Садыр Жапаров иш сапары менен Астанага келди

Президент Садыр Жапаров бүгүн, 3-июлда, иш сапары менен Казакстандын Астана шаарына келди.
Мамлекет башчысынын борту Астана шаарындагы Нурсултан Назарбаев атындагы эл аралык аэропортко конду.
Президент Садыр Жапаровду Казакстандын премьер-министри Олжас Бектенов жана башка расмий адамдар тосуп алышты.
Аэропорттун флагштокторуна ШКУга мүчө-мамлекеттердин мамлекеттик желектери илинген, килем төшөлүп, ардактуу кароолдун ротасы тизилген.
Эске салсак, иш сапардын алкагында Садыр Жапаров ШКУга мүчө-мамлекеттердин башчыларынын кеңешинин жыйынына катышат.

[@KyrgyzRepublic-i5c]

Колдойм

[@СабираАтаева]

Саякатчы