СВЯТОЙ ПРЕПОДОБНЫЙ АРСЕНИЙ, ИГУМЕН КОНЕВСКИЙ.

#Православие, #Христианство, #русскийсвятой, #ПреподобныйАрсенийКоневский, #житиясвятых, #житиеПреподобногоАрсенияКоневского, #ПреподобныйАрсенийигуменКоневский
Тропарь:
Боже́ственною любо́вию возгоре́вся, мирска́я пристра́стия от души́ отве́ргше, те́сным путе́м по́стничества во след Христа́ невозвра́тным умо́м ше́ствовал еси́, Арсе́ние всеблаже́нне, от Него́же и мзду трудо́в твои́х на Небесе́х восприи́м, помина́й нас, чту́щих святу́ю па́мять твою́ и вопию́щих: сла́ва Да́вшему ти кре́пость, сла́ва Венча́вшему тя, сла́ва Де́йствующему тобо́ю всем исцеле́ния.
Ин тропарь:
Ду́хом Бо́жиим наставля́емый, возлюби́л еси́ безмо́лвие, в не́мже ева́нгельски подвиза́ющуся, пречу́дный Афо́нский дар - Богома́тере ико́на, дарова́ся ти, всеблаже́нне, и, о́браз доброде́телей быв ста́ду твоему́, Арсе́ние о́тче наш, к Го́рнему торжеству́ возше́л еси́, иде́же со А́нгелы ликовству́я, моли́ Христа́ Бо́га спасти́ся душа́м на́шим.
Кондак:
Трисия́тельнаго Божества́ сия́нием просвети́в се́рдце твое́, преподо́бне, светови́ден весь яви́лся еси́ доброде́тельми, я́ко и Го́ру Афо́нскую свет трудолю́бия твоего́ озари́, иде́же святу́ю ико́ну Со́лнца и́стиннаго, Христа́, и Его́ Пречи́стыя Ма́тере в дар прии́м, на о́стров Нева́ е́зера прише́д, оби́тель устро́ил еси́, всеблаже́нне. Тем, ве́рою и любо́вию к тебе́ притека́юще, ра́достно вопие́м: ра́дуйся, пресве́тлый свети́льниче, Арсе́ние, о́тче наш.
Молитва:
О всеблаже́нне и Богоно́се Арсе́ние, о́тче наш! Сый во сла́ве Небе́снаго Царя́ Христа́ Бо́га, предстоя́ Престо́лу Его́ со все́ми Его́ святы́ми, не пре́зри нас, до́лу су́щих, гре́шных и недосто́йных, со слеза́ми тебе́ моля́щихся, но приими́ серде́чное стена́ние и бре́нных усте́н моле́ние сие́ на́ше. Тебе́ бо вси мо́лимся, о преподо́бне о́тче, и тебе́ умиле́нно про́сим: бу́ди о нас хода́тай и моли́твенник тепле́йший ко Всеблаго́му Бо́гу. Моли́ бла́гость Его́, е́же спасти́ нас от прегреше́ний на́ших, и́миже весть судьба́ми. Моли́ся щедро́там Его́, е́же подава́ти ще́дро всему́ ми́ру потре́бная. Моли́ся Даю́щему всем мир низпосла́ти мир це́рквам, собира́я расточе́нныя воеди́но, сохрани́ти зе́млю Ру́сскую в ми́ре и тишине́, и всем ве́рным в до́ме, и на пути́, и на мо́ри, и повсю́ду дни бла́ги и безмяте́жны дарова́ти; благослови́ти труды́ отце́в и бра́тий на́ших и прости́ти всех согреше́ния во́льная и нево́льная, я́ко да сподо́бимся и мы, гре́шнии, вку́пе с тобо́ю сла́вити Отца́ и Сы́на и Свята́го Ду́ха в безконе́чныя ве́ки. Ами́нь.

[@ТатьянаКолесникова-ф2ц]

Слава тебе, Боже наш, слава тебе. Господи, помилуй нас. Пресвятая Богородица, спаси нас. Преподобный Арсений, игумен Коневский, моли Бога о нас. Все святые, молите Бога о нашей матушке России. Боже, милостив буди мне грешной. Господи, на все святая воля твоя🙏🙏🙏