪係香港獨有～
佢地幾個好正，睇到我都好開心
第一次接觸係Duncan果隻
之後就係超速搖搖個代😂
雷霆萬鈞其實係講緊當年sam媽見到sam哥車爆部電視後ge反應😂
80s 同學仔們帶回校 小息時玩，而EYT 又有比賽，全城熱潮，汽水都隊多2支去士多換搖搖，和家人去飲宴/晚飯問伙計拿 bottle caps......
我覺得你地下一期會講四驅車
好想玩搖搖🪀呀！（原來有遙遙emoji😮）
DAMN,,,,,,,,睇完想玩返
Thanks
阿京或者怪奇做牌子野或者weeklypedia嘅旁白較吸引 🙌🏻
Good
THX
香港人🎉🎉🎉正能量
第一隻就係Duncan夜光果隻, 最多玩到三⻆鞦韆🤣
12:35 呢隻咩公仔？同搖搖放埋一齊好cute！🤣
香港vtuber米亞, 之前佢地有聯乘整左隻好靚
@@jacklaojack123原來香港都有Vtuber！？之前都有聽過日本Hololive，我真係今日先知道原來香港都有！
Fireball係最靚我覺得
諗返細個為左學一個招式玩成半日......好懷念呀,,,
六百蚊美金買唔起 平啲嗰幾款會買幾隻
🎉🎉🎉🎉🎉🎉🎉
真係好想❤支持你
亞反 😘😘😘
人生第一個搖搖係飲汽水換返嚟嘅揮手區 👋👋
無金色都有紅白
7幾年嗰陣有幾個grade，金/銀最高級、紅/綠+透明邊係中級、紅白係比較平
金/銀係用木芯，其他我記得係鐵芯
當年銀牌，金牌我有十幾廿個，阿爺喺機舖做執晒啲有獎既汽水蓋掩比我😂😂
第一名係金至尊，第二銀至尊，仲有第三唔記得乜名
80年代買可口可樂用可口可樂膠蓋掩換搖搖已經掀熱潮， 同學們會帶自己搖搖回校小息時玩，80年代已經有很多人賣搖搖
Yo yo 打爆電視 好合理
舞動超速龍球
除咗可樂出搖搖同超速搖搖外，好後期都有套漫畫，都有出搖搖，不過就無好似超速搖搖咁掀起咁大嘅熱潮
原來依家出到空轉幾分鐘都唔停 勁
金睛火眼出来啦
好熱血呀媽媽😭😭😭
有冇印方力申既搖搖
我細細個就睇呀反玩搖搖
舞動超速龍球 變做手中狂獸😁
當時2008年真係成班一齊去玩，我都係玩完果年雷霆萬均比賽有第三，呀Ken先肯改第一對膠托比我，可惜我係唔爭氣果班，想pickup番都難。
👍👍👍
依隻叫蝴蝶搖搖🪀記得要可樂，雪碧，換領，我細佬時系佐敦永安百貨公司換😊😊😊😊😊😊
曾幾何時想買返超曲超速龍球嗰隻啤呤瑤瑤
因為玩過一次真係可以空轉好耐
但係搵咗好耐都搵唔到直到現在
舞動超速龍球 化作手中龍獸😂
搖搖就是他們身體的伸延，厲害
舞動超速龍球 變做手中狂獸 創造花式 超速穿梭於你我左右
那懼發光火龍 那懼火速羅素 我要得到那成就 從來沒怕對手
❤❤❤
超速搖搖嘅年代真係痴線 瘋狂到不得了
舞動超速龍球
Lalalalala...
舞動招式lalalalala你我左右😑😂
好好玩好鬼型
識接既一齊接落去🎉
(前奏)
搖動每一個心跳
搖動那心裏低潮
無用怕艱辛也不怕笑
万刀甲
舞動超速龍球，接受新的戰鬥，創造花式超速穿梭於你我左右～😂😂😂
舞動超速龍球...
比以前易玩好多,最記得掉出去返來撞手超痛
我也去过😮店面在观塘
C3yoyodesign 真係唔錯。我想講，以前玩2A，大多都係自行改裝yomega fireball, raider.
但改裝過程有風險，經常摟過頭or摟爆條axle。
但C3隻initiator 好正，無玩起碼15年，我兩年前係日本Rewind網上買翻來一試，回轉同空轉都做得好好。好神奇。
篇幅所限記者都有問到我地呢啲問題，2000年代嘅搖搖發展左20年，而家嘅現代雙手2A搖搖其實都唔係好需要改裝一開盒就玩到～
@@simpsonyoyoch really good job on initiator
青蜓點水，系我強項😅😅😅😅😅😅
阿Ken個樣好似搖搖😂
舞動超速龍球 變做手中狂獸😎
想知邊度買到
我最鐘意招式係帶狗散步🤣
邊道有得賣
想當年睇著超速yoyo
我都有個yoyo夢
阿Sam打爛咗個搖搖唔緊要，最緊要人冇事，人冇事先可以做到世界冠軍🏆
兩個字-清脆
拿一個送上天官太空倉做物理試驗，楊名立萬
上星期在 淺草 unxxqo mochichi 前 🈶人在街上玩緊(日式傳統 搖搖)
請問呢條片出現左幾多次"搖搖"?🤣
😎👍🏻
可唔可以出返可樂搖搖
0:30 🤣話曬識左廿九幾年,屌點會唔識
聽咗好多次，終於發現到，嗱呢啲先係真心朋友😂😂😂😂😂
笑死，撞一撞地，嚇到人地😂😂😊
而家先知原來嗰啲搖搖可以轉耐咁多，十幾秒同埋幾分鐘嘅差別，唔怪之得可以做出咁多動作啦！
8，9分鐘……………開個大番黎仲轉緊😂
資料好似有啲唔啱囉! 可口可樂用搖搖promo 多過一次！70-80年代好多動畫用搖搖做武器香港嗰時都會興㗎啦!